Fréttablaðið - 20.02.2008, Blaðsíða 58

30 20. febrúar 2008 MIÐVIKUDAGUR
sport@frettabladid.is
Varnarmaðurinn Sverrir Garðarsson úr FH skrifaði í gær undir
þriggja ára samning við sænska úrvalsdeildarliðið GIF Sunds-
vall og samkvæmt heimildum Fréttablaðsins var kaupverðið á
bilinu 20-30 milljónir króna. Sverrir vakti gríðarlega athygli fyrir
vaska framgöngu með Hafnarfjarðarliðinu síðasta sumar og
hann var í framhaldinu verðlaunaður með sæti í landslið-
inu. Hann spilaði sinn fyrsta landsleik í lokaleik Íslands í
undankeppni EM gegn Danmörk í nóvember á síðasta
ári. Sverrir fór til nokkurra félaga áður en hann kom til GIF
Sundsvall snemma í janúar en Cain Dotson, yfirmaður
knattspyrnumála hjá félaginu, sagði í samtali við Frétta-
blaðið í gær að félagið hefði verið búið að fylgjast með
Sverri í þó nokkurn tíma.
„Við vissum alveg hver fótboltamaðurinn Sverrir Garð-
arsson var í janúar þegar við fórum þess á leit við FH að
fá hann til félagsins. Ég veit ekki hvort að það sé hægt
að segja að við höfum fengið hann á reynslu þar sem við
vissum alveg hvað hann gæti inni á knattspyrnuvellinum,
en vildum kynnast persónu hans betur og komast að því
hvort hann væri rétti maðurinn fyrir okkur,“ sagði Dotson sem
ber Sverri vel söguna.
„Ég hef hitt Sverri nokkrum sinnum og átt við hann gott spjall
og mér finnst hann frábær persónuleiki og hann hefur þetta
íslenska hugarfar og baráttuanda sem á eftir að nýtast GIF Sunds-
vall mjög vel,“ sagði Dotsons sem kvað kaupin á Sverri marka
stór spor í sögu félagsins.
„Sverrir er nýbúinn að spila sinn fyrsta landsleik fyrir
Ísland og ég tel að kaup okkar á honum undirstriki metnað
félagsins og vilja til að ná langt. Hann er klárlega ein
stærstu kaup sem GIF Sundsvall hefur staðið í og við bind-
um því miklar vonir við að hann eigi eftir að halda áfram
að bæta sig og sanna sig hjá félaginu,“ sagði Dotson sem
kvað viðræðurnar við FH hafa gengið mjög vel.
„Við áttum mjög góð samskipti við FH og náðum að
komast að samkomulagi fljótlega. Ég tel að við höfum
keypt Sverri á sanngjörnu verði,“ sagði Dotsons sem vildi
ekki tjá sig frekar um kaupverðið. Sverrir gaf ekki kost á
viðtali þegar Fréttablaðið heyrði í honum í gær.
SVERRIR GARÐARSSON: SKRIFAÐI Í GÆR UNDIR ÞRIGGJA ÁRA SAMNING VIÐ SÆNSKA FÉLAGIÐ GIF SUNDSVALL
FH fær á bilinu 20-30 milljónir króna fyrir Sverri
> Alfreð útilokar endurkomu
Í kjölfar þess hversu illa HSÍ gengur að ráða nýjan lands-
liðsþjálfara hafa kviknað á ný þær raddir sem vilja að HSÍ
reyni að freista Alfreðs Gíslasonar í hinsta skipti. Alfreð
sagði við Fréttablaðið í gær að enginn möguleiki væri á
því að hann tæki aftur við liðinu. Aðstæð-
ur leyfðu það hreinlega ekki. Alfreð
er þrátt fyrir það að aðstoða HSÍ
við þjálfaraleitina og er boðinn og
búinn að leggja sitt lóð á vogarskál-
arnar. Hann segir að arftaki sinn
muni ennfremur fá aðgang að öllum
hans gögnum og geta notið liðsinnis
síns hafi hann áhuga á því.
WEST HAM
DERBY
W W W. I C E L A N DA I R . I S
18.–20.
APRÍL
Verð á mann í tvíbýli frá
57.300KR.
