Fréttablaðið - 12.02.2008, Blaðsíða 24
● lh hestar 12. FEBRÚAR 2008 ÞRIÐJUDAGUR4
Ístöltskeppnin Svellkaldar konur
er eitt af árvissum hestamótum
vetrarins. Í ár hafa nokkrar vask-
ar konur úr hestamannafélögun-
um á höfuðborgarsvæðinu tekið
að sér að undirbúa mótið og er
ætlunin að það verði enn glæsi-
legra en fyrr.
Ísmót hafa notið mikilla vin-
sælda síðustu ár og hefur lands-
liðsnefnd LH staðið fyrir þessu
tiltekna móti, sem eingöngu er
ætlað konum. Að þessu sinni verð-
ur boðið upp á fleiri flokka en áður
þannig að allar konur ættu að geta
fundið sér keppnisflokk við hæfi.
„Það er ekki oft sem knöpum
stendur til boða að keppa á ís,
hvað þá í skautahöll,“ segir Hulda
G. Geirsdóttir úr Gusti. „Þetta er
því virkilega spennandi valkost-
ur og margar konur sem stefna á
þátttöku. Hestarnir ganga öðru-
vísi á ís og oft má sjá glæsileg til-
þrif sem þessar flinku reiðkonur
laða fram í gæðingum sínum. Svo
er alltaf góð stemning á ístölts-
mótum, umgjörðin skemmtileg
og áhorfendur taka þátt af fullum
krafti.“
Glæsileg verðlaun verða í boði
fyrir Svellkaldar konur. Einnig
verður happdrætti þar sem meðal
annars eru í vinning folatollar
undir topp stóðhesta. „Ég á von
á mikilli þátttöku. Í fyrra voru
skráningar um 100. Við munum
kynna fyrirkomulag og skráningu
þegar nær dregur,“ segir Hulda.
„Svo verða karlarnir að sjálfsögðu
að mæta líka og hvetja stelpurnar
til dáða, þetta er flott fyrir þá; að fá
að horfa á fallegar konur og flotta
hesta og geta svo fengið folatoll í
kaupbæti. Gæti ekki verið betra,“
segir Hulda að lokum og hlær við.
Skráning á mótið og fyrir-
komulag flokkaskiptingar verður
kynnt á vefmiðlum hestamanna
þegar nær dregur og á heima-
síðu LH: www.lhhestar.is. Hesta-
konur sem vilja prófa skemmti-
lega keppni í óhefðbundinni um-
gjörð ættu að taka laugardaginn 8.
mars frá strax. Að lokum er rétt
að taka fram að allur ágóði af mót-
inu rennur til landsliðsins í hesta-
íþróttum.
Friðþjófur Þorkelsson, trésmiður, hesta-
maður og hestaljósmyndari í Mosfells-
bæ, hefur fært Sögusetri íslenska hests-
ins í Skagafirði hluta af ljósmyndasafni
sínu að gjöf, eða um 2.000 slides-
myndir.
Hér er um verðmætt ljósmyndasafn
að ræða fyrir sögu íslenska hestsins.
Það spannar marga áratugi og hefur
sérstöðu fyrir þær sakir að Friðþjóf-
ur lagði mikla áherslu á að mynda lita-
brigði íslenskra hrossa, auk þess sem
hann gaf sér tíma til að mynda hross við
fleiri aðstæður en á hestamótum.
Friðþjófur hefur alla tíð unnið í fullu
starfi sem trésmiður. Eigi að síður hafa verið gefn-
ar út þrjár bækur um hestaliti með myndum eftir
hann, og fjögur veggspjöld, sem sýna liti íslenskra
hrossa.
Arna Björg Bjarnadóttir, forstöðumaður Sögu-
setursins, segir hér um afar höfðinglega gjöf að
ræða sem setrið sé ákaflega þakklátt
fyrir.
SÖGUFRÆGT SKAPALÓN
En ljósmyndirnar eru ekki einu verk
Friðþjófs sem hann hefur skráð á spjöld
sögu íslenska hestsins. Hann hefur alla
tíð verið mikill grúskari og lagði á sínum
tíma mikla vinnu í rannsóknir á samhengi
beinabyggingar íslenskra hrossa og gang-
hæfni, ásamt þeim Boga Eggertssyni og
Páli A. Pálssyni dýralækni. Um þetta má
lesa í gömlum blöðum af Hestinum okkar.
Bjó Friðþjófur til sérstakt skapalón til
að mæla horn beina í lærum og mjaðma-
grind hesta. Þetta skapalón er nú komið á Land-
búnaðarháskóla Íslands á Hvanneyri ásamt öðrum
minjagripum sem tengjast fyrrgreindum rann-
sóknum. Telur Friðþjófur að vísbendingar sem fást
með skapalóninu gefi óyggjandi vísbendingar um
gangupplag hrossa.
Bylgja Gauksdóttir á stóðhestinum Tenór frá Auðsholtshjáleigu á sýningu í Skautahöllinni í Reykjavík. MYND/JENS EINARSSON
Svellkaldar konur keppa
Það er allt að gerast í Meistaradeild VÍS.
Aðsóknin hefur aldrei verið meiri og þeir
sem ekki eiga heimangengt geta notið her-
legheitanna heima í stofu.
