Fréttablaðið - 27.02.2008, Blaðsíða 2

2 27. febrúar 2008 MIÐVIKUDAGUR
Steingrímur, var Árni að gera
þig vitlausan?
„Nei, það þarf nú meira til.“
Árni M. Mathiesen viðurkenndi á þingi að
hafa ítrekað gefið Steingrími J. Sigfússyni
vitlaus svör við fyrirspurnum um skatta-
mál vegna Kárahnjúkavirkjunar.
noatun.is
LÉTTIR ÞÉR LÍFIÐ
Steinbítur
með karrý og banönum
998
Nóatún mælir með
kr.
kg.
miðvikudagur
Spennandi
TÆKNI Verne Holdings ehf. mun reisa gagnaver við
Keflavíkurflugvöll á þessu ári og hefja þar starfsemi
snemma á næsta ári. Yfir hundrað störf verða til
vegna starfseminnar. Samningar fyrirtækisins við
Landsvirkjun, Farice og Þróunarfélag Keflavíkurflug-
vallar voru undirritaðir í gær.
Áætlað er að fjárfesting Verne í verkefninu verði
um tuttugu milljarðar króna. Að baki Verne Holdings
standa Novator, fjárfestingarfélag stofnað af Björgólfi
Thor Björgólfssyni, og General Catalyst Partners,
bandarískur fjárfestingarsjóður.
Samningarnir sem undirritaðir voru snúa að
raforku, gagnaflutningum, húsnæði og lóð undir
starfsemina. Landsvirkjun veitir gagnaverinu orku
fram til ársins 2012. Farice leigir Verne flutningsrými
í Farice-1 sæstrengnum og hinum nýja Danice-streng.
Þróunarfélag Keflavíkurflugvallar selur fyrirtækinu
eignir. Við undirritunina sagði Vilhjálmur Þorsteins-
son, stjórnarformaður Verne, að nýr kafli í atvinnu-
sögu Íslands væri að hefjast. Undir það tók Össur
Skarphéðinsson iðnaðarráðherra og sagði þetta þá
framtíð sem ríkisstjórnin vildi berjast fyrir. - sþs
Verne Holdings semur um raforku, gagnaflutninga, húsnæði og lóð:
Tuttugu milljarðar í gagnaver
VIÐ UNDIRRITUN Guðmundur Gunnarsson, framkvæmdastjóri
Farice (til vinstri), og Vilhjálmur Þorsteinsson, stjórnarformaður
Verne, undirrita samninginn. FRÉTTABLAÐIÐ/VALLI
SJÁVARÚTVEGUR Hafrannsóknaskip-
ið Árni Friðriksson var við
mælingar í blíðviðri í gær eftir að
hafa beðið af sér brælu í fyrrinótt
undan Ingólfshöfða.
Fjögur loðnuskip voru einnig á
leitarsvæðinu og köstuðu og
mældu. Agnar Sigurðsson,
rannsóknarmaður á Árna
Friðrikssyni, sagði enn of snemmt
að segja nokkuð um ástandið á
miðunum og óvíst væri hversu
lengi leitað yrði.
Hafrannsóknaskipið hélt úr
höfn á sunnudag. Tveir reyndir
loðnuskipsstjórar eru um borð og
fylgjast með mælingum.
-jse
Hafrannsóknastofnun:
Til mælinga
eftir brælu
UMFERÐ Almannavarnarnefnd
Hveragerðis hefur lýst áhyggjum
sínum vegna þess að ökumenn
virðast ekki hlýða lokunum á
vegum um Hellisheiði og Þrengsli
þegar ófært er.
„Þannig skapast hættuástand
fyrir vegfarendur og ekki síður
óþarfa álag og hætta fyrir
liðsmenn hjálparsveita og
löggæslunnar. Nefndin vill beina
þeim tilmælum til Vegagerðar að
þannig verði staðið að lokunum
vegarins að vegfarendur komist
ekki fram hjá þeim,“ segir nefndin
í bókun. - gar
Óhlýðnir ökumenn:
Skapa hættu á
Hellisheiðinni
HELLISHEIÐI Öngþveiti hefur skapast í
illviðrum vetrarins.
BRETLAND Bresk þingnefnd hefur
komist að þeirri niðurstöðu að illa
hafi verið staðið að þorskastríðs-
skaðabótasjóði sem stjórnvöld
settu á fót árið 2000.
Sjóðnum var ætlað að bæta
fjölskyldum sem áttu allt sitt
undir fiskveiðum við Ísland upp
tjónið sem þær urðu fyrir eftir að
bresk fiskiskip voru útilokuð frá
íslensku lögsögunni árið 1976.
