Fréttablaðið - 16.02.2008, Blaðsíða 82

54 16. febrúar 2008 LAUGARDAGUR
sport@frettabladid.is
Jóhannes Karl Guðjónsson og félagar í Burnley hafa verið að
gera góða hluti í 1. deildinni á Englandi undanfarið og sæti í
úrslitakeppni deildarinnar er nú seilingarfjarlægð. Jóhannes
Karl, eða Joey eins og Bretarnir kjósa að kalla hann, er afar
ánægður með gengi liðsins.
„Þetta er búið að ganga mjög vel hjá okkur upp á síð-
kastið og nú verðum við bara að herða róðurinn á loka-
kaflanum og ná betri úrslitum á heimavelli okkar, Turf
Moor, ef við ætlum að ná sæti í úrslitakeppninni,“ sagði
Jóhannes Karl, sem hefur gengið í endurnýjun lífdaga
hjá Burnley eftir að Steve Cotterill var rekinn sem
knattspyrnustjóri félagsins og Owen Coyle ráðinn í
hans stað um miðjan nóvember á síðasta ári.
„Það kom mér óneitanlega vel að Cotterill
var rekinn þar sem ég var í raun og veru ekki
lengur í plönunum hjá honum þrátt fyrir að
hann hafi fengið mig til félagsins á sínum
tíma. Coyle hefur gefið mér tækifæri með
liðinu og ég hef komið við sögu í öllum
leikjunum síðan hann tók við. Ég er þakklátur fyrir það og vona
að hann sé ánægður með framlag mitt til liðsins,“ sagði Jóhannes
Karl, sem telur Burnley-liðið afar vel mannað.
„Við erum náttúrlega með mjög reynslumikið lið og marga
leikmenn sem hafa spilað í úrvalsdeildinni á Englandi. Koma Andy
Cole til Burnley var gott spark í rassinn á mönnum og undir-
strikar líka metnað félagsins enn frekar. Innan vallar er Cole
hreint út sagt ótrúlegur leikmaður sem þefar uppi hvert
einasta færi og hættir aldrei, en utan vallar er hann mjög
rólegur og alveg laus við stjörnustæla. Hann er líka
frábær á boltanum og það er líka það skemmtilegasta
við núverandi knattspyrnustjóra Burnley að hann vill
að við spilum góðan fótbolta en kýlum boltann ekki
endalaust upp völlinn eins og forveri hans í starfi
lagði gjarnan upp með,“ sagði Jóhannes Karl, sem er
bjartsýnn á framtíð sína hjá Burnley.
„Það er allt jákvætt í kringum Burnley í augnablikinu.
Ég á tvö ár eftir af samningi mínum við félagið eftir þessa
leiktíð og er því bara mjög ánægður,“ sagði Jóhannes Karl.
JÓHANNES KARL GUÐJÓNSSON: ER AFAR ÁNÆGÐUR MEÐ LÍFIÐ HJÁ BURNLEY Í 1. DEILDINNI Á ENGLANDI
Andy Cole er hreint út sagt ótrúlegur leikmaður
Ármúla 22 • 108 Reykjavík • Sími 533 5900 • www.skrifstofa.is
Opnunartími: mánud. - föstud. 9:00 til 18:00 og laugard. 11:00 - 15:00
HÅG Capisco er margverðlaunaður
skrifstofustóll sem hentar einstaklega
vel fyrir þá sem kjósa að vinna við
hæðarstillanleg rafmagnsskrifborð. Það
er mjög auðvelt að sitja í mjög lágri
stöðu upp í það að vera hálfstandandi.
Capisco skrifstofustóllinn
er með10 ára ábyrgð og
lífstíðarábyrgð á hæðarpumpu
BR
O
S
01
37
/2
00
7
Hönnuður
Peter Opsvik
Capisco er
heilsuvænn
vinnufélagi
Tilboðsverð frá kr. 78.273.-
> Geir kúrir undir feldinum
Geir Sveinsson gaf HSÍ ekki svar við því í gær hvort hann
væri til í að taka við íslenska landsliðinu í handknattleik
líkt og búist var við. Geir sagði á fimmtudag að hann
lægi undir feldi og hann kúrir þar enn. Einar Þorvarðar-
son, framkvæmdastjóri HSÍ, sagði í gær að engin tíðindi
væru komin og varðist allra frétta. Ekki náðist í Geir í
gær þrátt fyrir ítrekaðar tilraunir.
KÖRFUBOLTI KR og Keflavík buðu upp á stór-
skemmtilega skemmtun í DHL-höllinni. Í síð-
ustu viðureign liðanna niðurlægðu Keflvíking-
ar Íslandsmeistarana og KR ætlaði svo
sannarlega að svara fyrir það tap. Það gerðu
Vesturbæingar því þeir voru mun betri og
sterkari á öllum sviðum leiksins og unnu sann-
gjarnt, 80-69. KR-ingar jöfnuðu þar með Kefla-
vík að stigum og sendu um leið skýr skilaboð
með frammistöðu sinni í leiknum.
