Fréttablaðið - 29.02.2008, Blaðsíða 12

12 29. febrúar 2008 FÖSTUDAGUR
FANGELSISMÁL Dómsmálaráðuneyt-
ið hefur hafið undirbúning flutn-
ings tveggja Litháa sem eru í
afplánun á Litla-Hrauni. Rúmlega
sextán prósent fanga í íslenskum
fangelsum eru útlendingar, 22 af
134 samkvæmt tölum Fangelsis-
málastofnunar. Litháar eru fjöl-
mennastir en þeir eru níu talsins.
Innan dómsmálaráðuneytisins
hefur að undanförnu verið unnið
að því að kanna möguleika á því
að erlendir ríkisborgarar afpláni
í heimalandi sínu. Í gær hittust
svo Björn Bjarnason dómsmála-
ráðherra eftir fundi með Petras
Baguska, dómsmálaráðherra Lit-
háens, og Egle Radusyte, aðstoð-
ardómsmálaráðherra Litháens, í
sendiráði Íslands í Brussel til að
ræða flutning Litháa sem íslensk-
ir dómstólar hafa dæmt til fanga-
vistar til ættlands síns til afplán-
unar. Baguska samþykkti að þessi
tilhögun yrði höfð vegna þeirra
fanga sem falla undir ákvæði
samnings Evrópuráðsins um
flutning dæmdra manna frá 1983
og viðauka við hann frá 1997.
Páll Winkel, forstjóri Fangels-
ismálastofnunar, segir ákvörðun-
ina fagnaðarefni. „Í fyrsta lagi
eru þetta mikilvæg skilaboð að
brotamenn verði sendir heim til
afplánunar. Í öðru lagi kemur
slíkt fyrirkomulag í veg fyrir
tengslamyndun erlendra og
íslenskra brotamanna og í þriðja
lagi tryggir þetta að dómþolar
geti hafið afplánun sem fyrst,“
segir Páll. - kdk
Nýtt fyrirkomulag kemur til með að draga úr tengslamyndum í fangelsum:
Litháar afplána í Litháen
BJÖRN BJARNASON PÁLL WINKEL
SJÁVARÚTVEGSMÁL Í lok árs 2007
voru á skrá hjá Siglingastofnun
1.642 fiskiskip og hafði þeim
fækkað um fimmtíu frá fyrra ári.
Fjöldi vélskipa var alls 834 og var
samanlögð stærð þeirra 91.656
brúttótonn.
Vélskipum fækkaði á milli ára
um átján og dróst flotinn saman
um 5.210 brúttótonn. Togarar voru
64 og fjölgaði um einn frá árinu á
undan. Heildarstærð togaraflotans
var 74.067 brúttótonn. Opnir
fiskibátar voru 744 og 3.556 brúttó-
tonn að stærð. Opnum fiskibátum
fækkaði um 33 milli ára og heildar-
stærð þeirra dróst saman um 165
brúttótonn. - shá
Fiskiskipastóllinn:
Flotinn áþekk-
ur á milli ára
MENNTUN Stúdentaráð fagnar því
að nýkynntar hugmyndir um
skipulag í Vatnsmýrinni taki mið
af áframhaldandi uppbyggingu
Háskóla Íslands og aðstöðu stúd-
enta. Sérstaklega bendir Stúd-
entaráð á að hver sem framtíð
Reykjavíkurflugvallar kann að
verða stendur ekkert í vegi fyrir
því að ráðist verði í frekari upp-
byggingu Háskólans á svæðinu.
Stúdentaráð finnur mikinn
samhljóm með hugmyndum vinn-
ingstillögunnar og hagsmunum
stúdenta og hvetur borgaryfir-
völd til þess að nýta sér hug-
myndirnar til að leysa það hús-
næðisvandamál sem hrjái
stúdenta, en í dag eru um 700
stúdentar við Háskóla Íslands á
biðlista eftir stúdentaíbúð. Þetta
kemur fram í ályktun sem Stúd-
entaráð hefur sent frá sér.
- ghs
Stúdentaráð um Vatnsmýrina:
Stúdentar fagna
nýjum hugmyndum
FÉLAGSSTOFNUN STÚDENTA Stúdenta-
ráð telur að nýkynntar hugmyndir um
skipulag í Vatnsmýri taki mið af hags-
munum stúdenta.
HELLTI NIÐUR MJÓLK Grískur bóndi
hellti niður fleiri lítrum af mjólk í gær
fyrir utan þróunarmálaráðuneytið
í Aþenu. Hann var þar ásamt fleiri
bændum að mótmæla því hve
afurðaverð er lágt. NORDICPHOTOS/AFP
ÍRAN, AP Hasan Rowhani, fyrrver-
andi aðalsamningamaður Írans í
kjarnorkumálum, segir að
harðskeyttur slagorðaflaumur
Mahmouds
Ahmadinejads
forseta skaði
hagsmuni
landsins á
alþjóðavett-
vangi.
Rowhani á
enn sæti í
valdamiklum
stofnunum í
Íran. Gagnrýni
hans á forsetann er óvenju hörð.
