Fréttablaðið - 20.02.2008, Blaðsíða 4
4 20. febrúar 2008 MIÐVIKUDAGUR
BORGARMÁL Stórátak í uppbygg-
ingu göngu- og hjólreiðaleiða og
veruleg fjölgun leikskólaplássa
er meðal þess sem kynnt var í
þriggja ára áætlun Reykjavíkur-
borgar sem lögð var fyrir borgar-
stjórn í gær.
Haldið verður áfram með verk-
efnið „frítt í strætó“, og börnum
öldruðum og öryrkjum einnig
boðið upp á gjaldfrjálsar strætis-
vagna samgöngur. Fjölga á íbúð-
um Félagsbústaða um hundrað á
ári. Einnig á að kanna möguleika
á að koma upp fimm ára deildum
í grunnskólum í öllum hverfum.
Gert er ráð fyrir minni tekju-
aukningu borgarsjóðs en undan-
farin ár. Hún verði um þrír millj-
arðar milli ára sem er um
þriðjungur árlegrar tekjuaukn-
ingar undanfarin ár. Hún muni þó
duga fyrir útgjaldaaukningunni,
sem muni nema um 2,6 milljörð-
um árlega.
Ólafur F. Magnússon borgar-
stjóri sagði á blaðamannafundi í
gær að áætlunin tæki mið af
óvissu í efnahagsmálum, hún
væri aðhaldssöm og til greina
kæmi að hægja á steypufram-
kvæmdum til að liðka fyrir meiri
útgjöldum til velferðarmála.
Aðspurður svaraði hann því ekki
við hvaða framkvæmdir hann
ætti.
Dagur B. Eggertsson, oddviti
Samfylkingarinnar í borgar-
stjórn, segist vart fá tölurnar sem
settar eru fram í áætluninni til að
stemma við þessi orð borgar-
stjóra. „Það á að fresta skóla-
byggingum og slá af í velferðar-
málum í aðra röndina og svo er
verið að ýta út af borðinu ein-
hverjum stærsta loforðapakka
Sjálfstæðisflokksins í íþróttamál-
um,“ segir hann og vísar til niður-
skurðar í framkvæmdum við
íþróttamannvirki, sem setja muni
fyrirætlanir íþróttafélaga í upp-
nám. „Þannig að þarna er í raun
engu haggað í áætlunum um
gatnagerð og malbik en sparað í
því sem snýr að börnum, öldruð-
um og íþróttum. Satt best að segja
kemur þetta manni svolítið á
óvart.“
Dagur segir að í áætluninni sé
sett fram svartsýnni spá á efna-
hagshorfur en áður hefur sést, en
að svör skorti við því hvernig
borgin hyggst bregðast við. Dagur
segir áætlunina bera óvissu-
ástandinu í Ráðhúsinu merki, og
efast jafnframt um að hún hafi
verið rædd til hlítar innan meiri-
hlutans. stigur@frettabladid.is
SJÁVARÚTVEGUR Ýmsir annmarkar
eru á hugmynd um að byggðakvóti
verði boðinn upp og féð renni til
sjávarbyggða, sem Ingibjörg Sól-
rún Gísladóttir talaði fyrir á fundi
á Akureyri á mánudag, segir Einar
K. Guðfinnsson, landbúnaðar- og
sjávarútvegsráðherra.
Hann segir hugmyndina ekki
nýja, en fara þurfi yfir hana áður
en hann taki afstöðu. Dæmi um
annmarka séu erfiðleikar sem það
gæti valdið smærri byggðum verði
byggðakvótinn alfarið sleginn af.
„Síðan vakna spurningar um það
hvernig deila ætti út því fjármagni
sem fæst fyrir kvótann. Ég geri
ráð fyrir því að það verði sömu
átökin um það eins og um útdeil-
ingu á byggðakvótanum,“ segir
Einar.
Hann bendir ennfremur á að
hugmyndir um uppboð á byggða-
kvóta þurfi að fara saman við
veiðigjaldið, þarna sé gert ráð
fyrir því að útgerðin greiði fyrir
aflaheimildir sem hingað til hafi
ekkert verið greitt fyrir.