Icelandair er samstarfsaðili West Ham og býður ferðir
á alla heimaleiki liðsins í vetur. Fjölmargir leikir framundan,
s.s. á móti Portsmouth, Newcastle og Aston Villa.
+ Nánari upplýsingar:
www.icelandair.is/ithrottaferdir
KÖRFUBOLTI Helena Sverrisdóttir
er að spila vel með TCU-háskól-
anum í Bandaríkjunum og var í
gær valin besti leikmaður
Mountain West-deildarinnar aðra
vikuna í röð.
Helena var með 16,5 stig, 10,5
fráköst og 3,0 stoðsendingar að
meðaltali í tveimur sigurleikjum
liðsins, þar sem hún náði bæði
sínum besta árangri í fráköstum
(12) og stigum (24) í einum leik.
TCU hefur nú unnið sex leiki í
röð og Helena er bæði stigahæsti
(13,3 í leik) og frákastahæsti (7,6)
leikmaður liðsins á þessum tíma.
Líkt og fyrr er Helena eini
nýliðinn í deildinni sem er á
topplistum í stigum (fjórða af
nýliðum með 9.3 í leik), fráköst-
um (önnur með 6,0) og stoðsend-
ingum (önnur með 2,8). -óój
Helena Sverrisdóttir hjá TCU:
Valin best aðra
vikuna í röð
FINNUR SIG VEL Helena Sverrisdóttir er
að gera það gott með TCU.
FRÉTTABLAÐIÐ/KEITH ROBINSSON
KÖRFUBOLTI Jason Kidd getur
loksins farið að undirbúa atlögu
sína að NBA-meistaratitlinum
með Dallas Mavericks eftir að
leikmannaskiptin sem hafa verið í
loftinu í meira en viku gengu
loksins í gegn í gær.
Kidd fer til Dallas ásamt
framherjanum Malik Allen og
bakverðinum Antoine Wright en í
staðinn fær New Jersey leik-
stjórnandann Devin Harris,
miðherjann DeSagana Diop,
Maurice Ager, Trenton Hassell og
framherjana Keith Van Horn sem
var búinn að leggja skóna á
hilluna. Nets fær að auki tvo
valrétti og þrjár milljónir dollara
frá Dallas.
Kidd snýr því aftur til Dallas
þar sem hann lék fyrstu tímabilin
á sínum ferli frá 1994 til 1996.
Kidd er 34 ára en státar af
meðaltali upp á
11,3 stig,
hefur 10,4
stoðsend-
ingar og
8,1
frákast og
kemur til
með að
hjálpa
Dallas-liðinu
að vinna sinn
fyrsta NBA-
titil en Kidd á
einnig eftir að
ná sér í hring.
- óój
Stór skipti í NBA-deildinni:
Jason Kidd far-
inn til Dallas
HANDBOLTI Kvennalið Vals
mætir franska liðinu Merignac
í átta liða úrslitum í Áskor-
endakeppni Evrópu. Merignac
er í 8. sæti af tólf í frönsku
deildinni.
Fyrri leikur liðanna á að fara
fram í Frakkandi 8. eða 9.
mars, en síðari leikurinn 15.
eða 16. mars.
Aðalmarkaskorari liðsins er
Elodie Mambo Cho sem kemur
frá Fílabeinsströndinni en hún
er þriðja markahæst í Frakk-
landi með 7,5 mörk í leik. - óój
Áskorendakeppni kvenna:
Valskonur til
Frakklands
Meistaradeild Evrópu:
Liverpool-Inter 2-0
1-0 Dirk Kuyt (85.), 2-0 Steven Gerrard (90.).
Olympiakos-Chelsea 0-0
Roma-Real Madrid 2-1
0-1 Raúl (8.), 1-1 David Pizarro (24.), 2-1 Mancini
(58.).
Schalke-Porto 1-0
1-0 Kevin Kuranyi (4.).
ÚRSLITIN Í GÆR
KÖRFUBOLTI Valskonur heimsækja
Íslandsmeistara Hauka í Iceland
Express-deild kvenna í kvöld í
leik sem þær verða að vinna ætli
þær sér að tryggja sér sæti í
úrslitakeppninni.
