Fréttablaðið - 06.02.2008, Side 4
MARKAÐURINN 6. FEBRÚAR 2008 MIÐVIKUDAGUR
F R É T T I R
Jón Aðalsteinn Bergsveinsson
skrifar
Breskir fjölmiðlar láta íransættaða fjárfestinn
Robert Tchenguiz vart í friði þessa dagana og nota
hvert tækifærið á fætur öðru til að ýja að því að
veldi hans standi á brauðfótum eftir miklar geng-
islækkanir á hlutabréfasafni hans. Tchenguiz, sem
rakaði að sér miklum auði á síðustu tveimur ára-
tugum síðustu aldar, hefur jafnframt verið stjórn-
armaður í Existu frá því í fyrravor en hann situr á
fimm prósenta hlut í fjármálaþjónustufélaginu.
Eins og margoft hefur komið fram á Tchenguiz
tæpan fjórðungshlut í bresku kráarkeðjunni
Mitchells & Butler. Hann bætti verulega við hlut
sinn í henni í síðustu viku í því augnamiði að ná
í gegn tillögum um skiptingu kráarkeðjunnar í
rekstrarfélag og fasteignafélag. Þetta eru svipað-
ar hugmyndir og hann hefur reifað á hluthafafund-
um hjá breska stórmarkaðnum Sainsbury‘s en þar
fer hann með stóran hlut. Slíkt hefur hann löngum
talið farsæla lausn sem geti aukið eigið fé beggja
fyrirtækja.
Samkomulag um skiptingu sem þessa náðist í
gegn hjá Mitchells & Butler um mitt síðasta sumar.
Í kjölfarið voru síðan gerðir tveir afleiðusamning-
ar þar sem annars vegar var veðjað á að verðbólga
myndi lækka en á hinn bóginn að vextir myndu
hækka. Þróunin var hins vegar þveröfug auk þess
sem tillaga Tchenguiz náði ekki fram að ganga í síð-
ustu viku og neyddist kráarfélagið í síðustu viku til
að afskrifa jafnvirði 35 milljarða íslenskra króna
vegna samninganna. Útlitið þykir ekki gott því
áætlanir gera ráð fyrir samdrætti af völdum minni
einkaneyslu auk þess sem reykingabann á krám
hefur dregið mjög úr hag þeirra. Þessi þróun hefur
leitt til þess að gengi bréfa í Mitchells & Butler
hefur fallið um 40 prósent frá í nóvember og félagið
orðið skotmark fjárfesta í yfirtökuhugleiðingum.
Breska dagblaðið Telegraph segir í vikubyrjun að
Tchenguiz hafi ekki riðið feitum hesti frá kaupum á
hlutabréfum í kráarkeðjunni og muni hann vera að
hugsa gang sinn þessa dagana, ekki síst eftir að krá-
arsamstæðan Punch Taverns lagði fram yfirtökutil-
boð í Mitchells & Butlers upp á tvo milljarða punda,
jafnvirði tæpra 260 milljarða íslenskra króna, í síð-
ustu viku. Mestur hluti verðsins verður greiddur í
hlutabréfum en 175 milljónir punda með reiðufé.
Gangi tilboðið eftir verður til stærsta kráarkeðja
Bretlands og verður markaðsverðmæti hennar um
fimm hundruð milljarðar íslenskra króna. Blaðið
hermir að líkur séu á að Tchenguiz lýsi sig mótfall-
inn tilboðinu, haldi uppskiptingu fyrirtækisins til
streitu og auki hlut sinn í 30 prósent í kjölfarið.
Flestir fjármálasérfræðingar
telja líkur á að breski seðla-
bankinn muni lækka stýrivexti
um fjórðung úr prósentustigi.
Verði það raunin hefur bankinn
lækkað vextina um 50 punkta
frá því í byrjun desember í
fyrra og standa þeir þá í fimm
prósentum.
Þetta eru niðurstöður
Bloomberg-fréttaveitunnar sem
leitaði upplýsinga um málið
hjá 61 hagfræðingi í Bretlandi.
Af þeim töldu tveir að bank-
inn muni lækka vextina um 50
punkta en aðeins einn telur þá
verða óbreytta.
