Fréttablaðið - 19.02.2008, Side 8

8 19. febrúar 2008 ÞRIÐJUDAGUR
Auglýsingasími
– Mest lesið
KOSOVO, AP Bandaríkin og flest
aðildarríki Evrópusambandsins,
þar á meðal Þýskaland, Frakkland
og Bretland, hafa ákveðið að viður-
kenna sjálfstæði Kosovo.
Enginn einhugur er þó innan Evr-
ópusambandsins í þessu máli. Spán-
verjar og Slóvakar segja sjálfstæðis-
yfirlýsinguna ólöglega. Grikkir,
Rúmenar og Kýpverjar ætla heldur
ekki að viðurkenna Kosovo.
Fyrst allra ríkja til þess að viður-
kenna nýja ríkið varð hins vegar
Afganistan.
Þúsundir Serba í borginni Mit-
rovica efndu í gær til mótmæla
gegn því að Kosovo yrði sjálfstætt
ríki. Fólkið hrópaði „Þetta er
Serbía“ og „Niður með Banda ríkin“.
Sumir báru myndir af bandaríska
fánanum með hakakross krotaðan
yfir.
Stjórnin í Serbíu hefur lagt fram
kæru á hendur leiðtogum Kosovo
fyrir að stofna „falsríki“ og brjóta
með því gegn stjórnlögum Serbíu.
„Hið svokallaða Kosovo-ríki
verður aldrei aðildarríki Samein-
uðu þjóðanna,“ sagði Vuk Jeremic,
utanríkisráðherra Serbíu. „Serbar
munu beita öllum ráðum á alþjóða-
vettvangi til að koma í veg fyrir
viðurkenningu Kosovo.“
Hann segir að Serbar treysti því
að Rússar komi í veg fyrir að Kos-
ovo fái aðild að Sameinuðu þjóðun-
um. Serbar muni einnig koma í veg
fyrir að Kosovo fái aðild að bæði
Evrópuráðinu og Öryggis- og sam-
vinnustofnun Evrópu. Til þess að fá
aðild að þessum stofnunum þurfa
öll aðildarríkin sem fyrir eru að
hafa gefið samþykki sitt.
„Meðan Serbía er aðildarríki að
þeim fær hið svokallaða Kosovo ríki
ekki aðild,“ sagði Jeremic.
Serbar hafa öldum saman búið í
Kosovo. Þar er vagga menningar
þeirra og fjölmargar sögulegar
minjar sem þeir hafa sterkar taug-
ar til. Albanir voru allt þar til á síð-
ustu öld í minnihluta íbúa, en segj-
ast vera afkomendur þjóðar sem
bjó þar til forna.
Serbar og Kosovo-Albanar áttu í
heiftúðugu stríði árin 1998-99, sem
lauk eftir harðar loftárásir Atlants-
hafsbandalagsins. Síðan hefur Kos-
ovo verið undir umsjón Sameinuðu
þjóðanna og NATO, og verður það
áfram þrátt fyrir sjálfstæðisyfir-
lýsinguna.
Atlantshafsbandalagið ítrekaði í
gær að 16 þúsund manna herlið á
vegum þess yrði áfram í Kosovo,
bæði til að vernda serbneska minni-
hlutann og aðstoða við að byggja
upp réttarríki. gudsteinn@frettabladid.is
Engin eining
um Kosovo
Afganistan varð fyrst ríkja heims til að viðurkenna
sjálfstæði Kosovo. Serbar segjast aldrei ætla að
sætta sig við aðild Kosovo að alþjóðastofnunum.
SERBAR MÓTMÆLA SJÁLFSTÆÐISYFIRLÝSINGU Þúsundir Serba ganga að brúnni yfir
Ibarfljót sem skilur að serbneska og albanska hluta borgarinnar Mitrovica í norðan-
verðu Kosovo. FRÉTTABLAÐIÐ/AP
BRETLAND, AP Mohamed Al Fayed,
faðir Dodis Al Fayed sem lést
ásamt Díönu prinsessu af Wales í
bílslysi 1997, sagði gögn sanna að
parið hefði verið myrt þegar hann
bar vitni fyrir dánardómstól í
London í gær.
Eftir lát Díönu barst lögreglu
skjal með samtali hennar og lög-
fræðings þar sem hún sagðist ótt-
ast um líf sitt. Skjalið var ekki birt
fyrr en sex árum síðar og sagði Al
Fayed seinkunina sanna að parið
hefði verið myrt. „Hún sagðist ótt-
ast að hún myndi deyja eða verða
myrt í bílslysi og það kom síðan
fyrir hana og son minn.“
Al Fayed tilgreindi ættingja
Díönu, starfsfólk og lögreglumenn
sem hann sagði hafa átt aðild að
morðinu. - sdg
Syrgjandi faðir bar vitni í gær:
Díana og Dodi voru myrt
MOHAMED AL FAYED Segir Filippus
prins, eiginmann Elísabetar II Englands-
drottningar, hafa skipulagt morðið.
NORDICPHOTOS/AFP