Fréttablaðið - 20.02.2008, Blaðsíða 12
12 20. febrúar 2008 MIÐVIKUDAGUR
nær og fjær
„ORÐRÉTT“
„Þessir kjarasamningar eru mjög
mikilvægur áfangi í þeirri vinnu
sem nú er í gangi við að tryggja
stöðugleika í efnahagslífinu,“ segir
Guðjón Rúnarsson, framkvæmda-
stjóri Samtaka fjármálafyrirtækja,
um nýgerða kjarasamninga aðila
vinnumarkaðarins.
„Þarna er um langtímasamninga að
ræða, sem eyða þeirri óvissu sem
var ríkjandi, sem er mjög jákvætt.
Framlag ríkisins í þeim efnum
er einnig mjög mikilvægt,“ segir
Guðjón.
„Það er mikilvægt að fyrirtækin í
landinu haldi sig við þá forgangs-
röðun sem lagt er upp með,“
segir Guðjón. Í samningunum var
áhersla lögð á hækkun lægstu
launa en að þeir sem notið hafi
launaskriðs fái minni hækkanir.
„Þessir samningar ættu jafnframt
að vera mikilvægt tæki fyrir Seðla-
bankann og flýta fyrir vaxtalækkun-
arferlinu,“ segir Guðjón að lokum.
SJÓNARHÓLL
NÝUNDIRRITAÐIR KJARASAMNINGAR
Jákvætt að eyða óvissu
GUÐJÓN RÚNARSSON Framkvæmda-
stjóri
Uppi varð fótur og fit í
Heimaey þegar minks varð
vart í bænum. Ásmundur
Pálsson meindýraeyðir var
snar í snúningum og náði að
skjóta minkinn eftir snarpan
eltingaleik, sem kom ljós-
myndara Fréttablaðsins í
Eyjum næstum því í koll.
Fljótt var eini minkurinn í
Eyjum allur.
Minkurinn var í porti nokkru í
bænum þegar Ásmundur kom að
með vopnið. „Svo hljóp hann út úr
portinu og beint að Óskari Friðriks-
syni ljósmyndara svo ég þorði ekki
að skjóta á hann,“ segir Ásmundur.
„Þannig að ég hljóp á eftir honum
inn í annað port þar sem hann fór
undir gám og þá náði ég að koma
skoti á hann. Svo reyndi hann að fela
sig í einhverju dekkjarusli en þá
náði ég að koma skoti á hann aftur
og þar með steinlá hann.“
Meindýraeyðirinn var með sand-
skot í byssunni svo engin hætta var
á að þau myndu endurkastast og
stofna nærstöddum í hættu.
Alkunna er að minkur er afar
sjaldgæfur í Eyjum. „Síðasta haust
var mér sagt af minki við Heima-
klett en hann var svo kominn í borð
um Stíganda VE 77 en þar náði ég að
skjóta í afturendann á honum en þá
fór hann í sjóinn og ég veit ekki
meira um afdrif hans. Þannig að
þessi sem lá núna er sá fyrsti sem
næst.“
Meindýraeyðirinn hefur sínar
skýringar á því hvernig vargurinn
kemur til Eyja. „Ég held að hann
komi með Herjólfi. Það er töluvert
af honum í Þorlákshöfn og þeir gætu
hugsanlega komið með ruslagámun-
um en hingað er sent kurl til að
brenna. Hann gæti hafa komið með
því.“ jse@frettabladid.is
Síðasti minkurinn fallinn
ÁSMUNDUR MEÐ MINKINN Eini minkurinn sem vitað er um í Vestmannaeyjum féll
fyrir hendi meindýraeyðis í gær. Hér er Ásmundur ánægður með dagsverkið.
MYND/ÓSKAR FRIÐRIKSSON
...MINKURINN FALDI SIG EN TÓK SÍÐAN Á RÁS...
...FRAM HJÁ LJÓSMYNDARA OG ÚT UM HLIÐIÐ...