Hugmyndir Samfylkingarinnar
um uppboð byggðakvótans koma í
kjölfar álits Mannréttindanefnd-
ar Sameinuðu þjóðanna um að
úthlutun kvóta feli í sér mismun-
un.
Einar segir að enn sé unnið að
því í sjávarútvegsráðuneytinu að
undirbúa svar Íslands við áliti
nefndarinnar. Þeirri vinnu ljúki
vonandi á vormánuðum. - bj
Annmarkar á hugmynd um uppboð á byggðakvóta segir sjávarútvegsráðherra:
Sömu átökin og um kvótann
EINAR K. GUÐFINNSSON „Ég geri ráð
fyrir því að það verði sömu átökin um
[útdeilingu fjármagnsins] eins og um
útdeilingu á byggðakvótanum.“
FRÉTTABLAÐIÐ/GVA
SJÁVARÚTVEGUR Með hugmyndum
Samfylkingarinnar um uppboð á
byggðakvóta er í raun verið að
leggja til að veiðiheimildir verði
hirtar af útgerðum og þær látnar
kaupa þær aftur á uppboði, segir
Friðrik J. Arngrímsson, fram-
kvæmdastjóri LÍÚ.
„Aflaheimildirnar eru að mestu
leyti úti á landi svo þetta yrði
ekkert annað en landsbyggðaskatt-
ur sem sjávarútvegurinn ætti að
standa undir,“ segir hann. „Mér líst
ekkert á þessa hugmynd og við
leggjumst alfarið gegn henni.“
Samfylkingin virðist komin inn á
braut eignaupptöku sem hún hafi
áður verið horfin frá. - bj
LÍÚ hafnar uppboðshugmynd:
Yrði skattur á
landsbyggðina
Höskuldur í fæðingarorlof
Höskuldur Þór Þórhallsson, þingmað-
ur Framsóknarflokks, verður í fæð-
ingarorlofi næstu fjórar vikur. Huld
Aðalbjarnardóttir tekur sæti hans á
þingi á meðan.
Kristinn fær að hlusta
Forsætisnefnd hefur samþykkt að
Frjálslyndir fái áheyrnarfulltrúa á
fundum nefndarinnar. Er það mögu-
legt í krafti nýrra þingskaparlaga sem
tóku gildi um áramót. Kristinn H.
Gunnarsson verður áheyrnarfulltrúi
Frjálslyndra í forsætisnefnd.
ALÞINGI
SVEITARSTJÓRNIR Starfsmenn
Grindavíkurbæjar munu fá
launauppbót 1. apríl samkvæmt
ákvörðun meirihlutans í
bæjarstjórn. Uppbótin verður á
bilinu 50 til 200 þúsund krónur
eftir starfsaldri hvers og eins.
„Meirihluti D- og S-lista vill
með breytingu á starfsmanna-
stefnu bæjarins umbuna því
frábæra starfsfólki sem vinnur
hjá Grindavíkurbæ og sýnt
hefur bæjarfélaginu tryggð og
velvilja. Það er von meirihlut-
ans að þessi breyting efli enn
frekar starfsanda í stofnunum
bæjarins,“ segir í bókun
meirihlutans sem boðar aðra
aukagreiðslu 1. september og
svo eftir það á 1. september á
hverju ári. - gar
Tryggðin launuð í Grindavík:
Starfsmenn fá
launauppbót
GRINDAVÍK Bæjarstjórnin vonast til að
efla starfsanda.
ALÞINGI Jóhanna Sigurðardóttir
félagsmálaráðherra ætlar að láta
athuga hvort börn vinni meira en
reglur segja til um að þau megi
gera.
Siv Friðleifsdóttir, þingflokks-
formaður Framsóknarflokks,
innti Jóhönnu á Alþingi í gær
eftir afstöðu hennar til vinnu
barna. Siv sagði vinnandi börnum
í stórmörkuðum fjölga og hafði
meðal annars áhyggjur af því að
vinna þeirra kæmi niður á námi.
