Fréttablaðið - 28.02.2008, Blaðsíða 46
28. FEBRÚAR 2008 FIMMTUDAGUR10 ● fréttablaðið ● vinnuvélar
Landhelgisgæsla Íslands fékk
nýjan snjóflóðarleitarbúnað að
gjöf frá Landsbjörgu á dögun-
um.
Snjóflóðarleitartækið, sem verður
í tveimur þyrlum Landhelgisgæsl-
unnar, er af gerðinni Barryvox VS
2000 Pro Ext. Höskuldur Ólafsson,
tæknistjóri hjá gæslunni, telur að
nýi búnaðurinn eigi eftir að gagn-
ast mikið við leit og björgun á fólki
í snjóflóðum.
Höskuldur segir að tækið leiti
í raun ekki að fólki heldur finni
það svokallaðar snjóflóðaýlur sem
gefi frá sér hátíðnihljóð sem tækið
nemur. Tækinu er stungið í sam-
band við talstöðvakerfi þyrlunn-
ar, því næst er baujuhluta búnað-
arins slakað niður um fimm metra
meðan þyrlan sjálf svífur 6 til 8
metrum fyrir ofan jörð. Svo nemur
tækið útvarpsbylgjur frá ýlun-
um. Flugmaðurinn er með mót-
takara sem tengist í heyrnartól-
in hjá honum. Tækið gefur frá sér
tón sem hækkar og lækkar eftir
því hve langt baujan er frá ýlunni.
Höskuldur segir að með þessu
móti hafi þeir hjá Landhelgisgæsl-
unni getað staðsett ýluna á um það
bil eins metra radíus.
„Þessi tvö tæki eru gjöf frá Slysa-
varnafélaginu til Landhelgisgæsl-
unnar,“ segir Höskuldur en Slysa-
varnafélagið Landsbjörg gaf Land-
helgisgæslunni búnaðinn í tilefni
af afmæli sínu. „Það er Svisslend-
ingur sem er hugmyndasmiður-
inn á bak við búnaðinn. Hann kom
hingað til landsins og afhenti okkur
þessi tæki, og aðstoðaði okkur við
innsetningu þeirra í vélarnar.“
Höskuldur segir að Landhelg-
isgæslan hafi strax gert töluverð-
ar æfingar með búnaðinn. „Sviss-
lendingurinn aðstoðaði okkur við
að setja þetta í og að þjálfa flug-
mennina. Það voru einir þrír til
fjórir dagar sem fóru í þjálfun,“
segir Höskuldur en tekur fram að
notkun búnaðarins sé enn á byrj-
unarstigi. Grunnþjálfun sé lokið og
nú verði þjálfun á búnaðinn hluti
af æfingaprógrammi Landhelgis-
gæslunnar.
Höskuldur segir búnaðinn ein-
faldan í notkun og auka öryggi. Oft
sé hætta á fleiri snjóflóðum þegar
leitað er að fólki en með þessum
búnaði sé hægt að minnka hætt-
una. - eh
Ný tækni við
snjóflóðaleit
Höskuldur Ólafsson hjá Landhelgisgæslunni með snjóflóðaleitarbúnaðinn sem
Landsbjörg gaf gæslunni í tilefni af eigin afmæli. FRÉTTABLAÐIÐ/VALLI
Línuborun tekur að sér steypu-
sögun, kjarnaborun, múrbrot
og línuborun. Hróar Björnsson
hefur unnið að múrborun í
tuttugu ár og þekkir vinnu-
brögðin út og inn.
„Í gamla daga var endalaust
verið að brjóta, í dag hins vegar
er maður miklu fljótari að saga
steypuna niður í einingar, í við-
ráðanlega teninga, kannski fimm-
tíu sinnum fimmtíu sem maður
getur síðan borið út, híft á vöru-
bíl og farið í burtu,“ segir Hróar
inntur eftir vinnulagi í múrbroti.
„Áður var til dæmis bara sagað-
ur úthringur á hurð, síðan brot-
ið niður í smátt og mokað í fötur.
Nýju vinnubrögðin eru mun fljót-
ari og hagstæðari fyrir kaupand-
ann en líka hreinlegri fyrir þann
sem vinnur verkið.“
Línuborun hefur yfir að ráða
25-30 kílóa rafmagnsfleygum og
vökvafleygum sem hægt er að
setja framan á gröfur eða róbót
svokallaðan sem getur brotið
steypuna. „Róbótinn er rafmagns-
græja svo maður getur notað hann
innanhúss. Við notum fjarstýringu
til að stilla honum upp fyrir fram-
an vegginn eða hurðina og svo er
sagarblað keyrt í gegn. Við sögum
úthringinn sem á að fara burt, en
afganginn bútum við niður eða
brjótum,“ segir Hróar sem er
þessa dagana að vinna í Höfða-
torgi fyrir Eykt. Heildarsögun-
in þar slagar nú hátt í kílómetra.
Múrbrotið sem hann tók að sér
í því verki er aðeins 20 prósent
eiginlegt brot, því 80 prósent er
hreinlega sögun. Svo borgar verk-
kaupandinn fyrir hvern sagaðan
metra.
„Sagirnar þurfa mikið vatn til
að ganga almennilega, það bindur
niður rykið sem enginn vill. Það er
auðvitað mikill sóðaskapur í svona
vinnu og fólk endist ekkert í þessu
starfi. Okkur hefur hins vegar
haldist vel á mannskapnum,“ segir
Hróar. „Ef við erum með sleða-
sögina verður maður ekki drullu-
gur, og maður getur búið sig undir
vatnsflauminn með vatnsausum.
Hins vegar ef maður er með hand-
sögina verður maður skítugur.
Þannig er það bara.“
- nrg
Múrbrot er aðallega sögun
Hróar Björnsson hjá Línuborun við sleðasögina sem notuð er til að saga niður efni við Höfðatorg í Borgartúni. FRÉTTABLAÐIÐ/PJETUR
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is