Fréttablaðið - 09.02.2008, Blaðsíða 88

56 9. febrúar 2008 LAUGARDAGUR
sport@frettabladid.is
FÓTBOLTI Siglfirðingurinn Grétar
Rafn Steinsson þurfti ekki langan
tíma til að festa sig í sessi í enska
boltanum. Bolton keypti Grétar
Rafn í janúar frá hollenska liðinu
AZ Alkmaar, hann fór inn í byrjun-
arliðið strax í fyrsta leik og hefur
fengið frábæra dóma fyrir
frammistöðu sína.
„Fótboltinn hér snýst ekki um
sömu hluti og ég er vanur. Í
Hollandi snerist hann meira um að
halda og spila boltanum en hérna í
Englandi er meira um hlaup og
læti. Það erfiðasta við þessa breyt-
ingu eru öll þessi hlaup og það að
maður fer yfir strikið hjá sér. Það
hefur tekið mann nokkra daga að
jafna sig aftur eftir leiki,“ segir
Grétar Rafn sem hefur spilað vel
og slegið í gegn í fyrstu leikjum
sínum.
Vildi að hann spilaði sinn leik
„Megson hefur bara sagt mér að
spila minn leik og gera nákvæm-
lega það sem ég var að gera í
Hollandi. Ástæðan var fyrir því að
ég var keyptur til Bolton var
hvernig ég var að spila þar og þeir
sjá engan tilgang í því að vera
breyta því sem menn eru ánægðir
með fyrir. Maður þarf samt að
laga sig að liðinu og leikstílnum,“
segir Grétar Rafn, og hans leik-
stíll fellur greinilega vel að þeim
enska.
Grétar Rafn fór inn í byrjunar-
liðið í fyrsta leik á móti Newcastle
og hefur spilað allar 270 mínút-
urnar síðan. „Ég bjóst ekki við að
vera í byrjunarliðinu í fyrsta leik
og að ég þyrfti að sanna mig til
þess að fá að byrja. Ég vissi það
samt alveg að ég hefði getuna til
þess að vera byrjunarliðsmaður í
liðinu. Ég þarf að sanna mig í
hverjum leik og sýna það að ég
eigi heima í byrjunarliðinu. Ég
ætla ekki að láta neinn taka sætið
af mér,“ segir Grétar.
Bolton á ekki heima í botnbaráttu
Bolton hefur fengið fimm stig í
fyrstu þremur leikjum Grétars
með liðinu og hefur enn ekki
fengið á sig mark.
„Liðinu hefur gengið mjög vel
að undanförnu. Bolton byrjaði
mjög illa á tímabilinu en eftir
stjóraskiptin hefur þetta gengið
mun betur. Þetta lið á ekki heima í
botnbaráttu. Þetta er góður og
sterkur klúbbur sem á að vera um
miðja deild,“ segir Grétar Rafn
sem ætlar sér að spila næstu ár í
Bolton sama hvernig málin þróast
í vetur. „Ég verð því áfram sama
hvað gerist. Ég hef minn metnað
og mín takmörk sem ég ætla að ná
hérna. Bolton er toppklúbbur til
þess að ná þeim markmiðum,“
segir Grétar Rafn.
Bolton gerði markalaust jafn-
tefli við Fulham í eina leik Grétars
á Reebok Stadium en liðið fær
Hermann Hreiðarsson og félaga í
Portsmouth í heimsókn í dag.
Ánægður með Heiðar
Grétar var ánægður með innkomu
Heiðars Helgusonar inn í lið Bolt-
on um síðustu helgi.
„Það var frábært að fá Heiðar
aftur og markið hans kom á þeim
tíma sem við þurftum virkilega
mark því það var komin pressa á
okkur. Liðið þurfti einhvern sem
gæti skorað en jafnframt unnið
mikið fyrir liðið. Hann verður
mjög mikilvægur fyrir okkur,“
segir Grétar og fram undan er
barátta við Hermann og félaga.
„Það verður mjög gaman að
mæta Hemma. Þeir eru með
hörkulið og eru líka búnir að kaupa
sér mikið af stórum nöfnum
þannig að þetta verður hörku
barningur. Aðalatriðið verður þó
að standa sig vel fyrir sitt lið og ná
stigum. Þeir segja að það þyrfti 40
stig til þess að halda okkur örugg-
lega uppi og við stefnum að því að
ná því sem fyrst til þess að minnka
álagið á liðinu,“ segir Grétar Rafn
og hann ætlar að njóta þess að
spila í skemmtilegustu deild í
heimi.
Búið að taka langan tíma
„Þetta er mjög gaman og mikil
upplifun. Það er búið að taka lang-
an tíma að komast hingað þannig
að það er eins gott að njóta þess á
meðan er,“ sagði Grétar.
ooj@frettabladid.is
Læt engan taka af mér sætið
Grétar Rafn Steinsson hefur byrjað frábærlega með Bolton í ensku úrvalsdeildinni og Bolton hefur ekki
fengið á sig mark síðan Grétar kom. Bolton fær Hermann Hreiðarsson og félaga í heimsókn í dag.
