Fréttablaðið - 18.02.2008, Blaðsíða 10

10 18. febrúar 2008 MÁNUDAGUR
RV
U
N
IQ
U
E
02
08
02
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Hreinar hendur
- örugg samskipti
Á tilboðií febrúar 2008DAX Handspritt, krem og sápur
DAX Sótthreinsiservíettur 20 stk. 393 kr.
DAX Hand & húðkrem 600 ml með dælu 496 kr.
DAX Handáburður 250 ml 259 kr.
DAX Handspritt 60 5 ltr. 1.492 kr.
DAX Handspritt 60 600 ml með dælu 296 kr.
DAX Handspritt 70 600 ml með dælu 296 kr.
DAX Handsápa mild 600 ml með dælu 198 kr.
ÖLFUS Stjórn Samfylkingarfélags-
ins í Ölfusi lýsir yfir andstöðu við
Bitruvirkjun, að því er
fréttablaðið Glugginn greinir frá.
Um sé að ræða eitt vinsælasta
og verðmætasta útivistarsvæði
sveitarfélagsins. Stjórn félags
Samfylkingarinnar í Ölfusi leggist
ekki gegn virkjanaframkvæmdum
sem slíkum. Hins vegar eigi að
nýta önnur svæði á Hellisheiði en
þau sem eru á náttúruminjaskrá.
Meirihluti sjálfstæðismanna í
bæjarstjórn hefur hins vegar
barist einarðlega fyrir
Bitruvirkjun, enda hangi á
spýtunni miklir atvinnu-
möguleikar. - kóþ
Samfylkingin í Ölfusi:
Lýsir sig á móti
Bitruvirkjun
MENNTAMÁL Óvíst er hvort svoköll-
uð TOEFL-próf, eða Test of Eng-
lish as a Foreign Language, verða
haldin á Íslandi í framtíðinni. Fyr-
irtækið iSoft, sem haldið hefur
prófin að undanförnu, hefur sagt
sig frá því vegna samskiptaerfið-
leika við fyrirtækið sem á prófið.
Verði hætt að halda prófið hér
þurfa 600-700 manns að fljúga út á
hverju ári til að þreyta það. Skil-
yrði er að taka prófið fyrir nær
alla þá sem fara í háskóla í ensku-
mælandi landi.
Framkvæmd prófanna hefur
flakkað á milli fyrirtækja og
stofnana. Upphaflega sá Ful-
bright-stofnunin um þau, síðan
fluttust þau til Háskóla Íslands og
þaðan til kennslufyrirtækisins
iSoft.
Hermann Jónsson, fram-
kvæmdastjóri iSoft, segir fyrir-
tækið hafa tekið við rekstri próf-
anna gegn því að þau yrðu haldin á
laugardögum. Til að byrja með
hafi einhver vandamál verið með
greiðslur frá ETS, en það hafi
verði leyst.
„Við sömdum um að þetta yrði
haldið á laugardögum þar sem við
erum með kennslu á virkum
dögum. Það var allt frágengið rétt
eftir áramót, og allt virtist í lagi.“
Snurða hljóp síðan á þráðinn
þegar ETS ákvað skyndilega að
færa prófin yfir á föstudaga, án
þess að tala við forsvarsmenn
iSoft. „Við vorum búnir að segja
þeim að við gætum ekki haldið
prófin á föstudögum, en þeir sögð-
ust bara hafa ákveðið þetta. Það er
alveg fáránlegt hvernig þeir haga
sér hjá þessu fyrirtæki,“ segir
Hermann.
Þar sem laugardagarnir voru út
úr myndinni var ákveðið að iSoft
myndi hætta að halda prófin eftir
29. mars, þegar halda átti síðasta
laugardagsprófið.
