Fréttablaðið - 23.02.2008, Blaðsíða 35

[ ]
Á meðan Food and fun stendur sem hæst í
höfuðborginni býður landsbyggðin upp á hátíð-
ina Fóður og fjör.
Hátíðin Fóður og fjör er svar landsbyggðarinnar við
Food and fun sem haldin er í höfuðborginni um helg-
ina. Og í fyrsta sinn sem landsbyggðin fagnar íslenskri
matargerðarlist undir sameiginlegum merkjum.
Hátíðin hófst á fimmtudaginn og lýkur á morgun.
„Þetta er tilraunaverkefni til að kynna íslenskt hrá-
efni og gera íslenska matargerðarlist sýnilega á lands-
byggðinni. Einnig til að kynna Ísland að vetrarlagi
enda mörg hótel og veitingastaðir opin allan ársins
hring með hæfileikaríkt fagfólk,“ segir Guðríður
Haraldsdóttir verkefnastjóri, sem vonast eftir sam-
starfi við Food and fun fyrir næstu hátíð. Og að enn
fleiri veitingastaðir verði með að ári.
Þátttakendur eru Hótel Hérað sem býður upp á
danska gestakokka og nýnorrænan matseðil. Hótel
Höfn býður ljúf skemmtiatriði og nýjungar úr rúg-
brauði. Hótel Hamar á Vesturlandi býður þríréttaðan
matseðil í kvöld og kaffihlaðborð með hnallþórum á
morgun. Í næsta nágrenni er Landnámssetrið með
matgæðingana Jóhönnu Vigdísi Hjaltadóttur og Gísla
Einarsson fréttamann í heimsókn á morgun og girni-
lega rétti á hlaðborði. Á Hótel Glym er þemað Konur
og kertaljós í kvöld ásamt hátíðarmatseðli, sígildri
gítartónlist, kvennakokkteil og gjöfum til þeirra
kvenna sem gista í tilefni dagsins. Hótel Rangá við
Hellu og Rauða húsið á Eyrarbakka bjóða sunnlenska
veislu alla helgina og á Rangá er svokallaður svartur
og hvítur matseðill. Veitingastaðurinn við Pollinn á
Ísafirði er fulltrúi Vestfjarða. Þar mun Ísfirðingurinn
Ingi Þórarinn Friðriksson, sem starfar í Perlunni,
töfra fram rétti úr vestfirsku hráefni með norrænum
blæ. Á morgun verður síðan tveir fyrir einn-tilboð á
gistingu og morgunverði á Hótel Ísafirði á hagstæðu
verði. Norðurland býður til borðs með áströlskum blæ
á Sel-Hótel Mývatn, Hótel Reynihlíð í sömu sveit
verður með fimm rétta veislu og sérvalda drykki.
Friðrik V á Akureyri hefur hins vegar fengið til liðs
við sig Magnús Geir Þórðarson leikhússtjóra og bland-
ar þar saman gómsætum réttum og menningu.
„Flestir staðirnir eru með einhverja viðburði í
tengslum við hátíðina eins og nafnið ber með
sér,“ segir Guðríður og vísar í fjör-hluta
nafnsins. „Borgarbúar fá Food and fun svo
eitt af markmiðum er að íbúar landsbyggð-
arinnar geti einnig fagnað góðri
matargerðarlist og gert sér glað-
an dag. Síðan er tilvalið fyrir
borgarbúa að smella sér út á
land,“ en Guðríður tekur fram
að örfá sæti séu laus víða um
land. Viðtökur hafa verið stór-
góðar og Guðríður segir að
stefnt sé að árlegum viðburði til
heiðurs matargerðarlistinni á lands-
byggðinni. rh@frettabladid.is
Listilegt fóður og fjör
Halldór Halldórsson matreiðslumeistari hjá Hótel Höfn galdrar fram nýstárleg lista-
verk úr rúgbrauði.
Papriku má fá græna, rauða og gula. Allar paprikur eru
grænar fyrst en þroskast svo í gula eða rauða. Sú rauða inni-
heldur mest af C-vítamíni eða 145 mg.
Guðríður Haralds-
dóttir, verkefnastjóri
Fóðurs og fjörs,
vill færa íbúum
landsbyggðarinnar
góða matargerðarlist
og kynna Ísland að
vetri til.
MYND/SKESSUHORN
Á sjálfan
konudaginn er
tilvalið að gæða
sér á góðri köku.
Fyrir norðan er ástralskur andi með
norrænum brag meðan á hátíðinni
stendur á Sel Hótel Mývatni.
AÐALKEPPNI
FOOD & FUN
Á MORGUN, LAUGARDAG 23 FEBRÚAR Í LISTASAFNI REYKJAVÍKUR, HAFNARHÚSINU. KL. 12:30-16:00
WWW.ICELANDAIR.IS
ICELANDAIR, REYKJAVÍKURBORG OG ÍSLENSKUR LANDBÚNAÐUR KYNNA: