Fréttablaðið - 05.02.2008, Blaðsíða 2
2 5. febrúar 2008 ÞRIÐJUDAGUR
Kjartan, kemur þetta ekki með
kalda vatninu?
„Þurfti ekki bara gott kuldakast til
að kæla menn niður?“
Metnotkun varð á heita vatninu á
höfuðborgarsvæðinu um hádegisbil
á laugardag. Kjartan Magnússon er
stjórnarformaður Orkuveitu Reykjavíkur.
Saltkjöt og baunir Verð áður 2.998.-
1.949 kr.kg
Réttur dagsins
DÓMSMÁL Tólf manna kviðdómur
mun kveða upp sektar- eða sýknu-
dóm yfir íslenskum karlmanni í
stærsta fíkniefnamáli sem upp
hefur komið í Færeyjum. Þetta
segir Linda Margarete Hassel-
berg, saksóknari í málinu.
Þetta mál er angi af Pólstjörnu-
málinu svokallaða, þegar um 40
kíló af fíkniefnum fundust í skútu
í Fáskrúðsfjarðarhöfn.
Lögregla leitaði hjá manninum
sem búsettur hefur verið í Fær-
eyjum, eftir að þeir tveir menn,
sem sigldu fíkniefnaskútunni frá
Hjaltlandseyjum til Íslands höfðu
stoppað um hríð í Færeyjum. Í
skotti bíls mannsins fann lögregl-
an um tvö kíló af fíkniefnum. Um
var að ræða e-töfluduft og amfet-
amín. Rannsókn málsins er lokið.
Íslendingurinn verður ákærður
fyrir að hafa haft í fórum sínum
ofangreint magn af fíkniefnum.
Einnig fyrir hlutdeild í Pólstjörnu-
málinu, þar sem hann er grunaður
um að hafa aðstoðað Íslendingana
sem reyndu að smygla 40 kílóum
af amfetamíni, e-töfludufti og e-
töflum til landsins í september.
Maðurinn hefur tengsl bæði hér á
landi og í Færeyjum, þar sem hann
hefur búið um tíma og haft þar
mismunandi dvalarstaði. Hann
hefur verið við vinnu þar en á ekki
afbrotaferil að baki.
„Það er mjög sjaldgæft að kvið-
dómur sé kallaður saman í Fær-
eyjum,“ segir Linda Margarete
Hasselberg. „Það gerðist einu
sinni á síðasta ári, en þá höfðu
liðið tuttugu ár án þess að hann
hefði verið kallaður til.“
Ástæða þess að kviðdómur mun
fella sektar- eða sýknudóm í máli
Íslendingsins er sú að brot hans
eru talin geta varðað fjögurra ára
fangelsi eða meira í Færeyjum.
Hann hefur neitað sök. Tólf
manna kviðdómurinn verður
valinn af lista með nöfnun 60
almennra borgara í Færeyjum. Ef
meirihluti kviðdóms segir sak-
borning sekan er það síðan kvið-
dóms og dómara að ákvarða í
sameiningu refsingu hans. Vægi
dómara er þá tólf atkvæði og
vægi kviðdóms einnig tólf. Meiri-
hluti atkvæða ræður hve refsing
sakbornings verður þung. Gert er
ráð fyrir að dómur verði kveðinn
upp í mars.
Íslendingurinn sem um ræðir
hefur setið í gæsluvarðhaldi í
Færeyjum síðan 21. september.
Hann á yfir höfði sér brottvísun
og innkomubann í Færeyjum eftir
afplánun dóms sem kveður á um
tveggja ára fangelsisvist eða
meira. jss@frettabladid.is
PÓLSTJÖRNUMÁLIÐ Langstærstur hluti fíkniefnanna sem fundust í Fáskrúðsfjarðar-
höfn. Tvö kíló til viðbótar fundust í Færeyjum, í skotti bíls hjá 24 ára Íslendingi.
Skútumaður fyrir
kviðdóm í Færeyjum
Íslendingur sem setið hefur í gæsluvarðhaldi frá því í september í Færeyjum
vegna Pólstjörnumálsins fer líklega fyrir kviðdóm þar. Hann er ákærður fyrir
vörslu á tveimur kílóum af fíkniefnum svo og aðild að stóra málinu.
