Fréttablaðið - 10.02.2008, Blaðsíða 11

SUNNUDAGUR 10. febrúar 2008 11
BRÉF TIL BLAÐSINS
UMRÆÐAN
REI-málið
REI-stýrihópurinn hefur skilað langþráðri skýrslu sinni um
„skandalinn“ sem skekið hefur
íslenskt samfélag mánuðum
saman, kostað viðvarandi umrót í
borgarstjórn og reynt verulega á
þolrif landsmann. Niðurstaðan er
þessi: Svigrúm borgarstjóra til
stærri ákvarðana ber að skýra og
kaupréttarsamningar starfs-
manna sameinaðs orkuútrásar-
fyrirtækis REI og Geysis Green
kynnu að vera umdeilanlegir. Það
var nú allt og sumt. Og þá má
spyrja hvort gengið hafi verið til
góðs.
Kommar í bisness
Datt einhverjum í hug að hægt
væri að kalla Bjarna Ármannsson,
Hannes Smárason og þeirra liðs-
menn til samstarfs án kaupréttar-
samninga og kjara sambærilegra
þeim sem almennt tíðkast á þeirra
vettvangi? Taldi einhver að sá
mannskapur allur mundi hefja
störf á launakjörum opinberra
starsfmanna og án þeirra gulróta
sem knýja að jafnaði einkageirann
– þ.e. hlutdeild í gróða ef einhver
verður? Og hefði verið skynsam-
legt að gera í sameinuðu fyrirtæki
upp á milli þeirra starfsmanna
sem áður störfuðu hjá Geysi
Green og þeirra sem komu frá
REI? Það er e.t.v. skiljanlegt að
gömlu Stalínistarnir í VG færu á
límingunum við tilhugsunina um
að fyrrum starfsmenn „hins opin-
bera“ nytu í nýju sameinuðu útrás-
arfyrirtæki nútímalegra kjara-
bóta ef vel tækist til. En var
hagsmunum okkar Reykvíkinga
best borgið með því að láta VG
hrópa málið af dagskrá eða að fela
þeim að semja viðskiptamódel
orkuútrásarinnar?
Er Bingi Einar Ben 21. aldarinnar?
Í umræðunni hefur að undanförnu
sjaldnast verið minnst á þann stór-
kostlega samning sem Björn Ingi
gerði fyrir hönd Reykvíkinga,
sumsé að pakka saman
þekkingu starfsmanna
Hitaveitunnar og verð-
meta á heila 10 millj-
arða. Það virtist satt að
segja ótrúlega góður
díll fyrir okkur Reyk-
víkinga. Væri einhver
tilbúinn að reiða fram
þá 10 milljarða í dag?
Er einhver af hinum
framsæknu útrásar-
mönnum Íslands tilbú-
inn að stíga „einka“-
dans við „hið opinbera“ á þessu
sviði eftir það sem á undan er
gengið?
Þeir einkaaðilar sem nú er
gengnir frá ævintýrinu laskaðir og
vonsviknir, munu að líkindum ekki
mæla sérstaklega með slíku sam-
krulli í sínum hópi í
bráð.
Við hefðum satt að
segja þurft á því að
halda í miðju skamm-
deginu og svartagalls-
rausinu sem einkennir
samfélagið um þessar
mundir, að hafa einn til
tvo alvöru athafna-
menn til að leiða öfluga
orkuútrás og tala fram-
tíðina upp fremur en
hitt.
Minni hagsmunum fórnað fyrir
meiri
Vinstri grænum tókst ætlunarverk
sitt. Að hrópa Úlfur! Úlfur! nægi-
lega oft til að fella meirihluta borgar-
stjórnar og skipa sjálfum sér þar til
forsætis með heilögum umbóta- og
vandlætingarsvip. Tímabundið. Sá
svipur var vægast sagt orðinn eilítið
kindarlegur er moðskýrslan var
loks fram reidd. Upp úr krafsinu
hlaust ekki bara skaði upp á 10
milljarða heldur a.m.k. annað eins í
trúverðuleika og trausti sem „hið
opinbera“ glutraði í þessari snaut-
legu vegferð.
Alvöru fjármála- og útrásarmenn
munu að óbreyttu ekki treysta sér
með áhættufjármagn sitt í púkk
með „hinu opinbera“ eftir þetta.
Fyrrum bankar „hins opinbera“
bera gleggst vitni þeim aulagangi
sem einkennt hefur „hið opinbera“ í
öllum bisness á Íslandi til þessa:
Bankar sem seldir voru á 10 millj-
arða 2003 voru 2007 eftir stjórn
einkaaðila metnir á 600 milljarða.
Þegar óáþreifanleg þekking jarð-
fræðinga og verkfræðinga Hita-
veitunnar fæst metin á 10 milljarða
og sóknarfærin blasa við um víða
veröld fyrir tilstuðlan einkaaðila,
þá leyfa skammsýnir pólitíkusar
sér að hleypa öllu upp og blása við-
skiptin af borðinu í einu vetfangi.
Án þess einu sinni að gera sér grein
fyrir eigin skaðræði. Allt fyrir tíma-
bundna setu á forsetastóli borgar-
stjórnar?
Sjálfsagt er að menn taki tilmæl-
in í skýrslu stýrihópsins til greina.
Mikilvægast er þó að kjörnir full-
trúar læri af þessari reynslu hvern-
ig á EKKI að halda á sameiginleg-
um fjöreggjum landsmanna.
Höfundur er tónlistarmaður.
