Fréttablaðið - 16.02.2008, Blaðsíða 28
28 16. febrúar 2008 LAUGARDAGUR
Zetulið
LAUGARDAGUR, 9. FEBRÚAR.
Það er enn í tísku hjá ákveðnum
hópi að skrifa bókstafinn zetu í
íslensku ritmáli þótt reglur um
stafsetningu hafi losað okkur undan
þeirri kvöð fyrir nokkrum áratug-
um.
Góður slatti af íslenskutímum í
menntaskóla á æskuárum mínum
fór í að tönnlast á því aftur og aftur
að ðs, ds og ts ættu að breytast í
zetu ef þessir stafir lentu samhliða
við ákveðnar málfræðilegar
aðstæður. Síðan hafa stafsetningar-
reglur breyst (áður hefði maður
skrifað „breytzt“) og stafsetningin
gerð heldur einfaldari með því að
fella að mestu niður stafinn zetu,
sem í íslenskum framburði hljóm-
ar hvort sem er nákvæmlega eins
og stafurinn ess. Það er dáldið upp-
skafningsleg tilgerð að skrifa zetu
samkvæmt hinum úreltu reglum
um ðs, ds og ts, soldið eins og að
ganga með einglyrni eða lonéttur í
staðinn fyrir að nota gleraugu, lins-
ur eða fara í laser-aðgerð – nema
náttúrlega þetta sé árátta eða geð-
röskun en ekki tilgerð og viðkom-
andi sé alvörusérvitringur. Ég
sé í fréttum að það eru mikl-
ar bollaleggingar í gangi um
hvort Villi Þ. eigi skilið að
verða aftur borgarstjóri
þegar Ólafur núverandi
borgarstjóri er búinn með sína salí-
bunu. Það getur vel verið að annað-
hvort gribba eða garðálfur gætu
komið betur fyrir sig orði en Vil-
hjálmur. Samt má reikna með því
að kærleikurinn sigri í Flokknum
sem hefur fyrirgefið stærri syndir
en þær sem Villi hefur drýgt.
Árni Johnsen er genginn í endur-
nýjun lífdaganna sem alþingis-
maður og endar ábyggilega feril
sinn sem seðlabankastjóri, enda fer
að koma tími á viðhald á hinni fögru
byggingu, Svörtuloftum. Kabúl Karólína
SUNNUDAGUR, 10. FEBRÚAR.
Borðaði hádegismatinn á afgönsk-
um veitingastað. Hafði ekki hug-
mynd um að það væri til afganskur
veitingastaður í Prag. Ég rakst á
þennan stað sem heitir Kabúl Kar-
ólína í einhverju registri yfir veit-
ingastaði. Tilvalið að athuga hvað
kokkarnir í Afganistan bera á borð
fyrir Ben Laden og félaga á tylli-
dögum.
Þetta var fínasta máltíð: Grill-
spjót með grænmeti og lambakets-
bitum, einhvers konar pastakoddar,
nýbakað flatbrauð, sýrður rjómi.
Alveg prýðilegt.
Eigandi og yfirþjónn er Hasib
Saleh og heimilisfangið er Karoliny
Svetlé 14, í Prag 1. Það er vitanlega
útfrá götunafninu sem þessi Karól-
ína er komin inn í nafnið á veitinga-
staðnum Kabúl.
P.S. Ég mundi kannski ekki
fara í rómantískan hátíða-
kvöldverð með elskuna mína
á þennan stað en þarna er
„heimilismatur“ sem er öðru-
vísi en maður á að venjast.
Arabísk áhrif frá löndunum í
Miðjarðarhafsbotnum og svo
indverskur keimur í ofanálag.
Sambúð og samskipti fólks
frá mismunandi löndum eru lífs-
nauðsynleg vítamín fyrir menning-
una. Sambúð er samt ekki vanda-
laus. Jafnvel fólk sem elskar hvort
annað út af lífinu endist stundum
ekki árið í hjónabandi.
Hjónaband er vitanlega nánasta
sambúðarformið og það sem er
mest krefjandi og mest gefandi.
Að búa í þjóðfélagi með öðrum
manneskjum er ekki nándar nærri
eins erfitt og að vera í hjónabandi.
Reglurnar sem fara þarf eftir eru
mun færri og mun skýrari. Í raun
og veru er alveg nóg að kunna að
koma fram við náunga sinn eins og
maður vill láta koma fram við sjálf-
an sig.
Þessi einfalda regla er samt of
flókin fyrir suma. Í fréttum frá
Íslandi segir:
„Hátt í sjöhundruð manns, mikið
til ungt fólk, hafa skráð sig í hóp á
netinu sem kallar sig Félag gegn
Pólverjum á Íslandi. Þar er farið
niðrandi orðum um Pólverja sem
búsettir eru hérlendis... Hópurinn
var stofnaður á föstudaginn en
síðan þá hafa hátt í sjöhundruð
manns skráð sig þar inn, mikið til
ungt fólk. Skráðir félagar eru meðal
annars unglingar allt niður í þrett-
án ára.“
Þetta er þyngra en tárum taki.
Hefur þetta vesalings fólk virki-
lega ekki fundið sér neitt þarfara
að gera en að fjandskapast við
útlendinga yfirleitt og Pólverja sér-
staklega?
Hvaðan kemur fólki sú hugmynd
að Íslendingar séu betri eða merki-
legri en aðrar þjóðir?
Forfeður okkar bjuggu hérna í
mikilli einangrun í meira en þús-
und ár og komust hvorki upp á lag
með að hlaða reykháfa, búa til
almennilegan skófatnað ellegar
nota hjólið til að spara sér erfiði.