Athugun þingnefndarinnar
fylgdi í kjölfar rannsóknar sem
umboðsmaður þingsins gerði á
viðurskiptum bótaumsækjenda
við sjóðinn. Andvirði um 5,5
milljarða króna hefur verið greitt
til 4.400 fyrrverandi togara-
sjómanna og aðstandenda þeirra,
en gallar í kerfinu hafa leitt til
„langra tafa og vonbrigða“. - aa
Þingmat á þorskastríðsbótum:
Illa staðið að
bótagreiðslum
TRÚ Tæplega fimmtán hundruð
manns sögðu sig úr Þjóðkirkjunni
í fyrra umfram þá sem gengu til
liðs við hana, samkvæmt tölum
Hagstofunnar.
Mikið fjölgaði hins vegar í
söfnuðum Fríkirkjunnar í
Reykjavík og kaþólsku kirkjunn-
ar. Í Fríkirkjuna gengu 445 og til
kaþólskra 525 manns umfram þá
sem sögðu sig úr þessum
söfnuðum.
Einnig fjölgaði hlutfallslega
mikið hjá ásatrúarmönnum og
búddistum, svo eitthvað sé nefnt.
Tæp átta hundruð kusu í fyrra
að skrá sig úr og standa utan
trúfélaga og eru nú 8.714 í þeim
hópi. - kóþ
Vinsældir trúfélaga:
Fjarar undan
Þjóðkirkjunni
RÍKISFJÁRMÁL Árni M. Mathiesen
fjármálaráðherra telur að fyrir-
komulag sölu Baldurs hafi verið
heppilegasta og eðlilegasta leiðin
sem fær var.
Páll Kr. Pálsson, stjórnarfor-
maður Sæferða, sem keyptu skip-
ið, segir jafnframt að fyrirtækið
hafi ekkert athugavert aðhafst
við kaupin og að Sturla Böðvars-
son, þáverandi samgönguráð-
herra, hafi ekk-
ert komið að
málinu.
Eins og fram
kom í Frétta-
blaðinu í gær
keyptu Sæferð-
ir skipið af
Vegagerðinni á
37,8 milljónir
og seldu á 100
milljónir tveim-
ur vikum
seinna. Einnig
greiddi fyrir-
tækið 30 pró-
senta hlut af
hagnaðinum til
Vegagerðarinn-
ar. Alls greiddi
fyrirtækið rík-
inu 54,9 millj-
ónir. Skipið var
ekki auglýst til sölu.
Páll segir að auðvitað hafi
Sæferðir viljað kaupa ódýrt og
selja með hagnaði. Fyrirtækið
hafi staðið frammi fyrir því að
hætta siglingum yfir fjörðinn eða
fá nýja og hagkvæmari ferju. Með
þetta og ábatavon af endursölu í
huga hafi fyrirtækið farið þess á
leit við samgönguráðherra að
Sæferðir fengju að kaupa skipið.
„En Sturla tilkynnti okkur strax
að sala ríkiseigna væri ekki á
vegum samgönguráðuneytisins
og vísaði okkur á fjármálaráðu-
neytið,“ segir Páll.
Fjármálaráðuneytið sendi í gær
frá sér tilkynningu um söluna á
Baldri. Þar er tvívegis vísað til
hagsmuna ferðaþjónustunnar.
Árni viðurkennir að þeir hags-
munir séu ekki höfuðverkefni
fjármálaráðuneytisins. Hins
vegar hafi samningur Vegagerð-
arinnar við Sæferðir verið hafður
í huga í söluferlinu, en hann fjall-
ar að hluta um ferðaþjónustu.
Téður samningur hafi meinað
ríkinu að selja skipið öðrum fyrr
en árið 2010 og fyrirséð hafi verið
að virði þess yrði þá lægra.
Því var, í samráði við sam-
gönguráðuneyti og Vegagerðina,
nýtt lagaheimild sem leyfir að
horfið sé frá reglum um sölu ríkis-
eigna, við sérstakar aðstæður.
Kristinn H. Gunnarsson þing-
maður hefur kynnt sér títtnefnd-
an samning og segir engar kvaðir
í honum sem geri ríkinu ókleift að
selja ferjuna.
„Hins vegar eru þarna ákvæði
um að Sæferðir megi kaupa skip
og losna við rekstur á skipi ríkis-
ins á tímabilinu,“ segir Kristinn.
Að auki sé ríkinu ekki heimilt að
gera samninga sem bindi það til
að selja eigur þess til eins aðila.
Júlíus S. Ólafsson, forstjóri Rík-
iskaupa, vill ekki tjá sig um söl-
una á Baldri. Hann jánkaði því þó
að allajafna myndu Ríkiskaup sjá
um sambærilega sölu.
klemens@frettabladid.is
Telur sölu Baldurs
hafa verið heppilega
Fjármálaráðherra segir söluna á Baldri gerða með ferðaþjónustu í huga og í
samráði við samgönguráðuneyti. Þáverandi samgönguráðherra mun hafa vísað
sölunni frá sér. Ríkið hefði getað selt öðrum, að mati Kristins H. Gunnarssonar.
