Fréttablaðið - 09.02.2008, Blaðsíða 80

48 9. febrúar 2008 LAUGARDAGUR
menning@frettabladid.is
Það er sannarlega nóg um að vera hjá tón-
listarunnendum um þessar mundir. Hátíðin
Myrkir músíkdagar hefur glatt hjörtu og
eyru undanfarna viku og í dag fara fram á
hennar vegum fjórir tónleikar sem vert er
að gefa gaum.
Blásaraoktettinn Hnúkaþeyr stígur á svið
í Salnum kl. 14 í dag og flytur þar fimm
verk. Verður þar meðal annars Íslandsfrum-
flutt verkið Variations for Wind Ensemble
eftir Toshio Hosokawa, en hann er eitt
þekktasta nútímatónskáld Japana, og frum-
flutt verkið Andar eftir Önnu S. Þorvalds-
dóttur en verkið var samið sérstaklega fyrir
Hnúkaþey.
Strengjasveitin Aþena kemur fram í
Listasafni Íslands kl. 18 og flytur þar verk
eftir bæði íslensk og erlend tónskáld.
Sveitin frumflytur verkið 10 mínútur fyrir
2 fiðlur eftir Hildigunni Rúnarsdóttur, en
verkið var samið að beiðni Hlífar Sigurjóns-
dóttur og Hjörleifs Valssonar árið 2006.
Verkið er í tíu stuttum köflum og var leitast
við að hafa þá ólíka til að nota sem best
möguleikana sem í fiðlunni búa. Úr vöndu
er að ráða kl. 20 þar sem að þá fara fram
tónleikar á tveimur stöðum. Í Salnum leik-
ur Camilla Söderberg verk fyrir blokkflautu
og rafhljóð. Verkin eru flest eftir hana
sjálfa, utan verksins Gullveig sem er eftir
Kjartan Ólafsson. Camilla frumflytur verkið
Possession sem hún samdi á þessu ári.
Innblásturinn að verkinu er, eins og titillinn
gefur til kynna, þörfin til að eiga og hættan
á að verða þræll efnishyggjunnar.
Á sama tíma eru tónleikar í Langholts-
kirkju undir yfirskriftinni „Music when
soft voices die“. Þar koma fram þeir Einar
Jóhannsson klarinettuleikari og Douglas
Brouchie orgelleikari og flytja dagskrá sem
tileinkuð er minningu Richards Talkowsky
sellóleikara sem lést í fyrra. Á tónleikunum
verður frumflutt verkið Exultavit Maria eftir
Jónas Tómasson og fleiri tónskáld koma
einnig við sögu.
Tónlistarveislan heldur áfram
AÞENA Ein af þeim hljómsveitum sem koma
fram á Myrkum músíkdögum í dag.
Ekki er lát á frumsýningum hjá stóru
leikhúsunum um þessar mundir. Í gær-
kvöld voru tvær frumsýningar, í Íslensku
óperunni og hjá Leikfélagi Akureyrar, og
í kvöld frumsýnir Þjóðleikhúsið leikritið
Baðstofuna eftir Hugleik Dagsson.
Leikritið Baðstofan er sýnt í Kassanum á Lindargötu
7. Hugleikur Dagsson heldur þar áfram að kanna
ástand íslensku þjóðarinnar, eins og hann hefur gert
í myndum sínum og myndasögum, og möguleika
leikhússins í félagi við Stefán Jónsson leikstjóra,
Ilmi Stefánsdóttur leikmyndahöfund og hljómsveit-
ina Flís. Nú horfir Hugleikur um öxl en Baðstofan
fullkomnar þannig þríleik höfundarins sem krufði
samtímann í leikritinu Forðist okkur og spáði í
framtíðina í söngleiknum Legi. Það eru hinir fornu
menningarhættir fornra byggða sem þeir félagar
Stefán og Hugleikur þekkja úr fornum byggðum
ætta sinna í Svarfaðardal og Skagafirði sem eru
settir undir kastljós þeirra félaga.
Baðstofan er þriðja leikritið úr smiðju Hugleiks
Dagssonar og hópsins sem stóð að leikritinu Forðist
okkur og söngleiknum Legi. Í þetta sinn beinir
hópurinn sjónum sínum að fortíð okkar Íslendinga.
Verkið gerist í kringum sautján hundruð og súrkál og
þar skyggnast áhorfendur inn í myrkan en magnaðan
heim því í baðstofunni er ekki allt sem sýnist. Á þeim
tímum þegar mannskepnan þurfti að hafa sig alla við
til að komast af átti fólk sér líka drauma og þrár.
Þegar ótótlegri skepnu skolar á land við bæinn
Logn fer af stað óvenjuleg atburðarás, því ekki vilja
allir fóstra þennan annarlega gest. Hjörtun slá
hraðar og ekki öll í takt, huldufólkið lætur á sér
kræla og yfir öllu vofir ægilegt harðæri – ekki aðeins
hið ytra heldur einnig hið innra. Úr þessum hörm-
ungum sprettur þó sitthvað fallegt og kolsvartur
húmor höfundarins nýtur sín einkar vel.
Hljóðheimur verksins er afar sérstæður en
heiðurinn að honum eiga leikmyndahönnuðurinn og
myndlistarmaðurinn Ilmur Stefánsdóttir og félagar
úr tríóinu Flís – Davíð Þór Jónsson, Helgi Svavar
Helgason og Valdimar Kolbeinn Sigurjónsson ásamt
hópnum. Hljóðfærin sem leikið er á í sýningunni eru
öll sérstaklega gerð fyrir þetta verkefni og eiga
uppruna sinn í gömlum verkfærum og áhöldum, þar
er til að mynda leikið á bein og steina, rokk, vefstól
og frumstætt orgel auk þess sem strokkum og
taðkvörn er líka breytt í hljóðfæri.
