Fréttablaðið - 10.02.2008, Blaðsíða 6

6 10. febrúar 2008 SUNNUDAGUR
ALÞINGI Heilsugæslan á höfuð-
borgarsvæðinu er í uppnámi og
starfsemin lömuð, segir Álfheiður
Ingadóttir, Vinstrihreyfingunni –
grænu framboði, sem á Alþingi í
gær vildi vita hvaða áform Guð-
laugur Þór Þórðarson heilbrigðis-
ráðherra hefði uppi um úrbætur.
Álfheiður sagði þúsundir vera
án heimilislæknis og kvað 500
milljónir króna vanta til reksturs
kerfisins.
Guðlaugur féllst engan veginn
á lýsingu Álfheiðar á ástandinu
en sagði starfshóp undir forystu
Guðjóns Magnússonar, fyrrum
rektors Norræna heilbrigðis-
háskólans, huga að stöðu og fram-
tíð heilsugæslunnar.
Guðlaugur sagði fjarstæðu að
500 milljónir vantaði í rekstur
heilsugæslunnar; engin gögn
styddu slíkt tal. Þá sagði hann
skráningu ónákvæma og tölur um
læknalausa því hugsanlega
rangar.
Ármann Kr. Ólafsson, Sjálf-
stæðisflokki, benti á að þótt til-
tekinn fjöldi fólks væri án
heimilis læknis væri ekki þar með
sagt að það væri án þjónustu því
hana væri hægt að fá víða.
Þuríður Backman, VG, tók
undir orð flokkssystur sinnar og
kvað ástandið alvarlegt. Hún
sagði rétt hjá Ármanni að hægt
væri að fá þjónustu en hún væri
dýrari ef fólk hefði ekki fastan
heimilislækni. Þá lýsti hún
áhyggjum af að ekki væri næg
endurnýjun í stétt heimilis-
lækna.
- bþs
Álfheiður Ingadóttir segir starfsemi heilsugæslunnar lamaða og krefst úrbóta:
Staðan verst á höfuðborgarsvæðinu
NEPAL, AP Hótelstarfsmaður í Nepal bar kennsl
á eftirlýstan lækni, Amit Kumar, þegar hann
sá mynd af honum í indversku sjónvarpi.
Kumar var handtekinn á fimmtudagskvöld,
grunaður um að hafa stundað ólögleg við-
skipti með líffæri.
Kumar hafði fjarlægt nýru úr hundruðum
manna, stundum án samþykkis þeirra. Þegar
hann var handtekinn í litlu skógarhóteli í
Nepal fundust í fórum hans 230 þúsund
bandarískir dalir í reiðufé og ávísun upp á 24
þúsund dali. Samtals nemur þetta fé rúmlega
17 milljónum íslenskra króna.
Indverska lögreglan segir að Kumar hafi
verið höfuðpaurinn í alþjóðlegum líffæravið-
skiptum með bækistöðvar í Gurgaon, einu af
betri hverfum Nýju-Delí.
Talið er að á síðustu níu árum hafi allt að
500 nýru verið seld fólki sem ferðaðist til Ind-
lands í því skyni að fá þar nýtt nýra. Nýrun
voru mörg hver tekin úr fátæklingum, sem
stundum var ógnað með byssum áður en
brottnámið var framkvæmt.
Fréttir af þessu athæfi hafa orðið tilefni til
heiftarlegra umræðna á Indlandi um siðferði
lækna og löggjöf um líffæraígræðslur.
Þegar indverska lögreglan varð þess
áskynja að Kumar væri flúinn úr landi var
leitað til alþjóðalögreglunnar Interpol.
- gb
AMIT KUMAR HANDTEKINN Hann er
sakaður um að hafa ógnað fólki með
byssu áður en hann tók úr því nýrað.
FRÉTTABLAÐIÐ/AP
Indverski læknirinn Amit Kumar handtekinn í Nepal með 17 milljónir í fórum sínum:
Seldi nýru á svörtum markaði
GUÐLAUGUR ÞÓR
ÞÓRÐARSON
ÁLFHEIÐUR
INGADÓTTIR
ÍS
L
E
N
S
K
A
S
IA
.I
S
I
C
E
4
09
96
0
2
/0
8
TILBOÐ 7.–15. FEBRÚAR
+ Nánari upplýsingar og bókanir á
www.icelandair.is eða í síma 50 50 100
* Innifalið í verði: Flug aðra leið og flugvallarskattar. Ferðatímabil: 2. maí–31. des.
