Fréttablaðið - 02.03.2008, Blaðsíða 68
36 sport
Stjarna hins 18 ára gamla norður-írska kylfi ngs
Rory McIlroy hefur risið hratt á undanförnum
misserum og hefur hann meðal annars verið
stimplaður sem evrópska útgáfan af Tiger
Woods. Ýmsir sérfræðingar halda því fram
að Rory standi framar en Tiger þegar hann
var á sama aldri og benda einfaldlega á
árangur á mótum máli sínu til stuðnings.
EFTIR VIGNI GUÐJÓNSSON
Birgir Leifur Hafþórsson hefur mikla trú á Rory.
HINN EVRÓPSKI TIGER WOODS
Þegar Rory var 15 ára veðjaði faðir hans, Gerry McIlroy, 400 pundum á að sonur sinn myndi vinna stórmót í golfi áður en
hann yrði 25 ára. Líkurnar sem hann fékk voru
býsna góðar, 400 á móti einum, sem þýðir að
Gerry fær 160 þúsund pund í vasann, rétt um
20 milljónir íslenskra króna, fari svo að Rory
beri sigur úr býtum á stórmóti fyrir árið 2015.
Á þessum tíma hlógu bresku veðbankarnir
að gamla manninum og litu svo á að þeir hefðu
fengið gefins þessi 400 pund. Í dag horfir málið
öðruvísi við. Líkurnar sem hægt er að fá í sam-
bærilegu veðmáli eru á bilinu 20-40 á móti
einum, í allra besta falli. Þetta breytta viðhorf
veðbanka er til marks um þá trú sem Norður-
Írar hafa á sínum manni.
BRILLERAÐI Á OPNA BRESKA
Rory vakti fyrst heimsathygli á Opna breska
meistaramótinu síðasta sumar. Þar sló hann í
gegn strax á fyrsta degi þegar hann lék á þrem-
ur höggum undir pari og var í þriðja sæti eftir
daginn. Rory var aukinheldur eini keppandinn
á mótinu sem hlaut ekki skolla þennan fyrsta
dag. Skyndilega var þessi norðurírski ungling-
ur á allra vörum – hver er þessi táningur sem
gefur þeim bestu ekkert eftir á stærsta golf-
móti ársins?
„Þessi dagur markar upphafið að þeirri
athygli sem ég hef fengið síðustu vikur og mán-
uði. Það var aldrei starað á mig úti á götu fyrr
en eftir þennan dag,“ segir Rory sjálfur. Scott
Verplank, sem spilaði með honum á fjórða og
síðasta keppnisdeginum, komst skemmtilega
að orði þegar hann var beðinn um að lýsa hæfi-
leikum Rory. „Hann er eins 18 ára gamall, lítur
út eins og 14 ára táningur en spilar eins og 28
ára gamall atvinnumaður. Ég hef aldrei séð
neitt þessu líkt,“ sagði Verplank.
Heldur dró úr kraftinum í spilamennsku
Rory eftir því sem leið á mótið en hann fékk þó
silfurskjöldinn sem eini áhugamaðurinn sem
komst í gegnum niðurskurðinn. Rory lauk
keppni á samtals 5 höggum yfir pari og notaði
12 höggum meira en sigurvegarinn Padraig
Harrington.
TIGER ER FYRIRMYNDIN
Nokkrum vikum síðar var Rory orðinn atvinnu-
maður og á fyrsta mótinu sem slíkur, á breska
Masters-mótinu, hafnaði hann í 42. sæti. Á
Alfred Dunhill-meistaramótinu sem fram fór í
október á síðasta ári hafnaði Rory í þriðja sæti
– á sínu öðru móti sem atvinnukylfingur. Fyrir
þennan árangur hlaut Rory rúmar 20 milljónir
króna í verðlaunafé. Til samanburðar má nefna
að Tiger Woods hlaut „aðeins“ 2,6 milljónir
króna í verðlaunafé á sínum tveimur fyrstu
mótum.
En þrátt fyrir að Rory standi Tiger jafnvel
framar þegar árangur er skoðaður í saman-
burði við aldur er bandaríska stórstjarnan
samt sem áður helsta fyrirmynd hins unga
Rory.
„Hann virðist ekki getað stigið röngum fæti
niður, í hverju sem hann gerir. Sveiflan er full-
komin, púttin eru nánast alltaf örugg og svo
eru flestir aðrir þættir, eins og samskipti við
fjölmiðla, nánast óaðfinnanleg. Hver vill ekki
vera eins og Tiger?“ segir Rory.