Skaðinn af REI-málinu
JAKOB FRÍMANN
MAGNÚSSON
Hátíð í Hafnarfirði
Ellert Magnússon, deildarstjóri
æskulýðsmála í Hafnarfirði, skrifar:
Miðvikudaginn 13. febrúar og
fimmtudaginn 14. febrúar verður
Grunnskólahátíð ÍTH haldin. Hátíðin
er ein sú umfangsmesta sem krakkar
í Hafnarfirði standa fyrir og í öllum
undirbúningi er lögð mikil áhersla
á frumkvæði krakkanna sjálfra, sem
hafa staðið sig vel. Í ár er 100 ára
afmæli Hafnarfjarðarkaupstaðar og
litast undirbúningurinn af því.
Í tilefni afmælisins bauð afmælis-
nefnd bæjarins frítt á hátíðina, en
að frumkvæði krakkanna sjálfra var
ákveðið að aðgangseyrir yrði 100
kr., ein króna fyrir hvert ár, og að öll
innkoma rynni til góðgerðamálefna.
Ákveðið var að styrkja starfsemi
sem sérstaklega snýr að börnum og
ungmennum. Þá stendur til að bjóða
sérstaklega öllum áhugasömum
íbúum Hafnarfjarðar að koma á leik-
sýningar sem haldnar verða 13. febrú-
ar í íþróttahúsinu við Strandgötu.
Fimmtudaginn 14. febrúar er svo
haldinn risadansleikur í íþróttahúsinu
þar sem dagskrá er afar glæsileg og
er búist við um 1.000 krökkum.
Allt starfsfólk ÍTH fagnar því að fá
að standa fyrir og taka virkan þátt í
undirbúningi viðburðar sem þessum
og verður að segjast að allt samstarf,
hvort heldur er við grunnskólana,
félagasamtök eða krakkana sjálfa,
hefur verið til fyrirmyndar. Í Hafn-
arfirði er mikil áhersla lögð á að
virkja börn og ungmenni til þátttöku
í skipulagningu, framkvæmd og
undirbúningi hinna ýmsu viðburða.
Unglingalýðræði í Hafnarfirði er
mikils metið og í raun ótrúlegt hversu
miklum árangri krakkarnir geta náð
þegar skapaður er vettvangur fyrir
þau að vinna, tjá sig og framkvæma.
Þá er það von okkar að sem flestir
þiggi boð krakkanna og líti við á
leiksýningar sem þau hafa verið að
undirbúa síðustu vikur og taki þannig
þátt í þessu mikla framlagi þeirra til
afmælisins.
LANDLÆKNISEMBÆTTIÐ
Sóttvarnalæknir Austurströnd 5 • 170 Seltjarnarnes • Sími 5101900 • www.influensa.is • www.landlaeknir.is
1. Þvoðu þér reglulega um hendurnar –(einkum fyrir máltíðir)
Handþvottur verndar gegn beinni og óbeinni snertingu við inflúensuveiruna. Bein snerting
er m.a. að taka í höndina á sýktum einstaklingi sem hefur snert munn sinn eða nef eða
haldið fyrir vitin til að hósta eða hnerra. Óbein snerting felst í að snerta hluti sem smitaður
einstaklingur hefur handleikið, t.d. hurðarhún eða notaða bréfþurrku.
2. Notaðu bréfþurrkur til að hylja munn og nef þegar þú hnerrar og hóstar
Úðadropar úr vitum berast aðeins stutta leið, innan við einn metra. Þeir sem standa næst
einstaklingi sem hnerrar eða hóstar án þess að halda fyrir vitin eru í hvað mestri smithættu.
Að halda fyrir munn og nef dregur úr líkum á smiti.
3. Hentu notuðum bréfþurrkum beint í ruslið
Inflúensuveirur geta lifað tímabundið utan líkamans og hægt er að smitast með því að
snerta hluti sem nýlega hafa mengast, s.s. vasaklúta eða bréfþurrkur, eða með því taka í
hönd smitaðs einstaklings. Bein eða óbein snerting, t.d. við bréfþurrku, sem smitaður ein-
staklingur hefur nýlega notað til að snýta sér með eða hnerra á, getur skapað smithættu.
4. Haltu fyrir vitin ef bréfþurrkur eru ekki til taks
Þegar bréfþurrkur eru ekki við hendina skaltu halda fyrir munn og nef og þvo hendurnar
strax á eftir eða hnerra á handlegginn eða í olnbogabótina til að hindra dreifingu veiranna.
5. Vertu heima meðan veikindi vara
Inflúensa er mest smitandi fljótlega eftir að sjúkdómseinkenni byrja. Enda þótt veirurnar
haldi áfram að dreifast í allt að fimm daga frá upphafi veikinda (sjö daga hjá börnum)
dregur smám saman úr fjölda þeirra og þar með minnkar smithættan. Ráðlegt er að vera
heima frá því að einkenna verður vart. Ef þér versnar skaltu leita læknis.
Hvað er inflúensa?
Inflúensa – í daglegu tali kölluð flensa – er árlegur
faraldur. Hún stafar af inflúensuveirum sem sýkja
öndunarfærin (nef, háls, berkjur og stundum lungun).
Flensa smitast frá manni til manns með úðadropum
sem berast úr öndunarfærum smitaðra þegar þeir
hósta og hnerra eða með snertingu þegar veirurnar
eru á höndunum. Sjúkdómurinn getur staðið yfir í
meir en viku með tiltölulega vægum einkennum en
hann getur líka valdið alvarlegum veikindum.
Einkenni: Skyndilegur sótthiti, beinverkir, höfuðverkur
og almenn vanlíðan. Einnig geta komið fram einkenni
eins og þreyta, hósti, hnerri, nefstífla og erting í nefi,
augum, hálsi og eyrum.
Forðumst flensuna