Fréttablaðið - 09.02.2008, Blaðsíða 44
● hús&heimili
Margrét Dóróthea Sigfúsdóttir ætti
að vera landsmönnum að góðu kunn
fyrir sjónvarpsþættina Allt í drasli
sem sýndir hafa verið á Skjá einum
við miklar vinsældir frá árinu 2005.
Þar skyggnist Margrét ásamt sam-
starfsfólki sínu inn á heimili fólks
þar sem hreinlæti er ábótavant, tekur
til hendinni og kennir íbúunum að
snúa við blaðinu.
Mörgum liggur því sjálfsagt for-
vitni á að vita hvernig sé umhorfs
heima hjá þessari atorkusömu konu;
hvort þar sé farið eftir þeim gullnu
reglum sem Margrét boðar af mikl-
um móð í sjónvarpinu eða ekki. Þegar
Margrét féllst á að opna dyrnar að
heimili sínu fyrir myndatöku lang-
aði blaðamann einmitt að vita hvort
hún væri ekki hrædd við að lesendur
færu með stækkunargleri um mynd-
irnar til að finna þar merki um dras-
laraskap.
„Nei, það er alls ekkert til að vera
feimin við,“ svarar Margrét ákveðin
í bragði og bætir við hún hafi hvort
sem er aldrei neitt í drasli hjá sér.
„Ég þoli ekki drasl. Hlutirnir eiga
allir sinn stað,“ heldur hún áfram og
segist alin upp við hreinlæti og góða
umgengni. En Margrét er fædd og
uppalin á Selfossi, ein sex systkina,
og minnist þess að þar hafi móðir
hennar bæði þurrkað af og ryksugað
á hverjum einasta degi.
Uppeldið hefur því augljóslega
mótað viðhorf Margrétar til heimilis-
halds og nýst henni í starfi, ekki að-
eins sem þáttastjórnanda Allt í drasli
heldur sem skólameistara Hússtjórn-
arskólans í Reykjavík. „Já, þarna
kennir maður ungu fólki að bjarga
sér, hvort sem það ætlar að gifta
sig eða ekki. Allir þurfa jú að kunna
að hugsa um sjálfan sig; þvo af sér,
elda ofan í sig, þekkja næringar-
fræði og vinna ýmsa handavinnu,“ út-
skýrir Margrét og segir að svo virð-
ist sem krakkar taki ekki eins mik-
inn þátt í heimilishaldi og áður. Hún
saknar líka þess að fólki gefi sér tíma
á kvöldin til að borða matinn sinn
saman og ræða málin.
„Það er svolítið mikil skyndibita-
stemning finnst manni, sem kemur
niður á heimilinu,“ segir hún. „Í skól-
anum hjá mér borða allir saman.
Enginn byrjar fyrr en boðið er til
matar og enginn stendur upp fyrr en
allir hafa lokið matnum. Ég viðheld
þeirri reglu heima þótt við séum bara
orðin tvö eftir, en þegar sonur minn
kemur landsins þá sitjum við saman,
spjöllum og höfum það gott.“
En hvað skyldi húsfreyjan gera
sér til dægrastyttingar, á milli þess
sem hún stjórnar sjónvarpsþátt-
um og rekur heilan skóla af miklum
myndarbrag? „Þá les hún glæpasögur
alveg í massavís og prjónar,“ svarar
hún og hlær. „Á sumrin er ég svo úti
í garði á kafi í moldinni; reyti arfa,
rækta blóm og grænmeti. Sest svo
niður með einn kaffi og bakkelsi eða
skrepp í ísbúðina og hef það gott.“
- rve
Allt í röð og reglu alls staðar
● Margrét Dóróthea Sigfúsdóttir, þáttastjórnandi Allt í Drasli, hefur hreinlæti og góða umgengni í hávegum á heimili sínu.
Margrét styttir sér stundir við prjónaskap og lestur glæpasagna milli þess sem hún stýrir Hús-
stjórnarskólanum og þáttunum Allt í drasli af myndarbrag. Hún segist aldrei hafa fengið áfall
við að koma inn á heimili í starfi sínu sem þáttastjórnandi nema þá við að rekast á köngulær,
sem séu skaðræðisskepnur. FRÉTTABLAÐIÐ/AUÐUNN
Lestraráhugi
húsfreyjunnar
leynir sér ekki,
eins sést af
bókaherberg-
inu.
Margréti finnst mikilvægt að fólk setjist saman yfir kvöldverðinum og
spjalli saman.
Óhætt er að segja að allt sé í röð
og reglu á heimili Margrétar,
sem er þeirrar skoðunar að allir
hlutir eigi sinn stað.
Stigagangurinn sem liggur upp að heimili Margrétar gefur fyrirheit um það
sem koma skal: hlýlegt heimili búið fallegum húsmunum og -gögnum.
Borðstofan er búin fallegum
húsgögnum í gamaldags stíl.
Smekkvísin ræður ríkjum á heimili Margrétar.
Margrét er mik-
ill listunnandi
svo sem glöggt
má sjá.
9. FEBRÚAR 2008 LAUGARDAGUR6