Fréttablaðið - 05.02.2008, Blaðsíða 43
ÞRIÐJUDAGUR 5. febrúar 2008 27
FÓTBOLTI Heiðar Helguson var á
skotskónum með Bolton um síð-
ustu helg i og skoraði seinna mark
liðsins í gríðarlega mikilvægum 0-
2 sigri gegn Reading í fallbaráttu-
slag á Madejski-leikvanginum.
Þetta var aðeins annar leikurinn
sem Heiðar spilaði eftir að hafa
jafnað sig af meiðslum sem héldu
honum frá keppni síðan um miðj-
an ágúst, en Heiðar hefur skorað í
báðum leikjunum sem hann hefur
verið í byrjunarliði Bolton á tíma-
bilinu.
„Það var frábært að komast inn
í þetta um leið, eftir löng og erfið
meiðsli. Gary Megson, knatt-
spyrnustjóri Bolton, talaði við mig
á fimmtudegi fyrir leikinn og
spurði mig hvort ég væri í nógu
góðu standi til þess að vera í byrj-
unarliðinu og ég sagði ekkert
mál,“ sagði Heiðar. Hann skoraði
á 58. mínútu eftir að hafa komist
einn inn fyrir vörn Reading og
potað boltanum undir Marcus
Hahnemann í markinu. Heiðar var
réttur maður á réttum stað þegar
Matthew Taylor átti misheppnað
skot sem fór eins og segir beint í
hlaupalínu Heiðars og hann var
fljótur að átta sig á aðstæðum og
kláraði færið vel. Leikurinn end-
aði 0-2 og fyrsti útisigur Bolton í
deildinni því staðreynd og mikil-
væg þrjú stig í fallbaráttunni.
Endurkoma Heiðars í byrjunar-
lið Bolton fór ekki fram hjá bresk-
um fjölmiðlum og talað var um að
samvinna hans og Kevins Davies í
framlínunni hefði verið góð og tví-
eykið einfaldlega verið of líkam-
lega sterkt fyrir Reading-vörnina.
„Það er frábært að leika með
Kevin Davies og mér fannst við ná
vel saman. Hann tekur mikið af
slagsmálunum og barningnum
sem maður var kannski sjálfur
vanur að gera og þá fær maður
frið til þess að gera eitthvað annað
og koma sér í betri marktæki-
færi,“ sagði Heiðar í samtali við
Fréttablaðið í gær.
- óþ
Heiðar Helguson ánægður með að hafa gripið tækifærið og skorað fyrir Bolton:
Frábært að leika með Davies
FÖGNUÐUR Heiðar fagnar hér marki sínu með Matthew Taylor og fyrirliðanum Kevin
Nolan. NORDIC PHOTOS/GETTY
FÓTBOLTI Samkvæmt fréttatil-
kynningu á sunnudagskvöldið er
írska knattspyrnusambandið nú
að nálgast ráðningu á nýjum
þjálfara og virðist ætla að taka
Englendinga til fyrirmyndar og
fara ítölsku leiðina. Hinn litríki
og sigursæli Giovanni Trapattoni
er talinn líklegastur til þess að
hreppa hnossið ef marka má
heimildir BBC Sport.
Trapattoni stýrði landsliði
Ítalíu á HM 2002 og EM 2004, en
náði ekki tilsettum árangri og var
gagnrýndur mjög fyrir að spila
leiðinlegan varnarbolta. Hann er
nú hjá Red Bull Salzburg í
Austurríki. - óþ
Frétt á BBC Sports í gær:
Trapattoni að
taka við Írum?
Sendu sms BTC RAF
á númerið 1900
og þú gætir unnið!
Vinningar eru DVD m
yndir, varningur
tengdur myndinni og
margt
fleira!
SMS
LEIKUR
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
1
49
k
r/
sk
ey
tið
. Kemur í verslanir 7. febrúar!
NFL Það varð ekkert að því að New
England Patriots fullkomnaði
draumatímabilið með því að vinna
Ofurskálina í ameríska fótboltan-
um á sunnudagskvöldið því öllum
að óvörum voru það New York
Giants sem fullkomnuðu ösku-
buskuævintýri sitt og unnu titilinn
eftir 17-14 sigur.
Patriots-liðið var búið að vinna
alla 18 leiki sína á tímabilinu en
mistókst að endurtaka afrek
Miami Dolphins frá 1972 sem vann
alla leikina og titilinn.
Það var því Manning sem leiddi
lið sitt alla leið annað árið í röð en
ekki Peyton eins og með Indiana-
polis Colts í fyrra, heldur var það
nú yngri bróðirinn Eli sem átti
magnaðan leik og var kosinn mik-
ilvægasti leikmaðurinn í leikslok.
Giants vann þarna sinn ellefta
útisigur í röð en liðið fór í gegn-
um alla úrslitakeppnina á úti-
velli.
Eli fékk góða hjálp í leiknum og
þá sérstaklega frá vörninni sem
hélt niðri einu besta sóknarliði
allra tíma.
Tom Brady var óþekkjanlegur
fram eftir öllum leik eða allt þar
til hann keyrði áfram glæsilega
sókn í fjórða leikhluta sem flestir
álitu að væri sigursóknin. Brady
sendi að lokum boltann á Randy
Moss sem skoraði snertimark og
kom Patroits í 14-10 þegar aðeins
2:42 voru eftir.
Eli Manning hefur vaxið gríðar-
lega í úrslitakeppninni og á þess-
um stutta tíma keyrði hann í gegn
12 kerfi og fór alls 83 metra sem
skilaði að lokum snertimarki hjá
Plaxico Burress 35 sekúndum
fyrir leikslok.
Rétt áður hafði Manning átt 32
metra sendingu á þriðju tilraun
sem David Tyree greip á ótrúleg-
an hátt. Mistök hefðu þýtt tap en
Manning reif sig frá varnarmönn-
um sem voru allt í kring og farnir
að toga í peysu hans og sendi þessa
mögnuðu sendingu.
- óój
Mjög óvænt úrslit urðu í Super Bowl-leiknum í ameríska fótboltanum í Arizona í fyrrinótt:
Öskubuskuævintýri Risanna frá New York
FRÁBÆR Eli Manning vann Super Bowl
hring ári á eftir eldri bróður sínum Peyt-
on. NORDICPHOTOS/GETTY