Samt var þetta ágætisfólk upp til
hópa.
Engar vísindarannsóknir stað-
festa mismunandi ágæti þjóða – og
gott að hafa það í huga að Íslend-
ingar sem eru yngsta þjóð Evrópu
hófu sögu sína, ekki sem þjóðflokk-
ur sem myndaði sjálfstætt þjóð-
félag, heldur sem samtök flótta-
manna sem kusu heldur að freista
gæfunnar á þessari norðlægu eyju
en í heimalöndum sínum.
Miðað við ástandið í heiminum er
ennþá þörf fyrir athvarf handa
flóttamönnum. Við sem erum svo
heppin að vera fædd á þessu ágæta
landi skulum vera þakklát fyrir
það. Velgengni eða heppni fylgir sú
skylda að reyna að hjálpa öðrum
sem ekki eru jafnlánsamir í augna-
blikinu.
Rasismi er til marks um mennt-
unarskort og heimsku – eða með
öðrum orðum fáfræði og fordóma.
Það er bara til eitt mannkyn. Við
erum bræður og systur.
Formaður Kínverska
briddssambandsins
MÁNUDAGUR, 11. FEBRÚAR.
Nýlega var auglýst eftir nýjum
starfsheitum fyrir ráðherra sem
ekki tækju mið af kynferði ráð-
herrans.
Mikill er hégóminn. Og
reyndar furðulegt að
ráðherrar skuli ekki
fyrir löngu vera farnir
að kalla sig hirðstjóra.
Titlar og starfsheiti
eru eins og hvert
annað húmbúkk sem raunverulegir
valdapólitíkusar vita manna best.
Það er kannski ekki úr vegi að rifja
það upp að mesti leiðtogi Kínverja
á síðustu öldum, sá frægi Deng
Xiao ping hafði engan opinberan
embættistitil þegar hann stóð á
hátindi valdaferils síns – nema hvað
hann var „formaður Kínverska
briddssambandsins“.
Þetta skýrir kannski að einhverju
leyti af hverju margir minni spá-
menn hafa brennandi áhuga á
bridds.
Baráttukveðjur til Bubba
ÞRIÐJUDAGUR, 12. FEBRÚAR.
Það er blessuð blíðan. Að vísu skín
sólin ekki jafn skært í dag og und-
anfarna daga. Grænmetisdagur í
dag, þríréttuð máltíð fyrir sex-
hundruð kall.
Mér finnst það frábært framtak
hjá Bubba Morthens að gangast
fyrir stórtónleikum og rokka á móti
rasisma.
Ég vildi að ég gæti sungið eða
glamrað á hljóðfæri eða á einhvern
hátt tekið þátt í þessu. Til þess að
sýna að hugur fylgi máli hjá mér
sendi ég Bubba og öðrum sem að
þessum tónleikum koma baráttu-
kveðjur – til marks um samstöðu
mína með þeim sem berjast gegn
rasisma í öllum myndum ætla ég að
velja bókinni sem ég er að skrifa
nafnið BRÆÐUR OG SYSTUR.
Blóðið er rautt hvernig svo sem
hörundið er á litinn.
Fyrsta flokks
atvinnumiðlun
MIÐVIKUDAGUR, 13. FEBRÚAR.
Sjálfstæðisflokkurinn virðist vera
staðráðinn í því að hætta í pólitík
og snúa sér alfarið að að gerast
fyrsta flokks atvinnumiðlun. Nú er
Flokkurinn búinn að finna enn eina
toppstöðuna handa Markúsi Erni
Antonssyni sem þegar hefur skrif-
að nafn sitt með eldlegu letri í sög-
una sem borgarstjóri og útvarps-
stjóri.
Tímabærar
efnahagsaðgerðir
FIMMTUDAGUR, 14. FEBRÚAR.
Ég vissi alltaf að Geir Haarde
mundi taka efnahagsmálin föstum
tökum. Nú er ríkisstjórnin búin að
funda í Ráðherrabústaðnum með
aðilum á fjármálamarkaði.
„Að sögn Geirs H. Haarde, for-
sætisráðherra, var á fundinum
farið yfir stöðu mála á alþjóðlegum
fjármálamarkaði og hvort ástæða
væri til að fara í kynningarstarf-
semi á íslensku efnahagslífi.“
Þýðir þetta að John Cleese verði
ráðinn í fullt starf?
Bræður og systur
Í Dagbók Þráins Bertelssonar er fjallað um zetulið, lonéttur, gribbur,
garðálfa, smjörklípur, afganska matargerðarlist, rasisma – og þá óhaggan-
legu staðreynd að það er aðeins til eitt mannkyn. Einnig er rætt um tíma-
bærar efnahagsaðgerðir.
KÆRA DAGBÓK
Þráinn Bertelsson skrifar
Drangajökull
Grímsey
Hofsjökull
Húnaflói
BlöndulónÓvænt samband
á Ströndum
Gríptu augnablikið og lifðu núna
Flugmaður einn heldur því blákalt fram að hann hafi náð
sambandi með GSM síma þar sem hann var staddur í
Gjögri. Þykir mönnum það með ólíkindum, enda ekki vanir
slíkum munaði á þessum slóðum. Er skýringanna helst að
leita í því að maðurinn var með síma frá Vodafone.
– Sönn saga frá 1414.
Með tilkomu langdræga GSM kerfisins býður Vodafone
nú stærsta GSM þjónustusvæðið á Íslandi. Skiptu yfir til
Vodafone, án þess að skipta um símanúmer, með einu
símtali í 1414 – strax í dag.
Stærsta GSM þjónustusvæðið
F
í
t
o
n
/
S
Í
A