Bankinn hefur fram til þessa
horft til þess að halda verðbólgu
niðri en hún hefur staðið við
þrjú prósentin, sem er í hæsta
lagi. Mervyn King seðlabanka-
stjóri sem nýverið var endur-
ráðinn til næstu fimm ára, er
sagður hafa meiri áhyggjur nú
en áður af lausafjárkrísunni og
mikilli lækkun fasteignaverðs
sem óttast er að geti komið niður
á hagvexti, að sögn Bloomberg.
Líkur eru á að bankinn muni
lækka stýrivexti frekar á árinu
og verði þeir 4,5 prósent í árslok.
- jab
SEÐLABANKASTJÓRINN Mervyn King,
seðlabankastjóri Bretlands, er sagður ætla
að fylgja fordæmi kollega síns hjá seðla-
banka Bandaríkjanna og lækka stýrivexti til
að sporna við samdrætti. MARKAÐURINN/AFP
Líkur á stýrivaxtalækkun í Bretlandi
Christine Lagarde, fjármálaráðherra Frakklands,
segir hæstráðendur hjá Societe Generale hafa
brugðist hárrétt við þegar upp komst um verð-
bréfaskúrkinn Jerome Kerviel, sem tapaði tæpum
fimm milljörðum evra, jafnvirði 470 milljarða ís-
lenskra króna, með áhættusömum verðbréfavið-
skiptum án heimildar þegar hann starfaði hjá bank-
anum. Málið uppgötvaðist fyrir hálfum mánuði og
skúrkinum sagt upp störfum. Ráðherrann sagði
augljóst að innra eftirlit bankans hefði brugðist.
Ráðherra kynnti skýrslu um málið fyrir frönsku
ríkisstjórninni á mánudag. Þar er mælt með því að
bankar, ekki síst í Frakklandi, verði að herða eftir-
lit sitt og koma þannig í veg fyrir að málið endur-
taki sig.
Rannsókn á málinu hefur leitt í ljós að Kerviel
hafi varið 50 milljörðum evra í verðbréfaviðskipt-
in. Það er um tíu milljörðum meira en nemur mark-
aðsverðmæti bankans miðað við gengi hans á mánu-
dag. Haft hefur verið eftir Kerviel að yfirmenn
hans hafi vitað af gjörningnum en lokað augunum
fyrir því. - jab
SKÝRSLAN AFHENT Christine Lagarde, fjármálaráðherra
Frakklands, brosti í linsur ljósmyndavélanna í þann mund sem hún
afhenti Francois Fillon, forsætisráðherra Frakklands, skýrslu um
verðbréfabraskið. MARKAÐURINN/AFP
Eftirlit bankans brást
ROBERT TCHENGUIZ Breskir
fjölmiðlar telja líkur á að
fasteignamógúllinn Robert
Tchenguiz sé mótfallinn yfir-
tökutilboði í kráarkeðjuna
Mitchells & Butler og vilji fremur
auka við hlut sinn í henni.
Tchenguiz ætlar
sér stærri kráarhlut
Líkur eru taldar á að fasteignamógúllinn Robert Tchenguiz
auki enn við hlut sinn í kráarkeðjunni Mitchells & Butler.
EIN VERSLANA SAINSBURY‘S Robert Tchenguiz á stóran hlut í
einum af stærstu stórmörkuðum Bretlands en hefur farið fram á að
fasteignahlutinn verði skilinn frá því.
með ánægju
Hagstæðara verð
Aðra leið
Tíðar flugferðir
Hægt að fljúga til eins áfangastaðar og heim frá öðrum
Auðvelt að breyta bókunum
Finnum hótel við hæfi
Í boði að velja sæti
Engin sunnudagaregla
Engin hámarksdvöl
Aðstoðum við bókanir á framhaldsflugi erlendra flugfélaga
Fjórtán áfangastaðir í sumar
Hagstæðir fyrirtækjasamningar í boði
Kostirnir eru ótvíræðir:
Hafðu samband í síma 5 500 600 eða sendu okkur línu á
vidskiptaferdir@icelandexpress.is – Saman leggjum við
grunninn að vel heppnaðri viðskiptaferð!
Einkaþotur
eru svo
2007...
London
Köben
11 x í viku*
10 x í viku
*F
rá
o
g
m
eð
2
6
. f
eb
rú
ar
Með fyrirtækjasamningi við Iceland Express
tryggirðu fyrirtækinu hagkvæmara verð
og sparar fyrirhöfn.