Fréttablaðið - 06.02.2008, Blaðsíða 38

30 6. febrúar 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
GAMLA MYNDIN
LÁRÉTT
2. íþróttafélag 6. ógrynni 8. spíra 9.
rönd 11. fyrir hönd 12. drepsótt 14.
ráðagerð 16. bardagi 17. eyða 18.
niður 20. ætíð 21. nabbi.
LÓÐRÉTT
1. rusl 3. slá 4. plöntutegund 5. sjór 7.
þögull 10. þukl 13. sódi 15. korn 16.
flana 19. tveir eins.
LAUSN
LÁRÉTT: 2. fram, 6. of, 8. ála, 9. rák,
11. pr, 12. plága, 14. áform, 16. at, 17.
sóa, 18. suð, 20. sí, 21. arða.
LÓÐRÉTT: 1. sorp, 3. rá, 4. alparós,
5. mar, 7. fálátur, 10. káf, 13. gos, 15.
maís, 16. asa, 19. ðð.
Umslag annarrar plötu dúettsins Gnarls Barkley er
hannað af Íslendingi, Sigurði Eggertssyni, eða Sigga
Eggerts eins og hann kallar sig í bransanum. „Þetta
kom nú þannig til að ég þekki aðeins til Toms Hings-
tons, listræna stjórnandans á bak við þetta verkefni,“
segir Siggi. „Hann vildi endilega fá mig til að teikna
umslagið og eftir smá umhugsun ákvað ég að slá til.
Ég var auðvitað með peningamerki í augunum. Stuttu
fyrir jól gerði ég nokkrar skissur af umslaginu. Þær
voru samþykktar og þá var þetta eiginlega bara
komið.“
Siggi er sonur Jónborgar Sigurðardóttur, mynd-
listar konu á Akureyri, og Eggerts Halldórssonar,
útgerðarmanns í Stykkishólmi. Hann býr og starfar
sjálfstætt sem myndskreytir og leturgerðarmaður í
London. „Ég útskrifaðist úr Listaháskóla Íslands fyrir
nokkrum árum með gráðu í grafískri hönnun,“ segir
hann. „Undanfarna mánuði hef ég verið að gera alls
konar fínirí. Til dæmis stórt mósaíkverk fyrir nýja
Nike-búð í New York, myndskreytingar fyrir
New York Times og ESPN, mynstur á fatnað
fyrir H&M og plaköt fyrir Coca-Cola.“
Siggi hefur gert plötuumslög áður. Hann
gerði umslagið á fyrstu sólóplötu Bigga í
Maus og gerir umslag næstu plötu ensku
poppsveitarinnar The Delays.
Siggi fékk ekkert að heyra af nýju Gnarls
Barkle-plötunni sem hann hannaði umslagið við
og gæti varla verið meira sama. „Ég hef ekki
heyrt neitt af plötunni og ég er ekkert mjög
spenntur fyrir því, satt að segja. Mér
finnst þetta hálf kjánaleg hljómsveit.
En þetta verður örugglega voðalega
fínt fyrir fólk sem hlustar á útvarp
og dansar á Vegamótum.“
Gnarls Barkley varð heimsfræg árið 2006
fyrir stórsmellinn Crazy. Nýja platan, The Odd
Couple, er væntanleg 7. apríl og er hennar
beðið með mikilli eftirvæntingu. Siggi
segir frekar ólíklegt að verkefnið
geri góða hluti fyrir hann á
hönnunarbrautinni. „Fólk mun
líklega bara halda að ég sé
algjört sell-out,“ segir hann. „Ef
ég fæ einhver verkefni út á
þetta verður það örugglega allt
jafn glatað og Gnarls Barkley.“
gunnarh@frettabladid.is
SIGGI EGGERTS: HANNAÐI PLÖTUUMSLAG GNARLS BARKLEY
Glatað verkefni fyrir
kjánalega hljómsveit
THE ODD COUPLE MEÐ GNARLS BARKLEY með alís-
lensku umslagi Sigga Eggerts.
GERIR UMSLAGIÐ FYRIR NÝJU GNARLS
BARKLEY-PLÖTUNA Siggi Eggerts var
með peningamerki í augunum.
