Fréttablaðið - 18.02.2008, Blaðsíða 2
2 18. febrúar 2008 MÁNUDAGUR
Ýsa í
thai green curryÞú sparar 300 kr.
998 kr.kg.
Gott á mánudegi
noatun.is
LÉTTIR ÞÉR LÍFIÐ
LÖGREGLUMÁL Rúmlega tvítugur
karlmaður var handtekinn í
fyrrinótt grunaður um að hafa
stungið tvítugan mann í bakið á
skemmtistaðnum Gauki á Stöng í
fyrrinótt. Við rannsókn kom í ljós
að ekki var um hnífstungu að
ræða heldur virðist sem hinn
slasaði hafi dottið á oddhvassan
hlut í áflogum við manninn.
Að sögn lögreglu var hiti í fólki
á staðnum og í grennd við hann
því tilkynnt var um þrjár
líkamsárásir á þessum slóðum á
skömmum tíma. Maðurinn sem
hlaut áverkana á baki var fluttur
á sjúkrahús en meiðsli hans voru
ekki alvarleg. Meintum árásar-
manni var sleppt í gær þegar
ljóst var að ekki var um líkams-
árás að ræða. - þo
Skarst á baki á Gauknum:
Slys en ekki
hnífstunga
Rafmagnslaust um helgina
Rafmagnslaust var í vesturhluta
Kópavogs og í Garðabæ í tæpar fjórar
klukkustundir í fyrrinótt vegna bilunar
í streng í nýja Arnarnesshverfinu. Þá
fór rafmagn af í miðborg Reykjavíkur í
á aðra klukkustund á föstudagskvöld.
HÖFUÐBORGARSVÆÐIÐ
Þjófarnir ófundnir enn
Lögreglan á höfuðborgarsvæðinu
leitar enn mannanna tveggja sem
stálu peningum úr peningakassa veit-
ingastaðarins Pizza Pronto við Ingólfs-
torg í fyrrakvöld. Að sögn lögreglu var
um óverulega upphæð að ræða.
LÖGREGLUFRÉTTIR
DANMÖRK Sjö kvöld í röð hafa ung-
menni í Kaupmannahöfn og víðar í
Danmörku staðið fyrir ólátum,
kveikt í bifreiðum, ruslagámum og
nú síðast einnig skóla byggingum.
Ellefu manns voru handteknir í
fyrrinótt og loguðu þá eldar á nærri
100 stöðum í landinu, þar af á
fjórtán stöðum í höfuðborginni.
Kveikt var í tíu byggingum, þar af
fimm skólum.
Óeirðirnar eru mestar í hverfum
þar sem innflytjendur búa og flest-
ir óeirðarseggjanna eru börn inn-
flytjenda. Flest eru þau yngri en 18
ára.
Átökin hörðnuðu eftir að
skop teikning af Múhameð spá-
manni var birt í dönskum dagblöðum
í vikunni, en í gær virtist sem
eitthvað væri að draga úr þeim.
Óeirðirnar virðast eiga sér svip-
aðar rætur og óeirðir ungra inn-
flytjenda í Frakklandi síðustu árin
og áratugina. Ungmennin hafa það
á tilfinningunni að þeim sé útskúfað
úr samfélaginu og kvarta meðal
annars undan því að verða fyrir
kynþáttafordómum af hálfu lög-
reglunnar.
„Þetta vandamál verður hér
áfram. Þetta er ekki afstaðið þótt
vikan sé liðin,“ segir Ulla Holm,
sérfræðingur í þjóðernisátökum við
Alþjóðamálastofnun Danmerkur, í
viðtali við dagblaðið Politiken.
- gb
Ungir innflytjendur kveiktu í tíu byggingum í fyrrinótt, þar af fimm skólum:
Íkveikjur á hundrað stöðum
BIFREIÐ BRENNUR Flestir óeirðarseggjanna eru yngri en 18 ára. NORDICPHOTOS/AFP
Með fíkniefni í bílnum
Lögreglan á Akureyri stöðvaði á
laugardag konu um tvítugt vegna
umferðarlagabrots og gruns um akst-
ur undir áhrifum fíkniefna. Við nánari
athugun kom í ljós að konan var með
kannabisefni og amfetamín á sér og
var hún því handtekin.
ÞJÓÐLENDUMÁL „Það gæti haft áhrif
á hugsanleg fyrri mál að fjármála-
ráðherra hefur ákveðið að skjóta
ekki til dómstóla málum eins og
varðandi Esjuna,“ segir Ragnar
Aðalsteinsson, hæstaréttar-
lögmaður um orð Árna M.
