Fréttablaðið - 29.02.2008, Blaðsíða 45
KLINGENBERG SPÁIR FYRIR REGÍNU
Regína Ósk Óskarsdóttir er fædd 21.12. 1977. „Regína Ósk
hefur mikla seiglu. Hún hefur sterk tök á að sjá þau takmörk
sem hún ætlar að ná og mjög sterkt tengslanet í kringum
sig. Hún passar sig á því að vera góð við aðra. Hún hefur
samt mikinn tilfinningahita líkt og ítölsku konurnar og er
bara búin að sýna brot af því sem hún getur í raun. Hún
er á ári ástarinnar í ár og ástin mun gefa henni mikla orku
og sérstakan kraft til að syngja tilfinningaleg lög. Hún er á
miklu frjósemisári og get ég ekki betur séð (ef hún passar
sig ekki) en að hún verði ófrísk á árinu. Ein lítil Regína gæti
verið á leiðinni. Hún er talan þrír sem er sterkasta lista-
mannatalan,“ segir Sigríður Klingenberg og bætir því við
að hún yrði ekki hissa ef hennar yrði beðið á árinu. „Þetta er
árið hennar Regínu. Hún mun standa sig með prýði hvert
sem hún fer og hvert sem hún ætlar. Krafturinn mun aukast
hjá henni og miklar breytingar eru í vændum. Íslendingar
eiga eftir að verða stoltir af framlagi sínu til Eurovision og
ef eitthvað er þá mun lagið vekja miklu meiri athygli en við
var búist.“
Eyfjörð greiddi okkur og þegar við
vorum að fara yfir stöðuna rakst ég á
tjullpilsið hjá honum og vildi endi-
lega vera í því. Toppurinn úr Spaks-
mannsspjörum smellpassaði við og
svo lánaði Skjöldur mér beltið. Á
endanum fann ég gamlar ermar
heima hjá mér og ákvað að vera í
þeim við,“ segir hún kát. Þegar hún er
spurð að því hvernig hún ætli að vera
í Serbíu segist hún ekki ætla að fara
langt frá þessum klæðnaði.
Netheimar loga
Síðan Regína Ósk og Friðrik Ómar
unnu undankeppnina hafa netheim-
ar logað í leiðinlegum athugasemd-
um um þau. Hún segir að hún láti
þetta ekkert á sig fá og líði vel í eigin
skinni. „Ég get lítið gert í því sem fólk
er að segja um mig á netinu. Mér
finnst ótrúlegt hvað fólk lætur út úr
sér í skjóli nafnleyndar. Það er svo
óvægið. Ég er mjög hamingjusöm og
líður vel með sjálfa mig. Ég ætla ekki
að láta þetta á mig fá,“ segir Regína
Ósk sem á góða að. Þegar hún er
spurð að því hvernig hún haldi sér í
formi segist hún fara reglulega í rækt-
ina. „Ég er alltaf að hugsa um heils-
una. Ég er hjá þjálfara og æfi í Laug-
um tvisvar í viku.“
Regína Ósk er í sambúð með Sigur-
sveini Þór Árnasyni en þau kynntust í
Sjallanum á Akureyri fyrir tveimur
árum. Hann var í hljómsveitinni
Lúxor, spilar á gítar, er nemi í FÍH og
er verslunarstjóri í Dressmann í
Smáralind. Auk þess sér hann um að
stílisera allar Dressmann-verslanirn-
ar á landinu. Þegar hún er spurð að
því hvort hann gefi henni góð ráð
varðandi fataval segir hún svo vera.
„Ég fæ mjög góð ráð hjá honum og
hann er mjög hreinskilinn. Við náum
rosa vel saman.“ Föstudagur fékk Sig-
ríði Klingenberg til að spá fyrir Reg-
ínu Ósk og hún spáði því að hún
myndi eignast barn á árinu ef hún
myndi ekki passa sig. Þegar Regína er
spurð um þetta fer hún að hlæja. „Í
alvöru, það er æði. En það er ekki
komið ennþá, ég get lofað því. Og ég
er ekki að stefna að því akkúrat núna.
Ég held að það sé ansi hæpið að barn-
ið fæðist á árinu en mig langar að
eignast annað barn. Dóttir mín er
fimm að verða sex ára og ég er ekki
hætt að eiga börn. Ég vil þó hafa tíma
fyrir barnið þegar það kemur. Það er
bara svo mikið álag á fjölskylduna að
vera í þessum bransa. Verð aðeins að
róa mig niður ef ég ætla að fara í frek-
ari barneignir. Ég held að börnin
komi þegar þau eiga að koma.“
UPPÁHALDSMATURINN: Lasagna
og túnfisksteikin á Ítalíu
UPPÁHALDSDRYKKURINN: Peru-
ávaxtatoppur
UPPÁHALDSFLÍKIN: Evuklæðin
MESTI LÚXUSINN: Nudd
FULLKOMINN FÖSTUDAGUR? Sofa
aðeins út og vera ekki með neitt
sérstakt planað, dunda sér um dag-
inn og fara í nudd, hárgreiðslu,
kaupa sér einhver föt og fara út að
borða um kvöldið ...
BÍLLINN MINN ER... yndislegur
Yaris sem ég þarf að fara að láta
þrífa!
HVAÐ KEMUR ÞÉR TIL AÐ HLÆJA?
Fyndin tilsvör frá börnum, þ. á m.
dóttur minni
LEYNDARMÁLIÐ: Bókin
MESTA PRAKKARASTRIKIÐ: Ekkert
á efri árum, en þegar ég var lítil
hellti ég úr öskubakka ofan í
vögguna hjá litla bróður mínum...
Hlýðir mömmu
Þegar Regína Ósk var unglingur söng
hún einsöng með kór Árbæjarskóla.
Henni er það mjög minnisstætt þegar
móðir hennar bannaði henni að fara
í partí daginn fyrir tónleika og hún
segist hafa orðið alveg brjáluð út í
hana fyrir vikið. „Móðir mín ól mig
svona upp en ég verð að viðurkenna
að daginn eftir var ég mjög fegin að
hafa ekki farið í partíið. Söngvarar
eru sitt eigið hljóðfæri og þeir verða
að fara vel með það. Ég fer alltaf beint
heim eftir böll, það er enginn tími í
djamm þegar það er svona mikið að
gera hjá manni.“ Hún hefur líka
ákveðnar skoðanir drykkjusiðum í
vinnunni. „Ég drekk heldur ekki
þegar ég er að vinna. Mér finnst æðis-
legt að syngja en fyrir mér er það ekki
partí, það er vinna.“
martamaria@365.is
29. FEBRÚAR 2008 | SIRKUS | BLS. 9