Fréttablaðið - 13.02.2008, Blaðsíða 13
H A U S
MARKAÐURINN 13MIÐVIKUDAGUR 13. FEBRÚAR 2008
H É Ð A N O G Þ A Ð A N
S J Á V A R Ú T V E G U R
Ingimar Karl Helgason
skrifar
„Það eru fyrst og fremst tæknibreytingar
í vinnslunni sem skýra þetta,“ segir Arnar
Sigurmundsson, formaður Samtaka fisk-
vinnslustöðva.
Samkvæmt tölum Hagstofunnar hefur
fiskvinnslufólki fækkað um fimm þúsund
frá árinu 1997. Þá voru starfsmenn í fisk-
vinnslunni tæplega átta þúsund, en eru nú
um þrjú þúsund.
Arnar Sigurmundsson segir að tækni-
breytingar og aukin sjálfvirkni nái til allra
greina vinnslunnar. „Þetta á við í frysting-
unni, rækjunni, mjöli og lýsi. Alls staðar
hefur fólki fækkað.“
„En það er fleira sem skýrir þessa miklu
fækkun fiskvinnslufólks undanfarin tíu til
fimmtán ár. Vinnsla á sjó hefur aukist,
fyrirtækjum hefur líka fækkað, auk þess
sem það hefur aukist að flogið sé með afl-
ann óunninn úr landi.“
Arnar Sigurmundsson bendir líka á að
það sem af er fiskveiðiárinu hafi hundr-
uð starfa tapast í landvinnslunni. „Þetta
eru hátt í 400 störf sem þegar hafa tap-
ast. Samvæmt mínum upplýsingum hafa
starfað þarna um fjögur þúsund manns,
svo þetta er eitthvað um einn af hverjum
tíu. Ég nefndi það á síðasta ársfundi sam-
takanna að hátt í 600 störf kynnu að tapast
þegar allt væri komið fram.“
Sé miðað við nýjustu tölur Hagstofunnar
um fjölda starfsmanna fiskvinnslunnar má
sjá að ríflega þrettán prósent hafa misst
vinnuna vegna kvótaniðurskurðarins.
Sumarleyfislokanir verði væntanlega
mun lengri en áður. „Ætli það megi ekki
gera ráð fyrir tveggja til þriggja mánaða
lokun umfram venjulegar sumarleyfislok-
anir. Það þýðir þó ekki að fólki verði sagt
upp, þótt fyrirtækin verði lokuð lengri
hluta úr árinu.“
Fram kemur í tölum Hagstofunnar að
fyrir áratug voru konur í nokkrum meiri-
hluta fiskvinnslufólks en nú eru karlar
fleiri. Konum í greininni hefur fækkað
um 3.000 á meðan körlum fækkar um ríf-
lega 2.000.
Þá starfar megnið af fiskvinnslufólki
utan höfuðborgarsvæðisins, en þar hefur
því fækkað um 4.400 á áratug. Ekki liggja
fyrir upplýsingar um skiptingu starfa eftir
landsvæðum eða uppruna fiskvinnslu-
fólks.
Stórfelld fækkun fiskvinnslufólks
Fimm þúsund störf hafa horfið úr fiskvinnslunni undanfarin tíu ár. Konum í fiskvinnslu fækkar meira
en körlum. Yfir tíu prósent fiskvinnslufólks hafa misst vinnuna á fiskveiðiárinu.
FÆKKUN VIÐ FÆRIBANDIÐ Fiskvinnslufólki hefur fækkað gríðarlega á einum áratug. Konum hefur fækkað
töluvert meira en körlum.
F J Ö L D I Í F I S K V I N N S L U N N I
2007 1997
Alls 2.900 7.900
Karlar 1.700 3.800
Konur 1.100 4.100
Höfuðborgarsvæðið 400 1.000
Utan höfuðborgarsvæðis 2.500 6.900
Karlar 1.500 3.300
Konur 1.000 3.700