Fréttablaðið - 23.02.2008, Blaðsíða 68
40 23. febrúar 2008 LAUGARDAGUR
D
agar mínir eru ákaflega
fjölbreyttir og jóga-
kennslan eini fasti
punkturinn sem og við-
vera á leirvinnustofu minni,“ segir
Áslaug Höskuldsdóttir, jógakenn-
ari og leirlistakona í Reykjavík,
um dæmigerða viku í sinni til-
veru.
Áslaug tekur daginn snemma,
sem er hluti af heilnæmum lífs-
stíl.
„Ég hef verið svona árrisul með
hléum í mörg, mörg ár, en nú er ég
á mjög góðu skeiði. Ég læt líkam-
ann um að vakna sjálfan, nema
hvað ég stilli vekjaraklukku til
vonar og vara þá morgna sem ég
er með jógatíma. Þetta þýðir að ég
geng ekki seinna til hvílu en klukk-
an ellefu á kvöldin en læt þessa
fótaferð þó ekki stoppa mig í því
að gera eitthvað skemmtilegt
þegar svo ber undir,“ segir Áslaug,
sem kynnti sér jóga fyrst árið 1989
og kennir nú jóga í Kramhúsinu og
Þrúðvangi í Mosfellsbæ.
„Ég hreifst strax af jóganu á
fyrsta námskeiðinu sem ég fór á
og fannst ég vera komin heim.
Jóga er fyrst og fremst andleg
iðkun og leið til sjálfsþekkingar.
Við förum þessa leið meðal annars
í gegnum líkamann en það eru líka
aðrar leiðir innan jógafræðanna.
Tilgangurinn er alltaf sá sami; að
tengjast guðsvitundinni og kær-
leikanum í víðari skilningi. Jóga-
ástundun getur orðið yfirborðs-
kennd ef ofuráhersla er lögð á
líkamlega færni, en sem kennari
finn ég að Íslendingar eru fróð-
leiksfúsir um líkama sinn og heilsu
og í kjölfarið kemur oft áhugi á
andlega þættinum. Fólk skilur að í
áreiti samtímans er nauðsynlegt
að kunna að slaka á og nálgast
sjálfan sig á dýpri sviðum en við
erum kannski vön. Jóga er frábær
leið sem hentar öllum, burtséð frá
aldri, líkamlegu ástandi eða kunn-
áttu,“ segir Áslaug, sem útskrifað-
ist úr leirlistadeild Mynd- og hand-
íðaskóla Íslands árið 1975, og
bætti við sig tveimur árum í leir-
listarnámi árin 1983-85.
„Síðan hef ég verið óslitið í
leirnum. Það er mikil vinna, bæði
líkamlega og tímalega en leirinn
togar alltaf í mig. Kostir þess að
vera sinn eigin herra eru margir,
en ókostur hvað tekjulindin er
óstöðug. Vinnutíminn er líka
lengri en annars og einyrkjar
vafalaust hörðustu vinnuveitend-
ur sem um getur. Ég dett vitaskuld
reglulega í leti líka, en þá hef ég
alltaf þann möguleika að bæta það
upp með kvöld- og næturvinnu,“
segir Áslaug, sem á þrjú uppkom-
in börn og fjögur barnabörn sem
hún hittir minnst tvisvar í viku.
„Að vera návistum við barna-
börnin finnst mér mannbætandi
og hrein sálarlækning, og þá finnst
mér aldur ekki skipta máli, en
elsta barnabarnið er sjö ára. Mér
finnst frábært að búa ein eftir að
börnin hafa flogið úr hreiðrinu;
mér leiðist aldrei og geri það sem
mig langar til. Mitt uppáhald er að
koma heim á daginn, enda búin að
búa til mína stemningu á mínu
heimili, og það er kannski eigin-
girni líka. Ég bý á fjórðu hæð og
finnst notalegt að horfa út um
gluggann, les mikið og hvað sem
er, horfi á sjónvarp, íhuga hvað ég
ætla að gera í leirnum og skissa.“
Í djúpri guðsvit-
und og kærleika
Áslaug Höskuldsdóttir, jógakennari og leirlistakona, vaknar alla daga
nokkuð löngu fyrir fyrsta hanagal. Dagana á hún að mestu sjálf og úthlut-
ar tíma sínum eftir þeim verkefnum sem kalla hverju sinni. Áslaug hóf og
endaði nýliðna vinnuviku með Þórdísi Lilju Gunnarsdóttur blaðamanni og
Stefáni Karlssyni ljósmyndara sem saman stálu forvitnilegum augnablikum
úr daglegu amstri Áslaugar.
MANNBÆTANDI Áslaug er amma fjögurra barnabarna á aldrinum sjö til þriggja mánaða og þykir samfélag við þau mannbætandi.
Hér nýtur hún þess að fá Söndru tengdadóttur sína og Lunu ömmustelpu í morgunkaffi á milli jógatíma og annars annríkis.
