Fréttablaðið - 12.02.2008, Blaðsíða 19

ÞRIÐJUDAGUR 12. febrúar 2008 3
Kalk er eitt af lífsnauðsyn-
legum steinefnum. Það hefur
lækkandi áhrif á blóðþrýsting
og jákvæð áhrif á kólesteról og
beinabyggingu. Þá virðist rífleg
kalkneysla gegna stóru hlut-
verki í að halda líkamsþyngd í
skefjum.
„Kalkið virðist hjálpa einstakling-
um að losa sig við aukakíló ef
neysla þess er hæfilega mikil. Það
bindur fituna í fæðunni og skilar
henni út í stað þess að leyfa henni
að setjast þar að,“ segir Ólafur
Sæmundsson næringarfræðingur
sem nýlega gaf út bók sem nefnist
Lífsþróttur, næringarfræði fróð-
leiksfúsra. Hann segir áhrif kalks-
ins meiri ef neyslan sé í formi
mjólkurafurða en fæðubótarefna.
Því mælir hann sterklega með
mjólk í bland við aðrar
fæðutegundir. „Mjólk er í grunn-
inn sprengfull af margs konar
næringarefnum og auk kalksins
eru í henni steinefni á borð við
kalíum, magnesíum og fosfór. Svo
inniheldur hún hágæðaprótín sem
margir fæðubótaefnaframleið-
endur notfæra sér,“ bendir hann
á.
Nú heyrast alltaf af og til raddir
um að kúamjólk sé varhugaverð
fyrir manneskjur. Hverju svarar
Ólafur þeim? „Frá því ég byrjaði
að vinna sem næringar-
fræðingur hafa reglu-
bundið komið upp kenn-
ingar um að kúamjólk
sé bara fyrir kálfa. Þó
hefur aldrei sannast
neitt misjafnt á hana.
Aftur á móti er mjög
sterkt samband
á milli lélegra
beina og lítillar
neyslu á mjólk-
urvörum.
Rannsóknir
sýna einfaldlega
að beinabygging
þeirra barna
sem neyta lítill-
ar mjólkurfæðu
virðist ekki eins
öflug og hinna.
Ég er ekki að
segja að það sé
ávísun á léleg bein
þótt einstaklingar
neyti ekki mjólkur en þeir verða
þá að passa að neyta annars konar
fæðu sem inniheldur þessi beina-
byggjandi efni. Kalkríkar fæðu-
tegundir eru til dæmis spergilkál
og kínakál en það þarf að borða
mjög mikið af því til að fullnægja
dagsþörfinni sem hjá unglingum
er um 1000 milligrömm en minni
hjá fullorðnu fólki. Í einu glasi af
undanrennu eru 300 milligrömm
af kalki og 300 grömm af spergil-
káli gefur álíka mikið. Það er ekk-
ert auðvelt að borða svona mikið
kál dags daglega en
mjög auðvelt að
drekka eitt glas af
mjólk. Því er erfitt
að verða sér úti um
nauðsynlegt kalk-
magn ef fólk útilok-
ar mjólk.
Það góða við
mjólkurafurðirnar í
dag er að við sem
neytendur höfum
svo mikið val. Þegar
ég borðaði skyr og
súrmjólk fyrir
svona þrjátíu árum
þá mokaði ég sykri
út á. Annars var
þetta svo súrt. En nú getum við
valið okkur sykurskertar og
fituskertar mjólkurafurðir í
búðunum án þess að verða af
vítamínum og steinefnum. Svo
vil ég segja það líka að sykur í
hófi er bara góður fyrir sálartetrið
og ekkert hættulegur fyrir líkam-
ann heldur sé hann hluti af hollri
heild.“
Ólafur kveðst sem næringar-
fræðingur hræddur við allar öfgar
og úthrópanir. „Við mannfólkið
borðum allan mat, hvaða fæðu-
flokki sem hann tilheyrir, græn-
meti, ávexti, kjötmeti, fisk og
mjólkurmat. Það er mikilvægt er
að borða eitthvað úr öllum fæðu-
flokkum en fara ekki yfir strikið í
einum og láta eitthvað annað
algerlega vera.“ gun@frettabladid.is
Auðvelt að drekka eitt glas
„Ég er ekki að segja að það sé ávísun á léleg bein þó að einstaklingar neyti ekki mjólkur en þeir verða þá að passa að neyta
annars konar fæðu sem inniheldur beinabyggjandi efni,“ segir Ólafur. FRÉTTABLAÐIÐ/AUÐUNN
Myndband um
munnhirðu
NÝTT FRÆÐSLUMYNDBAND UM
MUNNHIRÐU FÓLKS MEÐ SÉR-
ÞARFIR ER KOMIÐ ÚT
Tannverndarvika var í síðustu
viku og af því tilefni var frumsýnd
fræðslumynd um munnhirðu
fólks með sérþarfir. Lýðheilsu-
stöð og Heilsugæsla höfuðborgar-
svæðis/Miðstöð tannvernd-
ar létu gera myndina undir um-
sjón Hólmfríðar Guðmundsdóttur
tannlæknis. Myndin hefur verið
gefin út á margmiðlunardiski sem
dreift verður um allt land en hann
er einnig hægt að panta hjá Lýð-
heilsustöð.
Auglýsingasími
– Mest lesið
HEYRNARÞJÓNUSTA
Dot er góður punktur
fyrir þá sem vilja heyra vel.
Þessi punktur er agnarsmátt heyrnartæki
sem með nýjustu tölvutækni bætir við heyrnina
þeirri tíðni sem notandinn hefur tapað.
Hringdu og láttu okkur fræða þig meira um
þessa undraverðu tækni.
Heimsins minnstu heyrnartæki koma frá ReSound . . . . . . . . . . . . . .