Fréttablaðið - 28.02.2008, Blaðsíða 31
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Guðbjörg Gunnarsdóttir, landsliðsmarkvörður
Íslands í fótbolta og leikmaður Vals, er ansi
veik fyrir merkjavöru.
„Ég er sérstaklega hrifin af Diesel- og Adidas-fötum
og geng í þeim jafnt innan klæða sem utan. Ég á allt
niður í Diesel-nærföt,“ segir Guðbjörg hlæjandi og
bætir við að hún sé nánast alltaf í einhverri merkja-
vöru. Hún kaupir megnið af fötunum sínum í útlönd-
um enda mikið á ferðalögum út af fótboltanum.
„Ég hef til dæmis farið til Bandaríkjanna, Þýska-
lands og Svíþjóðar á síðasta hálfa ári og þá hef ég
notað lausan tíma til að versla,“ segir Guðbjörg. Hún
var í Chicago ásamt félögum sínum í Val fyrir síðustu
jól og varð hópurinn veðurtepptur fram á aðfangadag.
Tíminn fór þó ekki til spillis og þræddu þær hverja
búðina á fætur annarri.
„Ég keypti mér til dæmis æðislegan Adidas-jakka
sem ég held mikið upp á. Hann er brúnn með gylltum
röndum og í svolítið gamaldags stíl. Ég keypti svo
hvíta Adidas-skó með gylltu merki við.“
Guðbjörg segist ganga í sportlegum fötum hvers-
dags og á hún Diesel-gallabuxur í stöflum. „Þessa
dagana er ég hrifnust af buxum sem eru þröngar að
neðan. Ég á það þó til að klæða mig upp í kjóla og pils
ef tilefni er til.“
vera@frettabladid.is
Með algjöra Diesel-dellu
Guðbjörg keypti Adidas-jakkann og skóna þegar hún var veðurteppt í Chicago fyrir síðustu jól. Diesel-buxur sem eru þröngar að
neðan eru síðan í sérstöku uppáhaldi hjá henni þessa dagana. FRÉTTABLAÐIÐ/GVA
STYRKTARSÝNING
Ingibjörg Friðriksdóttir
er ungur hönnuður sem
stendur fyrir tískusýningu og
fatauppboði í Saltfélaginu
hinn 8. mars til styrktar
mænusköðuðum.
TÍSKA 2
ALLT Í BLÓMA
Prímúlur, orkídeur,
begóníur, pottakrísi og
ástareldur eru vinsælustu
pottablómin. Nú fyrir páska
selst líka allt í gulum litum
mjög vel.
HEIMILI 5