Fréttablaðið - 03.02.2008, Blaðsíða 80

24 3. febrúar 2008 SUNNUDAGUR
sport@frettabladid.is
> KSÍ mylur gull
Knattspyrnusamband Íslands, KSÍ, heldur áfram að mala
gull og skilaði enn einu sinni góðum hagnaði á síðasta
rekstrarári. Hagnaður ársins 2007 var 66,6 milljónir króna
sem gerir það að verkum að eigið fé sambandsins stendur
nú í tæplega 350 milljónum króna. Fjármunatekjur skiluðu
sambandinu góðum hagnaði líkt og undanfarin ár en fjár-
munatekjur ársins 2007 voru tæplega 150 milljónir króna.
Vilhjálmur Ingi Halldórsson er genginn í Stjörnuna á nýjan leik og
hann spilar sinn fyrsta leik með félaginu í kvöld er það sækir HK
heim í Digranes. Vilhjálmur hefur síðustu tvö og hálft ár leikið í
Danmörku. Fyrstu tvö árin með Skjern og svo með Lemvig.
„Þetta gekk allt furðufljótt fyrir sig og það er svolítið síðan ég
samdi við Stjörnuna. Lemvig var mjög sanngjarnt en Stjarnan
þurfti að borga eitthvað fyrir mig. Það kom aldrei annað til
greina en að koma heim í Stjörnuna fyrst ég var að koma
heim á annað borð,“ sagði Vilhjálmur við Fréttablaðið
en umhverfið hefur breyst talsvert eftir að hann fór út
enda Stjarnan flutt á nýjan heimavöll.
„Mér líst mjög vel á þetta og hlakka til. Liðið hefur
mikið breyst líka og er skemmtilegt. Það tekur smá
tíma að venjast nýja húsinu en mér hefur fundist
fínt að æfa þar. Það er samt alltaf eins og að
fara á útivöll að mæta á æfingar þarna,“ sagði
Vilhjálmur léttur en hann er ánægður með árin
í Danmörku.
„Þetta var snilldartími. Sérstaklega hjá Skjern
með öllum Íslendingunum og liðinu gekk líka
mjög vel bæði heima og í Evrópukeppninni. Skjern er frábær
klúbbur og mér leið mjög vel þar. Lemvig var fínt í upphafi
en svo fjaraði svolítið undan þessu og ég fékk mig því
bara lausan. Þetta var gríðarlega mikil reynsla sem ég bý
að,“ sagði Vilhjálmur sem fékk lítið að spila sóknarleik í
Danmörku en hann var mikil skytta hér heima og komst í
íslenska landsliðið á tímabili.
„Ég bætti mig eðlilega mikið í vörninni á þessum tíma en
ég vildi líka spila meiri sókn og það var nú ein aðalástæð-
an fyrir því að ég fór frá Skjern. Ég er eflaust svipaður
leikmaður en hef samt skólast mikið á þessum tíma.
Ég þarf aðeins að hressa upp á sóknina hjá mér og fá
hittnina aftur,“ sagði Vilhjálmur en honum leggst vel á
það sem eftir er tímabilsins og stefnir á að ná árangri
með Stjörnunni.
„Mér líst mjög vel á þjálfarateymið okkur og þeir vega
vel upp hvorn annan. Svo er hópurinn skemmtilegur og
sterkur. Þetta lið á að geta farið langt og það væri ekki
verra að landa titlinum í ár.“
HANDKNATTLEIKSKAPPINN VILHJÁLMUR HALLDÓRSSON: KOMINN HEIM Í HEIÐARDALINN FRÁ DANMÖRKU
Kom aldrei annað til greina en að fara í Stjörnuna
KÖRFUBOLTI Snæfell er komið í
úrslit Lýsingarbikars karla eftir
öruggan stórsigur á Njarðvík, 77-
94, í Ljónagryfjunni í Njarðvík.
Snæfell var einfaldlega mikið
betra liðið í leiknum og verðskuld-
aði sigurinn sem og farseðilinn í
bikarúrslitin þar sem liðið mætir
annaðhvort Skallagrími eða Fjölni
en þau mætast í hinum bikarúr-
slitaleiknum í kvöld.
„Ég er pottþéttur á að við fáum
Skallagrím. Það verður bara frá-
bært. Það eru allir svo miklir
sveitamenn þarna fyrir vestan að
þeir munu allir mæta í stígvélum
og lopapeysum í Laugardalshöll-
ina. Þetta verður alvöru fjör.
Mjólkurbíllinn og allur pakkinn,“
sagði Hlynur Bæringsson, fyrir-
liði Snæfells, kampakátur í leiks-
lok.
Hlynur átti mjög fínan leik og
þá sérstaklega í fyrri hálfleik þar
sem hann skoraði 16 stig en skaut
samt aðeins fjórum sinnum utan
af velli. Það gera fjögur stig á
skot. Geri aðrir betur. Hann tók
þess utan 12 fráköst í hálfleiknum
og fékk ekki á sig eina einustu
villu þrátt fyrir hávær mótmæli
úr stúkunni.
Þessi stórleikur Hlyns, sem og
Justin Shouse sem einnig lék vel,
gerði það að verkum að Snæfell
leiddi með 15 stigum í hálfleik, 30-
45.
Snæfell var mun grimmari aðil-
inn strax frá upphafi og Njarðvík-
ingar voru einfaldlega ekki tilbún-
ir slaginn. Þeir rifu sig upp um
tíma, minnkuðu muninn í þrjú stig,
22-25, en þá féll þeim allur ketill í
eld á nýjan leik.
