Fréttablaðið - 10.02.2008, Blaðsíða 93

SUNNUDAGUR 10. febrúar 2008 21
ER ÞESSI EINI AF
HVERJUM NÍU
SKYLDUR ÞÉR?
Rauði krossinn, í samstarfi
við N1, gefur öllum leik-,
grunn-, framhalds- og háskól-
um landsins skyndihjálpar-
veggspjaldið Getur þú hjálp-
að, þegar á reynir?
Þetta er gert í tilefni af 112-
deginum sem haldinn verð-
ur á vegum viðbragðsaðila í
björgun og almannavörnum
um allt land mánudaginn 11.
febrúar. Fjölmargar deildir
félagsins um land allt heim-
sækja skólana í sinni heima-
byggð af þessu tilefni, af-
henda veggspjöldin og vekja
sérstaka athygli á mikilvægi
þess að allir kunni skyndi-
hjálp, jafnt starfsfólk sem
nemendur.
Á veggspjaldinu eru upp-
lýsingar um hvernig bregðast
má við í neyð. Framsetning-
in er bæði einföld og skýr svo
allir geta lært eitthvað af því
eða rifjað upp helstu aðferð-
ir skyndihjálpar. Veggspjald-
ið var fyrst gefið skólum árið
2005 en hefur nú verið upp-
fært samkvæmt nýjum al-
þjóðlegum leiðbeiningum um
skyndihjálp og endurlífgun.
Hjá íslenskum börnum á
aldrinum fimm til fjórtán ára
eru slys í skólum nokkuð al-
geng og er áætlaður fjöldi
slysa um 2.500-3.200 á ári.
Skyndihjálparkunnátta
þeirra sem gæta barnanna í
skólunum getur því augljós-
lega reynst dýrmæt í neyð.
Mörg dæmi eru um að jafn-
vel börn hafi bjargað manns-
lífum með því að þekkja til
grunnþátta í skyndihjálp og
oftar en ekki hafa þau lært
skyndihjálp í grunn- eða
framhaldsskóla.
Rauði krossinn hefur í
áratugi unnið að útbreiðslu
skyndihjálpar með því að
halda námskeið fyrir ýmsa
hópa, þar á meðal starfs-
menn leik- og grunnskóla, og
bjóða upp á vandað fræðslu-
efni í skyndihjálp í samræmi
við nýjustu kröfur. N1 hefur
styrkt skyndihjálparverk-
efni Rauða krossins síðastlið-
in þrjú ár.
Allir skólar landsins fá nýtt
skyndihjálparveggspjald
HJÁLPARSPJALD TIL ALLRA Gunnhildur Sveinsdóttir, verkefnisstjóri í
skyndihjálp hjá Rauða krossi Íslands, afhenti Guðrúnu Ingimundardóttur,
skólastjóra Breiðagerðisskóla, og nemendum veggspjald.
Segja má að framtíð leikkonunnar
Estherar Talíu Casey hafi verið ráðin
þegar foreldrarnir völdu á hana nöfn,
þar sem nöfnin Esther og Talía hafa
táknræna merkingu í leikhúsi og listum.
„Ég var skírð Esther í höfuðið á írskri
ömmu minni. Ég man reyndar ekki
eftir henni en á að hafa hana hitt sem
kornabarn,“ segir Esther sem er írsk í
aðra ættina þótt suðrænt útlitið, það
er stór, brún augun og hrafnsvartir
lokkarnir, gefi ef til vill annað til kynna.
„Mamma og pabbi, sem voru al-
gjörir hippar, fengu hugmyndina að
nafninu Talía þegar þau fóru í bíó og
sáu þar kvikmynd með leikkonu með
sama nafni. Þau voru svo óskaplega
hrifin af myndinni og leikkonunni að
þau ákváðu að skíra mig eftir henni,“
segir Esther, sem man ekki eftirnafn
umræddrar leikkonu en þvertekur þó
fyrir að þau hafi uppveðrast við að
horfa á leikkonuna Taliu Shire í mynd-
inni Rocky. „Svo er Talía eða Thalia
nafn leiklistargyðjunnar í grískri goða-
fræði, ef ég man rétt,“ bætir hún við.
Málin taka að vandast þegar í ljós
kemur að Esther eða Estrella merkir
jafnframt stjarna en fyrir vikið seg-
ist Esther stundum líða eins og hún
þurfi að uppfylla miklar kröfur. Stjarna
Estherar á þó eflaust eftir að skína
skært í næstu viku en þá tekur hún þátt í uppfærslu Þjóðleikhússins á íslenska leikritinu
Sólar ferð og verður einstaklega spennandi að sjá hvernig henni tekst til í hlutverki tálkven-
disins Rutar sem vefur karlmönnum um fingur sér.
NAFNIÐ MITT: ESTHER TALÍA CASEY
Heiti eftir frægri leikkonu
ESTHER TALÍA CASEY