Fyrir tíma Tiger Woods var það þó Íslands-
vinurinn Nick Faldo sem Rory hofði allra mest
upp til. „Ég hitti hann fyrst þegar ég var 12 ára
og ég gat ekki komið upp einu einasta orði, svo
stressaður var ég. Ég hef ekki tölu á hversu oft
ég hef horft á kennslumyndböndin hans,“ segir
Rory.
FALDO ER MESTI AÐDÁANDINN
Faldo sá fyrst til Rory þegar hann var á tán-
ingsaldri og varð hreinlega agndofa yfir því
sem fyrir augu bar. Hann hafði það mikla trú á
hæfileikum Rory að hann lét hann fá símanúm-
erið sitt, með þeim skilaboðum að hann mætti
hringja í sig hvenær sem er. „Ég hringdi nokkr-
um sinnum í hann þegar ég var að glíma við
einhver vandamál og hann hjálpaði mér mikið.
Hann sendir mér ennþá alltaf SMS-skilaboð
eftir mót þar sem hann óskar mér til hamingju
með góðan árangur.“
Og í dag hefur dæmið snúist við – Faldo er
orðinn helsti aðdáandi Rory. „Það er einstakt
hvað hann nær að láta golf líta út fyrir að vera
einfalda íþrótt. Hann spilar af fádæma öryggi
og allt sem hann gerir virðist vera svo áreynslu-
laust. Og þrátt fyrir að vera svona ungur hræð-
ist hann ekki neitt. Það gerir hann einstakan,“
segir Faldo.
Heimild: GolfWorld og fl.
RORY MCILROY
RORY MCILROY
Fæddur: 4. maí 1989 í Holy-
wood, Norður-Írlandi
Hæð: 180 sentimetrar
Þyngd: 73 kíló
FERILLINN
3 ára: Slær í fyrsta sinn yfir
50 metra langt högg
4 ára: Horfir í fyrsta sinn á
golfmót í sjónvarpi (Royal
St. George mótið)
11 ára: Fer fyrsta heila
hringinn á pari
13 ára: Nær forgjöfinni
niður í 0
15 ára: Spilar í fyrsta sinn á
atvinnumannamóti, breska
Masters-mótinu 2005
16 ára: Setur vallarmet
á Royal Portrush-vellin-
um, einum þeim erfiðasta
á Bretlandseyjum sam-
kvæmt ýmsum bókum um
golfvelli, með því að spila
á 61 höggi. Verður yngsti
sigurvegari Meistaramóts
Vestur-Írlands frá upphafi.
17 ára: Sigrar á Opna evr-
ópska meistaramóti áhuga-
manna.
18 ára: Kemst í efsta sætið
á heimslista áhugamanna.
Er eini áhugamaðurinn
sem kemst í gegnum niður-
skurðinn á Opna breska.
Gerist atvinnumaður og
hafnar í þriðja sæti á sínu
öðru móti. Tryggir sér þar
með þátttökurétt á evr-
ópsku mótaröðinni í ár.
GETUR ORÐIÐ ÓTRÚLEGA GÓÐUR
Atvinnukylfingurinn Birgir Leifur
Hafþórsson spilar líkt og Rory McIlroy
á evrópsku mótaröðinni en hefur
þó ekki orðið þess heiðurs
aðnjótandi að spila með honum.
„En ég hef fylgst svolítið með
honum á æfingasvæðinu og
það er alveg ljóst að hann er
gríðarlega efnilegur. Tæknilega er
hann eiginlega fullmótaður, sem
er ótrúlegt miðað við að hann er
18 ára gamall.”
Birgir Leifur segir allt þurfa að
ganga upp hjá Rory ætli hann sér
að standa jafnfætis Tiger Woods
í nánustu framtíð. „Ég held að
það sé alveg möguleiki að hann
komist á stall með Tiger, en það
mun ráðast á þessum fyrstu þremur árum
hans sem atvinnumaður. Það verður allt að
ganga upp hjá honum því það mun rífa upp
sjálfstraust hans og hafa gríðarleg áhrif
á andlega þáttinn,” útskýrir Birgir Leifur
og ítrekar að það sé einmitt þessi andlegi
þáttur sem geri Tiger einstakan. „Það
verður fróðlegt að sjá hvernig Rory tekst
á við alla athyglina sem hann mun fá í ár,”
bætir hann við.
Birgir Leifur segir Rory hafa persónuleik-
ann til að ná mjög langt. „Mér sýnist hann
vera indælis strákur og með báða fætur
á jörðinni. Eins og allir aðrir kylfingar
getur hann bætt sig endalaust andlega og
líkamlega og ef hann gerir það verður hann
ótrúlega góður. Ég vona allavega innilega
að hann nái langt og stríði Tiger.”
„...fyrst á visir.is“
...ég sá það á visir.is