Sannkölluð úrslitakeppnisstemning var í
DHL-höllinni í gær. Fullt hús af áhorfendum og
ótrúlega góð stemning þar sem „Miðjan“ fór
hreint á kostum. Miðjan stríddi leikmönnum
Keflavíkurliðsins óspart og virtust þeir ekki
höndla pressuna og „kyndingarnar“.
KR náði fljótt ágætu forskoti og leiddi með
sex stigum eftir fyrsta leikhluta, 18-6. Það var
aðeins meira líf í Keflvíkingum í öðrum leik-
hluta en KR-ingar héldu þeim ávallt í seilingar-
fjarlægð. Mikið munaði um að útlendingarnir
sterku, Johnson og Walker, voru nær meðvit-
undarlausir hjá Keflvíkingum; hvorugur skor-
aði stig í hálfleiknum en KR leiddi með átta
stigum í leikhléi, 37-29.
Baráttan hélt áfram í síðari hálfleik. Kefla-
vík barðist grimmilega við að komast inn í leik-
inn en Suðurnesjamenn voru í stórkostlegum
vandræðum með að brjóta niður frábæran
varnarleik KR-inga. KR-ingar spiluðu síðan
skynsaman sóknarleik og léku sem ein liðs-
heild, ólíkt Keflvíkingum þar sem einstakl-
ingsframtakið var í fyrirrúmi.
Munurinn var 11 stig eftir þrjá leikhluta, 60-
49, og Keflvíkingar náðu í raun aldrei að ógna
KR í leiknum af neinu viti. Mikill hiti var í leik-
mönnum sem og áhorfendum og upp úr sauð
undir lokin þannig að vísa varð einhverjum
stuðningsmönnum Keflavíkur út úr húsi.
KR-ingar fögnuðu geysilega í leikslok og
ljóst að meistararnir eru að koma upp á hár-
réttum tíma. „Ég held að menn séu svolítið að
gleyma því að við erum Íslandsmeistarar. Það
kom aldrei til greina að láta niðurlægja okkur
tvisvar. Við erum að senda skýr skilaboð hér í
dag og deildin verður að átta sig á því að KR er
stórveldið og við ætlum okkur að klára þennan
titil. Það er pottþétt,“ sagði Fannar Ólafsson,
fyrirliði KR-inga, sem sneri aftur eftir langa
fjarveru vegna meiðsla. Hann er fyrrverandi
leikmaður Keflavíkur og leiddist ekkert að
vinna sína gömlu félaga. „Það er sérstaklega
gaman og ég flýtti komu minni til baka út af
þessum leik.“
Sigurður Ingimundarson, þjálfari Keflavík-
ur, vildi meina að KR hefði ekki unnið leikinn
heldur hefði Keflvíkingar tapað honum sjálfir.
„Við töpuðum og það var enginn að vinna
okkur. Þetta er það lélegasta sem ég hef séð til
minna manna í vetur. Menn voru að reyna of
mikið sjálfir og þá getum við ekkert,“ sagði
Sigurður, sem blæs á að útlendingar Keflavík-
ur séu betri en aðrir útlendingar í deildinni.
„Þeir eru síst betri en aðrir. Þeir lentu í góðri
liðsheild og þá eru þeir góðir. Þeir persónulega
eru ekkert mjög góðir og það sáum við í dag.
Þú mátt alveg skrifa það,“ sagði Sigurður
ákveðinn. henry@frettabladid.is
Meistararnir sendu skýr skilaboð
Keflvíkingar áttu aldrei möguleika gegn geysilega grimmum KR-ingum þegar topplið Iceland Express-
deildarinnar mættust vestur í bæ í gær. KR-ingar voru grimmari og sterkari á öllum sviðum leiksins og
unnu mjög sanngjarnan og sannfærandi sigur, 80-69. Keflavík heldur þó toppsæti deildarinnar.
STEMNING Gríðarleg stemning og barátta var í KR-liðinu
í gær. Hér fagna þeir JJ Sola og Joshua Helm en þeir áttu
báðir góðan leik. FRÉTTABLAÐIÐ/VALLI
HANDBOLTI Valur og Afturelding
mættust í þriðja sinn í N1-deild
karla í vetur og loks náði Valur að
sigra, 36-22. Þrjú af sjö stigum
Aftureldingar í deildinni til þessa
komu gegn Val og má segja að
Valur hafi náð að kveða Aftureld-
ingargrýlu í kútinn og það á glæsi-
legan hátt.
Eins og lokatölurnar bera með
sér náði leikurinn aldrei að verða
spennandi. Valur komst í 6-2 þegar
korter var liðið af leiknum og tíu
mínútum síðar var enn fjögurra
marka munur, 12-8. Þá skoraði
Valur sex mörk í röð áður en Aftur-
elding skoraði síðasta mark hálf-
leiksins rétt fyrir leikhlé, 18-9.
