Fréttablaðið - 03.02.2008, Blaðsíða 83
SUNNUDAGUR 3. febrúar 2008 27
Opnunartími:
Sunnudag 12 – 18
Eigum gríðarlegt úrval af
tröppum og fylgihlutum Athugið opið í dag
NFL Úrslitaleikur ameríska fót-
boltans, Super Bowl eða Ofurskál-
in, fer fram í kvöld þegar hið
ósigraða lið New England Patriots
mætir New York Giants í Arizona.
Patriots hefur unnið alla leiki sína
á tímabilinu og Patriots er aðeins
annað liðið sem nær þeim
árangri.
Fyrsta liðið til að gera það var
Miami Dolphins árið 1972. Þá var
tímabilið hins vegar tveim leikj-
um styttra en það er í dag og því
hefur Patriots þegar unnið fleiri
leiki í röð en Dolphins. Patriots á
þó eftir að vinna stóra leikinn sem
Dolphins gerði á sínum tíma. Tak-
ist það verður árangur Patriots
einstakur og 2007-liðsins verður
klárlega minnst sem besta liðs í
sögu deildarinnar.
Í veginum stendur New York
Giants sem er leitt af hinum unga
Eli Manning sem er yngri bróðir
Peytons Manning, leikstjórnanda
Indianapolis Colts, sem vann
Super Bowl á síðasta ári. Giants
átti ekkert sérstakt tímabil og rétt
komst inn í úrslitakeppnina þar
sem liðið hefur algjörlega farið á
kostum og meðal annars lagt Dall-
as Cowboys og Green Bay Packers
á útivelli.
Liðin mættust síðast í lokaum-
ferð deildarkeppninnar en þá var
Giants næstum búið að eyðileggja
hið fullkomna tímabil Patriots.
Giants leiddi með tólf stigum í
lokaleikhlutanum en Tom Brady,
leikstjórnandi Patriots, kom til
baka enn eina ferðina og sá til þess
að Patriots landaði sætum þriggja
stiga sigri, 38-35.
Leikurinn er í beinni útsendingu
á Sýn og hefst útsending klukkan
22.45. - hbg
Úrslitaleikurinn í ameríska fótboltanu, Super Bowl, fer fram í kvöld á milli Patriots og Giants:
Patriots getur orðið besta lið sögunnar
GULLDRENGUR Tom Brady, leikstjórnandi
New England Patriots, er að stimpla
sig endanlega inn sem einn besti
leikstjórnandi í sögu NFL og er mikið
borinn saman við Joe Montana,
fyrrum leikstjórnanda 49ers,
þessa dagana. NORDIC PHOTOS/GETTY
NFL Ekki eru allir leikmenn New
York Giants fullkomlega klárir í
slaginn gegn Patriots í kvöld.
Helsti höfuðverkur Risanna er
meiðsli stjörnuútherja þeirra,
Plaxico Burress, sem er meiddur
á hné og ökkla. Hann hefur þar af
leiðandi sama sem ekkert æft í
vikunni en Giants mun engu að
síður tefla honum fram í leiknum.
Burress er reyndar búinn að vera
meiddur í allan vetur og hefur
lítið æft en það hefur ekki
stöðvað hann frá því að spila.
Varnarmaðurinn sterki, Osi
Umenyiora, er slappur í lærinu
og æfði ekki á föstudag. Giants
vonast til þess að hann verði klár
í leikinn. - hbg
Meiðsli hjá NY Giants:
Óvissa með
Burress
PLAXICO BURRESS Getur vonandi spilað
í kvöld. NORDIC PHOTOS/GETTY IMAGES
NFL Super Bowl-leikurinn er
stærsti einstaki íþróttaviðburður
heimsins og er leikurinn sýndur í
beinni útsendingu úti um allan
heim.
Í Bandaríkjunum ríkir sann-
kölluð þjóðhátíðarstemning þegar
leikurinn fer fram og teiti í öðru
hverju húsi. Forseti Bandaríkj-
anna, George W. Bush, lætur
leikinn ekki fram hjá sér fara
frekar en samlandar hans.
„Ég er mjög spenntur fyrir
leiknum og mun vaka eins lengi
og ég get,“ sagði Bush sem er
mikill íþróttaáhugamaður og átti
meðal annars hafnaboltaliðið
Texas Rangers á sínum tíma.
Hans lið í boltanum er að
sjálfsögðu Dallas Cowboys. - hbg
Allir horfa á Super Bowl:
Bush spenntur
fyrir leiknum
GEORGE BUSH Sést hér með Peyton
Manning eftir Super Bowl í fyrra.
NORDIC PHOTOS/GETTY IMAGES
NFL New England Patriots-liðið
hafði nokkrar áhyggjur af
ökklameiðslum leikstjórnanda
síns, Tom Brady, eftir að hann
sást með umbúðir um ökklann
tveim vikum fyrir Super Bowl.
Meiðslin virðast aftur á móti
ekki hafa háð Brady síðustu
dagana fyrir leikinn og hann
hefur æft af fullum krafti án þess
að vera bundinn um ökkla.
Annars eru allir heilir í liði
Patriots. Eina áhyggjuefnið er
útherjinn Jabar Gaffney sem er
að glíma við smávægileg meiðsli
en ætti að geta spilað. - hbg
Engar áhyggjur hjá Pats:
Brady er klár
í slaginn