FRÉTTABLAÐIÐ/STEFÁN
KRIPALUJÓGA Áslaug kennir kripalujóga nokkrum sinnum í viku. Hér sést hún við kennslu í blönduðum hádegistíma Kramhúss-
ins.
SKRIFAÐ Í LEIR Áslaug er mikils metin leirlistarkona og selur verk sín meðal annars
í Listafléttunni á Akureyri, Gallerí Fold, Gallerí List og Kraumi, en vitaskuld er öllum
velkomið að heimsækja Áslaugu á vinnustofuna að Seljavegi, þar sem margt listafólk
skapar undir sama þaki.
HARÐUR HÚSBÓNDI Leirinn er flókið
hráefni og mikil vinna við hvert stykki
sem skapað er, en Áslaug nýtur þess að
vinna úr honum nytjalist og fleira.
VIKAN
MÁNUDAGUR
Vakna klukkan 6.00. Geri öndunar-
æfingar, hugleiði og fleira. Klukkan 9
bíður mín það skemmtilega verkefni
að leiða jógatíma á „tyllidögum“
Hringsjár, náms- og endurmenntunar
fyrir fullorðna. Ég er glöð að geta
liðsinnt þar og fyllist bjartsýni að
svo frábær skóli skuli vera starfrækt-
ur. Síðan liggur leiðin á vinnustofu
mína að Seljavegi 32; ég skelli mér
í leirgallann og tekst á við þetta
frábæra og stundum óútreiknanlega
efni sem leirinn er. Kenni jógatíma í
Kramhúsinu 17.15. Nýt þess að koma
heim og er sammála þeim sem sagði
að heima er best. Hugleiði og fer
senmma að sofa.
ÞRIÐJUDAGUR
Vakna klukkan 5.30. Geri öndunar-
æfingar, hugleiði og fleira. Dagarnir
einkennast oft af mikilli hreyfingu;
líkamlegri og milli staða á bíl. Kenni
hádegistíma í Kramhúsinu og kvöld-
tíma í Mosfellsbæ. Á milli jógatím-
anna vinn ég á verkstæðinu, fer með
verk í gallerí og viða að mér hráefni.
Það er saumaklúbbur í kvöld, notaleg
samvera og frábær matur. Minna um
hannyrðir! Hugleiði og fer frekar seint
að sofa.
MIÐVIKUDAGUR
Vakna klukkan 6.30. Hefðbundin
hugleiðsla og önnur morgunverk.
Fer á vinnustofuna klukkan 10. Það
gengur hægt að komast í vinnustuð
eftir jól og áramót en ég finn að
sköpunargleðin er að koma aftur.
Kenni jóga í Kramhúsinu 17.15 og
er mætt á fund klukkan 19 vegna
Íslandskomu og námskeiðahalds
jógameistarans Ashutosh Muni í mars
í Mosfellsbæ. Hjá honum dvaldi ég á
Indlandi í janúar ásamt sextán öðrum
Íslendingum. Hann er sá lengst
komni meistari sem ég hef kynnst
og ég hrífst í hjarta mínu af kærleika
hans og djúpri visku. Hann kennir
Sananta Dharma sem er leið allra
trúarbragða og andlegrar ástundunar,
en kennsla hans er aðgengileg fyrir
alla. Góður fundur og góður dagur.
FIMMTUDAGUR
Vakna óvenju snemma, klukkan 4.30.
Morgunstund gefur gull í mund. Eftir
hugleiðslu nýti ég tímann til hug-
myndavinnu og skissugerðar vegna
samsýningar 29. febrúar á vegum
Leirlistafélags Íslands í Kirsuberja-
trénu. Ekki seinna vænna að byrja!
En sem betur fer er þetta smástyttu-
sýning unnin úr postulíni og vonandi
reddast þetta. Kenni morguntíma
7.20. Fæ góða gesti í morgunkaffi;
Söndru tengdadóttur mína og Lunu
litlu ömmustelpu, tæplega þriggja
mánaða. Kenni hádegisjóga í Kram-
húsinu, fer síðan í vinnustofuna og
kenni kvöldjóga í Mosfellsbænum.
Rólegt kvöld heima, hugleiði og
sofna klukkan 23.
FÖSTUDAGUR
Vakna klukkan 5.10. Í dag ligg-
ur aðallega tvennt fyrir; vinna á
verkstæðinu og síðdegis tek ég eina
vakt í Manni lifandi, þar sem ég leysi
stundum af. Eftir morgunverkin,
dagbókarskrif, hugleiðslu og fleira, er
ég mætt á vinnustofuna klukkan 11.
Mörg verkefni bíða mín þar. Sýning
fram undan og fleira. Það eru mörg
handtök í glímunni við leirinn og
langt vinnuferli í hverju verki, bæði
stóru og smáu. Góð vika að baki og
skemmtilegir tímar fram undan.
SKÖPUNARVERKIÐ Fagrir list-
munir úr smiðju Áslaugar.