Hann segir harðsnúinn slagorða-
flaum ekki geta komið í staðinn
fyrir alvörustefnu í utanríkismál-
um, sem væri fólgin í því að
„takast á við heiminn með þeim
hætti að dregið sé úr hættum“. - gb
Ahmadinejad gagnrýndur:
Ekkert gagn í
slagorðaflaumi
MAHMOUD
AHMADINEJAD
ÖRYGGISMÁL Ýmsar ástæður eru
fyrir því að hernaðarlegt mikil-
vægi norðurhafa er að aukast á
ný. Þar af leiðandi ættu Norð-
menn, Danir og
Íslendingar –
þjóðirnar sem
mestra eigin
hagsmuna hafa
að gæta á svæð-
inu – að ýta á
Atlantshafs-
bandalagið að
leggja meira af
mörkum til að
tryggja öryggi
þar. Þetta er skoðun Kjetils Skog-
rand, sem stýrir þeirri deild Varn-
armálastofnunar Noregs sem
sinnir rannsóknum á norskum
öryggis- og varnarmálum.
Skogrand heldur erindi í dag
um samskipti Noregs og Rúss-
lands í stofu 201 í Árnagarði.
Alþjóðamálastofnun Háskóla
Íslands stendur fyrir fyrirlestrin-
um í samstarfi við utanríkisráðu-
neytið.
Í samtali við Fréttablaðið segir
Skogrand að hækkandi verð á olíu
og jarðgasi, hopandi ís í Norður-
Íshafi vegna loftslagsbreytinga
sem opnar möguleika á nýjum
siglingaleiðum, og endurreisn
Rússlands sem herveldis séu allt
þættir sem auki hnattrænt mikil-
vægi norðurhafa. Allt undirstriki
þetta þörfina á skilvirku eftirliti
með hinu víðfeðma svæði og að
fyrir hendi sé geta til að bregðast
við ef eitthvað bregði út af.
„Brottför bandaríska herliðsins
frá Íslandi kom þannig til á mjög
óheppilegum tíma,“ segir Skog-
rand. Með henni hafi skapast
„gat“ í öryggisneti norðurslóða
sem Ísland, Noregur og Danmörk
séu ekki í stakk búin til að fylla,
hvorki ein og sér né í samstarfi
við hvert annað. Aðkomu Atlants-
hafsbandalagsins þurfi til að
þetta „gat“ sé fyllt með fullnægj-
andi hætti. Skogrand álítur því að
loftrýmiseftirlit það, sem NATO
hefur tekið að sér að annast á
Íslandi og hefst með frönskum
orrustuþotum nú í vor, sé jákvætt
skref sem gæti nýst til að fá
bandalagið með styrkari hætti
inn í það verkefni að tryggja
öryggi á norðurslóðum.
Aðspurður segist Skogrand
sannfærður um að mikilvægt sé
að halda ratsjárstöðvunum á
Íslandi áfram í rekstri. Þær séu
mikilvægur liður í nauðsynlegu
eftirlits- og öryggiskerfi svæðis-
ins.
Hvað varðar samskiptin við
Rússland segir Skogrand að tví-
hliða tengsl Noregs við nágrann-
ann stóra séu um þessar mundir
prýðileg og hin auknu hernaðar-
umsvif Rússa í norðri séu engin
bein ógn við Noreg eða Ísland. En
vaxandi erfiðleikar í samskiptum
Rússa við forysturíki NATO, fyrst
og fremst Bandaríkin og Bret-
land, valdi óvissu um þróunina
fram undan. Rússland sé ótvírætt
mesta þungavigtarríkið á Bar-
entshafssvæðinu og víðar í
hánorðri, og hinn gríðarlegi
stærðarmunur Rússlands og Nor-
egs valdi óæskilegu ójafnvægi í
samskiptunum.
Að mati Skogrands gætu Norð-
menn jafnað þetta ójafnvægi út
með því að vera aðilar að Evrópu-
sambandinu. Það myndi vera í
fullu samræmi við þá rótgrónu
stefnu lítils lands að leitast við að
tryggja hagsmuni sína á alþjóða-
vettvangi sem mest í gegnum
fjölþjóðlegan samtakamátt. Hans
hafa Norðmenn og Íslendingar
notið í NATO en að áliti Skog-
rands dugar hann ekki til að
tryggja hagsmuni Noregs gagn-
vart Rússlandi. Eins og sakir
standa væri Evrópusambandið
eini vettvangurinn sem hefði
nægan styrk til þess.
audunn@frettabladid.is
NATO styrki
varnir í norðri
Norski varnarmálasérfræðingurinn Kjetil Skogrand
segir það vera sameiginlega hagsmuni Íslands, Nor-
egs og Danmerkur að NATO beiti sér betur í norðri.
KJETIL SKOGRAND
VIÐBÚNAÐUR Norskar orrustuþotur á varnaræfingu hérlendis í fyrra. Skogrand segir
brottför bandaríska varnarliðsins hafa skilið eftir gat í öryggisneti norðurslóða.
FRÉTTABLAÐIÐ/GVA
Verslunin Hobby Room opnar í dag í Miðhrauni 2
í Garðabæ (neðri hæð Just4Kids).
Í Hobby Room finnur þú allt sem þú þarft til að
fullkomna hobbý herbergið þitt, allt frá billjard- og
þythokkíborðum til glymskratta og mini-bars.
Ert þú húsbóndi
í þínu herbergi?
Sími: 565 5200