Fréttablaðið - 16.02.2008, Blaðsíða 83
LAUGARDAGUR 16. febrúar 2008 55
FÓTBOLTI Leikið verður í fimmtu umferð FA-
bikarsins á Englandi um helgina þar sem aðeins
sex úrvalsdeildarlið eru á meðal þeirra sextán
liða sem eru eftir í keppninni. Stórleikur 16-
liða úrslita er vitanlega leikur toppliðanna
tveggja í ensku úrvalsdeildinni, Arsenal og
Manchester United, á Old Trafford í dag kl.
17:15.
Leikur Manchester United og Arsenal er
fyrir margar sakir merkilegur fyrir utan það
að vera leikur tveggja bestu liða ensku úrvals-
deildarinnar í dag. United og Arsenal eru þau
félög sem hafa oftast unnið elstu útsláttar-
keppni heims, FA-bikarinn, en United hefur
unnið ellefu sinnum og Arsenal tíu sinnum.
Leikurinn er 100. leikur Sir Alex Ferguson,
knattspyrnustjóra United, í FA-bikarnum, en
starfsbróðir hans hjá Arsenal, Arsene Wenger,
er næstreyndastur í FA-bikarnum af núver-
andi stjórum ensku úrvalsdeildarinnar og
stýrir Arsenal í 64. sinn.
Rooney og Evra snúa aftur í lið United
Wayne Rooney og Patrice Evra snúa aftur í
lið United eftir að hafa tekið út leikbann og
Louis Saha er aftur orðinn leikfær eftir að hafa
jafnað sig á enn einum meiðslunum.
Hjá Arsenal eru Kolo Toure og Emmanuel
Eboue eru komnir aftur úr Afríkukeppninni en
Theo Walcott og Gael Clichy eru meiddir og
ólíklegt er að Bacary Sagna leiki vegna persónu-
legrar ástæðu.
Bæði United og Arsenal eru að keppa á
þremur vígsstöðum og líklega er FA-bikarinn
neðstur í forgangsröðinni hjá bæði Ferguson
og Wenger, þannig að búast má við nokkrum
breytingum á byrjunarliðum beggja liða enda
mikilvægir leikir í Meistaradeildinni í byrjun
næstu viku.
„Ég held að bæði lið eigi eftir að gera nokkrar
breytingar á liðum sínum. Allavega mun ég
gera nokkrar breytingar á mínu liði. Ég efast
samt ekki um að leikurinn verði dæmigerður
leikur á milli United og Arsenal með næga
keppni, baráttu og góðan fótbolta,“ sagði
Ferguson á blaðamannafundi í gær.
Chelsea og Liverpool verða einnig í eldlín-
unni í dag en Chelsea fær Huddersfield í heim-
sókn á Brúna og Barnsley mætir Liverpool
á Anfield. - óþ
Átta leikir fara fram í FA-bikarnum á Englandi um helgina en United og Arsenal mætast í stórleik dagsins:
Tímamótaleikur fyrir Sir Alex Ferguson
100. LEIKURINN Sir
Alex Ferguson stýrir
Manchester United í
100. skiptið í FA-bik-
arnum þegar liðið
tekur á móti Arsenal
á Old Trafford í dag.
NORDIC PHOTOS/GETTY
SUND Það verður mikið um dýrðir
í Laugardalslauginni í kvöld
þegar keppt verður í „KR Super
Challenge“ þar sem átta karlar og
átta konur keppa í 50 metra
flugsundi með útsláttarfyrir-
komulagi.
Keppnin er einn af hápunktun-
um á Gullmóti KR sem stendur
yfir alla helgina. Á meðan
keppnin fer fram myndast
einstök stemmning því tónlist og
ljósagangur eru í aðalhlutverki á
meðan keppendur keppa einn á
móti einum þar til einn stendur
uppi sem sigurvegari.
Í fyrsta riðli keppir fyrsti
maður við þann áttunda, annar
við þann sjöunda og svo fram-
vegis. Peningaverðlaun verða
veitt fyrir fyrsta og annað sæti og
nema fyrstu verðlaun 20 þúsund
krónum.
Örn Arnarson úr SH og Sanja
Jovanovic frá Króatíu sigruðu
þessa keppni í fyrra, Örn eftir
harða keppni frá Króatanum
Mario Todravocic en Sonja hafði
betur í úrslitum gegn Kolbrúnu
Yr Kristjándóttur. - óój
Gullmót KR í sundi 2008:
Einstök sund-
keppni í kvöld
VANN Í FYRRA Örn Arnarson vann KR
Super Challenge árið 2007.
FRÉTTABLAÐIÐ/ARNÞÓR
FRJÁLSAR ÍÞRÓTTIR Átjan frjáls-
íþróttamenn og -konur keppa um
Íslandsmeistaratitilinn í fjöl-
þrautum um helgina.
Þrettán keppa í sjöþraut karla
sem fram fer í dag og á morgun,
en fimm keppa í fimmtarþraut
kvenna á morgun. Við sama
tækifæri keppa einnig níu
sveinar og 22 meyjar í sömu
greinum um titilinn í sínum
aldursflokki.
Alls eru 49 keppendur frá ellefu
félögum og samböndum skráðir til
leiks í Laugardalshöllinni. Flestir
keppendur koma frá ÍR, samtals
16, og næstflestir frá Breiðabliki
eða níu. Keppendur koma víðs
vegar að af landinu, meðal annars
frá Siglufirði, Þing eyjarsýslum,
Eyjafirði, Skagafirði, Höfn og
Þorlákshöfn. - óój
MÍ í fjölþrautum um helgina:
Átján keppa
um titlana