FÓRNAÐ SÉR Grétar Rafn vinnur boltann í leik gegn Fulham. NORDICPHOTOS/GETTY
FÓTBOLTI Grétar Rafn fór ekki
með landsliðinu til Möltu þar
sem hann þurfti tíma til að koma
sér fyrir í Bolton. „Þetta var
alveg nauðsynlegt hlé. Það var
líka erfitt að búa á hóteli og vera
ekki búinn að koma sér fyrir. Ég
hef reynt að nýta þessa viku til
að jafna mig og koma okkur fyrir
þannig að maður geti hellt sér út
í þetta á fullu,“ segir Grétar en
bætir svo við. „Það er leiðinlegt
að geta ekki tekið þátt í verkefni
með landsliðinu en stundum þarf
maður að taka fagmennskuna
fram yfir kappið og vita hvað er
rétt á hverri stundu. Ég ákvað að
nýta þetta tækifæri til þess að
koma mér fyrir og ná að einbeita
mér betur að því sem ég er að
gera hérna. Ég held að það sé
landsliðinu til góðs að ég standi
mig vel hérna. Ég er tilbúinn í
næsta leik og Ólafur sýndi mér
stuðning í því sem ég var að
gera,“ sagði Grétar Rafn. - óój
Grétar Rafn fékk frí frá landsleikjunum á Möltu:
Alveg nauðsynlegt
GEFUR EKKERT EFTIR Grétar Rafn
Steinsson í baráttunni við Damien
Duff. NORDICPHOTOS/AFP
KÖRFUBOLTI Jón Arnór Stefánsson
gat ekki tekið þátt í bikarleik
Lottomatica Roma sem datt út úr
átta liða úrslitunum ítalska
bikarsins eftir 69-75 tap fyrir
Fortezza Bologna. Roma-liðið
lenti 0-13 undir í leiknum og náði
aldrei að vinna upp þá slæmu
byrjun sína í þessum leik.
Jón Arnór meiddist í leik í
Meistaradeildinni aðeins nokkr-
um dögum eftir að hann hóf leik
að nýju. Meiðsli í lærvöðva tóku
sig upp aftur og í framhaldinu er
óvíst hversu lengi Jón Arnór
verður frá keppni. - óój
Jón Arnór Stefánsson á Ítalíu:
Meiddist aftur
á sama stað
MEIDDUR Lærmeiðsli Jóns Arnórs tóku
sig upp aftur. NORDICPHOTOS/AFP
Hannes Jón Jónsson, leikmaður Fredericia og íslenska
landsliðsins í handbolta, er á förum frá danska liðinu
þegar samningur hans rennur út í júní næsta sumar eftir
árs dvöl hjá félaginu.
„Þegar ég kom til félagsins gerði ég eins árs samning
með möguleikanum á að framlengja um eitt ár og sá
möguleiki verður sem sagt ekki nýttur,“ sagði Hannes
Jón sem kvaðst tilbúinn að skoða flesta möguleika
upp á framhaldið.
„Þýska deildin heillar náttúrulega en ég er samt
bara að leita að rétta félaginu fyrir mig, þar sem ég
sé fram á að geta verið ánægður. Ég er því þannig
séð opinn fyrir flestu,“ sagði Hannes Jón sem
stimplaði sig rækilega inn í lokaundirbúningi
íslenska landsliðsins fyrir EM. Hannes Jón fór á
kostum í æfingaleik gegn Tékkum þar sem hann
skoraði sjö mörk í seinni hálfleik og var í fram-
haldinu valinn í lokahóp landsliðsins fyrir EM.
„Það var náttúrulega sannur heiður og frábær
upplifun fyrir mig að komast á stórmót með landsliðinu og það er
alltaf stefnan hjá manni að vera í landsliðinu. Auðvitað var gengi
liðsins ákveðin vonbrigði og ég vona svo sannarlega að geta tekið
þátt í stórmóti með landsliðinu þar sem gengur vel hjá liðinu, það
er draumurinn,“ sagði Hannes Jón sem játaði því að þátttaka sín á
EM gæti ef til vill hjálpað við að finna nýtt lið.
„EM er auðvitað ákveðinn gluggi fyrir leikmenn með
lausa samninga eins og reyndar danska úrvalsdeildin
þar sem ég spila nú. Þannig að ég er fullviss um að
finna mér eitthvert fínt félag fyrir næsta tímabil og er
bjartsýnn á framhaldið,“ sagði Hannes Jón sem hefur
vakið athygli fyrir eitraða gabbhreyfingu eða „skot-
fittu“ eins og menn kalla það á handboltamáli.
„Þetta er bara einföld gabbhreyfing sem ég er
búinn að beita síðan ég var smá tappi. Það eru oft
einföldu hreyfingarnar sem virka best, ef þær eru
gerðar rétt. Við félagarnir köllum þetta „antílópu-
fittuna“ og hún virkar oftast nær mjög vel,“ sagði
Hannes Jón á léttum nótum.
HANDBOLTAMAÐURINN HANNES JÓN JÓNSSON: ER Á FÖRUM FRÁ DANSKA LIÐINU FREDERICIA NÆSTA SUMAR
Antílópufittan virkar oftast nær mjög vel
> Ársþing KSÍ haldið í dag
62. ársþing Knattspyrnusambands Íslands fer fram í
höfuð stöðvum sambandsins í Laugardalnum í dag. Það
hefst kl. 11.00 og nær fram á kvöld. Kosið verður meðal
annars um sæti í stjórn og varastjórn KSÍ þar sem fimm
framboð eru um fjögur sæti í
stjórninni og fjögur framboð
um þrjú sæti í varastjórninni.
Allar upplýsingar tengdar þing-
inu er að finna á heimasíðunni
www.ksi.is.
„Frumsýning í Hafnarfjarðar-
leikhúsinu er alltaf tilhlökkun-
arefni. Í þetta sinn stigu flinkir
leikarar á svið með skemmtilega
sýningu.“
Elísabet Brekkan, Fréttablaðið.
Laugard. 9. feb.
Föstud. 15. feb
Laugard. 16. feb
Midasala: 555 2222. www.midi.is
Laugard. 23. feb
Laugard. 1. mars
Allar sýningar hefjast kl. 20