LÖGREGLUMÁL „Þetta er auðvitað gríðarlegt áfall fyrir
starfsfólkið en það brást allt hárrétt við í þessum
aðstæðum,“ sagði Már Másson, upplýsingafulltrúi
Glitnis, en skömmu eftir að útibú bankans við Lækjar-
götu var opnað í gærmorgun réðst þar inn maður
vopnaður öxi og heimtaði peninga af starfsfólki.
Lögreglan á höfuðborgarsvæðinu sendi frá sér
lýsingu á ræningjanum skömmu eftir ránið og fljótlega
var maður handtekinn í Aðalstræti en sá var talinn búa
yfir upplýsingum um málið. Öxin sem notuð var til að
ógna starfsfólki fannst svo stuttu síðar í herbergi
gistiheimilis Hjálpræðishersins en þar hafði einn
mannanna dvalið. Lögreglan handtók svo tvo menn við
Garðatorg í Garðabæ og var annar þeirra með
peningana í fórum sínum en samkvæmt heimildum
Fréttablaðsins nam upphæðin um það bil einni milljón
króna.
Í gærkvöldi leitaði lögregla svo fjórða mannsins en
að sögn Ómars Smára Ármannssonar, yfirlögreglu-
þjóns hjá auðgunarbrotadeild lögreglunnar, veit
lögreglan hver sá maður er og bjóst hann við því að ná
tali af honum innan skamms.
Mennirnir voru allir rétt rúmlega tvítugir og
búsettir í Reykjavík. Ómar segir að svo virðist sem
ránið hafi virst lítillega skipulagt. Ekki er vitað hvað
mennirnir hugðust gera við ránsfenginn en Ómar segir
að almennt séu flest rán sem framin eru á Íslandi
annaðhvort vera til að fjármagna fíkniefnaneyslu eða
greiða niður skuldir vegna hennar.
Málið telst að mestu upplýst. - kdk
Fjórir menn um tvítugt í haldi lögreglu vegna bankaránsins í Lækjargötu:
Ógnaði starfsfólki með öxi
SKÖMMU EFTIR RÁNIÐ Útibúi Glitnis í Lækjargötu var lokað
eftir ránið, sem varð um níuleytið, og þar til klukkan hálftólf
um hádegi. FRÉTTABLAÐIÐ/ANTON
ALÞINGI Árni Johsen, þingmaður
Sjálfstæðisflokks, vill að Alþingi
sjálft stundi sjónvarpsdagskrár-
gerð með fréttum og umræðum
um þingstörfin.
Árni opinberaði þessa skoðun
sína á þinginu í gær í umræðum
um útvörpun þingfunda.
„Það hlýtur að koma að því fyrr
en seinna að þessi leið verði valin
því að auðvitað getur hæstvirt
Alþingi ekki staðið undir því til
lengdar að láta misvitra túlkunar-
menn velja það og hafna sem þing-
menn eru að fjalla um,“ sagði Árni
í ræðu sinni.
Hann kvað þau vinnubrögð fjöl-
miðlamanna að velja hvað birt
væri úr ræðum þingmanna skekkja
málflutning og kynningu frá
Alþingi auk þess sem þau skekktu
dómgreind og rugluðu fólk.
„Ég held að það væri mjög
spennandi að hugsa þessa leið og
taka svolítið völdin af sjálfskipuð-
um pistlahöfundum sem eru að
leika sér með fjöreggið á margan
hátt við meðferð mála eins og
þeim sýnist en ekki á forsendum
þeirra sem koma með þau og
kynna þau,“ sagði Árni.
Mörður Árnason hjá Samfylk-
ingunni gat ekki tekið undir hug-
mynd Árna, sagði að tæpast yrði
samkomulag um dagskrá og frétt-
ir slíkrar Alþingissjónvarpsstöðv-
ar „og kannski bara betra að láta
fjölmiðlana okkar aðra um þann
þátt málsins.“
- bþs
Árni Johnsen segir fjölmiðla skekkja málflutning þingmanna og rugla fólk í ríminu:
Þingið segi fréttir af sjálfu sér
ÁRNI JOHNSEN Þingmaðurinn lýsti þeirri
skoðun sinni á þingi á gær að Alþingi
ætti sjálft að sjá um fréttaflutning í
sjónvarpi.
VEÐUR Elliðaá flæddi yfir bakka
sína í gærmorgun og náði flóðið
yfir Rafstöðvarveg svo honum
var lokað í nokkra klukkutíma.
