Fréttablaðið - 28.02.2008, Síða 16

16 28. febrúar 2008 FIMMTUDAGUR
Dimitrí Medvedev hefur
ekki verið mjög áberandi í
rússneskum stjórnmálum
fyrr en nú, allra síðustu
vikurnar. Hann þykir næsta
öruggur um sigur í forseta-
kosningum á sunnudaginn.
Fátt er vitað um manninn sem
tekur við af Vladimír Pútín sem
forseti Rússlands. Hann hefur
verið lítt áberandi í fjölmiðlum
þangað til í desember síðastliðn-
um. Hann virðist ekki hafa haft
margt að segja um áform sín eða
sérstöðu í stjórnmálum.
Meira að segja Hillary Clinton,
sem sækir það stíft að verða for-
seti Bandaríkjanna, átti í mestu
vandræðum í kappræðum á þriðju-
dag með að muna nafnið á næsta
forseta Rússlands.
„Eða eitthvað,“ sagði hún vand-
ræðaleg eftur að hafa gert nokkr-
ar tilraunir til að bera nafnið
fram.
Áfram á sömu braut
Ekki er vitað til þess að Medvedev
hafi neitt sérstakt á stefnuskrá
sinni annað en að halda áfram á
sömu braut og Pútín. Ýmislegt
bendir til þess að hann ætli meira
að segja að leyfa Pútín að ráða
ferðinni í flestum efnum.
Síðast í gær ítrekaði Medvedev
að hann ætli að „halda áfram á
þeirri braut sem reynst hefur vel“,
nefnilega á „braut Pútíns for-
seta“.
„Mér hefur alltaf þótt gott að
starfa með forsetanum,“ sagði
Medvedev.
Pútín hefur sjálfur tekið skýrt
fram að hann ætli sér að setja
mark sitt á rússnesk stjórnmál
áfram þótt hann hætti sem forseti.
Medvedev varð líka fljótur til að
bjóða Pútín embætti forsætisráð-
herra í desember, þegar Pútín var
búinn að lýsa yfir stuðningi sínum
við Medvedev í forsetaframboðið
og þar með nánast tryggja honum
sigur. Pútín var sömuleiðis fljótur
að þiggja það boð.
Forsætisráðherraembættið
hefur hingað til verið töluvert
veigaminna en embætti forsetans,
og þótt Pútín hafi skýrt tekið fram
að hann ætli sér ekki að breyta
þeim valdahlutföllum virðist
almennt reiknað með því að Pútín
muni auka vægi forsætisráðherra-
embættisins á kostnað forseta-
embættisins.
Sameiginlegur uppruni
Þeir Pútin hafa þekkst lengi. Þeir
eru báðir fæddir í Pétursborg,
báðir lögfræðimenntaðir og hafa
verið nánir samstarfsmenn allar
götur síðan Pútín var formaður
utanríkismálanefndar Pétursborg-
ar á árunum 1991-96 og fékk Med-
vedev í ráðgjafarstörf fyrir nefnd-
ina.
Medvedev á í raun allan sinn
pólitíska feril Pútín að þakka. Árið
2000 var Medvedev kosningastjóri
Pútíns og varð í beinu framhaldi
af því starfsmannastjóri forseta-
embættisins. Árið 2005 varð síðan
Medvedev annar tveggja aðalað-
stoðarforsætisráðherra ríkis-
stjórnarinnar.
Medvedev hefur einnig frá
árinu 2000 verið ýmist stjórnar-
formaður eða varastjórnarfor-
maður orkufyrirtækisins Gaz-
prom, sem er voldugasta fyrirtæki
Rússlands og hefur að stórum
hluta staðið undir hagvexti lands-
ins síðustu árin, og þar með einnig
undir auknu vægi Rússlands á
alþjóðavettvangi.
Áhyggjur
Mannréttindasamtökin Amnesty
International lýstu nú í vikunni
yfir áhyggjum af ástandinu í Rúss-
landi, þar sem þau segja tjáning-
arfrelsi, fundafrelsi og félaga-
frelsi eiga í vök að verjast.
Samtökin segja það hafa verið sér-
staklega áberandi, nú í aðdrag-
anda kosninganna, hve stjórnvöld
hafi sýnt þessum grundvallarrétt-
indum litla virðingu.
