Fréttablaðið - 05.02.2008, Blaðsíða 16

16 5. febrúar 2008 ÞRIÐJUDAGUR
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á auglysingar@frettab-
ladid.is eða hringja í síma 550 5000.
Samorka, samtök orku- og veitufyrir-
tækja, heldur í samstarfi við hitaveitur
á landinu upp á 100 ára afmæli hita-
veitu á Íslandi. Afmælið miðast við
frumkvöðlastarf Stefáns B. Jónssonar
sem virkjaði hver til hús hitunar á
Suður-Reykjum í Mosfellssveit árið
1908 og verður þessum tímamótum
fagnað á fjölbreyttan hátt.
„Samorka og Mosfellsbær hafa í
sameiningu valið úr tillögum í sam-
keppni um útilistaverk sem reist verð-
ur við Þverholt í hjarta Mosfellsbæjar
en auk 100 ára afmælis hitaveitunnar
er verkið unnið í tilefni af 20 ára af-
mæli Mosfellsbæjar. Niðurstaða sam-
keppninnar verður kynnt fljótlega
samhliða sýningu á tillögunum og verð-
ur hún haldin í Bókasafni Mosfellsbæj-
ar,“ segir Gústaf Adolf Skúlason, að-
stoðarframkvæmdastjóri Samorku,
áhugasamur og bætir við: „Svo er ým-
islegt fleira í bígerð. Valdimar Leifs-
son og Ari Trausti Guðmundsson eru
að vinna að heimildamynd fyrir sjón-
varp um hitaveitur á Íslandi og Heil-
brigðisvísindastofnun Háskólans á Ak-
ureyri er að vinna að samantekt um
heilsufarsáhrif heitavatnsnotkunar á
Íslandi sem eru mikil.“ Samorka vill á
þessum tímamótum beina sjónum fólks
að því mikilvæga hlutverki sem heita
vatnið hefur gegnt í því skyni að bæta
heilsufar og almenn lífsgæði Íslend-
inga. „Við þekkjum öll sögurnar af því
hvernig Reykjavík var áður. Það eru til
myndir af borginni með kolareyk yfir
byggðinni og því fylgdi óþrifnaður,
óhreinindi og mengun. Í dag erum við
hins vegar með heilnæmara andrúms-
loft vegna hitaveitunnar og betur hituð
híbýli og betra heilsufar sem því fylg-
ir. Það er sundlaugamenning og tæki-
færi þá til útivistar, hreyfingar og fé-
lagslífs. Til viðbótar við þetta er mun
ódýrara fyrir þjóðarbúið að nýta heita
vatnið heldur en að flytja inn olíu og
kol,“ segir Gústaf og nefnir að líklega
sparist um tíu til tuttugu milljarðar á
ári í gjaldeyri.
Háskóli Íslands skipuleggur í sam-
vinnu við Nordic Energy Research
og Samorku fjölþjóðlega ráðstefnu
um hitaveitur. „Þá kemur fólk úr
jarðvísinda- og hitaveitugeiranum
víðs vegar að úr heiminum til ráð-
stefnu sem haldin verður um mánaða-
mótin ágúst/september. Svo munu ein-
staka hitaveitur vera með opið hús og
við munum standa fyrir prentútgáfu í
tilefni afmælisins. Þess má einnig geta
að Íslandspóstur mun gefa út frímerki
af þessu tilefni í maí,“ útskýrir Gúst-
af og getur þess að sérstakt merki hafi
verið hannað í tilefni afmælisins. Af-
mælinu verður því fagnað á ýmsan
máta og verður heilsufarslegur ávinn-
ingur í brennidepli. hrefna@frettabladid.is
HITAVEITUR Á ÍSLANDI: 100 ÁRA AFMÆLI HITAVEITU
Bætt lífsgæði vegna hitaveitu
ÍSLAND Í FREMSTU RÖÐ Gústaf Adolf, aðstoðarframkvæmdastjóri Samorku, segir að jarðhiti
gegni hvergi í heiminum jafnstóru hlutverki og á Íslandi. FRÉTTABLAÐIÐ/VILHELM
LEIKKONAN JENNIFER JASON LEIGH
ER 46 ÁRA Í DAG
„Í partíum plantaði ég mér iðu-
lega við hlaðborðið því þar þarf
maður ekki að tala við neinn. Ef
maður varð að tala gat maður
allavega rætt um matinn.“
Jennifer hefur leikið í fjöl-
mörgum misgóðum kvikmynd-
um. Einna vinsælust er líklega
„Single White Female“ frá árinu
1992.
Á þessum degi
árið 1936 þurfti
að kalla út
óeirðalögreglu að
Rivoli-kvikmynda-
húsinu við Broad-
way í New York-
borg. Ástæðan
var sú að mikill
mannfjöldi hafði
safnast að kvik-
myndahúsinu til
að berja augum
kvikmyndastjörn-
ur á borð við
Douglas Fairbanks, Gloriu Swan-
son, George Burns og Ginger
Rogers. Voru þau öll væntan-
leg á frumsýningu nýjustu mynd-
ar Charlies Chapl-
in, Modern Times,
eða Nútíminn.
