Fréttablaðið - 29.02.2008, Blaðsíða 64
29. febrúar 2008 FÖSTUDAGUR
Myndlistarmaðurinn Jón Henrys-
son opnar myndlistarsýninguna
„Að skilgreina heilastarfsemi
ástarpiltsins“ í Anima galleríi,
Freyjugötu 27, í dag kl. 17. Á
sýningunni getur að líta myndir
af ástarpilti, undanrennu,
morgunkorni, hjartalaga apahaus
og geimveru með heimþrá. Einnig
má sjá brosandi andlit, forgengi-
legan striga, fallandi himin og
alls engan ástarsöng.
Jón Henrysson hefur verið
búsettur í Danmörku undanfarinn
áratug. Hann sýndi nýlega á
Akureyri og Seyðisfirði en þetta
er hans fyrsta sýning í Reykjavík
eftir heimkomuna.
Sýningin stendur til 22. mars og
er opin frá fimmtudegi til
laugardags, frá kl. 13-17.
Geimvera
með heimþrá
COSMOMAMA Verk eftir Jón Henrysson.
Nóg er um að vera í menningarlífi
landsins nú um helgina og ein-
skorðast áhugaverðir viðburðir og
sýningar ekki við höfuðborgar-
svæðið. Ljósmyndasýningin
„Alþýðulistamaðurinn Sigurgeir
Bjarni Halldórsson“ verður opnuð
á sunnudag í Safnahúsinu á Ísa-
firði sem er í gamla sjúkrahúsinu.
Markmiðið með sýningunni er að
heiðra minningu Sigurgeirs og þá
list sem hann stundaði í sínum frí-
stundum.
Listsköpun Sigurgeirs var tví-
þætt þar sem hann stundaði bæði
ljósmyndun og málun ljósmynda
sinna. Með þeim hætti breytti hann
svart-hvítum ljósmyndum síns
tíma í litljósmyndir.
Ljósmyndirnar á sýningunni eru
teknar um og eftir 1940. Sigurgeir
tók myndavélina með sér hvert
sem hann fór og sótti sér því mynd-
efni víða að. Hann var sjómaður og
því fylgir eðlilega að hafið, skip,
sjómennska og sjávarpláss eru
fyrirferðarmikil á ljósmyndum
hans. Ísafjörður var honum einnig
hugleikinn og er til mikið af mynd-
um sem teknar eru yfir bæinn úr
fjallshlíðunum í kring.
Safn hans sem telur um 900
myndir hefur nú verið sett á tölvu-
tækt form og verður sett í heild
sinni inn á vef Ljósmyndasafns
Ísafjarðar. Opnað verður fyrir
aðgang að myndum hans á netinu á
sunnudaginn næstkomandi, um
leið og sýningin verður opnuð í
Safnahúsinu. Þá munu aðstandend-
ur Sigurgeirs afhenda Ljósmynda-
safni Ísafjarðar safn mynda hans
til varðveislu í tilefni af 100 ára
fæðingarafmæli hans.
- vþ
Alþýðulist fyrir vestan
LÍFIÐ UM MIÐJA SÍÐUSTU ÖLD Ein af ljósmyndum Sigurgeirs Bjarna Halldórssonar.
Miðasala hafin
á midi.is!
www.lokal.is
Næstu sýningar
Lau. 1. mars kl. 20
Sun. 2. mars UPPSELT
Lau. 8. mars kl. 20
SÍÐ
US
TU
SÝ
NIN
GA
R
ÞRIÐJUDAGUR 4. MARS KL. 20
TÍBRÁ: KVIKHLJÓÐ.
TÓNLIST ÞURÍÐAR JÓNSDÓTTUR
OG SCIARRINO Í SAMTALI VIÐ
MYNDLIST OG VÍDEÓ.
LAUGADAGUR 8. MARS KL. 13
MEISTARI MOZART.
STRENGJA-OG PÍANÓKVINTETT
TÓNLEIKAR KENNARA TÓNÓ KÓP.
LAUGADAGUR 8. MARS KL. 20
TÍBRÁ: SÖNGBÓK JAZZINS.
TÓNLIST COLES PORTERS.
KRISTJANA STEFÁNS & FÉLAGAR.
SUNNUDAGUR 9. MARS KL. 16
SÖNGLÖG JÓRUNNAR VIÐAR.
HELGA RÓS OG GUÐRÚN DALÍA
27. febrúar
28. febrúar
2.mars