Haukar hafa fyrir leikinn átta
stiga forskot og mun betri
innbyrðisstöðu í baráttunni um 4.
og síðasta sætið inn í úrslita-
keppnina. Valur þarf þannig að
vinna leikinn með 22 stigum til
þess að eiga möguleika en þá
væru sex stig á milli liðanna og
Valur með betri innbyrðisstöðu
þegar liðið ætti þrjá leiki eftir.
Haukar eiga eftir tvo leiki eftir
leikinn í kvöld en þeir eru báðir
gegn efstu liðum deildarinnar.
-óój
Valskonur í kvöld:
Þurfa að vinna
með 22 stigum
VEIK VON Valskonur þurfa stórsigur á
Ásvöllum í kvöld. FRÉTTABLAÐIÐ/VALLI
FÓTBOLTI Fyrstu leikirnir fóru fram
í sextán liða úrslitum Meistara-
deildar Evrópu í gær. Liverpool,
Schalke og Roma standa vel að vígi
fyrir seinni leikina.
Leikmenn Liverpool pressuðu
ítölsku meistarana stíft í upphafi
leiksins og réðu lögum og lofum
framan af leik, þá sérstaklega á
miðjunni þar sem Mascherano
stýrði liðinu eins og herforingi, en
liðið náði ekki að koma sér í nógu
góð marktækifæri. Það dró svo
heldur betur til tíðinda eftir hálf-
tíma leik þegar vandræðagemling-
urinn Marco Materazzi fékk að líta
sitt annað gula spjald og þar með
rauða spjaldið fyrir brot á Torres,
en Materazzi fékk einmitt fyrra
spjaldið fyrir brot á Torres. Ódýrt
rautt spjald myndu einhverjir segja
og í raun voru bæði gulu spjöldin
fyrir væg brot, en engu að síður
óþarfi hjá Materazzi og í meira lagi
klaufalegt. Liverpool gekk þó áfram
illa að opna vörn Inter þrátt fyrir að
vera einum leikmanni fleiri.
Liverpool fékk dauðafæri á 58.
mínútu þegar boltinn barst óvænt
inn fyrir vörn Inter eftir baráttu á
miðjum vellinum en markvörður-
inn Julio Cesar sá við Torres úr
opnu færi. Stuttu síðar gerði Liver-
pool tilkall til vítaspyrnu þegar
boltinn fór augljóslega í hönd Patr-
icks Vieira en dómarinn kaus að
dæma ekkert. Sóknarþungi Liver-
pool hélt áfram og skilaði sér loks-
ins með marki þegar fimm mínútur
voru eftir af leik. Það var Dirk Kuyt
sem braut ísinn með góðu marki
eftir sendingu Jermaines Pennant
og Gerrard bætti svo við öðru marki
Liverpool á 90. mínútu með frábæru
skoti af löngu færi og þar við sat og
Liverpool í góðum málum fyrir
seinni leikinn.
Markalaust í Grikklandi
Chelsea var meira með boltann og
átti fleiri skot á markið gegn
Olympiakos í gær en heimamenn
nær því að skora. Niðurstaðan var
hins vegar 0-0 jafntefli í tíðindalitl-
um leik. Chelsea stendur þó ágæt-
lega að vígi fyrir seinni leikinn á
Brúnni þar sem lykilmenn á borð
við Frank Lampard og John Terry
eru að snúa aftur úr meiðslum.
Sigrar hjá Schalke og Roma
Það tók „gulldrenginn“ Raúl
González aðeins átta mínútur að
skora gegn Roma í gær en David
Pizarro jafnaði leikinn fyrir
heimamen og Mancini kom heima-
mönnum yfir með marki á 58.
mínútu og það reyndist sigur-
markið.
Schalke fékk einnig drauma-
byrjun gegn Porto og Kevin Kur-
anyi skoraði á 4. mínútu og það
var sigurmarkið.
omar@frettabladid.is
Inter í vondum málum
Liverpool komst skrefi nær átta liða úrslitum Meistaradeildar Evrópu með
sannfærandi sigri á Inter. Schalke og Roma standa einnig vel að vígi.
UMDEILT ATVIK Marco Materazzi fórnar höndum eftir að hafa fengið sitt annað gula
spjald og þar með rautt spjald á Anfield í gær. Hugsanlega harður dómur en Mater-
azzi gat sjálfum sér um kennt fyrir klaufaleg brot. NORDIC PHOTOS/GETTY