Fréttablaðið - 12.02.2008, Blaðsíða 4
4 12. febrúar 2008 ÞRIÐJUDAGUR
BÚRMA, AP Tilkynningu herfor-
ingjastjórnarinnar í Búrma
(Myanmar) um að hún muni
standa fyrir þjóðaratkvæða-
greiðslu um nýja stjórnarskrá nú
í maí og lýðræðislegum þingkosn-
ingum árið 2010 var ekki vel tekið
meðal gagnrýnenda stjórnarinnar
heima og heiman. Þeir telja
þessar boðuðu aðgerðir vera of
lítið og of seint.
Stjórnin tilkynnti um kosning-
arnar um helgina, en það var í
fyrsta sinn sem hún festi dagsetn-
ingar á aðgerðir sínar í því sem
hún kallar leiðarvísi til lýðræðis.
Gagnrýnendur telja þennan
leiðarvísi aðeins til þess ætlaðan
að tryggja herforningjunum
völdin til eilífðarnóns. - aa
Stjórnmál í Búrma:
Boðun kosn-
inga gagnrýnd
ÓVÆNTAR FRÉTTIR Lesandi dagblaðs í
þjóðlegum klæðum í Rangún. Fréttirnar
af áformaðri boðun kosninga komu
flestum á óvart. NORDICPHOTOS/AFP
STJÓRNMÁL Geir H. Haarde, formaður Sjálfstæðis-
flokksins, vill ekki upplýsa hvort hann styðji
Vilhjálm Þ. Vilhjálmsson til að verða borgarstjóri
eftir þrettán mánuði. Hann vonar að Vilhjálmur taki
fljótlega af skarið með hvað hann hyggist fyrir og
ætlar að taka afstöðu til ákvörðunar hans þegar hún
liggur fyrir.
Geir ræddi við blaðamenn um miðjan dag í gær,
eftir að Vilhjálmur hafði greint frá því í beinni
sjónvarpsútsendingu að hann ætlaði að vera
borgarfulltrúi áfram en fara jafnframt yfir stöðu
sína.
Geir sagði það rétt mat hjá Vilhjálmi að staða
hans hefði veikst að undanförnu og taldi skynsam-
legt af honum að fara yfir stöðu sína. „Ég er ekki í
vafa um að þegar hann kemst að niðurstöðu þá verði
það niðurstaða sem verður bæði í þágu Sjálfstæðis-
flokksins í Reykjavík og borgarbúa,“ sagði Geir.
Hann kvað þá hafa ræðst við síðustu daga en vildi
ekki upplýsa hvað þeim hefði farið á milli. Geir
sagði ekkert nýtt hafa komið fram í REI-skýrslunni
en að Vilhjálmi hafi orðið á mistök í sjónvarpsþætti.
„Það er ljóst að trúverðugleiki hans beið ákveðinn
hnekki af því tilefni og hann er að reyna að vinna sig
út úr þeim erfiðleikum,“ sagði Geir. - bþs
Geir H. Haarde segir skynsamlegt af Vilhjálmi Þ. Vilhjálmssyni að meta stöðu sína:
Trúverðugleiki hans hefur minnkað
GEIR H. HAARDE
Forsætisráðherra
vildi í gær ekki
upplýsa hvort
hann styðji
Vilhjálm Þ.
Vilhjálmsson í stól
borgarstjóra.
með ánægju
Hópferðir
Hópadeild Iceland Express gerir hópum, 11 manns og fleiri, tilboð í allar
gerðir hópferða til áfangastaða flugfélagsins.
Kynntu þér kostina í síma 5 500 600 eða á www.icelandexpress.is/hopar
STJÓRNMÁL „Það kom aldrei til
greina að ég hætti,“ segir Vilhjálm-
ur Þ. Vilhjálmsson, oddviti sjálf-
stæðismanna í borgarstjórn
Reykjavíkur.
