Fréttablaðið - 23.02.2008, Blaðsíða 83
LAUGARDAGUR 23. febrúar 2008 55
HANDBOLTI Ummæli Þorbergs
Aðalsteinssonar, stjórnarmanns
í HSÍ, í þættinum Utan vallar á
Sýn hafa vakið mikla athygli. Þar
talaði Þorbergur fjálglega um
samningamál við þjálfara, sagði
Íslendingana þrjá sem hafa hafn-
að landsliðsþjálfarastarfinu ekki
hafa þorað að taka að sér starfið
og sakaði þá um að koma óheið-
arlega fram.
Fréttablaðið hefur áreiðanleg-
ar heimildir fyrir því að Þor-
bergur hafi verið ölvaður í þætt-
inum. Því hafnar Þorbergur.
Stjórn HSÍ hélt neyðarfund í gær
vegna málsins en Þorbergur
situr áfram eftir fundinn með
stuðningi stjórnar.
„Mér fannst framkoma Þor-
bergs í þættinum óheppileg og
sumt sem hann sagði hefði betur
mátt kyrrt liggja. Það er svo
annað mál að hann er þarna í
þættinum sem Þorbergur Aðal-
steinsson, fyrrverandi landsliðs-
þjálfari, en ekki sem stjórnar-
maður HSÍ,“ sagði Guðmundur
Ingvarsson, formaður HSÍ, en
honum fannst það ekki hæpin
túlkun á stöðunni þó svo að Þor-
bergur væri að tjá sig nær ein-
göngu um innri málefni stjórnar-
innar í þættinum og hefði með
því brotið trúnað.
Meint ölvun Þorbergs í þættin-
um var einnig rædd á fundinum.
„Hann segir mér að hann hafi
ekki verið ölvaður. Ég hef enga
ástæðu til þess að rengja hans
orð. Ég styð við bak Þorbergs þó
svo að mér hafi fundist orð hans
óheppileg og það rangt sem hann
gerði,“ sagði Guðmundur.
Þorbergur sjálfur játar að
hann hafi farið fram úr sér í
þættinum. „Það var fullheitt í
mér, ég get játað það. Ég sé svo
sem ekkert eftir því en sumt
hefði mátt vera orðað vægar af
minni hálfu. Svo var ákveðinn
misskilningur á milli okkar Ein-
ars [Þorvarðarsonar, fram-
kvæmdastjóra HSÍ] og því komu
þau orð asnalega út. Ég hefði
ekki átt að orða hlutina svona. Ég
hef vissulega ekki heimild til
þess að tjá mig um samninga-
málin en ég talaði almennt um
málin og nefndi engar tölur. Ég
fór samt klárlega of langt,“ sagði
Þorbergur, sem neitar því að
hafa mætt ölvaður í sjónvarps-
þáttinn.
„Nei, ég var ekki ölvaður og
vil ekki ræða það frekar. Það
kemur þessum þætti ekkert við,“
sagði Þorbergur en hann kom
beint í þáttinn úr afmælisveislu.
Þorbergur tók ekki í mál að segja
af sér á fundinum og ætlar að
sitja út kjörtímabilið. Hann hefur
ekki tekið ákvörðun um hvort
hann bjóði sig aftur fram til
stjórnarsetu hjá HSÍ. - hbg
Stjórn og formaður HSÍ styðja Þorberg:
Þorbergur neitar því að
hafa verið ölvaður á Sýn
ÞORBERGUR AÐALSTEINSSON Sést
hér á góðri stundu á EM í Noregi.
FRÉTTTABLAÐIÐ/PJETUR
heimur heillandi hluta og hugmynda
Stekkjarbakka 6 - Sími 540 3300 - www.gardheimar.is
STÓRGLÆSILEGIR BLÓMVENDIR Í ÚRVALI!
opnum kl. 8.00 á konudaginn
DEKRAÐU VIÐ KONUNA Á KONUDAGINN
Með öllum blómvöndum frá Garðheimum
fylgir: (meðan birgðir endast)
2 fyrir 1
út að borða
á Silfur
við Austurvöll
HANDBOLTI Sigurganga Valsmanna
í N1-deild karla endaði með stór-
um skelli í Digranesi í gær þegar
HK-ingar fóru illa með meistar-
ana og unnu átta marka stórsigur,
31-23. HK-ingar náðu ekki bara
með þessu að komast stigi á eftir
Valsmönnum þeir eru líka með
betri innbyrðis stöðu.
HK-ingar voru grimmari frá
upphafi leiks, þeir nýttu sex fyrstu
sóknirnar sínar og síðan fór að
skilja á milli liðanna þegar Egid-
ijus Petkevicius fór að verja í
markinu. Petkevicius, sem varði
aðeins 3 af fyrstu 10 skotum Vals-
manna, fór í gang og HK-ingar
voru komnir sjö mörkum yfir í
hálfleik, 19-12, eftir að Petkevici-
us hafði varið 8 af síðustu 13 skot-
um Hlíðarendapilta í hálfleiknum.
