Fréttablaðið - 27.02.2008, Blaðsíða 10

27. febrúar 2008 MIÐVIKUDAGUR
UMHVERFISMÁL Mun minni er flutt
af olíu um íslenska lögsögu en
spár gengu út frá fyrir nokkrum
árum. Um er að ræða flutinga frá
Norðvesturhluta Rússslands til
Vesturheims, en leið flutninga-
skipa milli þessara heimshluta
liggur óhjákvæmilega um efna-
hagslögsögu Íslands. Skipin sem
flytja olíu við íslenskar strendur
eru einnig minni en Norðmenn og
Rússar ætluðu.
Frá Norðmönnum liggja fyrir
upplýsingar um farm þeirra skipa
sem fluttu olíuafurðir úr Barents-
hafi á síðasta ári. Um 70 prósent
af farmi þessara skipa er þekktur
og allt að 39 prósent af flutningn-
um er skráð hráolía, um 7 prósent
milliþung olía, um 17 prósent gas-
olía og afgangurinn ýmsar aðrar
olíuafurðir.
Einkarekin rússnesk olíufélög
hafa fullan hug á að skipa út meiri
olíu á norðursvæðinu og eru að
vinna að því á nokkrum stöðum.
Það er hinsvegar fyrirtæki í rík-
iseign, Transneft, sem hefur
einkaleyfi á rekstri dreifilagna
fyrir olíu og það virðist lítill eða
enginn áhugi hjá rússneska rík-
inu fyrir lagningu dreifilagna til
norðursvæðanna eins og Indiga
eða Murmansksvæðisins.
Að mati Siglingastofnunar er
varla útlit fyrir mikla eða skyndi-
lega aukningu í útskipun á olíu
frá Barentshafi nema stefnu-
breyting verði hjá stjórnvöldum í
Rússlandi.
- shá
Olíuflutningar við Íslandsstrendur:
Minni flutningar en
gert var ráð fyrir
RISAOLÍUSKIP Ekki er talið útlit fyrir að olíuflutningar við landið aukist mikið, þvert á
spár undanfarinna ára. MYND/LHG
OLÍUFLUTNINGAR
RÚSSA 2005 - 2007
Árið 2005 278 skip fluttu 9,6
milljónir tonna af olíuafurðum út
úr Barentshafi. Megnið af þessum
afurðum fór til Evrópuhafna.
Árið 2006 206 skip fluttu 10,6
milljónir tonna af olíuafurðum
sömu leið. 36 þessara skipa fóru
vestur um haf til Bandaríkjanna og
Kanada.
Árið 2007 212 skip fluttu 9,6
milljónir tonna. 43 skip munu hafa
farið vestur um haf til Bandaríkj-
anna og Kanada.