Fréttablaðið - 20.02.2008, Blaðsíða 34
20. FEBRÚAR 2008 MIÐVIKUDAGUR16 ● fréttablaðið ● bílar
REYNSLUAKSTUR
Toyota Highlander Hybrid er
lúxusjepplingur af stærri gerð-
inni, framleiddur fyrir Banda-
ríkjamarkað. Hann er búinn
tvinn-drifkerfi sem sameinar
bensínvél og rafmótora og
dregur úr eyðslu og útblæstri.
Á árinu 2007 seldust í Bandaríkj-
unum yfir 350.000 tvinnbílar, og
frá því slíkir bílar komu fyrst
á markað þar árið 1999 (fyrstir
voru Toyota Prius og Honda Ins-
ight) hafa samtals selst yfir ein
milljón.
Þrír af hverjum fjórum þessara
bíla eru frá Toyota, flestir af gerð-
inni Prius, en eftir því sem Toyota
hefur farið að bjóða upp á tvinn-
tæknina í fleiri gerðum hafa þær
einnig selst grimmt.
Toyota Highlander hefur verið
á Bandaríkjamarkaði síðan árið
2001, en með 2008-árgerðinni
urðu kynslóðaskipti. Highland-
er er byggður á undirvagni fram-
drifna Toyota Camry-fólksbílsins,
og er því ekki byggður á grind
eins og „alvöru“ jeppar á borð
við Land Cruiser. Undirvagninum
deilir Highlander með Lexus RX.
Framan af fékkst Highlander
aðeins með bensínvélum en frá og
með 2006-árgerðinni hefur hann
fengist með tvinn-drifbúnaði
(sem Toyota kallar Hybrid Syn-
ergy Drive).
Bíllinn sem fékkst til reynslu-
aksturs er af nýju 2008-kynslóð-
inni, búinn uppfærðu tvinn-drif-
kerfi með tveimur rafmótorum,
123 kW að framan og 50 kW að
aftan. Meðal nýjunga miðað við
fyrri kynslóð er að nú er hægt
að ýta á takka sem lætur bíl-
inn ganga eingöngu á rafdrifinu,
reyndar aðeins á lítilli ferð og að
hámarki um eins og hálfs kíló-
metra leið. Önnur nýjung er full-
komnara fjórhjóladrifskerfi, sem
er samþætt rafeindastýrða stöð-
ugleikakerfinu sem Toyota kall-
ar VDIM.
Samanlagt skilar 3,3-lítra V6-
bensínvélin og rafmótorarnir 270
hestöflum og 288 Nm togi. Aflið
skortir því ekki. Tvinn-drifkerf-
ið notar háspennu-nikkel-málm-
hýdríð-rafgeymi en tólf volta
rafkerfi bílsins sjálfs er alveg
aðskilið og notar hefðbundinn
12V-rafgeymi.
Um leið og bíllinn er sett-
ur í gang finnst að hann er ekki
hefðbundinn bensínbíll. Það er
gert með því einfaldlega að ýta á
hnapp, en við það heyrist ekkert
vélarhljóð heldur kviknar bara
á ljósum, mælaborði og upplýs-
ingaskjá. Þegar sjálfskiptingunni
er rennt í bakkgír sendir bakk-
myndavél myndir á upplýsinga-
skjáinn, sem stórbætir sýn aftur
úr þessum hátt í fimm metra langa
bíl. Þegar þrýst er á bensíngjöfina
rennur bíllinn hljóðlaust af stað.
Það er síðan ekki fyrr en bíllinn
er kominn á ferð sem bensínvélin
dettur í gang, en ökumaður tekur
varla eftir því þar sem það gerist
líka mjög hljóðlega. Stiglaus sjálf-
skiptingin og mjúk fjöðrunin (þó
ekki of mjúk), eiga líka sinn þátt
í því hve hljóðlega og rykkjalaust
bíllinn skilar sér áfram, jafnvel
yfir reykvískar hraðahindranir.
Í Limited-útfærslu er sjö sæta
bíllinn ríkulega búinn. Hituð, raf-
stýrð leðursæti, leðurklætt stýri
(sem er reyndar grennra en þægi-
legast væri), póleraðar harðvið-
arskreytingar, miðstöð/loftkæl-
ing sem er stillanleg fyrir hvern
farþega í fram- og fremri aft-
ursætum, fullkomin hljómtæki
og þannig mætti áfram telja. Að
teknu tilliti til stærðar, hins dýra
vél- og drifbúnaðar og ríkulega
útbúnaðar innanstokks er ekki
annað hægt að segja en að verðið
sé gott í samanburði við sambæri-
lega bíla (sem þó eru ekki búnir
tvinn-drifkerfi). Innflutningsað-
ilinn Islandus.com gefur upp að
miðað við núverandi gengi Banda-
ríkjadals sé það í kring um fimm
milljónir króna.
Mestu munar um tvinn-drif-
kerfið í innanbæjarumferð. Það
drepur á bensínvélinni á hverj-
um gatnamótum, tekur af stað á
rafdrifinu, og rafgeymarnir hlað-
ast í hvert sinn sem hemlað er.
Þetta sparar eldsneyti og útblást-
ur. Uppgefin lágmarksmeðal-
eyðsla er um 7,6 lítrar á hundrað-
ið. Eyðsla reynsluakstursbílsins
á fyrstu tankfyllingunni reyndist
um 10 lítrar, sem er nokkuð gott
með tilliti til stærðar bílsins og
að um vetrarakstur er að ræða.
En það er ekki minni eyðsla en
til dæmis evrópskir díselbílar af
svipaðri stærð skila núorðið.
Enda myndu þeir sem af alvöru
setja umhverfisvænleika í fyrir-
rúm við val á bíl fá sér minni og
léttari bíl, búnum minni og spar-
neytnari vél. Með því að fjárfesta
í tvinn-drifinu getur sá sem velur
Highlander Hybrid þó leyft sér
þann lúxus að aka um á svo stór-
um og öflugum bíl með eilítið
betri umhverfissamvisku. - aó
Bíllinn er ríkulega búinn; stiglaus
sjálfskipting, fjölrofastýri, hraðastillir
og fleira.
Allt að sjö manns geta látið fara vel um
sig á leðurklæddri hægindainnréttingu.
Hægt er að fylgjast með orkuflæði
tvinn-drifsins á skjá í mælaborðinu.
Lúxusjepplingur sem bætir
umhverfissamviskuna
Nýr og stærri Hálendingur. Bíllinn hefur vaxið talsvert frá fyrri kynslóð, sem seldist mjög vel á Bandaríkjamarkaði.
FRÉTTABLAÐIÐ/ANTON
TOYOTA HIGHLANDER
HYBRID
Vél: 3,3 l V6 bensín, 2 rafmótorar
í tvinn-drifkerfi (Hybrid Synergy
Drive)
Afl : 270 hö/288 Nm
Drifbún.: 4x4, stiglaus sjálfskipt-
ing (CVT)
Mál: L 4,79m, B 1,91m, H 1,76m,
hjólhaf 2,79m
Þyngd: (2.041 kg)
Hröðun: 7,6 sek. 0-96 km/klst
PLÚS: Hljóðlátur, þægilegur, rúm-
góður, gott verð og sparneytinn
miðað við búnað og stærð
MÍNUS: Takmarkaðir torfæruei-
gin-leikar; minni dráttargeta vegna
CVT-skiptingar, lítið hliðarhald í
sætum
Verð: Um 5.000.000 kr.
Innfl ytjandi: islandus.com