Með bakið upp við vegginn
mættu Njarðvíkingar værukærir
til síðari hálfleiksins og gestirnir
úr Hólminum kláruðu dæmið til-
tölulega snemma. Heimamenn
tóku nokkra dauðakippi en þeir
stóðu stutt yfir. Stórsigur Snæfell-
inga því staðreynd og þeir fögn-
uðu vel og innilega í leikslok.
Áður hefur verið minnst á góða
frammistöðu Hlyns og Shouse en
Magni Hafsteinsson kom líka
sterkur inn og endurkoma hans
hefur heldur betur haft góð áhrif á
þetta Snæfells-lið sem er allt í
einu til alls líklegt.
„Ég átti von á erfiðari leik. Mér
fannst við spila hörkuvörn í leikn-
um og leikurinn var góður af
okkar hálfu,“ sagði Hlynur en það
var hart tekist á, menn rifust og
leikmenn Njarðvíkur voru meðal
annars með einhver handbolta-
leiðindi við Hlyn og sögðu honum
bara að drífa sig á handboltaæf-
ingu. „Svona á þetta bara að vera.
Alvöru barátta. Fólk er ekkert
komið til að horfa á einhvern
KFUM-bolta.“
Teitur Örlygsson, þjálfari Njarð-
víkur, var eðlilega súr í leikslok.
„Við áttum aldrei möguleika í
Snæfell að þessu sinni. Ég veit
ekki hvað var að hjá okkur. Við
mættum ekki tilbúnir ólíkt Snæ-
felli sem var klárt frá upphafi og
spilaði virkilega vel. Þetta var
hræðilega svekkjandi, ég get ekki
neitað því,“ sagði Teitur súr.
- hbg
Hlynur Bæringsson vill fá Skallana í bikarúrslitum eftir sigur Snæfells á Njarðvík:
Allir sveitamennirnir munu
mæta í stígvélum og lopapeysum
STERKUR Hlynur Bæringsson átti sannkallaðan stórleik með Snæfelli gegn Njarðvík
í Ljónagryfjunni í gær. Hann skoraði grimmt og tók þess utan fjölda frákasta enda
ákaflega grimmur undir körfunni. VÍKURFRÉTTIR/ÞORGILS
Lýsingarbikar karla:
Njarðvík-Snæfell 77-94 (30-45)
Stig Njarðvíkur: Damon Bailey 28 (10 fráköst),
Brenton Birmingham 16 (6 stolnir), Hörður Axel
Vilhjálmsson 14, Sverrir Þór Sverrisson 7, Jóhann
Árni Ólafsson 5, Guðmundur Jónsson 3, Egill
Jónasson 2, Friðrik Stefánsson 2.
Stig Snæfells: Justin Shouse 27 (5 stolnir), Hlyn-
ur Bæringsson 19 (19 fráköst, 3 þristar), Sigurður
Þorvaldsson 15, Magni Hafsteinsson 13, Jón
Ólafur Jónsson 8, Slobodan Subasic 6, Anders
Katholm 3, Árni Ásgeirsson 3.
N1-deild kvenna:
Haukar-Valur 25-33 (14-12)
Mörk Hauka (skot): Ramune Pekarskyte 8
(15/1), Sandra Stojkovic 7/3 (10/3), Erna Þrá-
insdóttir 4 (5), Harpa Melsted 3 (8), Nína Kristín
Björnsdóttir 3 (14/2), Ausra Gecenic (1), Hekla
Hannesdóttir (1), Sigrún Brynjólfsdóttir (1), Hind
Hannesdóttir (1),
Varin skot: Laima Miliauskaite 10 (33/3 30,3%),
Helga Torfadóttir 1 (6/2 16,7%), Bryndís Jóns-
dóttir 4 (9 44,4%)
Hraðaupphlaup: 5 (Erna 3, Ramune 2)
Fiskuð víti: 6 (Erna 2, Nína 2, Sigrún, Harpa)
Utan vallar: 4 mínútur
Mörk Vals (skot): Hafrún Kristjánsdóttir 7/5
(7/5), Eva Barna 6 (9), Íris Ásta Pétursdóttir 5
(8), Nora Valovics 4 (5), Kristín Collins 3 (5),
Hildigunnur Einarsdóttir 2 (2), Katrín Andrés-
dóttir 2 (3), Dagný Skúladóttir 2 (3), Rebekka
Skúladóttir 1 (1), Ágústa Edda Björnsdóttir 1 (5),
Kristín Guðmundsdóttir (4)
Varin skot: Berglind Hansdóttir 18/2 (40/3
45%), Jolanta Slapikiene 4 (7/2 57,1%)
Hraðaupphlaup: 16 (Kristín Collins 3, Íris 3,
Dagný 2, Eva 2, Hildigunnur 2, Rebekka, Katrín,
Nora, Ágústa)
Fiskuð víti: 5 (Kristín G. 2, Ágústa, Eva, Hildi-
gunnur)
Utan vallar: 2 mínútur
N1-deild karla:
ÍBV-Fram 21-30
Tveir leikir fara fram í N1-deild karla í dag er HK
tekur á móti Stjörnunni og Afturelding tekur á
móti Akureyri.
Í N1-deild kvenna fer fram einn leikur en Akur-
eyri tekur á móti Fylki.
ÚRSLIT