Myndin gagnrýn-
ir á gamansam-
an hátt aðstæð-
ur verkafólks,
atvinnuleysi og
erfitt líf fólks á
krepputímanum.
Þetta var í síðasta
sinn sem Charlie
Chaplin birtist
mönnum í kvik-
mynd í gervi um-
renningsins geðþekka. Myndin
þykir ein sú besta úr smiðju Chapl-
in en hann samdi sjálfur tónlist-
ina í henni.
ÞETTA GERÐIST 5. FEBRÚAR 1936
Nútíminn frumsýndur
CHARLIE CHAPLIN Í myndinni
Modern Times.
Innilegar þakkir til allra sem sýndu okkur
samúð og hlýhug við andlát og útför
mannsins míns og föður okkar,
Gunnars Guðjónssonar
Laugalæk 40.
Hjördís Georgsdóttir og börn.
Innilegar þakkir til allra þeirra sem sýndu
okkur samúð, hlýhug og stuðning við and-
lát og útför elskulegs eiginmanns míns,
föður okkar, tengdaföður, afa og langafa,
Almars Viktors
Þórólfssonar
Tjarnarbakka 14, 260 Reykjanesbæ.
Sérstakar þakkir færum við séra Baldri Rafni
Sigurðssyni.
Hrefna Pétursdóttir
Viktoría Ósk Almarsdóttir Steinþór Kristinsson
Þórólfur Almarsson
Guðrún Petra Tómasdóttir Jón Einar Jónsson
Sigurgeir Guðni Tómasson Sjöfn Olgeirsdóttir
Alma Tómasdóttir
Hrefna Guðný Tómasdóttir Ásgeir Svavar Ólafsson
barnabörn og barnabarnabörn.
Elskuleg eiginkona mín, móðir okkar,
tendamóðir og amma,
Margrét G. Albertsdóttir
Krosshömrum 1a, 112 Reykjavík,
lést á Landspítalanum 25. janúar. Jarðsett verður frá
Grafarvogskirkju miðvikudaginn 6. febrúar kl. 13.00.
Birgir Þór Ólafsson
Helga Sólveig Jóhannesdóttir Guðmundur P. Jónsson
Þuríður Guðjónsdóttir Þórhallur Vigfússon
og barnabörn.
Hugheilar þakkir fyrir auðsýnda samúð,
vináttu og hlýhug við andlát og útför
okkar elskulega eiginmanns, stjúpföður og
bróður,
Svanbergs Inga
Ragnarssonar
Kirkjuvegi 11, Keflavík.
Sérstakar þakkir til starfsfólks Heilbrigðisstofnunar
Suðurnesja fyrir alla umönnun og aðhlynningu.
Fyrir hönd aðstandenda,
Karen Sigurðardóttir
Guðmundur Kr. Þórðarson
Þóra T. Ragnarsdóttir
Elskuleg eiginkona mín, móðir okkar,
tengdamóðir, amma og langamma,
Ólöf Þórarinsdóttir
til heimilis að Brúnavegi 5, 105 Reykjavík,
lést á Landspítalanum við Hringbraut föstudaginn
1. febrúar. Jarðarförin auglýst síðar.
Ólafur Hafþór Guðjónsson
Níels Ólafsson
Björg Ólafsdóttir Magnús Magnússon
Daníel Ólafsson
Guðjón Hafþór Ólafsson Þuríður Edda Skúladóttir
Elsku vinir og vandamenn.
Innilegar þakkir fyrir auðsýnda samúð og
vinarhug við andlát og útför ástkærs
eiginmanns míns, föður okkar, tengda-
föður, sonar og afa,
Jóns Ástvaldar Hall
Jónssonar
Brekkustíg 1, Bíldudal.
Þuríður Sigurmundsdóttir
Ómar Hall Ástvaldsson
Viðar Örn Ástvaldsson Rut Ólafsdóttir
Andri Már Ástvaldsson Joanna Sielawa
Elísabet Árnadóttir
og barnabörn.
100 ára afmæli
100 ára er í dag, 5. febrúar,
Jóhannes
Sólbjartur
Sigurbjörnsson
fyrrverandi skipstjóri
til heimilis á
hjúkrunarheimilinu Grund.
Eiginkona mín, móðir okkar, tengdamóðir,
amma og langamma,
Elsa A. Vestmann
Skarðshlíð 36f, Akureyri,
lést á Sjúkrahúsi Akureyrar fimmtudaginn 31. janúar.
Útför hennar fer fram frá Akureyrarkirkju föstudaginn
8. febrúar kl. 13.30. Blóm og kransar eru vinsamlegast
afþakkaðir, en þeim sem vilja minnast hennar er bent á
Krabbameinsfélag Akureyrar.
Hallur Sveinsson
Margrét Hallsdóttir Reynir Hjartarson
Sigursveinn Hallsson Ingibjörg Guðjónsdóttir
Þorvaldur Hallsson Kristrún Þórhallsdóttir
Unnur Elva Hallsdóttir Heiðar Ólafsson
Sævar Örn Hallsson Bryndís Valtýsdóttir
Auður Hallsdóttir Birgir Árnason
ömmu og langömmubörn.
timamot@frettabladid.is