Fréttablaðið - 02.03.2008, Blaðsíða 67
sport 35
80 sekúndur voru liðnar af leiknum og við fengum hornspyrnu. Ég skokkaði fram völlinn og tók mér stöðu á fjærstönginni eins og ég er vanur.
Boltinn barst á mitt svæði og ég reyndi að ná til hans með
því að renna mér í átt að Brian McClair og Denis Irwin. Ég
náði að snerta boltann fyrstur en það var þá sem öskrin
byrjuðu.“
Þannig lýsir hinn fertugi David Busst atvikinu sem átti
sér stað í leik Coventry og Manchester United í ensku
úrvalsdeildinni fyrir tæpum tólf árum og átti eftir að
binda enda á feril hans sem knattspyrnumaður. Daninn
Peter Schmeichel í marki Man. Utd varð sá fyrsti sem sá
fótinn á Busst eftir samstuðið. Hann kastaði boltanum
umsvifalaust af velli og átti skömmu síðar eftir að kasta
upp fyrir aftan mark sitt. Schmeichel þurfti aukinheldur á
áfallahjálp að halda eftir leikinn, en síðar lét hann hafa
eftir sér að hann hefði fengið martraðir um þá sýn sem
blasti við honum á vellinum og smellinn sem heyrðist
þegar fótur Busst brotnaði.
ÓBÆRILEGUR SÁRSAUKI
Fótbrot Busst var svokallað opið beinbrot og fóru sköflung-
urinn og sperrileggurinn beinlínis í tvennt. Fóturinn á
Busst sneri níutíu gráður í gagnstæða átt þegar læknar
Coventry komu að honum, liggjandi í blóði sínu og hrópandi
stjórnlausum angistarópum. Gera þurfti fimmtán mínútna
hlé á leiknum meðan hugað var að hryllilegum meiðslum
Busst og vallarstarfsmenn Old Trafford mokuðu sandi yfir
blóðpollinn sem myndast hafði í vítateig Schmeichel.
„Ég man að ég sá áhorfendur klappa og kalla til mín í
samúðarskyni en ég heyrði ekkert í þeim fyrir öskrunum í
sjálfum mér. Sársaukinn var óbærilegur. Ég vissi að
eitthvað mjög alvarlegt var að og fannst eins og það
vantaði hluta á líkamann á mér,“ sagði Busst í nýlegu
viðtali þegar hann rifjaði upp meiðslin.
Busst missti aldrei meðvitund á þeim níutíu mínútum
sem liðu frá því að brotið átti sér stað þar til hann fór í sína
fyrstu aðgerð. Á Hope-sjúkrahúsinu í Manchester var það
bæklunarskurðlæknirinn Raymond Ross sem tók á móti
Busst. Hann fékk það hlutverk að koma fætinum í sína
„náttúrulegu“ stöðu áður en hann var settur í spelku. Talið
er að Busst sé einn af örfáum sem hafi upplifað slíkar
raunir með fullri meðvitund og án nokkurrar deyfingar og
verkjalyfja. Þessi skjótu og hárréttu viðbrögð Ross við
brotinu urðu til þess að ekki þurfti að fjarlægja fótinn af
Busst. „Ég var heppinn. Tíu árum áður var ekki til sú
þekking sem þurfti til að bjarga fætinum á mér og þá hefði
líklega þurft að fjarlægja hann,“ segir Busst.
SÝKING OLLI MESTUM SKAÐA
Busst dvaldi á sjúkrahúsi næstu tvo mánuði og gekkst
undir nokkrar aðgerðir í hverri viku. Þar sem um var að
ræða opið beinbrot var í raun gat í fæti Busst sem skapar
mikla hættu á sýkingu. Hann missti þó aldrei trúna og
sagði öllum þeim sem heimsóttu hann á sjúkrahúsið,
meðal annars Schmeichel, David Beckham, Ryan Giggs,
Eric Cantona og Alex Ferguson hjá Man. Utd, að hann
ætti eftir að mæta þeim aftur á vellinum. Svo varð hins
vegar ekki. Hann fékk svokallaða MRSA-sýkingu í fótinn
sem olli miklu meiri skaða en beinbrotið sjálft gerði.