Mathiesen fjármálaráðherra á
fundi Lands -
samtaka land-
eigenda á
Íslandi.
Kom þetta
fram í erindi
ráðherra á aðal-
fundi samtak-
anna síðast lið-
inn fimmtudag.
Sagði ráðherra
að ríkið myndi
sætta sig við
niðurstöður
óbyggða -
nefndar þess
efnis að jarðir
beggja vegna
Esjufjalla nái
saman í Mið-
fjalli. Þá sagði
hann niðurstöðu
sína í samræmi
við ákvörðun ríkisins á síðasta ári
um að draga ekki í efa eignarrétt
beggja vegna Smjörfjalla.
Ragnar segir það vera stjórn-
valdsákvörðun sem kunni að leiða
til þess að það þurfi að endurskoða
ákvarðanir um önnur sambærileg
svæði, ef um önnur svæði er að
ræða. „Vegna þess að stjórnvald
getur ekki haft mismunandi
afstöðu til sambærilegra atvika
heldur eru allir jafnir fyrir
lögunum. Það verður að gæta að
því í kröfugerðinni og síðan í því
hvernig kröfugerðinni er fram-
fylgt fyrir dómstólum,“ segir
Ragnar.
Fjármálaráðherra bætti við að í
þjóðlendumálum myndi ríkið hér
eftir fara að nokkru hægar í sak-
irnar. Hann segir það ekki hafa
áhrif á jafnræðisreglu stjórnar-
skrárinnar heldur einungis eigi að
vera síður ástæða til að áfrýja
úrskurðum óbyggðanefndar. Segir
ráðherra breytingar á kröfum
byggðar á úrlausnum dómstóla.
„Þannig að við erum ekki raun-
verulega að gera neitt sem er í
ósamræmi við þær niðurstöður
sem þegar liggja fyrir í málunum.
Við erum bara að reyna að vinna
þau þannig að deiluefnin verði
færri,“ segir Árni M. Mathiesen.
„Það er líklegt að þetta kunni að
hafa áhrif á kröfugerð ríkisins í
þjóðlendumálum,“ segir Ragnar
sem setur þann varnagla að slíkt
verði ekki staðreynd fyrr en kröfur
um næstu svæði komi fram. „Það
þarf að gæta þessa jafnræðis. Fjár-
málaráðherra hlýtur að huga að
hvort þessi afstaða hans til þessara
mála leiði til þess að hann þurfi að
endurskoða niðurstöður í öðrum
sambærilegum málum, ef um þau
er að ræða,“ segir Ragnar. Hann
segist ekki þekkja nógu vel til að
fullyrða hvort til séu nákvæmlega
sambærileg málefni.
olav@frettabladid.is
Esjan áfram í eigu
bænda en ekki ríkis
Fjármálaráðherra hefur falið lögmanni ríkisins að falla frá málarekstri vegna
Esjunnar. Stjórnvald getur ekki haft mismunandi afstöðu til sambærilegra
atvika. Allir eru jafnir fyrir lögunum segir hæstaréttarlögmaður um fordæmið.
ESJAN Þetta dáða fjall Reykvíkinga mun áfram vera í eigu bænda þar sem ríkið fellur
frá kröfum sínum um eignarétt Esjunni. FRÉTTABLAÐIÐ/HARI
ÁRNI MATHIESEN
RAGNAR
AÐALSTEINSSON
Í samtökunum eru á fimmta
hundrað einstaklinga, sveitarfélaga
og annarra lögaðila. Stofnfundur
þeirra var 25. janúar 2007. Tilgangur
samtakanna er að berjast fyrir því
að eignarréttur landeigenda að jörð-
um þeirra og landareignum sé virtur
í þjóðlendumálinu eins og kveðið
er á um í stjórnarskrá Íslands og í
mannréttindasáttmála Evrópu.
LANDSSAMTÖK LANDEIGENDA Á ÍSLANDI
STJÓRNMÁL Formaður Sjálfstæðis-
flokksins, Geir H. Haarde, lýsti
því yfir í gær að heppilegast væri
að Vilhjálmur Þ. Vilhjálmsson,
oddviti flokksins í borginni, upp-
lýsti um framtíðaráform sín í vik-
unni sem nú er að hefjast.