Vandræðunum var þó ekki lokið
þá. Á þriðjudag frétti Hermann af
bréfi frá ETS þar sem segir að við-
ræður séu enn í gangi við iSoft um
prófahaldið. Þær viðræður kann-
ast Hermann ekki við. Þess utan
var ETS búið að bóka tvö próf í
viðbót á iSoft í vor, að þeim
forspurðum.
„Þetta er alveg dæmigert fyrir
þeirra vinnubrögð. Við eigum bara
að taka því sem er hent til okkar,“
segir Hermann. „Fyrst það er búið
að bóka þessi próf á okkur þá
getum við alveg haldið þau, en
þeir skulu ekki voga sér að gera
þetta aftur.“ salvar@frettabladid.is
Enskupróf í
mikilli óvissu
Svo gæti farið að svokölluð TOEFL-próf verði ekki
lengur haldin hér á landi. Flestir sem ætla í nám í
enskumælandi landi verða að taka prófið, um 600
til 700 manns á ári. Erfitt hefur reynst að vinna með
ETS, fyrirtækinu sem á prófið.
Í PRÓFI Frá því að TOEFL-prófið var fyrst lagt fyrir árið 1964 hafa um tuttugu milljónir
þreytt það. Þar sýna nemendur fram á kunnáttu sína í ensku, jafnt talaðri sem
skrifaðri. FRÉTTABLAÐIÐ/GVA
PAKISTAN, AP Mikil spenna er í Pak-
istan í dag og öryggisgæsla í
hámarki vegna þingkosninganna,
sem Pervez Musharraf forseti full-
yrðir að verði haldnar hvað svo sem
gangi á.
Óttast er að ofbeldismenn reyni
að koma í veg fyrir að hægt verði að
halda kosningarnar með góðu móti.
Í gær létust nærri fimmtíu manns
og yfir hundrað særðust þegar
sjálfsvígsárás var gerð á kosninga-
fund í bænum Parachinar, skammt
frá landamærum Afganistans í
norðvesturhluta landsins.
Andstæðingar Musharrafs úr
flokkum tveggja fyrrverandi for-
sætisráðherra, þeirra Benazir
Bhutto, sem var myrt í lok síðasta
árs, og Nawaz Sharif, segjast sann-
færð um að Musharraf og flokkur
hans muni falsa úrslitin sér í vil.
Flokki Musharrafs er ekki spáð
góðu gengi.
Sharif, sem eins og Bhutto sneri
heim úr útlegð í haust til að bjóða
sig fram í kosningunum, hefur heit-
ið því að öflug mótmælaalda muni
rísa upp ef kosningaúrslitin verða
fölsuð.
Musharraf forseti, sem rændi
völdum af Sharif árið 1999, stæði
illa að vígi ef andstæðingar hans
næðu völdum á þingi. Hann vakti
hörð viðbrögð á síðasta ári þegar
hann tók stjórnarskrá landsins
tímabundið úr gildi, rak flesta
dómara úr hæstarétti landsins og
herti tökin á fjölmiðlum. - gb
KOSNINGARNAR UNDIRBÚNAR Pakist-
anskir hermenn fóru í fararbroddi bíla-
lestar sem flutti starfsmenn kjörstaða og
kjörgögn frá dómshúsinu í Karachi út á
kjörstaðina í gær. FRÉTTABLAÐIÐ/AP
Óttast að ofbeldismenn reyni að trufla þingkosningar í Pakistan í dag:
Mikil spenna vegna kosninga
BORGARSTJÓRI Í DREKAKJAFTI Jacques
Peyrat, borgarstjóri í Nice í Frakklandi,
virðist una sér vel í kjafti drekans milli
beittra vígtanna á kjötkveðjuhátíðinni,
sem haldin var þar í gær. FRÉTTABLAÐIÐ/AP
Þetta er alveg dæmigert
fyrir þeirra vinnubrögð.
Við eigum bara að taka því sem
er hent til okkar.
HERMANN JÓNSSON
FRAMKVÆMDASTJÓRI ISOFT