„Við brotið má segja að vöðvinn í fætinum á mér hafi
hreinlega sprungið. Sýkingin komst í vöðvann og þeir
urðu að skera hluta af honum burt í fimmtándu aðgerð-
inni. Brotið greri fullkomlega en ég hafði ekki nægilega
mikla vöðva til að geta spilað aftur,“ segir Busst. Alls
gekkst Busst undir 26 aðgerðir á fætinum og í dag finnur
hann lítið fyrir meiðslunum. Hann spilar fótbolta í einni
af „eldri-manna“ deildum Englands og starfar sem
þjálfari hjá akademíu Coventry. „Ég var vissulega
niðurbrotinn að heyra, þá 29 ára gamall, að ferillinn væri
búinn. En hvað á maður að gera? Það er annað hvort að
kvarta og kveina og leggjast í þunglyndi eða halda áfram
að gera það besta úr því sem lífið hefur upp á að bjóða. Ég
valdi síðari kostinn.“
VERSTU MEIÐSLI ÍÞRÓTTASÖGUNNAR
Hér sést aðdragandinn að broti David Busst og á
minni myndinni sjást fyrstu viðbrögð leikmanna
á vellinum. Brian McClair og Denis Irwin reyndu
að ná til boltans en klemmdu Busst á milli sín,
algjörlega óviljandi. Dion Dublin, fyrirliði Cov-
entry, er í áfalli og leikmenn Man. Utd kalla eftir
aðstoð lækna. Útlitið á fæti Busst eftir samstuðið
er svo hryllilegt að ekki er við hæfi að sýna það í
blaðinu.
David Busst segist aðspurður
ekki hafa getað horft á tækl-
ingu Martin Taylor á Eduardo
Da Silva í leik Birmingham
og Arsenal um síðustu helgi.
Hann var á leið til vinar síns
í þeim tilgangi að horfa á
leikinn en var seinn fyrir.
„Eduardo var nýfarinn af velli
þegar ég kom og ég vissi að
meiðslin væru ljót þegar tækl-
ingin var ekki endursýnd. Í
markaþætti um kvöldið var
atvikið síðan endursýnt.
Þegar ég sá Taylor koma
aðvífandi með fótinn á undan
sér varð ég að líta undan. Ég
gat ekki horft á brotið,” sagði
Busst.
David Busst er borinn af leikvelli á Old Trafford hinn 8. apríl 1996 eftir að hafa orðið fyrir þeim meiðslum sem gjarnan eru nefnd þau verstu í íþróttasögunni. Busst gekkst
undir 26 aðgerðir eftir skelfilegt opið beinbrot þar sem sköflungurinn og sperrileggurinn fóru bókstaflega í sundur. Frá þeim tíma sem brotið varð og þar til hann fór í sína
fyrstu aðgerð missti Busst aldrei meðvitund. SPORT/GETTY IMAGES
Mikið hefur verið rætt og skrifað um hryllilegt fótbrot Eduardo Da Silva, leikmanni Arsenal, síðustu daga. Meiðsli
Eduardo eru þó langt frá því að jafnast á við þau sem David Busst, fyrrverandi leikmaður Coventry, varð fyrir í leik
gegn Manchester United hinn 8. apríl 1996. Busst gekkst undir 26 aðgerðir eftir slysið og þurfti markvörðurinn
Peter Schmeichel á áfallahjálp að halda eftir að hafa horft upp á brotið. Meiðsli Busst hafa gjarnan verið nefnd þau
verstu í íþróttasögunni. EFTIR VIGNI GUÐJÓNSSON
David Busst
Fæddur: 30. júní 1967
í Birmingham, Englandi
Hæð: 1,85 metrar
Staða: Varnarmaður
Busst spilaði 57
leiki á ferli sínum
fyrir Coventry og
skoraði í þeim 5
mörk.
Góðgerðarleikur til styrktar
Busst fór fram í maí 1997
þar sem Coventry og
Manchester United áttust
við. Uppselt var á leikinn og
var Busst hylltur af áhorf-
endum í leikslok.
______________________
„David Busst var kannski ekki
hæfileikaríkast knattspyrnu-
maður í heiminum en enginn
hafði stærra hjarta en hann.”
Gordon Strachan, fyrrum
liðsfélagi Busst hjá Coventry.
Gat ekki horft á tæklingu Taylors
„Sársaukinn var óbærilegur. Ég vissi að
eitthvað mjög alvarlegt var að og fannst
eins og það vantaði hluta á líkamann á mér.”
Peter Schmeichel var bugaður eftir að
hafa horft upp á fótbrotið. Hann kastaði
upp eftir að hafa séð ástandið á fæti
Busst og þurfti á áfallahjálp að halda
eftir leikinn. SPORT/GETTY IMAGES