Fréttablaðið - 01.03.2008, Blaðsíða 84
60 1. mars 2008 LAUGARDAGUR
menning@frettabladid.is
Skemmtilegir tónleikar fara fram í Þorgeirs -
kirkju í dag og í Laugarborg í Eyjafjarðarsveit á
morgun. Þar koma fram þeir Hjörleifur Valsson
fiðluleikari og Tatu Kantomaa harmóníkuleik-
ari og leika lauflétta en um leið blóðheita og
safaríka efnisskrá.
Hjörleifur Valsson lauk einleikaraprófi frá
tónlistarháskólanum í Ósló árið 1993, þar
sem aðalkennari hans var Eivind Aadland, en
hlaut þá styrk frá tékkneska ríkinu til náms við
Prag-konservatoríið. Þar nam hann fiðluleik
og kammertónlist í þrjú ár auk þess að leika
með ýmsum kammerhópum og hljómsveit-
um þar í borg. Hjörleifur hefur komið fram á
fjölda tónleika víða um Evrópu og starfað með
tónlistarmönnum á borð við Mstislav Rostrop-
ovitsj, Shlomo Mintz, Gilles Apap svo einhverjir
séu nefndir. Hjörleifur hefur samið, útsett og
leikið tónlist fyrir leikhús og margoft tekið þátt
í upptökum fyrir útvarp, sjónvarp, kvikmyndir
og hljómplötuútgáfur. Hjörleifur er mjög virkur
í íslensku tónlistarlífi og kemur víða við sem
fiðluleikari auk þess að kenna fiðluleik við
tónlistarskóla Hafnarfjarðar. Hann leikur á fiðlu
smíðaða af Antonio Stradivari frá árinu 1732,
sem er í eigu Ingunnar G. Wernersdóttur.
Tatu Kantomaa hefur leikið á harmóníku
frá unga aldri. Hann nam fyrst hjá Veikko
Ahvenainen en síðar hjá Viktor Kouzovlew
sem kenndi við tónlistarskólanum í Jyvä-
skylä. Tatu hefur haldið fjölda tónleika víða
um heim frá ellefu ára aldri, meðal annars í
Bandaríkjunum, Finnlandi, Japan, þýskalandi,
Austurríki, Ítalíu, Svíþjóð, Noregi og á Íslandi.
Hann hefur auk þess komið fram í útvarpi og
sjónvarpi í mörgum löndum, spilað í leikhúsi
og gefið út nokkra geisladiska. Tatu hefur búið
á Íslandi með hléum frá 1996 þar sem hann
hefur bæði kennt og spilað á harmóníku. Tatu
hefur þar að auki leikið með Caput-hópnum
og með hljómsveitunum Rússíbönum og
Tangósveit lýðveldisins.
Tónleikarnir hefjast kl. 15 báða dagana og er
miðaverð 2.000 kr.
Safarík efnisskrá fiðlu og nikku
Vert er að benda á
athyglisverða myndlistar-
sýningu sem var opnuð
nýlega á Café Cultura,
Hverfisgötu 18. Á
sýningunni má líta
olíumálverk eftir
listamanninn Vojkan
Granicarski sem hefur
verið búsettur á Íslandi
síðan árið 2000. Vojkan er
fæddur árið 1975 í Vrsac
í Serbíu. Hann er
kvæntur og á eina dóttur.
Myndirnar eru gerðar
á sama tíma og listamaðurinn var að aðlagast lífi í íslensku samfélagi.
Myndirnar fjalla því öðrum þræði um nýtt umhverfi og aðlögun að
nýjum aðstæðum. Vojkan hefur frá unga aldri haft mikinn áhuga á
myndlist og tók á árum áður þátt í samkeppnum fyrir unga listamenn í
Serbíu og vann til margra verðlauna. Síðan hann flutti til Íslands hefur
hann haldið áfram að leggja stund á myndlist og meðal annars stundað
nám við Myndlistarskólann í Reykjavík hjá Hilmari Guðjónssyni.
Það er ekki á hverjum degi sem listræn sýn nýrra Íslendinga ber
fyrir augu og því er ástæða til að hvetja áhugasama um að láta
sýninguna ekki framhjá sér fara. - vþ
Málverk Vojkans
CAFÉ CULTURA Myndlist í Alþjóðahúsinu.
Kl. 14
Nemendur Tónlistarskólans í
Reykjavík halda tónleika í
Norræna húsinu í dag kl. 14. Á
efnisskránni eru verk eftir Mozart,
Haydn, Salieri og Beethoven
meðal annarra og því ættu
aðdáendur þessara tónskálda ekki
að láta tónleikana framhjá sér
fara. Aðgangur að tónleikunum er
ókeypis og öllum opinn.
Tvær áhugaverðar ljós-
myndasýningar voru
opnaðar um síðustu helgi
í Gerðarsafni í Kópavogi.
Annars vegar árleg sýning
Blaðaljósmyndarafélags Ís-
lands og hins vegar sýning
Páls Stefánssonar sem ber
nafnið XXV X2.
