Fréttablaðið - 05.02.2008, Blaðsíða 19

ÞRIÐJUDAGUR 5. febrúar 2008
Tannverndarvika 2008 stend-
ur yfir og í tilefni hennar er
nýr margmiðlunardiskur um
munnhirðu kominn út. Hann
verður kynntur á opnum fundi
í fræðslusal Barnaspítala
Hringsins í dag milli ellefu og
tólf.
„Allar vikur ársins ættu auðvitað
að vera tannverndarvikur,“ segir
dr. Inga B Árnadóttir, forseti Tann-
læknadeildar Háskóla Íslands og
formaður Tannverndarráðs. Hún
segir góða munnhirðu felast í að
nota góðan tannbursta, tannþráð
og flúortannkrem. Einnig að passa
upp á mataræðið og fara reglulega
í eftirlit. „Tannsjúkdómar eru svo
margþættir og við verðum að sjá
hlutina í samhengi,“ segir hún og
útskýrir nánar. „Það er ekki nóg að
bursta tennurnar á kvöldin ef menn
eru nartandi í sælgæti alla daga
eða stöðugt drekkandi eitthvað
annað en vatn. Unga fólkinu stafar
til dæmis stór hætta af ofneyslu
gosdrykkja og orkudrykkja því
þeir drykkir valda alvarlegri gler-
ungseyðingu. Svo er nauðsynlegt
að láta skoða tennurnar minnst
einu sinni á ári því hægt er að
stöðva tannsjúkdóma á byrjunar-
stigi með ýmsum forvarnarbrögð-
um.“
Inga situr fyrir svörum á fundi
sem haldinn er í dag á Landspítal-
anum enda kemur hún fram á
margmiðlunardiski sem Lýðheilsu-
stöð og Heilsugæslan í Reykjavík
hafa nýlega gefið út. Á honum eru
meðal annars leiðbeiningar til
þeirra sem bera ábyrgð á tann-
heilsu langveikra, fatlaðra og aldr-
aðra. Sjálf átti Inga fatlaðan dreng
sem lést fyrir tveimur árum og
diskurinn er gerður til minningar
um hann. „Þetta er fyrsti diskurinn
sem mér vitanlega er gerður hér á
landi um tannvernd og vinna að
honum hefur staðið þrjú til fjögur
ár,“ segir hún. „Munnurinn er til-
finningaríkt svæði og með honum
borðar fólk, kyngir og talar. Hver
og einn ber ábyrgð á eigin munn-
heilsu en sumir einstaklingar eru
þess ekki þess megnugir vegna
fötlunar eða veikinda og þá kemur
til kasta foreldra eða umönnunar-
stétta,“ bendir hún á.
Inga segir tannhirðu hjá þeim
sem þurfi aðstoð við allt stundum
vilja sitja á hakanum í annríki
dagsins, þótt þeir séu að öðru leyti
þrifnir hátt og lágt. Oft sé því þó
stjórnað hvenær þeir borði svo
auðvelt ætti að vera að setja tann-
burstun á dagskrá eftir máltíðirn-
ar. „Ef burstað er að minnsta kosti
þrisvar á dag þá eru allir með
hreina munna,“ segir hún.
Handbrögðin við tannhirðu
annarra skipta miklu máli að sögn
Ingu. Þau handbrögð er hægt að
læra af hinum nýja margmiðlunar-
diski sem Hólmfríður Guðmunds-
dóttir, tannlæknir á Lýðheilsustöð,
hefur séð um framkvæmd á. Hann
verður frumsýndur í dag og svo
verður hægt að nálgast hann hjá
Lýðheilsustöð. gun@frettabladid.is
Munnheilsan mikilvæg
„Það er ekki nóg að bursta tennurnar á kvöldin ef menn eru nartandi í sælgæti alla
daga eða stöðugt drekkandi eitthvað annað en vatn,“ segir Inga sem leikur á nýjum
margmiðlunardiski um tannhirðu. FRÉTTABLAÐIÐ/GVA
Morgunverðarfundur um
öryggi vegfarenda verður
haldinn á morgun.
Fundurinn er á vegum Slysa-
varnaráðs og er undir yfir-
skriftinni „2+2 eða 2+1 vegir:
Öryggi vegfarenda – kostnaður
samfélagsins – erum við á réttri
leið?“ Guðlaugur Þór Þórðar-
son heilbrigðisráðherra setur
fundinn sem verður haldinn á
Grand hóteli í Reykjavík og
hefst klukkan 8.25. Áhugasam-
ir skrái sig á vef Lýðheilsu-
stöðvar. - eö
Öruggir vegir
Þar sem umferðarþungi er mikill
getur verið nauðsynlegt að hafa fleiri
en eina akrein í hvora átt.
Breskar konur láta skurðhnífa
laga andlit sitt í auknum mæli.
Alls fóru 32.453 konur úr breska
konungsveldinu í lýtaaðgerð á
andliti árið 2006, en það er 12 pró-
senta aukning milli ára, eftir því
sem fram kemur hjá Sambandi
breskra lýtalækna. Þar sem marg-
ir úr þeirri stétt eru ekki meðlimir
þeirra samtaka er talan vafalaust
miklu hærri, en af sjúklingum
sambandsins var 91 prósent konur,
þótt svuntuaðgerðir og brjósta-
minnkun ykist einnig til muna
meðal karla.
Meðal kvenna fóru 4.238 í and-
lits- eða hálsstrekkingu, en það
samsvarar 37 prósenta aukningu
milli ára. Sem fyrr er vinsælasta
aðgerðin meðal kvenna brjósta-
stækkun, en fast á hælana koma
augnlokaaðgerð, andlitsstrekking,
fitusog og brjóstaminnkun.
Segja samtök lýtalækna að
ástæðu þessarar miklu aukningar
sé að finna í aukinni aðsókn í lýta-
aðgerðir án skurðaðgerðar, með
fylliefnum og Botox.
Breskir karlar fara oftast undir
hnífinn til að fegra nefið, en vax-
andi vinsælda nýtur fitusog,
aðgerðir á augnlokum og eyrum,
sem og andlitsstrekking. - þlg
Ný andlit og brjóst
Brjóstastækkun er vinsælasta lýtaaðgerðin meðal breskra kvenna.
Grensásvegi 12A
108 Reykjavík
UMBROT
AUGLÝSINGAR
Tökum að okkur að setja upp
prentverk, stór sem smá.
Auglýsingar, bækur, blöð,
dreifibréf, fréttabréf,
fermingarkort, gjafakort,
nafnspjöld, tímarit og hvað
eina sem þarf að prenta.
Útbúum auglýsingar í alla
prentmiðla.
Einnig skjá-, strætisvagna- og
skiltaauglýsingar.
Láttu þínar upplýsingar sjást.
sími: 568 1000// frum@frum.is// www.frum.is
Fr
um
Original Arctic Root
Ein vinsælasta lækningajurt heims
Original Arctic Root öðru nafni Burnirót er ein vinsælasta lækningajurtin í
heiminum í dag. Klínískar rannsóknir hafa leitt í ljós að hún eflir einbeitingu,
úthald og vinnur gegn streitu og álagi.
Vinnur gegn streitu og álagi
Original Arctic Root er fljótverkandi og þeir sem nota hana finna jákvæða
breytingu á einbeitingu og úthaldi á skömmum tíma. Original Arctic Root hefur
svo sannarlega slegið í gegn á Íslandi og nýtur nú mikilla vinsælda.
Fæst í apótekum og heilsubúðum.
Heilsuvara ársins
í Svíþjóð
2003, 2004 og 2005