Enginn virðist reikna með því
að Medvedev ætli að breyta þessu
ástandi, enda virðast Rússar
almennt hafa fyllst djúpstæðri
tortryggni í garð lýðræðisfyrir-
komulagsins áratuginn sem Boris
Jeltsín var við völd í beinu fram-
haldi af hruni Sovétríkjanna árið
1991.
Pútín hefur á valdaferli sínum
forðast að gera nokkuð sem minnt
gæti á Jeltsíns, en hefur á hinn
bóginn verið sakaður um einræð-
istilburði og sovéskan stjórnunar-
stíl.
Medvedev hefur til þessa haldið
sig til hlés. Nú þegar hann stígur
fram í sviðsljósið kemur smám
saman í ljós hve vandlega hann
mun feta í fótspor Pútíns.
Getur lýst yfir neyðarástandi og sett
herlög.
Samhæfir stefnu í efnahags- og
fjármálum. Hefur umsjón með
ríkiseignum.
Ákveður verðlagningu á gasi,
rafmagni og innanlandsflutningum.
© GRAPHIC NEWS
Stjórnar stefnunni í félags-, atvinnu-,
innflytjenda- og fjölskyldumálum.
Tekur við forsetavöldum ef forseti
verður ófær um að sinna skyldum sínum.
Leiðtogi ríkisins og æðsti
yfirmaður hersins. Ræður yfir
kjarnorkuvopnum Rússlands.
Ákveður stefnu í innanríkis- og
utanríkismálum
Skipar og hefur völd til að reka
forsætisráðherra, að fengnu samþykki
þingsins.
Getur beitt neitunarvaldi á lög sem
þingið hefur afgreitt. Þingið getur þó
með auknum meirihluta afgreitt lögin
þrátt fyrir neitun forseta.
Stjórnar og skipar í öryggisráð
ríkisins, sem hefur umsjón með varnar-
og öryggismálum Rússlands.
Leiðtogi ríkisstjórnarinnar.
Framkvæmir stefnu í innanríkis- og
utanríkismálum. Framkvæmir einnig
tilskipanir forseta.
HENSON
OPIÐ ALLA DAGA FRÁ KL. 11 - 19
BARA
Í DAG
Stígur fram úr skugganum
LÖGFRÆÐINGUR FRÁ PÉTURSBORG
1965 Fæddur í St. Pétursborg 14. september. Foreldrar hans voru háskóla-
kennarar.
1987 Útskrifast sem lögfræðingur frá háskólanum í Pétursborg.
1991-96 Pútín, sem þá er formaður utanríkismálanefndar Pétursborgar,
ræður Medvedev sem sérfræðing fyrir nefndina.
1999 Flytur til Moskvu sem aðstoðarstarfsmannastjóri ríkisstjórnarinnar.
2000 Kosningastjóri Pútíns. Ráðinn aðstoðarstarfsmannastjóri forsetans,
síðar stjórnarformaður hins volduga orkufyrirtækis Gazprom.
2005 Fyrsti aðstoðarforsætisráðherra, hefur umsjón með menntamálum,
heilbrigðismálum, húsnæðismálum og landbúnaði.
10. des. 2007 Pútín lýsir yfir stuðningi við Medvedev í forsetaframboð.
2. mars 2008 Forsetakosningar í Rússlandi. Medvedev nánast öruggur um
sigur.
DIMITRÍ MEDVEDEV Arftaki Pútíns hefur síðustu árin stjórnað hinu valdamikla orku-
fyrirtæki Gazprom, sem á stóran þátt í því aukna vægi sem Rússland Pútíns hefur
fengið á alþjóðavettvangi. NORDICPHOTOS/AFP
GÓÐUR VIÐ BÖRN OG MÁLLEYSINGJA
Fáeinum dögum fyrir forsetakosning-
arnar í Rússlandi var opnuð í Moskvu
sýning á teikningum barna sem fengu
það verkefni að teikna framtíðarforseta
landsins. Hér er ein myndanna.
NORDICPHOTOS/AFP
FRÉTTASKÝRING − FORSETAKOSNINGAR Í RÚSSLANDI
FRÉTTASKÝRING
GUÐSTEINN BJARNASON
gudsteinn@frettabladid.is