Fréttablaðið - 29.02.2008, Blaðsíða 78
46 29. febrúar 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
HVAÐ VAR ÉG AÐ SPÁ?
LÁRÉTT
2. vanþóknun 6. samtök 8. langar 9.
margsinnis 11. 2000 12. kvenvargur
14. heppni 16. sjó 17. málmur 18.
svelgur 20. grískur bókstafur 21. heiti.
LÓÐRÉTT
1. land í asíu 3. tveir eins 4. gufuskip
5. angan 7. færa úr fötum10. efni 13.
gerast 15. einsöngur 16. taug 19. frá.
LAUSN
LÁRÉTT: 2. svei, 6. aa, 8. vil, 9. oft,
11. mm, 12. skass, 14. lukka, 16. sæ,
17. eir, 18. iða, 20. pí, 21. nafn.
LÓÐRÉTT: 1. laos, 3. vv, 4. eimskip, 5.
ilm, 7. afklæða, 10. tau, 13. ske, 15.
aría, 16. sin, 19. af.
„Við lentum mun neðar en við
áttum skilið.“
Jón Kjell Seljeseth, höfundur Þá veistu
svarið, sem lenti í 13. sæti í Eurovision
1993.
„Sagði ég það? Sýnin á þetta hefur nú
breyst svolítið með árunum. En þetta
voru vonbrigði á þessum tíma, því þá
fóru allir héðan út til þess að vinna.
Það hófst með Gleðibankanum og tók
dágóðan tíma að rjátlast af fólki,“ segir
Jón Kjell nú.
„Þetta er ágætis náungi, ég mátti
auðvitað ekki taka myndir en mér
skilst að Þráinn tæknimaður hafi
gert það,“ segir Hermann Gunn-
arsson, einn örfárra í heiminum
sem hafa séð Hr. Lordi án allra
tækja og tóla. Finnska Eurovision-
hetjan er mætt til landsins og
verður viðstödd frumsýningu
kvikmyndarinnar Dark Floors í
kvöld.
Rokkhetjan er samkvæmt heim-
ildum Fréttablaðsins þó engu
minni rokkari en skrímslið sjálft
og er til að mynda klæddur í for-
látan Kiss-jakka með sítt og mikið
hár og töluvert skegg. Finninn
kom hingað ásamt aðstoðarfólki
sínu enda lætur hann ekki sjá sig
opinberlega án þess að vera í bún-
ingi. Og þarf einhvern mannskap
til að breyta honum í þetta
skrímsli. Lordi borðar þó eins
og annað fólk og skellti sér
meðal annars á Þrjá frakka og
hélt vart vatni yfir hvalnum
þar. Hann brá sér síðan í
Bláa lónið á eftir og slakaði
vel á fyrir átökin.
Samkvæmt heimildum
Fréttablaðsins ætlar
finnska skrímslið síðan
að gera allt brjálað í
miðborg Reykjavíkur
og skemmta sér með
höfuðborgarbúum
langt fram á nótt. Og
verður að sjálfsögðu
í búningnum, allan
tímann. - fgg
Hemmi Gunn hitti Herra Lordi
Nýir eigendur skemmtistaðarins Barsins, Elmar
Guðmundsson og Páll Gunnar Ragnarsson, létu það
verða sitt fyrsta verk að rífa umdeilt reykherbergi
sem fyrrverandi eigendur staðarins, þeir Baldvin
Samúelsson og Ragnar Magnússon, létu reisa.
Elmar og Páll tóku við staðnum í síðustu viku og
hyggjast koma honum í gott horf en ætla þó ekki að
loka á meðan. Elmar sagði að fundin yrði einhver
lausn á reykvanda ölþyrstra gesta staðarins sem allir
gætu sætt sig við. „Þetta herbergi hentar einfaldlega
ekki þeim hugsjónum sem við höfum um framtíð
staðarins,“ segir Elmar. „Við ætlum okkur að finna
einhverja aðra lausn á þessum vanda í góðu sam-
starfi við borgina og yfirvöld.“
Töluverður styr stóð um reykherbergið fyrr á
þessu ári sem endaði meðal annars með því að nokkr-
ir staðir leyfðu reykingar í almennum rýmum. Í kjöl-
farið brá Guðlaugur Þór Þórðarson heilbrigðisráð-
herra á það ráð að gagnrýna reykherbergið sem er í
Alþingishúsinu og sagði þá fáránlegt að þingið væri
með sitt eigið reykherbergi. „Einhvern veginn finnst
mér að löggjafarsamkoman verði að ganga á undan
með góðu fordæmi,“ sagði Guðlaugur. Samkvæmt
upplýsingum frá Alþingishúsinu verður reykher-
berginu lokað 1. júní og varð Barinn því á undan
sjálfu löggjafarvaldinu. - fgg
Reykherbergi Barsins rifið
HORFIÐ Hið umdeilda reykherbergi á Barnum er horfið og
kemur aldrei aftur að sögn nýrra eigenda. FRÉTTABLAÐIÐ/VALLI
MÆTTUR Herra Lordi
lætur ekki sjá sig opin-
berlega án þess að vera í
búningi og hyggst kíkja
á næturlífið í Reykjavík í
fullri múnderingu.
HITTI GOÐIÐ Hemmi
Gunn hitti söngvar-
ann úr Eurovision-
bandinu Lordi
á förnum vegi
í gær. Vel fór
á með þeim
félögum.
Þórhallur Gunnarsson og félagar
í Efstaleiti hafa væntanlega opnað
kamapavínsflösku af gleði þegar ný
áhorfsmæling Capacent birtist
í gær. Samkvæmt henni
ber RÚV höfuð og herðar
yfir aðrar sjónvarpsstöðvar
landsins. Nítján af tuttugu
vinsælustu þáttum landsins
eru á dagskrá Ríkissjón-
varpsins og þar ber hæst
að tæp áttatíu prósent
þjóðarinnar horfðu á Eurobandið
vinna lokaþátt Laugardagslagamar-
aþonsins sem Ragnhildur Steinunn
Jónsdóttir stýrði.
En Stöðvar 2-menn gátu þó huggað
sig við eina staðreynd. Og hún er sú
að Bandið hans Bubba er smám
saman að klifra upp vinsældalistann. Í
síðustu mælingum komst rokk-
kóngurinn ekki einu sinni inn
á topp þrjátíu en hefur sótt
í sig veðrið og er nú annar
vinsælasti þáttur Stöðvar 2,
er í 21. sæti á heildarlist-
anum. Áhorf á bæði
Ísland í dag og fréttir
Stöðvar 2 hefur dalað
frá síðustu mæling-
um. Þau Svanhildur Hólm, ritstjóri
Íslands í dag, og Steingrímur Sævarr,
fréttastjóri Stöðvar 2, þurfa að hrista
rækilega upp í hlutunum ef dagskrár-
liðirnir tveir eiga ekki að detta út af
topp þrjátíu.
Meira af Bubba Morthens. Hann
vann sem kunnugt er mál gegn Eiríki
Jónssyni og tímaritinu Hér og nú um
árið og fékk fyrirsögnina „Bubbi fall-
inn“ dæmda dauða og ómerka. Bubbi
og Eiríkur höfðu litla ástæðu til að
umgangast mikið í framhaldi af þessu
máli, en þeir rákust þó á hvor annan í
matvörubúð á dögunum. Eiríkur mun
hafa leikið við hvern sinn fingur og
reynt að kynna Kónginum
kosti döðlubrauðs. Bubbi
mun hafa haldið kúlinu
og ekki labbað út með
döðlubrauð. - fgg/glh
FRÉTTIR AF FÓLKI
Inga Birna Dungal ætlar að
krefja tímaritið Séð & heyrt um
greiðslur fyrir birtingu mynda
af vinkonu sinni, Birgittu Ingu
Birgisdóttur, og bandaríska leik-
stjóranum Quentin Tarantino.
Myndirnar birtust í 2. tölublaði
blaðsins í janúar síðastliðnum og
mun Vilhjálmur H. Vilhjálmsson
héraðsdómslögmaður hafa tekið
málið að sér. Hann staðfesti það
í samtali við Fréttablaðið.
Inga Birna segir tímaritið hafa
stolið myndunum af læstu mynd-
svæði hennar á netinu. Og hún
segir að sér hafi brugðið í brún
þegar hún sá myndirnar á for-
síðu blaðsins undir fyrirsögninni
„Í sleik á Nasa“. „Ég hafði ekki
hugmynd um þetta. Ég hafði
heyrt af því að það væri einhver
kona að selja myndir á netinu en
vissi ekki að þetta væru mínar
myndir,“ segir Inga sem ætlar
ekkert að gefa eftir í baráttunni
við glanstímaritið. „Það eru aug-
ljóslega mínar myndir sem selja
þetta umrædda blað.“
Loftur Atli Eiríksson, annar
ritstjóri Séð & heyrt, segir blað-
ið hafa fengið myndirnar sendar
frá vinkonu Ingu, Birgittu Ingu.
Hann sagðist ekki trúa því að
eitthvert mál yrði gert úr þessu.
„Við stálum þeim ekki, hún sendi
okkur þetta sjálf.“
Birgitta Inga Birgisdóttir
sagðist í samtali við Fréttablaðið
vissulega hafa sent Séð & heyrt
einhverja mynd. Þær hafi hins
vegar aldrei birst í blaðinu held-
ur hafi aðrar myndir af læstu
vefsvæði Ingu verið teknar
ófrjálsri hendi og birtar á for-
síðu blaðsins. Birgitta var einnig
afar ósátt með framsetningu
fréttarinnar og fyrirsögnina „Í
sleik á Nasa“. „Nei, við vorum
ekkert í sleik og þetta skapaði
mikla spennu á heimili mínu
enda á ég kærasta. Hann þurfti
að útskýra fyrir allri sinni fjöl-
skyldu hvert málið væri,“ segir
Birgitta.
Athygli vakti að aðeins viku
seinna birti Séð & heyrt frétt um
að breska götublaðið News of
the World hefði sýnt myndunum
áhuga. Loftur Atli segir að ekk-
ert hafi orðið úr sölu á myndun-
um og því hafi Birgitta og Taran-
tino ekki birst á síðum þess
blaðs. Samkvæmt heimildum
Fréttablaðsins mun lögmaður
Ingu ætla að senda greiðslukröfu
til tímaritsins en koma verður í
ljós hvort málið rati alla leið
fyrir dómstóla.
freyrgigja@frettabladid.is
BIRGITTA INGA: ÓSÁTT VIÐ FRÉTTINA „Í SLEIK Á NASA“
Saka Séð & heyrt um þjófn-
að á Tarantino-myndum
ÓSÁTTAR Þær Birgitta Inga (til vinstri) og Inga Birna eru ósáttar með Séð & heyrt og
segja blaðið hafa stolið myndum af læstri vefsíðu. Því neitar ritstjóri blaðsins.
VEISTU SVARIÐ?
Svör við spurningum á bls. 8.
1 Þórir Guðmundsson.
2 Hrafn Bragason.
3 José Manuel Barroso.