Ferðaþjónusta bænda býður
hlaupagörpum upp á óvenjulegt
ævintýri í sumar. 35 manna hópur
á vegum ferðaskrifstofunnar mun
þá hlaupa maraþon á Tíbetháslétt-
unni í Indlandi, í um 3.650 metra
hæð yfir sjávarmáli, en tímaritið
Forbes hefur útnefnt umrætt mara-
þon það erfiðasta í heimi. „Fyrir
tveimur árum vorum við með mara-
þon á Kínamúrnum, en þetta er
miklu erfiðara,“ útskýrir Hugrún
Hannesdóttir, sölustjóri utanlands-
deildar hjá Bændaferðum.
„Það erfiða við Kínamaraþonið
voru allar tröppurnar á múrnum
og óslétt undirlag. Í þessu mara-
þoni er landslagið ekkert erfitt, en
hæðin er svo mikil að fólk þarf að
fara í töluverða hæðaraðlögun áður
en það hleypur,“ útskýrir hún. Þar
sem erfitt er að vita fyrir fram
hvernig slíkar hæðarbreytingar
leggjast í fólk mun hópurinn
spreyta sig á skemmtiskokki degi
fyrir maraþon. „Fólk getur þá
breytt vegalengdinni ef þannig ber
undir,“ bendir Hugrún á.
Maraþonið fellur undir svokall-
aðar Hreyfiferðir hjá Ferðaþjón-
ustu bænda og segist Hugrún hafa
fundið fyrir því að Íslendingar
sæki í auknum mæli í slíkar ferðir
í fríum. „Fólk vill fara á áhuga-
verða staði og hreyfa sig í leiðinni,“
segir hún. Indlandsferðin nær yfir
töluvert fleira en fjallamaraþon,
því hópurinn mun einnig fara í
hestaferð og flúðasiglingu og heim-
sækja Delí og Taj Mahal, svo eitt-
hvað sé nefnt. Í gær voru einungis
þrjú sæti laus í ferðina, og því síð-
ustu forvöð fyrir hlaupagarpa með
útþrá að skrá sig. Ferðin kostar
rúmar 300 þúsund krónur. - sun
Íslendingar í Tíbetmaraþon
AÐSÓKN Í ERFIÐASTA MARAÞON HEIMS Hugrún Hannesdóttir hjá Ferðaþjónustu
bænda segist finna fyrir aukinni eftirspurn eftir ferðum sem innihalda hreyfingu. 35
Íslendingar munu taka þátt í Tíbetmaraþoni á vegum ferðaskrifstofunnar.
FRÉTTABLAÐIÐ/VALLI
Sverrir Stormsker er kominn aftur í útvarpið.
Þáttur hans Miðjan er á dagskrá frá 16 til 18 á
Útvarpi Sögu í dag. „Ég sé um þennan þátt
ásamt eðalnáunga sem heitir Halldór Einars-
son,“ segir Sverrir. „Hann var aðstoðarmaður
minn í þættinum Í messu hjá Stormsker, sem
var á útvarpsstöðinni Steríó forðum daga.“
Sá þáttur vakti mikla athygli, ekki síst viðtöl
Sverris við Sigurð A. Magnússon og Ástþór
Magnússon. „Sigurður vildi meina að ég hefði
hellt hann fullan og látið hann röfla einhverja
vitleysu, en ég held að ég geti nú ekki hellt
neinn fullan, allra síst rígfullorðinn mann eins
og Sigurð AA Magnússon. Ástþór hins vegar
var í símanum frá London og ég fékk Jóhannes
eftirhermu til að leika alla helstu stjórnmála-
foringjana á móti honum. Ástþór hélt að hann
væri að tala við Ólaf Ragnar og Guðna
Ágústsson og Halldór Blöndal og alla þessa
garpa og hellti sér af alefli yfir þá og stóð sig
mjög vel og þess vegna var hann náttúrulega
ekki mjög kátur þegar ég sagði honum eftir
þáttinn að hann hefði bara verið að tala við
trúð. Það fannst Ástþóri alls ekki fyndið og
talaði ekki við mig í langan tíma á eftir. Við
erum orðnir vinir aftur í dag og ég fæ hann
fljótlega í nýja þáttinn. Verst að hann vill ekki
tala um neitt annað en friðarmál og kannski
leyfi ég honum það ef hann slakar mér svona
eins og helmingnum af þessum fjörutíu
milljónum sem hann dregur nú í tösku um allan
bæ.“
Fyrsti þáttur Miðjunnar var á dagskrá í
síðustu viku. Þá var Hallgrímur Helgason
gestur þáttarins. „Það tókst virkilega vel enda
er erfitt fyrir Hallgrím að vera leiðinlegur. Í
þættinum í dag verður Geiri í Goldfinger
gestur okkar. Hann er rífandi skemmtilegur
gaukur og mun eflaust tala vel um vini sína
femínistana. Hann dýrkar það fólk.“
Sverrir segir þættina verða aðgengilega á
netinu nokkrum dögum eftir útsendingu „ef
Arnþrúður leyfir“. Slóðin er www.stormsker.