Það var troðfullt út úr dyrum í Ölfushöll-
inni á fyrsta móti Meistaradeildar VÍS 31.
janúar. Þessi skemmtilega mótaröð er búin
að skipa sér sess í lífi hestamanna.
Keppt var í fjórgangi og úrslitin komu á
óvart. Flestir höfðu spáð því að slagurinn
um toppsætið yrði á milli Þorvaldar Árna
Þorvaldssonar á Rökkva frá Hárlaugsstöð-
um og Svanhvítar Kristjánsdóttur á Kalda-
lóns frá Köldukinn. Þau síðarnefndu komust
langt, alla leið í annað sætið, en Þorvaldur
og Rökkvi áttu ekki góðan dag. Sömuleiðis
Sigurbjörn Bárðarson á Kaliber frá
Lækjarbotnum og Atli Guðmundsson á Glym
frá Sauðárkróki, komust ekki í B-úrslit. Það
var hins vegar hinn mikli keppnismaður Sig-
urður Sigurðarson sem bar sigur úr býtum
á stóðhestinum Yl frá Akranesi, Hrafnssyni
frá Garðabæ.
En Meistaradeildin fer ekki bara fram á
láði. Sjónvarpsþáttur um mótið var sendur
í loftið mánudaginn á eftir og svo verður í
vetur. Það er Brynja Þorgeirsdóttir sem sér
um þáttinn. Fyrsti þátturinn gaf góð fyrir-
heit um framhaldið.
Næsta mót Meistaradeildarinnar fer fram
fimmtudaginn 14. febrúar. Þá verður keppt í
Smala, grein sem var sérsmíðuð fyrir Meist-
aradeildina. Þar reynir á hraða og fimi hests
og knapa.
Meistaradeild VÍS á láði og í lofti
Kampakátir sigurvegarar. Jakob Sigurðsson í þriðja
sæti, Sigurður Sigurðarson í fyrsta sæti og Svanhvít
Kristjánsdóttir í öðru sæti. MYND/JENS EINARSSON
Friðþjófur
Þorkelsson
Friðþjófur gefur gjafir
Hafrar & bygg
Fyrsta stóra hestamótið fyrir íslenska
hesta í útlöndum var haldið í bænum
Schlüchtern í Hessen í Þýskalandi 3. til
6. júní 1960 á vegum Deutscher Pony
Klub, sem var stofnað 1958 um smá-
hesta, þó aðallega íslenska hestinn.
Þátttakendur voru frá fjórum löndum:
Þýskalandi, Hollandi, Sviss og Austur-
ríki. Á þessu móti var fimm manna
„sendinefnd“ frá Íslandi, þeir Gunnar
Bjarnason hrossaræktarráðunautur,
Páll Sigurðsson í Varmahlíð, Höskuld-
ur Eyjólfsson á Hofsstöðum, Búi Peter-
sen, kaupmaður í Reykjavík, og Vignir
Guðmundsson, ritstjóri Hestsins okkar.
Sáu þeir félagar meðal annars um að
leiðbeina fólki og kenna þeim tökin
á töltinu. Þeir tóku einnig virkan þátt
í keppninni og sýndu nokkra stóð-
hesta.
Fyrsta Evrópumótið fyrir íslenska
hesta var haldið 1970 á Aegidien-
berg í Þýskalandi, búgarði Walters
Feldmann eldri. Sex þjóðir tóku þátt í
mótinu: Íslendingar, Þjóðverjar, Sviss-
lendingar, Danir, Austurríkismenn
og Hollendingar. Keppnin fór fram á
hringvelli (nema skeiðkappreiðarnar),
sem Feldmann hafði látið gera á bú-
garði sínum, og var það nýlunda. Þótti
Íslendingunum hann lítill. Keppnis-
greinar voru sjö: Tölt, fimmgangur,
skeið (sennilega 200 metrar), 3000
metra þolreið sem var riðin á hring-
vellinum, fimikeppni og síðan tvær
mismunandi greinar fjórgangs, ann-
ars vegar hefðbundinn fjórgangur
og hins vegar fjórgangur fyrir fimm-
gangshesta sem ekki brokkuðu.
Þrír keppendur voru í nokkrum sér-
flokki á þessu móti. Það voru þau
Walter Feldmann yngri á Funa frá
Hverá, Barla Maisen á Víkingi og Reyn-
ir Aðalsteinsson á Stjarna frá Svigna-
skarði, eða Súper-Stjarna eins og hann
var kallaður. Íslendingar bundu mikl-
ar vonir við Reyni og Stjarna í tölt-
keppninni en þeir urðu þó að lúta í
lægra haldi fyrir Feldmann og Funa.
Það kom þó meira á óvart þegar hin
18 ára Barla Maissen frá Sviss á Vík-
ingi sigraði með nokkrum yfirburðum í
skeiði, grein sem Íslendingar töldu sig
örugga með. Hún sigraði einnig í þol-
reiðinni, sem fram fór á hringvellinum,
reið til skiptis brokk og skeið og hafði
betur gegn helsta stolti Íslendinga,
Súper-Stjarna, sem var frægur fyrir yfir-
ferð og þol. Keppt var í fimiæfingum á
þessu móti en enginn Íslendingur tók
þátt í henni, einfaldlega vegna þess að
þær voru þá óþekktar á Íslandi.