Fréttablaðið - 05.02.2008, Blaðsíða 36

20 5. febrúar 2008 ÞRIÐJUDAGUR
menning@frettabladid.is
Hádegistónleikaröð Hafnarborgar, menning-
ar- og listastofnunar Hafnarfjarðar, heldur
áfram á nýju ári næstkomandi fimmtudag. Þá
koma fram þau Bjarni Thor Kristinsson bassi
og Antonía Hevesi píanóleikari og flytja fagra
tóna fyrir áhorfendur. Efnisskrá tónleikanna er
að þessu sinni helguð tónskáldinu Wolfgang
Amadeus Mozart og því ljóst að flestir ættu að
geta notið hennar.
Bjarni Thor nam sönglistina hér heima og
við óperudeild Tónlistarháskólans í Vín. Vorið
1996 var Bjarni ráðinn til þriggja ára sem
aðalbassasöngvari Þjóðaróperunnar þar í borg.
Að því verkefni loknu sneri hann sér að lausa-
mennsku og hefur komið víða við á ferli sínum.
Hann hefur sungið í ríkisóperunni í Berlín auk
þess að koma fram í óperuhúsunum í Chicago,
París, Verona, Feneyjum og Flórens svo eitt-
hvað sé nefnt. Bjarni þekkir vel til tónskálds-
ins Mozarts þar sem að hann söng hlutverk
Osmins í margrómaðri uppfærslu Íslensku
óperunnar á Brottnáminu úr kvennabúrinu
haustið 2006. Hlaut Bjarni Grímuna, leiklistar-
verðlaun Íslands, fyrir frammistöðu sína.
Antonía Hevesi er fædd í Ungverjalandi.
Hún útskrifaðist árið 1988 úr F. Liszt Tónlist-
arakademíunni í Búdapest með meistaragráðu
í kórstjórn og sem framhaldsskólakennari
í söng- og hljómfræði. Antonía fluttist til
Íslands árið 1992 og frá því í september 2001
hefur hún verið búsett í Hafnarfirði. Antonía
hefur haldið fjölda tónleika sem orgelleikari
og píanómeðleikari víða um heim, en hún
starfar nú sem meðleikari og æfingapíanisti
við Íslensku óperuna. Að auki hefur hún verið
listrænn stjórnandi hádegistónleikaraðar
Hafnarborgar frá því árið 2003.
Tónleikarnir hefjast kl. 12 og standa yfir í um
hálfa klukkustund. Þeir eru hugsaðir sem tæki-
færi fyrir fólk í Hafnarfirði til að njóta góðrar
tónlistar í hádegishléi. Aðgangur er ókeypis og
öllum opinn á meðan húsrúm leyfir. - vþ
Hádegi í Hafnarfirði
BJARNI THOR KRISTINSSON Kemur fram á
hádegistónleikum í Hafnarborg á fimmtudag.
Tónlistarhátíðin Myrkir
músíkdagar stendur nú sem
hæst. Á hennar vegum fara
fram áhugaverðir tónleik-
ar í Norræna húsinu í dag.
Söngkonan Margrét Bóas-
dóttir og píanóleikarinn
Daníel Þorsteinsson flytja
lög eftir tónskáldið Jón
Hlöðver Áskelsson við ljóð
eftir Þorgeir Sveinbjarnar-
son, Jón Bjarman, Sverri
Pálsson og Snorra Hjartar-
son. Ljóðin verða ekki
aðeins sungin heldur mun
Kristján Valur Ingólfsson
lesa þau upp.
„Á tónleikunum verða fluttir tveir
lagabálkar, eða söngvasveigar
eins og ég kýs að kalla þá,“ segir
Jón Hlöðver aðspurður um efnis-
skrá tónleikanna. „Fyrri sveigur-
inn kallast Vísur um draum, en
hann samanstendur af tónlist sem
ég samdi við við tólf ljóð úr ljóða-
bók Þorgeirs Sveinbjarnarsonar,
Vísur um drauminn. Ég lenti í
höfuðaðgerð fyrir nokkrum árum
og átti í kjölfarið erfitt með að
einbeita mér að lengri textum. Ég
gat aftur á móti vel lesið ljóð og
tók þá hálfgerðu ástfóstri við
þessa bók Þorgeirs; ég lærði hana
meira að segja utan að. Ég ákvað
svo að semja lög við tólf ljóðanna
og var þessi sveigur frumfluttur í
Reykholti árið 2005 í tilefni af því
að 100 ár voru þá liðin frá fæðingu
Þorgeirs Sveinbjarnar sonar.“
Einnig verður fluttur söngva-
sveigur sem kallast Mýrarminni,
en í honum hefur Jón Hlöðver
samið tónlist við ljóð eftir þá Jón
Bjarman, Sverri Pálsson og
Snorra Hjartarson. „Faðir minn,
Áskell Jónsson var frá bænum
Mýri í Bárðardal, og því þótti mér
viðeigandi að semja tónlist við
þessi þrjú ljóð þar sem þau tengj-
ast bænum öll á einhvern hátt.
Fyrsta ljóðið í sveignum er eftir
Jón Bjarman og fer hann í því
draumförum frá Bjarnarstöðum í
Bárðardal inn að Mýri. Ljóð
Sverris varpar fallegu og glað-
legu ljósi á þátt söngs og tóna á
Mýrar heimilinu í uppvexti föður
míns. Ljóð Snorra Hjartarsonar
vekur svo ljúfsáran söknuð eftir
þeirri stemmingu sem ríkti á
Mýri. Þannig býður sveigurinn
hlustendum í ferðalag um land-
svæði og tíma sem er mér hjart-
fólginn,“ segir Jón.
Ljóst er að hér fara tónleikar
sem áhugafólk jafnt um ljóðlist
sem tónlist ættu ekki að láta fram
hjá sér fara.
Tónleikarnir hefjast kl. 12.15.
Almennt miðaverð er 1.000 kr., en
eldri borgarar, öryrkjar og nemar
fá miðann á 500 kr.
Myrkir músíkdagar standa fyrir
fleiri viðburðum í dag; Camilla
Söderberg kemur fram í tónleika-
húsinu Laugarborg í Eyjafirði kl.
20.30 og leikur tónlist sem byggist
á blokkflautum og rafhljóðum. Að
auki leikur tónlistarhópurinn
Njúton á tónleikum í Iðnó kl. 20 og
frumflytur þar verk eftir sex
nútímatónskáld. vigdis@frettabladid.is
Ferðalag í ljóðum
MARGRÉT BÓASDÓTTIR Flytur lög Jóns Hlöðvers Áskelssonar við ljóð ýmissa skálda.
KL. 20
Kvikmyndin Occupation 101 verður
sýnd í Alþjóðahúsinu, Hverfisgötu 18,
í kvöld kl. 20. Myndin fjallar um hina
langvinnu deilu á milli Ísraels og
Palestínu, líf Palestínumanna í
hersetnu landi, hlutverk Bandaríkj-
anna í deilunni og helstu hindranir
sem standa í vegi fyrir friði. Aðgang-
ur að viðburðinum er ókeypis og
öllum opinn.
Volkswagen – kolefnisjafnaður útblástur
Passat 4x4
F
í
t
o
n
/
S
Í
A