Fréttablaðið - 23.02.2008, Blaðsíða 31
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Sylvía Björg Kristinsdóttir er félagi í sportbíla-
klúbbnum Live2cruize enda er hún áhugamann-
eskja um bíla og keyrir um á sportlegri Hondu
Civic sem hún er hæstánægð með. Hún passar
líka vel upp á hana og er ólöt að bóna.
„Ég tók bílpróf fyrir ári og nokkrum dögum síðar
keypti ég mér Peugot 306, af árgerð 1998 sem ég
var mjög ánægð með. En hálfu ári síðar klessti ég
hann. Það var ekki gott. Svo nú í endaðan nóvember
keypti ég mér Hondu Civic 1600, ´97 módel. Það er
mjög góður bíll sem gaman er að keyra. Kraftmeiri
og flottari en Peugot-inn.“ Þannig segist Sylvíu
Björgu Kristinsdóttur frá þegar hún er spurð út í
ökutækjaeign sína. Þótt Hondan teljist rúmlega tíu
ára segir Sylvía Björg nýlega vél í henni sem sé
bara keyrð 95 þúsund kílómetra. Hvað var það helst
sem heillaði hana við bílinn? „Til dæmis boddíkitt-
ið. Þegar ég keypti hann var búið að setja á hann
sportlega stuðara bæði að aftan og framan og alls
konar skraut svo hann næstum strýkst við götuna,
sem er mjög flott. Svo hef ég verið að panta ýmis-
legt á hann í viðbót, ný ljós og fleira sem kemur
fyrir sumarið. Auk þess er ég búin að setja í hann
rosa fínar hljómflutningsgræjur með bassaboxi.
Þær fylla næstum skottið. Bíllinn er með kraftpústi
þannig að það heyrast þvílíkar drunur þegar ég tek
af stað en ég fékk mér hljóðdeyfi til að hrella
nágrannana aðeins minna.“
Sylvía er á upplýsinga-og fjölmiðlabraut Iðnskól-
ans í Reykjavík og að sjálfsögðu fer hún á Hond-
unni í skólann. Passar þó að halda henni hreinni og
er ólöt að bóna. „Maður verður að hugsa vel um
svona góðan bíl,“ segir hún ákveðin. „Kærastinn
minn hefur aðstöðu á litlu verkstæði. Þar get ég
bónað bílinn og fiktað í honum. Er til dæmis búin að
saga af gírstönginni svo ég sé fljótari að skipta.“
Oft kveðst Sylvía Björg fara á Hondunni á rúnt-
inn og þá aðallega niður í bæ, meðal annars til að
hitta aðra bílaáhugamenn enda er hún í sportbíla-
klúbbnum Live2cruize. Þar eru haldnar samkomur
reglulega, spáð og spekúlerað. Sylvía Björg er
hæstánægð með Honduna en neitar því ekki að eiga
sér enn villtari drauma fyrir framtíðina. „Ef ég ætti
nóg af peningum vildi ég alveg vera á einhverju
öðru en meðan ég er í skóla þá þýðir ekkert að hugsa
um það.“ gun@frettabladid.is
Maður verður að hugsa
vel um svona góðan bíl
„Maður verður að hugsa vel um svona góðan bíl,“ segir Sylvía sem er bún að panta sér aukaljós og aðra smáhluti gegnum netið.
FRÉTTABLAÐIÐ/VALLI
FÓÐUR OG FJÖR
Á landsbyggðinni er víða
hægt að gera vel við sig
með góðum mat
og menningar-
legri skemmtun um
helgina.
MATUR 5
HIPPATÍSKA
Nýjar vörur eru komnar í
verslanir nú þegar útsölunum
er að ljúka og eru áhrifin
greinilega alls staðar frá.
TÍSKA 7
Chevrolet Captiva er glæsilegur sportjeppi sem tekið er
eftir. Bíllinn er hannaður til að mæta kröfum evrópskra
ökumanna og er útkoman áberandi glæsilegur bíll. Kraftmikil túrbó dísilvél og
5 þrepa sjálfskipting, og þú getur valið um 5 eða 7 manna bíl.
Komdu við hjá okkur, við erum á Tangarhöfðanum - Alltaf heitt á könnunni.
CAPTIVA
7 manna sjálfskiptur dísil sportjeppi...