Fréttablaðið - 29.02.2008, Blaðsíða 65

FÖSTUDAGUR 29. febrúar 2008 33
Enn dregur til tíðinda í hinu unga
og kraftmikla Gallerí Ágúst.
Myndlistarmaðurinn Sara
Björnsdóttir opnar þar einkasýn-
ingu sína Víma/Intoxication á
morgun kl. 16.
Sara Björnsdóttir er án efa einn
af okkar fremstu myndlistar-
mönnum og hefur farið um víðan
völl í myndlist sinni. Hún hefur
unnið ötullega að sinni myndlist
og sýnt bæði hér heima og
erlendis á undanförnum árum.
Verk hennar má finna í safnaeign
Listasafns Íslands en Sara er
eflaust þekktust fyrir mynd-
bandsverk sín og gjörninga. Á
sýningunni Víma/Intoxication
mun Sara sýna ljósmyndir og
myndbandsverk.
Ljósmyndirnar sem Sara sýnir í
Gallerí Ágúst voru áður á
einkasýningu hennar í Gallery
Crystal Ball í Berlín í lok síðasta
árs. Myndbandsverkið á sýning-
unni, Salem Lights, var sýnt á
Sequences listahátíðinni síðastlið-
ið haust.
Sýningin Víma/Intoxication
stendur til 5. apríl. Gallerí Ágúst
er staðsett á Baldursgötu 12 og er
opið miðvikudaga til laugardaga
frá kl. 12 til kl. 17 og eftir
samkomulagi.
- vþ
Víma Söru
VÍMA Verk eftir Söru Björnsdóttur.
Kórinn Vox academica hefur
gert samkomulag við fjóra
stórsöngvara um að taka þátt í
flutningi kórsins á sálumessu
Verdis í Hallgrímskirkju í
byrjun apríl.
Söngvararnir eru Sólrún
Bragadóttir sópran, Rannveig
Fríða Bragadóttir alt, Gissur
Páll Gissurarson tenór og
Kristinn Sigmundsson bassi.
Nokkuð mun liðið síðan sálu-
messan var flutt hér eingöngu
með íslenskum einsöngvurum
og er það því spennandi fyrir
íslenska tónlistarunnendur að
Vox Academica hafi fengið
þennan einvala hóp til liðs við
sig. Einnig mun hljómsveitin
Jón Leifs Camerata taka þátt í
flutningnum undir stjórn
Hákons Leifssonar.
Tónleikarnir verða haldnir 5.
apríl næstkomandi og verður
aðeins selt í 700 sæti í Hall-
grímskirkju svo tryggt sé að
allir áheyrendur njóti tónleik-
anna sem best. Miðasala fer
fram í Tónastöðinni í Skipholti,
12 Tónum við Skólavörðustíg og
hjá kórfélögum.
- vþ
Alíslensk
sálumessa
Verdis
VOX ACADEMICA Metnaðarfullur kór
sem ræðst ekki á garðinn þar sem hann
er lægstur.
ÍS
L
E
N
S
K
A
/S
IA
.I
S
/R
A
U
4
13
24
0
2/
08
Todd Pulsenelli frá New Orleans verður gestakokkur á Rauðará í tilefni af Food and Fun.
Þessa daga mun Todd ásamt Guðmundi Viðarssyni og Hinrik Carl Ellertssyni bjóða
upp á veislumáltíðir að hætti íbúa New Orleans, sem enginn matgæðingur má láta
fram hjá sér fara.
R A U Ð A R Á R S T Í G 3 7
S Í M I 5 6 2 6 7 6 6
W W W . R A U D A R A . I S– ástríðufullur veitingastaður með fersku yfirbragði
Meistarakokkur frá New Orleans leikur listir sínar dagana 28. feb. - 9. mars
New Orleans matseðill / Menu
Forréttur / First Course:
Louisana „Gumbó“ með krabbakjöti
Crab “Gumbo“ Louisana style
Fiskréttur / Second Course:
Humar- og kjúklingacanaloni með tómat og aspas
Lobster and chicken canaloni with tómató and aspargus
Aðalréttur / Main Course:
Lamb á tvo vegu, grillaður hryggur og brasserað
framfille með kartöflumauki
Lamb prepared two ways with whipped potatos
Eftirréttur / Dessert:
Djúpsteiktur brauðbúðingur að hætti New Orleans
með súkkulaðisúpu og vanilluís
New Orleans Breadpudding with chocalatesoup
and vanilla ice cream
Todd Pulsenelli, gestakokkur
frá New Orleans
New Orleans dagar
„Það er stórviðburður í sögu blúss-
ins á Íslandi að fá þennan mann
hingað,“ segir Halldór Bragason,
skipuleggjandi Blúshátíðar Reykja-
víkur, um Magic Slim sem hefur
verið tilnefndur til þrennra Blues
Music-verðlauna. Hann er tilnefnd-
ur sem blúsmaður ársins, fyrir
bestu plötuna og fyrir hljómsveit
sína, The Teardrops. Verðlaunin
verða afhent í Bandaríkjunum í 29.
sinn í maí.
Slim er ein af lifandi goðsögnum
Chicagoblússins og hefur marga
fjöruna sopið í bransanum. „Hann
er algjört sjarmatröll. Það að hann
skuli hafa verið tilnefndur sýnir
hvað menn bera mikla virðingu
fyrir þessum manni,“ segir Halldór.
Á meðal annarra sem koma fram
á blúshátíðinni er hljómsveitin The
Yardbirds, sem gat af sér gítarsnill-
ingana Eric Clapton, Jeff Beck og
Jimmy Page, blúsdívan Deitra Farr,
Bláir skuggar og norska sveitin
Jolly Jumper & Big Moe og The
Nordic All Stars Blues Band sem
kemur fram í fyrsta sinn. Er hún
skipuð úrvali norrænna blúsmanna.
Í tilefni af fimm ára afmæli hátíð-
arinnar koma einnig fram allir heið-
ursfélagar Blúsfélags Reykjavíkur
frá upphafi, Magnús Eiríksson,
Björgvin Gíslason, Andrea Gylfa-
dóttir og KK. Miðasala á hátíðina,
sem fer fram 18. til 21. mars, er í
fullum gangi á midi.is og á blues.is.
Stórviðburður í sögu blússins
MAGIC SLIM Blúsarinn Magic Slim er á
leiðinni til Íslands í næsta mánuði.