...OG MEINDÝRAEYÐIRINN Á EFTIR.
EFTIR AÐ HAFA SÆRT DÝRIÐ KOMST SKYTTAN Í GOTT FÆRI.
„Það er alltaf nóg að gera og mikill árangur
af starfinu,“ segir Guðrún Benediktsdótt-
ir, Davis-leiðbeinandi í Hafnarfirði. „Ég
fæ góðar reynslusögur til baka þar sem
Ron Davis-aðferðin reynist mjög vel bæði
börnum og fullorðnum. Það er svo gefandi
og gaman þegar maður sér að maður getur
hjálpað fólki til að takast á við lesblinduna,
fengið þeim verkfæri í hendur og unnið með
þau.
Mímir símenntun býður upp á lesblindu-
námskeið fyrir fullorðna sem er niðurgreitt
af menntamálaráðuneytinu og við erum
með nokkur námskeið á ári. Fullorðnir
eru farnir að skoða sjálfa sig út frá allri
umræðunni sem hefur verið undanfarin
ár um athyglisbrest, les-, skrif- og stærð-
fræðiblindu. Fólk er farið að kveikja á því
að kannski hafi þetta hrjáð það allt þess
líf, þetta hafi upprunlega orðið til þess að
sjálfsmyndin hafi ómeðvitað brotnað niður
og að fólk hefur fengið neikvæðar hugsanir
um sjálft sig. Þegar fólk fer að vinna í þessu
opnast alveg nýr heimur,“ segir Guðrún.
„Þetta er það sem tekur hug minn fyrir
utan heimilið. Maður er í þessu af öllu
hjarta.“
Guðrún og maður hennar, Guðjón
Pálmarsson, eiga þrjá unglinga,
13, 16 og 18 ára. „Ég er í því að
halda utan um ungling-
ana og að sjálfsögðu
hjónabandið líka, það
má ekki gleyma því. Eldri
unglingarnir eru báðir í
framhaldsskóla og stelpan
í grunnskóla og á að fermast
í vor. Svo hef ég verið á fullu á
hundanámskeiðum. Það er algjör heilsubót
að eiga stóran hund því að maður þarf að
fara með hann út að ganga á hverjum degi,“
segir hún.
Guðrún hefur háskólanám í bígerð og
er að velta fyrir sér að sækja um að taka
iðjuþjálfun utanskóla við Háskólann
á Akureyri í haust. „Draumurinn er að
geta unnið sem iðjuþjálfi og tekið
Davis-leiðréttingar með í framtíð-
inni. Margir krakkar, sem koma
til mín hafa verið og eru í
iðjuþjálfun, og ég held að
Davis-leiðbeiningar og iðju-
þjálfun eigi vel saman. Ég
get ekki flutt til Akureyrar
en nú er möguleiki að
stunda þetta nám
að heiman.“
HVAÐ ER AÐ FRÉTTA? GUÐRÚN BENEDIKTSDÓTTIR, DAVIS-LEIÐBEINANDI:
Hjálpar lesblindum af öllu hjarta
Biðlistar
„Biðlistar í endurhæfingu eru
orðnir mjög langir enda segir
það sig sjálft þegar plássum
fækkar.“
KRISTÓFER ÞORLEIFSSON, FORMAÐ-
UR GEÐLÆKNAFÉLAGS ÍSLANDS,
UM FÆKKUN PLÁSSA FYRIR
GEÐSJÚKA.
Fréttablaðið, 19. febrúar.
Rjúpur á okurverði
„Mér datt þetta í hug þegar
rjúpurnar voru að seljast á
okurverði í haust.“
REGÍNA ÓLÍNA ÞÓRARINSDÓTTIR
UM VIÐSKIPTAHUGMYND HENNAR
SEM GENGUR ÚT Á AÐ RÆKTA
RJÚPUR FYRIR JÓLAMARKAÐINN.