Fréttablaðið - 18.02.2008, Blaðsíða 43
MÁNUDAGUR 18. febrúar 2008 19
Nýverið kom út í Noregi viðtals-
bók sem valdið hefur nokkrum
deilum þar í landi. Hún er skrifuð
af blaðamanninum Arvid Bryne
og fjallar um lífshlaup tveggja
Norðmanna sem börðust í seinni
heimsstyrjöldinni, þeirra Bjørns
Østring og Sveins Blindheim. Það
væri vart í frásögur færandi ef
ekki væri fyrir það að Bjørn
Østring var einn af persónulegum
lífvörðum Vidkun Quisling,
svikarans og landráðamannsins
alræmda. Skiptar skoðanir eru
meðal norsku þjóðarinnar á því
hvort viðeigandi geti talist að
hampa manni sem á slíkan feril
að baki sem stríðshetju. - vþ
Sagan er aldrei
svart-hvít
BJØRN ØSTRING, ARVID BRYNE OG
SVEIN BLINDHEIM Hermenn og blaða-
maður.
Tvær ungar og rísandi stjörnur,
Víkingur Heiðar Ólafsson píanó-
leikari og Denis Bouriakov,
flautuleikari og núverandi leiðari
Sinfóníuhljómsveitarinnar í
Tampere í Finnlandi, halda tón-
leika í Tíbrá-tónleikaröðinni í
Salnum annað kvöld kl. 20. Báðir
hafa þessir framúrskarandi ungu
listamenn unnið til margra verð-
launa fyrir hljóðfæraleik sinn og
voru hvor um sig farnir að koma
fram opinberlega strax á unga
aldri.
Á efnisskrá tónleikanna eru
verk fyrir flautu og píanó, sem og
einleiksverk fyrir bæði hljóð-
færin. Þar má heyra nokkur
þekktustu verk flautubók-
menntanna, auk þess sem Denis
mun leika eigin útsetningar á
verkum sem upphaflega voru
samin fyrir fiðlu. Víkingur mun
svo leika Píanósónötu nr. 28 op.
101 í A-dúr eftir Ludwig van Beet-
hoven, en hún er af mörgum talin
ein sú allra glæsilegasta af þeim
32 píanósónötum sem Beethoven
samdi.
Núna í byrjun febrúarmánaðar
fór Víkingur Heiðar með sigur af
hólmi í píanókonsertkeppni Juilli-
ard-listaháskólans þar sem hann
er nú um það bil að ljúka námi hjá
Robert McDonald. Víkingur
verður verðlaunaður með þeim
heiðri að fá að leika Píanókonsert
nr. 3 eftir Béla Bartók með hljóm-
sveit skólans undir stjórn Roberto
Abbado, en tónleikarnir verða
haldnir í hinum virta sal New
York Fílharmóníunnar, Avery
Fisher Hall, 31. mars næstkom-
andi.
Árið 2007 var ekki síður
fengsælt hjá Denis Bouriakov því
hann hreppti fyrstu verðlaun í
fyrstu PanEuropean flautu-
keppninni sem haldin var í Grikk-
landi. Þá hlaut hann einnig fyrstu
verðlaun í flautukeppni Barnett-
stofnunarinnar í Chicago, og
þriðju verðlaun og sérstaka viður-
kenningu í alþjóðlegu Maxence
Larrieu-flautukeppninni í Nice í
Frakklandi.
Það er því ljóst að hér eru engir
aukvisar á ferðinni og að tónlistar-
áhugafólk ætti ekki að láta þessa
tónleika fram hjá sér fara.
- vþ
Ungir hljóðfæraleikarar í Salnum
DENIS BOURIAKOV Ungur og margverð-
launaður flautuleikari.
Félag þjóðfræðinga á Íslandi
heldur þemakvöld í húsi Sögu-
félagsins við Fischersund á
miðvikudag kl. 20. Yfirskrift
kvöldsins er Þankagangur
þjóðarinnar: Menning skoðuð út
frá sjómannalögum og veður-
þjóðtrú. Erindi flytja Rósa
Margrét Húnadóttir og Eiríkur
Valdimarsson. Aðgangur er
ókeypis og öllum heimill.
Rósa Margrét Húnadóttir
þjóðfræðingur kynnir BA-
ritgerð sína Draumur hins
djarfa manns: frá sjómannalög-
um til gúanórokks sem varpar
ljósi á íslenska dægurlagamenn-
ingu á 20. öld. Eins og titillinn
gefur til kynna er fjallað um
sjómannalög, sem voru órjúfan-
legur partur af dægurlagaflóru
Íslendinga á vissu tímabili.
Tónlistin átti sitt blómaskeið á
sjötta og sjöunda áratug síðustu
aldar en upp úr því varð
breyting á umfjöllun slíkra laga
um sjómannslífið sem kallast á
við breytingar samfélagsins og
þá hröðu þróun og tækni-
framfarir sem urðu í íslenskum
sjávarútvegi upp úr miðri 20.
öld.
Eiríkur Valdimarsson þjóð-
fræðingur kynnir BA-ritgerð sína
Ský á himni og skafl í fjalli:
samanburður á veðurþjóðtrú úr
Skagafirði og frá Breiðafirði.
Hann tekur fyrir hvernig
veðurþjóðtrú birtist í hugarheimi
Íslendinga á öldum áður og
hvernig hún býr yfir mörgum og
ólíkum birtingarmyndum.
Veðurþjóðtrú hefur snert marga
strengi þjóðarinnar og er nokkuð
fyrirferðarmikill kafli sögu
hennar, hugsanlega vegna erfiðra
veðurskilyrða hér oft og tíðum.
Þanka-
gangur þjóð-
arinnar
ÚTVARP Nauðsynlegur ferðafélagi
sjómannsins.