TORO
NTO
Verð
frá 19
.920 k
r.*
Námskeið á vorönn
að hefjast
Allir aldurshópar velkomnir.
10 vikur
1 klst. á viku. kr. 30.000
Börn 6-18 ára geta notað
frístundakort Í.T.R.
Ármúli 38 / við Selmúla
S: 5516751 6916980
pianoskolinn.is
pianoskolinn@pianoskolinn.is
Ætlar þú að sækja einhvern við-
burð á Vetrarhátíð í Reykjavík?
Já 22,4%
Nei 77,6%
SPURNING DAGSINS Í DAG:
Vilt þú taka upp annan gjald-
miðil í stað íslensku krónunnar?
Segðu þína skoðun á Vísir.is
VEÐUR Rúmlega 400 björgunar- og
hjálparsveitarmenn sinntu yfir
400 útköllum í fyrrakvöld og -nótt
vegna veðurofsans sem gekk yfir
landið. Veðrið var með því allra
versta sem komið hefur það sem
af er vetri og lægðin sú dýpsta
sem komið hefur yfir landið í
vetur, að sögn veðurfræðinga.
Talið er að veðrið hafi valdið
meira tjóni en fyrri óveður í
vetur.
Suðvestanvert landið varð
verst fyrir barðinu á veðrinu en
aðrir landshlutar sluppu betur
en á horfðist. Þó varð eitthvað
tjón víðast hvar á landinu, en að
sögn lögregluvarðstjóra á Akur-
eyri hafði veðrið lítil áhrif þar.
Fjölmenni tókst á við eftir-
stöðvar óveðursins í gærmorg-
un, einkum á höfuðborgarsvæð-
inu. Þar höfðu tré rifnað upp með
rótum, þakplötur losnað og flætt
hafði inn í fjölda kjallara.
Sjö listamenn misstu verk sín
og áhöld þegar gríðarmikið vatn
flæddi inn í vinnuastöðu þeirra í
kjallara Korpúlfsstaða.
Þá voru allar tiltækar dælur,
meðal annars frá Grindavík,
sendar í Egilshöll þar sem mikið
vatn hafði flætt inn í kjallara
hússins, meðal annars upp um
niðurföll. Allur kjallarinn, sem
er á þriðja þúsund fermetrar, fór
undir tíu til fimmtán sentimetra
djúpt vatn. Auk þess barst mikill
aur inn í kjallarann. Talið er að
tjónið nemi milljónum króna.
Veðrið hafði einnig áhrif á
flugfarþega á Keflavíkurflug-
velli. Á fimmta hundrað farþega
þurftu að bíða í allt upp undir
fimm klukkustundir í flugvélum
eftir því að komast frá borði, þar
sem ekki var hægt að koma vél-
unum að landgöngum í veður-
hamnum. Að lokum sóttu rútur
fólkið og óku þeim að flugstöð-
inni.
Viðbúnaðarstigi vegna snjó-
flóðahættu, sem lýst var yfir á
Vestfjörðum á föstudag, var
aflétt í kringum hádegi í gær. Þó
var búist við hvassviðri og jafn-
vel stormi aftur í gærkvöldi og
nótt. Lægja á í dag og í kvöld.
stigur@frettabladid.is
Yfir 400 útköll vegna
óveðurs um land allt
Yfir 400 björgunarsveitarmenn tókust á við veðurguðina í fyrrakvöld. Versta
veður vetrarins olli miklu tjóni. Sjö listamenn misstu verk sín þegar flæddi inn
á Korpúlfsstaði. Björgunarsveitarmenn orðnir þreyttir eftir mikla óveðurstörn.
VETRARHÁTÍÐ LOKIÐ Reykjavíkurborg hélt um helgina sína sjöundu vetrarhátíð.
Hátíðin hefur aldrei verið haldin í verra veðri en í ár og í gærdag mátti sjá borgar-
starfsmenn taka niður rifna vetrarhátíðarfána í miðborginni. FRÉTTABLAÐIÐ/ANTON
KJÖRKASSINN