Þung undiralda var fyrir og um
helgina innan Sjálfstæðisflokksins
vegna framgöngu Vilhjálms í REI-
málinu og umræðum um það. Síð-
ustu þrjá daga ræddi Vilhjálmur á
hverjum degi um stöðuna við for-
mann flokksins, Geir Haarde for-
sætisráðherra. Málið var rætt á
fundi borgarfulltrúa sjálfstæðis-
manna á hádegisfundi þeirra í gær
í höfuðstöðvum flokksins.
„Það liggur fyrir að ég hef stuðn-
ing frá mínum félögum. Það var
engin tillaga eða ósk um að ég gerði
eitthvað annað en að halda áfram,
síður en svo,“ segir Vilhjálmur.
Aðrir borgarfulltrúar en Vil-
hjálmur vildu lítið tjá sig eftir
fundinn. Jórunn Frímannsdóttir
sagði þó að niðurstaða fundarins
væri góð og að um hana ríkti sátt.
Þau Hanna Birna Kristjánsdóttir
og Gísli Marteinn Baldursson fóru
út um kjallaraútgang og óku síðan
saman á brott án þess að gefa færi
á viðtali.
Vilhjálmur segist gera ráð fyrir
að hann bjóði sig ekki fram fyrir
næsta kjörtímabil. Málefnasamn-
ingi borgarstjórnarmeirihlutans,
um að hann taki við af Ólafi F.
Magnússyni sem borgarstjóri á
næsta ári, verði ekki breytt nema í
samráði við samstarfsflokkinn.
„Samningurinn gengur út á að ég
verði borgarstjóri eftir eitt ár og
einn mánuð en ég mun auðvitað
skoða mín mál á næstu mánuðum
og misserum. Ég er ekki slíkur egó-
isti að ég láti mína persónu ráða
einhverjum öðrum hagsmunum
séu þeir hærri,“ segir Vilhjálmur.
Að sögn Vilhjálms finnst honum
skorta á að Samfylkingin sé dregin
til ábyrgðar fyrir REI-málið. „Það
vill svo til að fulltrúi Samfylking-
arinnar í stjórn Orkuveitunnar á
þessum tíma, varamaður Dags B.
Eggertssonar sem var fjarverandi,
Sigrún Elsa Smáradóttir, sam-
þykkti allt þetta samrunaferli án
nokkurra efnislegra athugasemda,“
segir Vilhjálmur sem kveðst telja
Reykvíkinga orðna þreytta á
umræðunni um REI. Hann ítrekar
að hann hafi beðist afsökunar á því
að farið hefði verið of geyst í mál-
inu og skort hefði á samráð:
„Yfirleitt segja menn af sér ef
þeir hafa brotið eitthvað af sér,
stolið eða gert einhvern annan
óskunda en ég hef ekki farið á svig
við lög eða reglur.
Ég geri mér hins vegar fulla
grein fyrir þeirri óánægju sem
hefur verið að magnast upp í þessu
máli en við borgarfulltrúar Sjálf-
stæðisflokksins erum staðráðnir í
að leggja okkur fram og læra af
því.“ gar@frettabladid.is
Afsögn kom aldrei til
greina hjá Vilhjálmi
Vilhjálmur Þ. Vilhjálmsson segir það aldrei hafa komið til greina að hann hætti
sem borgarfulltrúi fyrir lok kjörtímabilsins. Óvíst er hvort Vilhjálmur verður
borgarstjóri. Hann segir sína eigin persónu ekki ganga fyrir æðri hagsmunum.
VILHJÁLMUR Þ. VILHJÁLMSSON Oddviti sjálfstæðismanna í borgarstjórn segist njóta
stuðnings eigin liðsmanna og ætlar ekki að hætta sem borgarfulltrúi.
FRÉTTABLAÐIÐ/VILHELM
Ég er ekki slíkur egóisti
að ég láti mína persónu
ráða einhverjum öðrum hags-
munum séu þeir hærri.“
VILHJÁLMUR Þ. VILHJÁLMSSON
BORGARFULLTRÚI
„Maður hefur sjaldan séð annan eins
vandræðagang,“ segir Svandís Svavars-
dóttir, borgarfulltrúi Vinstri grænna.