Nokkuð hefur borið á umfjöllun um
sýningu Blaðaljósmyndarafélags-
ins í fjölmiðlum og skyldi engan
undra, enda er þar á ferðinni
skemmtileg sýning sem inniheldur
listfengar ljósmyndir af mörgum
þeim atburðum og manneskjum
sem voru efst á baugi á liðnu ári.
Sýning Páls er ekki síður áhuga-
verð, en á henni gefur að líta
myndir sem Páll hefur tekið undan-
farna tólf mánuði.
„Ég er lítið gefinn fyrir að líta til
baka og því kom fátt annað til greina
þegar ég var beðinn um að setja hér
upp sýningu en að sýna nýjustu
myndirnar mínar. Því miður á ég
engar myndir af morgundeginum,
annars hefði ég líkast til viljað sýna
þær,“ segir Páll og hlær.
Páll tekur myndir fyrir tímarit
Icelandair, Atlantica og myndir af
heimsminjum fyrir UNESCO. Það
gefur því auga leið að hann ferðast
töluvert í tengslum við starf sitt og
hefur því tækifæri til að mynda
framandi landslag og menningar-
heima. En er ekkert erfitt að ferð-
ast svona mikið?
„Ég hef verið alveg laus við flug-
þreytu og því taka þessi ferðalög
ekkert á mig. Á síðasta ári ferðað-
ist ég meðal annars til Kína, Kam-
erún, Kópaskers, Kænugarðs og
Malí, svo einhverjir staðir séu
nefndir. Það er alltaf jafn gaman að
koma á nýja staði og fá tækifæri til
að festa ný viðfangsefni á filmu.“
Myndir frá Afríkulöndum eru
nokkuð áberandi á sýningu Páls.
Hann segir góða og gilda ástæðu
fyrir því. „Ég er með Afríku á heil-
anum. Fólkið þar er svo glaðvært
og glatt og laust við tilgerð og því
er einstaklega gaman að mynda
það. Á Vesturlöndum er gjarnan
dregin upp afar neikvæð mynd af
Afríku; okkur er bara sýnd hungurs-
neyð, stríð og volæði. Mig langar
til þess að sýna aðra og jákvæðari
hlið á álfunni með myndunum
mínum.“
Páll hefur ekki enn gengið staf-
rænu byltingunni algerlega á hönd
og kýs heldur að taka myndir á
filmu. „Mér finnst filman einfald-
lega betri. Stafrænar myndavélar
eru fínar þegar maður er að taka
myndir fyrir dagblöð og slíkt, en ef
mann langar til að geta stækkað
myndirnar mikið upp til að gera
bækur og sýningar er varla hægt
að líkja þessu tvennu saman hvað
gæði varðar,“ segir Páll að lokum.
vigdis@frettabladid.is
Með Afríku á heilanum
VIÐ STÆRSTU LEIRBYGGINGU Í HEIMI Í MALÍ Vísanir í íslenskar íþróttahetjur birtast greinilega á ólíklegustu stöðum.
MYND/PÁLL STEFÁNSSON
Bryddað verður upp á þeirri
nýbreytni á Þjóðminjasafni
Íslands á morgun að bjóða sér-
staka barnaleiðsögn um grunnsýn-
ingu safnsins kl. 15. Það verður
Helga Einarsdóttir safnfræðslu-
fulltrúi sem annast leiðsögnina og
mun hún fræða börnin um 1200
ára sögu þjóðarinnar. Ferðalagið
hefst í skipi landnámsmanna á 9.
öld en útlínur þess má sjá á gólf-
inu þegar gengið er inn á grunn-
sýningu safnsins.
Meðal annars sem verður skoð-
að er 800 ára gamall skór, dular-
fullur álfapottur, Valþjófsstaða-
hurðin, beinagrindur, hringabrynja
og galdramunir. Helga mun ræða
við börnin um það sem þau sjá en
ýmsar spurningar vakna frammi
fyrir gripum úr fortíðinni. Á Þjóð-
minjasafninu eru til dæmis alls
konar spennandi sverð, axir og
spjót sem eru um þúsund ára
gömul. En hvers vegna þurftu
landnámsmennirnir að hafa svona
mikið af vopnum?
Börnin fá líka að hlusta á frá-
sögn barns úr fortíðinni en í Þjóð-
minjasafninu er hægt að ná „síma-
sambandi“ við lítinn landnámsstrák
og fleiri skemmtilega krakka.
Safnfræðsla Þjóðminjasafnsins
stendur fyrir öflugu barnastarfi
og er ýmislegt í boði fyrir börn á
safninu. Stefnt er að því að auka
framboðið enn frekar og er barna-
leiðsögnin á sunnudaginn liður í
því.
Börn eru alltaf velkomin í Þjóð-
minjasafnið, það verður skemmti-
legt á sunnudaginn og fjölskyldu-
fólk er hvatt til fjölmenna.
- vþ
Börnin frædd um
þjóðlegan arf
BÖRNIN FRÆÐAST Allir aldurshópar skemmta sér vel á Þjóðminjasafninu.
TATU KANTOMAA Harmóníkuleikari með meiru.