Í stað þess að koma til baka eftir
hálfleiksræðuna jókst munurinn í
upphafi seinni hálfleiks og HK var
komið níu mörkum yfir, 24-15,
eftir aðeins 7 mínútna leik. Eftir
það var aðeins formsatriði að
klára leikinn, HK náði mest 10
marka forskoti en í lokin munaði
átta mörkum.
Egidijus Petkevicius var mjög
góður í markinu en í sóknarleikn-
um blómstraði Tomas Eitutis (11
mörk í 13 skotum) og Ólafur
Bjarki Ragnarsson stjórnaði sókn-
arleiknum vel auk þess sem hann
skoraði sex mörk sjálfur. HK-
vörnin var síðan baráttuglöð og
grimm allan tímann og auk þess
að nýta aðeins 44 prósent skota
sinna þá þvingaði hún Valsliðið til
að tapa fjórtán boltum að auki.
„Þeir voru miklu betri í dag,
þeir voru allir heitir og Petkevici-
us var að verja allan tímann. Við
náðum aldrei takti í þessum leik
og vorum ekki bara skrefi á eftir
þeim heldur við vorum fjórum til
fimm skrefum á eftir þeim og
þetta voru bara tvö ólík lið á vell-
inum,“ sagði Óskar Bjarni Óskars-
son, þjálfari Valsmanna, niðurlút-
ur eftir leikinn.
Gunnar Magnússon, annar þjálf-
ara HK var sáttur við leikinn.
„Þeir voru eiginlega bara sak-
laus fórnarlömb því við mættum
bara brjálaðir til leiks. Þeir eru að
fara bikarúrslitaleik eftir viku en
þetta var okkar bikarúrslitaleikur.
Ef við hefðum ekki mætt tilbúnir í
þennan leik þá værum við bara að
berjast um eitthvað fjórða sæti
sem við erum engan veginn til-
búnir í. Fyrir okkur var þetta bara
upp á allt eða ekkert og það sást
frá fyrstu sekúndu að mínir menn
voru tilbúnir og við fórum loksins
að berjast eins og lið,“ sagði Gunn-
ar og nú loksins náði HK að vinna
á heimavelli en liðið hafði ekki
unnið heimaleik síðan 2. desem-
ber.
„Það er svo langt síðan við
unnum á heimavelli að ég man
ekki lengur hvenær það var,“
sagði Gunnar. - óój
Valsmönnum mistókst að komast upp í 2. sætið í N1-deild karla í handbolta:
HK fór illa með meistarana
GALOPIÐ Árni Björn Þórarinsson og félagar í HK sundurspiluðu Valsvörnina ítrekað í
gær. FRÉTTABLAÐIÐ/STEFÁN
N1-deild karla í handbolta:
HK-Valur 31-23 (19-12)
Mörk HK (skot): Tomas Eitutis 11 (13), Ólafur
Bjarki Ragnarsson 6 (10), Ragnar Hjaltested 5/2
(6/3), Gunnar Steinn Jónsson 4/3 (6/4), Árni
Björn Þórarinsson 2 (5), Sergei Petraytis 1 (1),
Arnar Þór Sæþórsson 1 (2), Augustas Strazdas 1
84), Sigurgeir Árni Ægisson (1).
Varin skot: Egidijus Petkevicius 22/1 (45/3, 49%)
Hraðaupphlaup: 3 (Ragnar 2, Tomas).
Fiskuð víti: 7 (Strazdas 3, Árni, Ragnar, Ólafur,
Sergei).
Utan vallar: 8 mínútur
Mörk Vals (skot): Arnór Þór Gunnarsson
Malmquist 7/1 (11/2), Anton Rúnarsson 3/1
(3/1), Sigurður Eggertsson 3 (10), Orri Freyr
Gíslason 2 (2), Ernir Hrafn Arnarson 2 (3), Fannar
Þór Friðgeirsson 2 (9), Ingvar Árnason 1 (1),
Hjalti Pálmason 1 (2), Kristján Þór Karlsson 1 (3),
Elvar Friðriksson 1 (4), Sigfús Páll Sigfússon (2),
Baldvin Þorsteinsson (3)
Varin skot: Ólafur Haukur Gíslason 12 (33/3,
36%), Pálmar Pétursson 5/1 (15/3, 33%)
Hraðaupphlaup: 4 (Kristján, Hjalti, Arnór,
Fannar).
Fiskuð víti: 3 (Kristján, Sigurður, Sigfús).
Utan vallar: 6 mínútur.