„Þarna sat Vilhjálmur einn þar sem
borgarfulltrúarnir höfðu sniglast út
bakdyramegin og forystan var ósýnileg.
Yfirlýsingin innihélt ekkert annað en
viðurkenningu á því að hann bæri
ábyrgð en þó að hann ætlaði áfram að
meta stöðu sína. Það er alvarlegt mál
að Sjálfstæðisflokkurinn skuli leyfa sér
að haga sér með þessum hætti. - ovd
Svandís Svavarsdóttir:
Borgin er enn í
uppnámi
„Mér finnst þetta býsna raunalegt allt
saman,“ segir Dagur B. Eggertsson,
borgarfulltrúi Samfylkingarinnar.
„Málflutningurinn var framhald af
þeim ógöngum sem Vilhjálmur hefur
ratað í á undanförnum dögum. Þessi
flokkur sem var kjölfestan í íslenskum
stjórnmálum alla síðustu öld greinilega
ræður ekki við að axla ábyrgð og taka
á þeirri stöðu sem uppi er í borginni.
Á meðan er ekki verið að hugsa um
borgarbúa og ákvarðanir og úrlausnar-
efni liggja og bíða sem er með miklum
ólíkindum. - ovd
Dagur B. Eggertsson:
Framhald af
ógöngunum
„Að borgarfulltrúar Sjálfstæðisflokksins
skuli hafa valið neyðarútganginn út úr
Valhöll segir meira en mörg orð um
ástandið í Sjálfstæðisflokknum,“ segir
Óskar Bergsson, borgarfulltrúi Fram-
sóknarflokksins. „Ég held að ástæðan
fyrir því að Vilhjálmur haldi áfram sé
sú að hann er í raun og veru tengingin
við Ólaf F. Magnússon. Til þess að
halda þessum veika meirihluta saman,
sem Vilhjálmur stofnaði til, verður
Sjálfstæðisflokkurinn að sitja uppi
með hann.“ - ovd
Óskar Bergsson:
Völdu neyðar-
útganginn
GENGIÐ 11.02.2008
GJALDMIÐLAR KAUP SALA
HEIMILD: Seðlabanki Íslands
131,1699
GENGISVÍSITALA KRÓNUNNAR
68,18 68,50
133,04 133,68
99,17 99,73
13,307 13,385
12,329 12,401
10,533 10,595
0,6385 0,6423
107,47 108,11
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Í frétt Fréttablaðsins á laugardag kom
fram að SPRON hefði verið í fyrsta
sæti Íslensku ánægjuvogarinnar. Það
er ekki rétt. Það var Sparisjóðurinn
sem var í fyrsta sæti. Jafnframt því að
skora hæst yfir fjármálafyrirtæki þá
skoraði Sparisjóðurinn langhæst yfir
þau fyrirtæki sem mæld voru. Spari-
sjóðurinn er sameiginlegt vörumerki
sparisjóða að undanskildum BYR og
SPRON.
LEIÐRÉTTING
NOREGUR Norsk stjórnvöld hafa
látið rýma norska sendiráðið í
Kabúl í Afganistan vegna hótunar
um hryðjuverkaárás. Sendiráðs-
starfsmennirnir hafa verið fluttir
á óþekktan stað, að sögn norska
dagblaðsins Dagbladet.
Aðrir Norðmenn í Afganistan
hafa verið varaðir við því óttast
er að ráðist verði á þá úr því
sendiráðið er mannlaust. Um
fimmtíu borgaralegir Norðmenm
búa í Afganistan.
Al-Kaída-hryðjuverkanetið
hefur tilgreint Noreg sem þjóð
sem skuli fá að gjalda þess að
hafa sent herlið bæði til Íraks og
Afganistans. - ghs/aa
Hryðjuverkahótun í Kabúl:
Norðmenn
rýma sendiráð