ÁRNI M.
MATHIESEN
PÁLL KR. PÁLSSON
GAMLI BALDUR Páll Kr. Pálsson segir að fyrirtækið hafi staðið frammi fyrir því að
þurfa jafnvel að hætta rekstri í ljósi minnkandi ríkisstyrkja til ferða Baldurs. Nýtt skip
hafi verið talið nauðsynlegt. Því hafi verið gengið til samninga við ríkið um kaupin.
MYND/ÚR SAFNI
DÓMSMÁL Gaukur Úlfarsson var í
gær dæmdur til þess að greiða
Ómari R. Valdimarssyni 300 þús-
und krónur í miskabætur fyrir að
skrifa á bloggsíðu sinni, www.ulf-
arsson.blog.is, um Ómar. Jafn-
framt var Gaukur dæmdur til
greiðslu 500 þúsund króna í máls-
kostnað og birtingu dómsins á
vefsíðu sinni.
Ómar var ánægður með niður-
stöðuna. „Það er fallist á kröfu
mína í einu og öllu. Það var það
sem ég bjóst við að yrði ofan á.
Þessi dómur skiptir máli vegna
þess að nú er komið viðmið um það
hvað má segja á netinu og hvað
ekki. Nú vitum við hvar við getum
dregið mörkin,“ sagði Ómar.
Þetta er í fyrsta sinn sem dómur
fellur vegna ummæla sem falla á
bloggsíðu.
Málið er tilkomið vegna ummæla
sem Gaukur lét falla um Ómar á
vefsíðu sinni 24.
apríl í fyrra.
Vilhjálmur H.
Vilhjálmsson,
lögmaður
Ómars, telur
dóminn vera
merkilegan þar
sem í fyrsta sinn
sé tekið á
ummælum á
netinu. „Þetta er
fagnaðarefni þar sem sumir hafa
einhverra hluta vegna litið á vef-
síður sem skálkaskjól fyrir rætin
ummæli,“ segir Vilhjálmur.
Hann segir það einnig athyglis-
vert að ákvæðum prentlaganna sé
beitt með lögjöfnun um netið. „Það
þýðir að tiltekið ákvæði prentlaga
eru yfirfært að þessu leyti yfir á
umfjöllun á vefnum og það er
athyglisvert, út frá lögfræðilegu
sjónarmiði.“ - mh / sjá síðu 34
Fyrsti meiðyrðadómurinn féll í gær í héraðsdómi vegna skrifa á bloggsíðu:
Greiðir 300 þúsund í bætur
24. apríl 2007
Á vefsíðunni www.ulfarsson.blog.
is er umfjöllun undir fyrirsögninni:
„Aðal Rasisti Bloggheima.“ Þar er
Ómar sakaður um að vera svæsnari
útlendingahatari en tiltekinn fjöldi
útlendingahatara lagður saman.
Orðrétt segir: „Nú hef ég fundið einn
til, svæsnari en hinir lagðir saman,
talsmann Impregilo á Íslandi.“ Einnig
segir í sömu umfjöllun: „Ég mæli
því með því að þið ágæta fólk látið
í ykkur heyra á kerfinu hans svo að
útlendingahatur hans standi þar
ekki óhaggað.“ Héraðsdómur dæmir
þessi orð dauð og ómerk.
Ómar hafði samband við Gauk
og bað hann um að fjarlægja þessa
skrif af síðunni. Ómar sagðist annars
myndu kæra hann. „Hvenær kemur
kæran?“ skrifar Gaukur daginn eftir.
UMMÆLIN
ÓMAR R.
VALDIMARSSON
BANDARÍKIN, AP Robert Harris, tæp-
lega fimmtugur verkamaður frá
Georgíu í Bandaríkjunum, vann á
dögunum rúma átján milljarða
króna í happdrætti. Hans fyrsta
verk var að hringja í yfirmann sinn
í járnverksmiðjunni þar sem hann
vann og tilkynna að hann ætlaði sér
ekki að mæta aftur til vinnu.
Þetta er stærsti vinningur sem
runnið hefur til eins manns í sögu
happdrættisins.
Harris hefur búið ásamt konu
sinni í hjólhýsi undanfarin tuttugu
ár, en ætlar nú að láta byggja
draumahúsið fyrir vinningsféð.
-sþs
Hringdi strax og sagði upp:
Átján milljarða
lottóvinningur
HEPPINN Robert Harris datt svo sannar-
lega í lukkupottinn. FRÉTTABLAÐIÐ/AP