Ástæðan fyrir flóðinu er sú, að
sögn Eiríks Hjálmarssonar,
upplýsingafulltrúa Orkuveitunn-
ar, að vegna þessa mikla kulda-
kasts sem verið hefur myndast
grunnstingull á botni árinnar.
„Þetta eru ísnálar sem sökkva til
botns og festast þar,“ segir
Eiríkur. „Það var ekkert annað að
gera en að kalla til gröfumann og
hann hrærði í þessu og þá tekur
straumurinn þetta burtu.“ Hann
segist ekki vita til þess að
nokkurt tjón hafi hlotist af. - jse
Kuldakastið hefur víða áhrif:
Elliðaá flæðir
yfir bakka sína
HRÆRT Í ELLIÐAÁ Gröfumaður losaði
ísinn sem straumurinn rak svo sína leið.
FRÉTTABLAÐIÐ/ANTON
LÖGREGLUMÁL Stjórnandi snjór-
uðningstækis slapp með skrekk-
inn í Kambanesskriðum þegar
snjóflóð féll þar á veginn eftir
hádegi í gær. Að sögn Jónasar
Vilhelmssonar, lögreglumanns á
Eskifirði, var heppni að tækið
snerist á veginum undan flóðinu
en fór ekki tugi metra niður í sjó.
Á Fagradal aðstoðuðu björgun-
arsveitarmenn ökumenn fjölda
bíla sem voru fastir í ófærð.
„Sumir neituðu tilmælum
björgunarsveitarmanna um að
snúa við svo við vorum komnir á
fremsta hlunn með að skerast í
leikinn þegar menn höskuðu sér
loks til baka,“ segir Jónas. - gar
Snjóflóð í Kambanesskriðum:
Hætt kominn
við snjóruðning
Snjóhengja féll á fimm ára
Fimm ára stúlka var hætt komin
þegar snjóhengja féll á hana af
húsþaki á Akureyri í fyrrakvöld. Að
sögn Ríkisútvarpsins heyrði móðir
telpunnar skruðninga, fór út og gróf
dóttur sína upp úr snjónum.
AKUREYRI
BANDARÍKIN, AP George W. Bush
Bandaríkjaforseti lagði fram
síðasta fjárlagafrumvarp sitt á
embættistíð sinni í gær. Lagði
hann mesta áherslu á aukin
framlög til hermála og eflingu
efnahags með því að standa vörð
um fyrirhugaðar skattalækkanir.
Í frumvarpinu er gert ráð fyrir
útgjöldum næsta fjárlagaár upp á
rúmlega þrjú þúsund milljarða
dollara sem jafngildir rúmum 200
þúsundum milljarða króna.
Demókratar gagnrýndu
frumvarpið og sögðu lausnir
skorta á vaxandi hallarekstri sem
myndi lenda á næstu stjórn að
lagfæra. - sdg
Síðasta fjárlagafrumvarp Bush:
Fjárlög 200 þús-
und milljarðar
LÖGREGLUMÁL Tuttugu og fimm
grömm af amfetamíni fundust við
bíl- og húsleit lögreglunnar á
Akureyri í fyrrinótt. Hluti
efnisins var ætlaður til sölu.
Málið hófst þegar lögreglan
stöðvaði bifreið þar sem hún var
vanbúin til vetraraksturs, auk
þess sem of margir farþegar voru
í henni. Í bílnum reyndust vera
þekktir fíkniefnaneytendur.
Fjögur grömm af amfetamíni
fundust í hanskahólfinu, eitt
gramm á einum farþega, sextán á
öðrum og fjögur við húsleit. Sá
sem var með grömmin sextán á
sér viðurkenndi að hafa ætlað að
selja efnið. - sþs
Lögreglan á Akureyri:
Fundu fíkniefni
í vanbúnum bíl
SVÍÞJÓÐ Flugmaður á herflutninga-
vél af gerðinni Hercules TP 84
flaug á 350 kílómetra hraða í
minna en fimm metra hæð yfir
höfði félaga sinna í sænska
hernum um helgina. Þetta segist
hann hafa gert til að sýna
þakklæti sitt eftir vel heppnaða
æfingu. Lágmarks flughæð fyrir
svona vél er 30 metrar.
„Ekkert mátti út af bera. Ekki
þurfti mikið til að þetta breyttist í
martröð,“ hefur Aftonbladet eftir
Johan Svetoft, yfirmanni í
sænska hernum. - ghs
Sænskur herflugmaður:
Lífshættulegt
lágflug
SPURNING DAGSINS