Yfirburðir Vals voru ekki minni
í síðari hálfleik og það þrátt fyrir
að liðið sýndi engan stjörnuleik.
Baráttan sem einkennt hefur
Aftur eldingu í vetur virðist vera
fokin út í veður og vind. Valur hélt
sjö til tíu marka forystu allan síð-
ari hálfleikinn þar til liðið bætti
um betur síðustu mínútur leiksins
og jók forskotið í 14 mörk áður en
flautað var til leiksloka.
Óskar Bjarni Óskarsson var
ánægður með að ná loks að sigra
Aftureldingu í vetur. „Menn voru
trekktir fyrir leikinn því þeir hafa
spilað virkilega vel gegn okkur í
vetur. Þeir eru seigir og var þetta
langversti leikurinn þeirra gegn
okkur í vetur. Það vantaði þennan
neista, samheldni og baráttu sem
hefur einkennt þeirra leik. Mér
fannst við ekki vera neitt frábær-
ir. Það er mikil breidd í liðinu og
margir sem tóku af skarið en við
eigum mikið inni. 5-1 vörnin var
góð í fyrri hálfleik en mér fannst
við hætta svolítið í seinni hálfleik,
sem er svo sem eðlilegt eftir að
hafa fengið á okkur níu mörk í
fyrri hálfleik,“ sagði Óskar eftir
góðan sigur sem kom liðinu í
annað sæti deildarinnar. Aftureld-
ing er sem fyrr í næstneðsta sæti.
- gmi
Valur valtaði yfir Aftureldingu og hefndi fyrir þrjú töpuð stig fyrr í vetur:
Valsmenn borðuðu kjúklingana
af bestu lyst í Vodafonehöllinni
HEITUR Baldvin Þorsteinsson var sjóðheitur í gær og skorar hér eitt af átta mörkum
sínum í leiknum. FRÉTTABLAÐIÐ/ANTON
Iceland Express-deild karla:
KR-Keflavík 80-69 (37-29)
Stig KR: Joshua Helm 18, JJ Sola 14, Pálmi
Freyr Sigurgeirsson 13, Brynjar Þór Björnsson
11, Avi Fogel 11, Helgi Már Magnússon 9, Fannar
Ólafsson 4.
Stig Keflavíkur: Tommy Johnson 15, Bobby
Walker 12, Arnar Freyr Jónsson 8, Sigurður
Þorsteinsson 7, Anthony Susnjara 7, Magnús Þór
Gunnarsson 6, Þröstur Jóhannsson 6, Jón Norð-
dal Hafsteinsson 5, Gunnar Einarsson 3.
Fjölnir-ÍR 67-112
Stig Fjölnis: Sean Knitter 22, Anthonu Drejaj
9, Tryggvi Pálsson 8, Hjalti Vilhjálmsson 8, Níels
Dungal 3, Ægir Steinarsson 2, Valur Sigurðsson 2,
Stig ÍR: Nate Brown 23, Hreggviður Magnússon
21, Sveinbjörn Claessen 18, Steinar Arason 15,
Tahirou Sani 13, Ómar Sævarsson 6, Jakob Egils-
son 6, Eiríkur Önundarson 5, Ólafur Sigurðsson
2, Þorsteinn Húnfjörð 2, Davíð Fritzson 1.
N1-deild karla:
Valur-Afturelding 36-22 (18-9)
Mörk Vals: Arnór Malmquist Gunnarsson 10/5
(16/5), Baldvin Þorsteinsson 8 (9), Sigurður Egg-
ertsson 7 (8), Elvar Friðriksson 3 (6), Orri Freyr
Gíslason 2 (2), Hjalti Þór Pálmason 2 (5), Fannar
Þór Friðgeirsson 2 (5), Sigfús Páll Sigfússon 1 (1),
Kristján Þór Karlsson 1 (3), Ingvar Árnason (1),
Pálmar Pétursson (1)
Varin skot: Pálmar Pétursson 17/2 (39/2 43,6%)
Hraðaupphlaup: 8 (Baldvin 4, Elvar 2, Arnór,
Sigurður)
Fiskuð víti: 5 (Baldvin 2, Arnór, Fannar, Orri)
Utan vallar: 12 mínútur
Mörk Aftureldingar: Einar Örn Guðmundsson 6
(12/1), Daníel Jónsson 5 (6), Jóhann Jóhannsson
3 (4), Ingimar Jónsson 3 (7), Davíð Ágústsson
2 (4), Magnús Einarsson 2 (7), Ásgeir Jónsson 1
(3)Hilmar Stefánsson (2/2)
Varin skot: Oliver Kiss 10 (27/2 37%), Davíð
Svansson 7 (26/3 26,9%)
Hraðaupphlaup: 5 (Einar, Davíð, Ingimar,
Jóhann, Magnús)
Fiskuð víti: 3 (Hilmar, Einar, Magnús)
Utan vallar: 18 mínútur
ÚRSLIT