Fréttablaðið - 23.02.2008, Blaðsíða 14
14 23. febrúar 2008 LAUGARDAGUR
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
„Mér finnst það ekki viðunandi og kveð þá heldur
varlega að orði sem er nú háttur minn eins og
þingmenn vita.“
Össur Skarphéðinsson iðnaðarráðherra.
„Við sem eldri erum stunduðum okkar leiki,
spiluðum brennibolta, fórum í yfir og hvað eina
sem við gerðum okkur til skemmtunar, en nú sitja
börn við sjónvarp og tölvu.“
Herdís Þórðardóttir Sjálfstæðisflokki.
Staða Vinstrihreyfingarinnar - græns
framboðs hefur aldrei verið verið sterkari
– í stjórnarandstöðu á Alþingi. Flokkurinn
hefur níu þingsæti sem er talsvert meira en
áður, tveimur fleiri en Framsókn og fimm
fleiri en Frjálslyndir. Það var rétt sem Siv
Friðleifsdóttir sagði í þingumræðum í vik-
unni að VG þreytist ekki á að segjast vera
stærsta stjórnarandstöðuaflið í þinginu.
Með þeim orðum sendi hún VG pillu. En
hver á að halda því á lofti ef ekki einmitt
þingmenn flokksins?
Í ræðu á flokksráðsfundi VG í gær sagði
Katrín Jakobsdóttir varaformaður flokkinn
glíma við að gera sig gildandi sem leiðandi
afl í stjórnarandstöðu. Hún spurði
jafnframt hvaða máli flokkurinn
skipti í breyttu pólitísku landslagi og
hvort vinstri græn væru þreytt og
miðaldra, talandi um sömu hlutina
í tíu ár. Um leið og hún svaraði
eigin spurningum neitandi sagði
hún stjórnmál snúast um hugsjónir
og hugmyndafræði en líka um
athafnir og aðgerðir. „En við sem saman
erum komin í þessum flokki vitum að þær
aðgerðir verða að byggjast á skýrri framtíð-
arsýn,“ sagði Katrín.
Í þessum orðum felst pólitískur hroki;
Við í þessum flokki. Fólk í öðrum flokkum
veit sem sagt ekki að aðgerðir í
stjórnmálum þurfa að byggjast á
skýrri framtíðarsýn.
Í þessa veru tala liðsmenn VG
gjarnan. Eins og þeir einir hafi
vitið.
Kannski staða flokksins á
Alþingi væri önnur ef sjálfsmynd-
in og afstaðan til annarra væri
örlítið öðruvísi. Kannski vinstri græn væru
þá ekki að glíma við að gera sig gildandi
sem leiðandi afl í stjórnarstöðu. Kannski
flokkurinn sæti bara í ríkisstjórn og fram-
kvæmdi hugsjónir sínar og hugmyndafræði
landsmönnum til heilla.
VIKA Í PÓLITÍK
BJÖRN ÞÓR SIGBJÖRNSSON
VG
Kristján Möller samgönguráð-
herra veit af eigin reynslu að
hálka og vindur hafa áhrif á
akstursskilyrði.
„Ég lenti í því á síðasta ári á
keyrslu frá Raufarhöfn, var á
leiðinni til baka í Kelduhverfi, að
mikil vindhviða kom og hálka var
á vegi og ekki var hægt að gera
annað en að sveigja út af. Sem
betur fer var frágangur Vega-
gerðarinnar á þessu svæði þannig
að vel var gengið frá bakka og
gamli vegurinn ekki langt undan
þannig að hægt var að sveigja í
þá áttina. En það voru tvímæla-
laust vindur og hálka sem gerðu
það að verkum að maður lenti út
af.“
Kristján sagði frá þessu í svari
við fyrirspurn Gunnars Svavars-
sonar um hvort notast væri við
rannsóknir á vindum við vega-
hönnun. Spurningunni svaraði
hann játandi.
Gat ekki annað
en sveigt út af
Kristinn H. Gunnarsson, frjáls-
lyndum, lýsir áhyggjum af
kjölfestuvatni í fyrirspurn til
umhverfisráðherra. Spyr hann um
athuganir á losun skipa á kjöl-
festuvatni á íslensku hafsvæði og
hvenær til standi að staðfesta
alþjóðlegan samning um aðgerðir
til að draga úr óæskilegum
áhrifum kjölfestuvatns.
Hvað er kjölfestuvatn, kynni
einhver að spyrja. Sjó er dælt í
kjöl skipa til að gera þau stöðugri.
Og hvert er vandamálið, gæti
einhver spurt líka. Það snýr að
flutningi lífvera á milli hafsvæða
með slíkri sjókjölfestu. Slíkar
lífverur geta haft langvarandi
áhrif á lífríki nýrra heimkynna.
Er þetta vandamál á Íslandi,
gæti líka einhver spurt. Sam-
kvæmt Umhverfisstofnun er svo
ekki. Skip sem sigla til landsins
eru jafnan full af vörum og því
ekki þörf fyrir sjókjölfestu.
Spurt um
kjölfestuvatn
„Alþingismenn þurfa ekki sérstaklega á því að halda
að vera með hlaupasnata einhvers staðar úti á landi
sem pakkasendla eða frímerkjasleikjara,“ sagði Jón
Magnússon, Frjálslynda flokknum, í umræðum um
aðstoðarmenn þingmanna í vikunni. Og bað þing-
heim að fyrirgefa orðbragðið.
Eins og greint hefur verið frá er ráðgert að
þingmenn landsbyggðarkjördæmanna þriggja fái
aðstoðarmenn í þriðjungsstarfi og eiga þeir að hafa
starfsaðstöðu í kjördæmunum.
Jón Magnússon sér ýmsa annmarka á frumvarpi
sem lagt hefur verið fram þar að lútandi og telur
þingmenn þurfa aðstoð við lagasetningu fremur en í
kjördæmunum. Skilur hann reyndar lítt í því að
aðstoðarmennirnir séu aðeins fyrir landsbyggðar-
þingmenn enda miklu fleiri kjósendur í þéttbýli-
skjördæmunum.
Sturla Böðvarsson þingforseti er á öðru máli en
Jón, enda flutningsmaður frumvarpsins. Telur hann
fulla þörf á að þingmenn landsbyggðarkjördæmanna
fái aðstoð, enda kjördæmin stór.
Jón efast um að hægt sé að binda aðstoðarmenn-
ina við hluta þingmanna, slíkt brjóti í bága við
stjórnarskrá.
Því hafnaði Sturla algjörlega og benti á að
þingmenn nytu nú þegar mismunandi kjara, eftir því
hvort þeir byggju á landsbyggðinni eða höfuðborg-
arsvæðinu.
Frímerkjasleikjarar óþarfir
SETIÐ UNDIR UMRÆÐUM Jón Magnússon er efins um að rétt
sé að landsbyggðarþingmenn einir fái aðstoð á kostnað þings-
ins. FRÉTTABLAÐIÐ/ANTON
Volkswagen – kolefnisjafnaður útblástur
Passat 4x4
F
í
t
o
n
/
S
Í
A