Jóhanna tók undir hvert orð
Sivjar, þakkaði henni fyrir að
vekja athygli á málinu og hét því
að láta skoða það. - bþs
Félagsmálaráðherra:
Vinna barna
verður skoðuð
MENNTAMÁL Menntamálaráðuneyt-
ið og Mosfellsbær hafa gert með
sér samkomulag um stofnun og
byggingu framhaldsskóla í
Mosfellsbæ. Þorgerður Katrín
Gunnarsdóttir menntamálaráð-
herra og Haraldur Sverrisson,
bæjarstjóri í Mosfellsbæ,
undirrituðu samkomulag þess
efnis í Listasal Mosfellsbæjar í
gær. Haraldur sagði samkomu-
lagið mikið framfaraspor fyrir
Mosfellsbæ.
Gert er ráð fyrir því að skólinn
taki á móti 400 til 500 nemendum
frá haustinu 2009. - mh
Samkomulag undirritað:
Framhaldsskóli
rís í Mosfellsbæ
SAMKOMULAG UNDIRRITAÐ Þorgerður
Katrín og Haraldur Sverrisson, bæj-
arstjóri Mosfellsbæjar, undirrituðu
samkomulagið. FRÉTTABLAÐIÐ/GVA
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Basel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
8°
7°
4°
4°
5°
10°
10°
7°
10°
8°
19°
16°
11°
11°
21°
3°
22°
14°
Á MORGUN
3-8 m/s en hvessir
heldur með kvöldinu
0
1
1
1
4
6
4
4
6
4
-1
5
8
6
5
7
12
7
19
12
12
18
-3 -2
-1
11
-4 -3
-1
-1-13-8 m/s en hvessir
heldur með kvöldinu
FÖSTUDAGUR
Sigurður Þ.
Ragnarsson
Veður-
fræðingur
HLÝNAR OG
KÓLNAR Núna
með morgninum
hlýnar á landinu
í stífri sunnanátt.
Fyrst hlýnar syðra
en síðan víða um
land síðdegis, þó
ekki á Vestfjörðum.
Þessu fylgir væta,
einkum sunnan og
vestan til en snjó-
koma verður fyrir
vestan. Úrkomulítið
á Norðausturlandi.
Í nótt frystir á ný
um allt land.
■ Ekki er gert ráð fyrir breytingum
á álögum á borgarbúa.
■ Kaffihús verði byggt í Hljóm-
skálagarðinum og reksturinn
boðinn út.
■ Fundið verði nýtt áfangaheim-
ili fyrir þá sem nú dvelja á
umdeildu heimili við Njálsgötu.
■ Grunnskólanemum verði gert
kleift að þreyta framhaldsskóla-
áfanga og ljúka unglingadeild á
tveimur árum.
NOKKUR ATRIÐI
ÚR ÁÆTLUNINNI
Steypuframkvæmdir
víki fyrir velferðinni
Áhersla er lögð á umhverfis- og velferðarmál í þriggja ára áætlun Reykjavíkur-
borgar. Borgarstjóri svarar ekki hvaða framkvæmdum skal fresta fyrir auknar
velferðaráherslur. Dagur B. Eggertsson segir skorið niður í velferðarmálum.
FUNDAÐ Í BORGARSTJÓRN Ólafur F. Magnússon borgarstjóri lagði þriggja ára áætlun-
ina fyrir borgarstjórn til samþykktar í gær. Vilhjálmur Þ. Vilhjálmsson var ekki mættur
á fundinn, og vakti það athygli viðstaddra. Hann fundaði með öðrum í hliðarherbergi
og sagðist ekki hafa tekið ákvörðun um pólitíska framtíð sína. FRÉTTABLAÐIÐ / ANTON
GENGIÐ 19.2.2008
GJALDMIÐLAR KAUP SALA
HEIMILD: Seðlabanki Íslands
129,204
GENGISVÍSITALA KRÓNUNNAR
66,58 66,9
129,66 130,3
98,09 98,63
13,156 13,232
12,445 12,519
10,511 10,573
0,6202 0,6238
105,38 106
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR