Fréttablaðið - 01.03.2008, Blaðsíða 33
F
í
t
o
n
/
S
Í
A
F
I
0
2
5
2
3
9
LAUGARDAGUR 1. mars 2008 33
G
uðmundur Þórður Guðmundsson var kynntur sem
nýr þjálfari karlalandsliðs Íslands í handbolta
fyrr í vikunni og skrifaði hann undir skammtíma-
samning við
HSÍ sem nær
fram yfir Ólympíuleikana í
Peking í haust. Hans bíður
krefjandi verkefni með
landsliðið á þessum stutta
tíma. Annars vegar er það
erfiður fjögurra liða riðill
þar sem íslenska landsliðið
leikur gegn Póllandi,
Svíþjóð og Argentínu í
undankeppni Ólympíuleik-
anna í lok maí í Póllandi en
tvö efstu lið riðilsins
komast á Ólympíuleikana í
Peking. Hins vegar liggja
svo fyrir tveir úrslitaleikir
gegn Makedóníu í byrjun
júní um laust sæti á
Heimsmeistaramótinu í
Króatíu í byrjun næsta árs.
Það eru í raun áskoranir
sem þessar sem lýsa
Guðmundi hve best.
Handknattleiksforysta
Íslands var búin að lenda í
erfiðleikum með að finna
nýjan þjálfara til þess að
taka erfitt verkefni að sér
og leitaði til Guðmundar og
það var annaðhvort að
hrökkva eða stökkva og
hann valdi að stökkva.
Kemur þar jafnframt fram
fórnfýsi og einlægur áhugi
hans og stuðningur við
íslenskan handknattleik.
Sumir vilja reyndar meina
að HSÍ hafi verið að leita
langt yfir skammt í
þjálfaraleit sinni og að
Guðmundur hafi í raun
alltaf átt að vera augljós
fyrsti kostur sem næsti
landsliðsþjálfari þegar
Alfreð Gíslason hætti.
Guðmundur náði einum
besta árangri sem íslenska
karlalandsliðið hefur náð
þegar hann stýrði liðinu til
fjórða sætis á Evrópumót-
inu í Svíþjóð árið 2002.
Guðmundur var mikill
keppnismaður sem leik-
maður og það dró ekkert úr
því þegar hann hélt áfram í
handboltanum sem þjálfari.
Hann gerir því jafnan
miklar kröfur til sjálfs sín
og annarra í kringum sig
og það getur eflaust verið
bæði kostur og ókostur. Í
þjálfun ku hann ná einstak-
lega vel til leikmanna sinna
og aðstoðarmanna sem
læra það fljótt að hann er
sigurvegari og þegar hann
keppir þá þolir hann illa að
tapa. Raunar hatar hann að
tapa og er keppnismaður í
einu og öllu. Keppnisskapið
einskorðast því ekki bara
við íþróttir og Guðmundur
er sagður nálgast lang-
flesta hluti sem einhvers
konar keppni eða markmið.
Hann leggur sig alltaf
100% fram í öllu því sem
hann tekur sér fyrir
hendur og fer í öll verk-
efni, hvort sem um ræðir
íþróttir, nám eða vinnu, til
þess að ná hámarksárangri
hverju sinni. Hann þykir til
að mynda afbragðsgóður
námsmaður og er sagður
mjög drífandi og hjálpsam-
ur á vinnustað sínum þar
sem áðurnefnt keppnisskap hans fær að njóta sín til hins
ítrasta og kæruleysi fær ekkkert plás í hans orðabók.
Einhverjir vildu meina að hann væri allt að því nískur og
mikill peningamaður en aðrir fullyrtu að það ætti alls ekki
við rök að styðjast þar sem hann væri í raun mjög aðhalds-
samur maður sem færi í
raun rólega í flesta hluti og
færi enn fremur vel með
þá, hvort sem um peninga,
áfengi eða annað væri að
ræða. Fyrir vikið hættir
fólki til þess að telja hann
alvörugefinn og hann kann
að vera það upp að vissu
marki við fólk sem hann
þekkir ekki. Hann er að því
leyti formfastur og hleypir
ekki öllum að sér og heldur
ákveðinni framkomu og
hegðun við að hans mati
tilheyrandi tilefni. Vinir
hans þekkja hann aftur á
móti sem gríðarlegan
húmorista og einstaklega
hressan mann. Hann er
skemmtilegur í hóp og nær
sér vel á strik innan um
vini sína og er þá afslapp-
aður. Guðmundur er enn
fremur ekki hörundsár og
kann vel að taka gríni frá
vinum sínum sem hafa átt
það til að skjóta á hann, þá
helst vegna þess hve
lágvaxinn hann er. Guð-
mundur hefur reyndar mátt
þola það í gegnum tíðina að
menn setji út á hæð hans og
hefur aldrei látið það á sig
fá og sýnt það og sannað að
hann tvíeflist þegar á móti
blæs og hefur reyndar
heldur ekki verið smeykur
að svara fyrir sig. Guð-
mundur hefur einnig fengið
háðsglósur frá félögum
sínum vegna klæðaburðar
síns. En út frá tískulegum
sjónarhóli er Guðmundur
mikill gallabuxnamaður og
menn sem þekkja hann vel
muna ekki eftir honum í
öðru. Vinir hans þykjast
jafnframt vita að honum
líði illa að þurfa að klæðast
öðruvísi buxum á núver-
andi vinnustað sínum hjá
Kaupþingi. Guðmundur
hefur alltaf verið mikill
útivistarmaður og náttúru-
unnandi og hefur einstak-
lega gaman af því að leggja
land undir fót og fara í
veiðiferðir í góðum
félagsskap. Þar má reyndar
segja að sameinist einnig
tvö einskær áhugamál hjá
Guðmundi en það eru
jeppar og fluguhnýting.
Hann ku alltaf hafa lagt
mikla áherslu á að eiga
jeppa og alltaf heimtað að
keyra þegar félagarnir
lögðu land undir fót.
Guðmundur mun reyndar
enn lengur hafa verið
áhugamaður um fluguhnýt-
ingar og þykir sú iðn eiga
einstaklega vel við hann
þar sem eiginleikar eins og
þolinmæði og nákvæmni
eru undirstöðuatriði.
Guðmundi leiðist heldur
ekki að veiða á eigin flugur
og þá helst ná að landa
þeim stærsta og afla manna
mest í sérhverri veiðiferð.
Það verður óneitanlega
fróðlegt að fylgjast með því
hvernig Guðmundi vegnar í
komandi verkefnum með
íslenska landsliðið og
vonandi að hann nái að nota
sína bestu eiginleika til þess að ná frábærum árangri með
liðið eins og hann hefur áður gert.
MAÐUR VIKUNNAR
GUÐMUNDUR ÞÓRÐUR GUÐMUNDSSON
ÆVIÁGRIP
Guðmundur Þórður Guðmundsson er fæddur 23. desember árið 1960 í
Reykjavík og er sonur Guðmundar L. Þ. Guðmundssonar húsgagnasmiðs og
Guðrúnar Þórðardóttur húsmóður. Guðmundur ólst upp í Reykjavík og gekk
í Breiðagerðisskóla og Réttarholtsskóla áður en hann fór í Menntaskólann
við Sund.
Guðmundur er í sambúð með Fjólu Ósland Hermannsdóttur og saman
eiga þau þriggja mánaða stúlku sem er enn óskírð en Guðmundur á fyrir
þrjá drengi, þá Hermann, Guðmund Lúðvík og Arnar Gunnar.
Guðmundur vinnur nú sem kerfisfræðingur hjá Kaupþingi og er að ljúka
meistaranámi í alþjóðlegri bankastarfsemi og fjármálum frá Bifröst.
Guðmundur hóf að leika handbolta með meistaraflokki Víkings árið 1979,
þar sem hann lék allan sinn feril, en var fyrst valinn í íslenska landsliðið árið
1980. Guðmundur lék 231 leik og skoraði 354 mörk á glæstum tíu ára ferli
með liðinu sem lauk árið 1990. Guðmundur var þá strax farinn að huga að
þjálfun og byrjaði sem spilandi þjálfari Víkings árið 1989. Guðmundur hefur
verið viðloðandi þjálfun síðan þá og þjálfað Aftureldingu, Fram í tvígang og
þýska liðið Dormagen.
Guðmundur hóf að þjálfa íslenska landsliðið árið 2001 og til ársins 2004.
Guðmundur var svo aðstoðarmaður Alfreðs Gíslasonar á árunum 2006-2007
og hann er því nú að starfa í þriðja skipti með landsliðinu eftir að hafa verið
ráðinn landsliðsþjálfari á ný fyrir skömmu.
VANN SÉR TIL FRÆGÐAR
Guðmundur var gríðarlega sigursæll með Víkingi sem leikmaður og varð sex
sinnum Íslandsmeistari og fimm sinnum bikarmeistari með liðinu. Guð-
mundur náði einstökum árangri sem fyrirliði liðsins á árunum 1983-1987
þegar hann lyfti Íslandsmeistarabikar eða bikarmeistarabikar fimm ár í röð
og þar af vann liðið tvöfalt árið 1986. Guðmundur varð svo Íslandsmeistari
sem þjálfari Fram árið 2006.
VISSIR ÞÚ AÐ...
Guðmundur þykir afbragðsgóð eftirherma og á það til að taka óaðfinnanleg-
an Ragnar Reykás þegar vel liggur á honum.
Keppnismaður í einu og öllu