net. gunnarh@frettabladid.is
Útvarp Stormsker snýr aftur
SÉR UM MIÐJUNA Á ÚTVARPI SÖGU Sverrir Stormsker
er Miðjumaður með Halldóri E.
„Þetta var lúkkið mitt á þessum
tíma. Þetta eru væntanlega
Christian Dior-gleraugun mín,
sem maður þurfti að spara mikið
til að geta lagt út fyrir. Það var
mikil sorg hjá dóttur minni
þegar hún óx úr grasi, hvað það
var lítið eftir í skápunum hjá
mér af fötum frá þessu tímabili,
því þetta kemur alltaf aftur.“
Guðný Guðmundsdóttir, konsertmeistari
Sinfóníuhljómsveitar Íslands.
Myndin er tekin árið 1976.
Heldur er að hitna í Eurovision-
kolum en það mun gleðja marga
íslenska Eurovision-fara
að hingað til lands eru
væntanlegir alþjóð-
legu Eurovision-nörd-
arnir Peter, Paul
og Jonathan til
að fylgjast með
lokakeppninni.
Tríóið hefur
tekið ástfóstri
við íslenska
Eurovision-menningu og vinátta
tekist millum þeirra og íslenskra
keppenda og annarra aðstand-
enda. Þó margir séu að missa sig í
einskærum Euro-spenningi reynir
Barði Jóhannsson, kenndur við
Bang Gang, að halda „kúlinu” og
heyrst hefur að muni hann sigra
ætli hann ekki einu sinni að fylgja
Hóhóhó, we say heyheyhey, út.
Hjarta tónlistarunn-
enda, þeirra sem sjá
DV, tók kipp í gær
þegar blaðið greindi
frá því á forsíðu að
sjálfur Bob Dylan
væri væntanlegur
til landsins.
Samkvæmt
upplýsingum frá tónleikafyrirtæk-
inu Hr. Örlygi hefur nafn Dylans
vissulega komið upp á skrifstofunni
en ekki er frágengið að hann troði
hér upp. Nú krossa
menn fingur og
vona að ekki fari
með Dylan eins og
Paul McCartney en
fyrir tæpu ári
boðaði DV
komu hans
en ekkert
bólar á
Paul enn.
- jbg
FRÉTTIR AF FÓLKI
Borgartún 35 • 105 Reykjavík • sími 511 4000 • fax 511 4040 • utflutningsrad@utflutningsrad.is
www.utflutningsrad.is
Viðskiptasendinefnd
til Birmingham
Útflutningsráð skipuleggur viðskiptasendinefnd fyrir
ferðaþjónustufyrirtæki til Birmingham í Bretlandi.
Ferðin er liður í átaki á markaðssetningu íslenskra ferða-
þjónustufyrirtækja á breska markaðnum. Boðið verður upp
á skipulagða viðskiptafundi ásamt fræðslu um breska
markaðinn. Fundirnir munu fara fram á sama stað og sýningin
The Ordnance Survey Outdoors Show og gefst því fólki kostur
á að skoða sýninguna og kynna sér hvað er í boði.
Skráning í ferðina er hafin og lýkur henni föstudaginn 8. febrúar.
Áhugasamir hafi samband við Ingu Hlín Pálsdóttur,
inga@utflutningsrad.is eða í síma 511 4000.
P
IP
A
R

•
S
ÍA

•
8
02
75 Dagana 13.-14. mars 2008
VEISTU SVARIÐ?
Svör við spurningum á síðu 8
1 Ásgeir Margeirsson.
2 Ekkert.
3 Boris Tadic.