Vika er liðin síðan Vilhjálmur
bað opinberlega um frest til að
íhuga stöðu sína á blaðamanna-
fundi í Valhöll. Síðan hafa flestir
borgarfulltrúar Sjálfstæðis-
flokksins lýst yfir stuðningi við
hann „ef hann ákveður að halda
áfram“.
Geir ræddi mál Vilhjálms í
sjónvarpsþættinum Silfri Egils í
gær. Þar var spiluð fyrir hann
ræða Bjarna Benediktssonar,
þingmanns Sjálfstæðisflokks, þar
sem Bjarni sagði vandamálið í
borgarstjórn „ekki af þeim toga
að það geti bara hangið og beðið
svo vikum skiptir“.
Geir sagði einnig að beinast
lægi við að sækja næsta leiðtoga
úr hópi borgarfulltrúa flokksins.
Sá hópur samanstæði af fullorðnu
fólki, sem ætti að ná samkomu-
lagi um hver tæki það að sér.
Ekki náðist í Vilhjálm Þ. Vil-
hjálmsson í gær, né Hönnu Birnu
Kristjánsdóttur, sem er í öðru
sæti á lista sjálfstæðismanna í
borginni.
- kóþ
Vika síðan Vilhjálmur Þ. tilkynnti á blaðamannafundi að hann íhugaði stöðu sína:
Geir gefur viku til viðbótar
KÝPUR, AP Tassos Papadopoulos,
forseti Kýpur, varð óvænt í þriðja
sæti í forsetakosningum í gær.
Hann verður því ekki í kjöri í
seinni umferð kosninganna, sem
haldin verður um næstu helgi.
Baráttan verður því milli
Demetris Christofias, sem er
leiðtogi Kommúnistaflokksins, og
Ioannis Kasoulides, fyrrverandi
utanríkisráðherra og hægri-
manns.
„Fólkið hefur kveðið upp sinn
úrskurð,“ sagði Papadopoulos
forseti, sem hlaut 31,79 prósent
atkvæða. Kasoulides fékk 33,51
prósent en Christofias 33,29
prósent. - gb
Kosningar í Kýpur:
Forsetinn féll í
fyrstu umferð
GREIÐIR ATKVÆÐI Papadopoulos forseti
á kjörstað. FRÉTTABLAÐIÐ/AP
LÖGREGLUMÁL Maður sem grunað-
ur er um að hafa ekið á fjögurra
ára gamlan dreng í Reykjanesbæ
í desember með þeim afleiðingum
að hann lést fór úr landi í gær.
Farbann yfir manninum, sem er
pólskur, féll úr gildi síðastliðinn
þriðjudag og var hann því frjáls
ferða sinna.
Rannsókn málsins stendur enn
yfir og beðið er niðurstöðu DNA-
rannsóknar svo hægt sé að sanna
með óyggjandi hætti að drengur-
inn sem lést hafi orðið fyrir
ökutæki mannsins. Ekki hefur
verið sýnt fram á að hinn grunaði
hafi ekið bílnum og maðurinn
hefur alla tíð neitað sök. - þo
Banaslys í Reykjanesbæ:
Sá grunaði far-
inn úr landi
VILHJÁLMUR Þ. VILHJÁLMSSON Yfir-
lýsingar oddvitans er beðið.
AKUREYRI Á sjötta hundrað
ökumenn á Akureyri hafa skrifað
undir skjal þar sem notkun salts
til hálkuvarna á götum bæjarins
er mótmælt. Framkvæmdaráði
Akureyrar var afhentur listinn á
föstudag.
Í bókun ráðsins kemur fram að
frá því í nóvember hafi verið
gerðar tilraunir með notkun á
salti samhliða sandburði á
völdum stöðum í bænum.
Reynslan verður metin í lok
vetrar og ákveðið hvort salt verði
notað til hálkuvarna á götum
bæjarins í framtíðinni. - þo
Ökumenn mótmæla:
Vilja ekki salt
sem hálkuvörn
Tinni, fylgdi enginn Tobbi með
nafninu?
„Nei og ekki heldur neinn Vand-
ráður, en ég á nú samt vin sem
heitir Kolbeinn!“
Halldór Tinni Sveinsson, ritstjóri Húsa
og híbýla, var skírður Halldór Vésteinn
Sveinsson, en breytti nafni sínu fyrir
þremur árum, til heiðurs teiknimynda-
persónu Hergés. Sú fór aldrei langt án
besta vinar síns, hundsins Tobba.
SPURNING DAGSINS