Leikstjóri sýningarinnar er Stefán Jónsson en
aðstandendur uppfærslunnar eru mikið til þeir sömu
og í fyrri uppsetningum verka Hugleiks; Ilmur
Stefánsdóttir og félagar úr Flís tóku einnig þátt í
uppfærslunni á Forðist okkur og söngleiknum Legi.
Þórunn Elísabet Sveinsdóttir sér um búninga en hún
hlaut Grímuverðlaunin á síðasta ári fyrir sína vinnu
við söngleikinn Leg sem og félagarnir í Flís sem
sömdu og útsettu tónlist söngleiksins. Um lýsingu
sér Egill Ingibergsson. Leikarar í sýningunni eru
Brynhildur Guðjónsdóttir, Dóra Jóhannsdóttir, Elma
Lísa Gunnarsdóttir, Stefán Hallur Stefánsson, Valur
Freyr Einarsson og Vignir Rafn Valþórsson auk
hinna fjölhæfu listamanna í Flís sem leika nú í fyrsta
sinn á fjölum Þjóðleikhússins. pbb@frettabladid.is
Gestur kemur að Logni
Sýning
Nú stendur yfir myndlistarsýningin
Ljósbrot í Artóteki Borgarbókasafns
Reykjavíkur, Tryggvagötu 15. Á
sýningunni má sjá myndir sem
rithöfundurinn Kristín Marja
Baldursdóttir valdi saman. Þar eiga
verk meðal annarra Aðalheiður
Valgeirsdóttir, Björg Þorsteinsdóttir,
Guðbjörg Lind Jónsdóttir og Valgerð-
ur Hauksdóttir.
Sýning Hildigunnar Birgisdóttur,
Um tilgangsleysi allra hluta, var
opnuð í Nýlistasafninu í gær. Til-
raunakennd verk Hildigunnar
byggjast gjarnan á leikjum, leik-
irnir á reglum og reglur eru kerfi.
Kerfin eiga rætur sínar að rekja
til eðlisfræðilegra fyrirbæra og
heimspekilegra vangaveltna um
hringrásir og heimskerfi en lúta
lögmálum og formfræði leikja og
spila. En í leikjunum eru reglurn-
ar ekki fullkomnar, einhver
svindlar og sum kerfin ganga alls
ekki upp.
Hildigunnur útskrifaðist frá
Listaháskóla Íslands árið 2003 og
hefur síðan sýnt hér heima og
erlendis. Hildigunnur hefur verið
virk á ýmsum sviðum listarinnar,
hún hefur meðal annars stýrt sýn-
ingum, má nefna Grasrótarsýn-
ingu Nýlistasafnsins árið 2005 og
sýningaröð vesturveggjar Skaft-
fells sumarið 2006. Hildigunnur er
að auki einn af stofnendum Útúr-
dúrs, bókverkaverslunar í miðbæ
Reykjavíkur.
Sýning Hildigunnar stendur
yfir í þrjá mánuði en Nýlistasafn-
ið er á Laugavegi 26 og er opið alla
daga frá 12-17. - vþ
Tilgangsleysi hluta
TILGANGSLEYSI Hildigunnur Birgisdóttir
sýnir í Nýlistasafninu. FRÉTTABLAÐIÐ/GVA
Í dag fer fram Heimsdagur í menn-
ingarmiðstöðinni Gerðubergi í
Breiðholti í tengslum við Vetrarhá-
tíð. Dagskrá Heimsdagsins er fyrst
og fremst ætluð börnum og unglin-
um, en öll fjölskyldan ætti að geta
skemmt sér vel. Unga fólkið fær
tækifæri til að taka þátt í listsmiðj-
um tengdum menningu framandi
landa.
Á meðal þess sem boðið er upp á
er maracas-hristusmiðja, skosk
danssmiðja, lífræn kviksjá, vík-
inga- og vopnasmiðja, kennsla í
pappírslistinni origami og kennsla í
japanskri leturgerð.
Smiðjurnar hefjast kl. 13 og kl.
16 fer fram eins konar uppskeru-
hátíð þar sem afrakstur listsmiðj-
anna verður sýndur. - vþ
Heimsdagur í
Gerðubergi
SKOTAPILS Boðið verður upp á kennslu í
skoskum dansi á heimsdegi í Gerðu-
bergi.
LEIKLIST Það er dimmt í
bænum að Logni þangað
sem Hugleikur Dagsson
stefnir áhorfendum til fund-
ar við forfeður okkar eins og
skáldið ímyndar sér þá.
MYND: ÞJÓÐLEIKHÚSIÐ/EDDI
GAMANÓPERAN
SÍGAUNABARÓNINN
EFTIR JOHANN STRAUSS - Íslensk þýðing: Egill Bjarnason og Þorsteinn Gylfason
Í GAMLA MJÓLKURSAMLAGINU BORGARNESI
Leikstjóri: Ása Hlín Svavarsdóttir • Stjórnandi: Garðar Cortes
Píanóleikur: Zsuzsanna Budai
Miðapantanir 437 1598 • tskb@simnet.is
Upplýsingar á: www.borgarbyggd.is
Tónlistarskóli Borgarfjarðar
Frumsýn. 7. feb. kl. 20.00 - UPPSELT
2. sýn. 9. feb. kl. 20.00 - UPPSELT
3. sýn. 10. feb. kl. 20.00 - UPPSELT
4. sýn. 16. feb. kl. 20.00 - LAUS SÆTI
5. sýn. 17. feb. kl. 20.00 - LAUS SÆTI
6. sýn. 19. feb. kl. 20.00 - LAUS SÆTI
27. febrúar
28. febrúar
2.mars