Fréttablaðið - 02.03.2008, Blaðsíða 80
24 2. mars 2008 SUNNUDAGUR
sport@fretta-
F
í
t
o
n
/
S
Í
A
Gjafabréf frá Expressferðum
–slær í gegn hjá fermingarbarninu!
Fótbolta-
ferðir
Golfferðir
Formúluferðir
Tónleikaferðir
...og margt,
margt fleira!
Kíktu á úrvalið á
expressferdir.is og
hafðu svo samband
í síma 5 900 100
Auglýsingasími
– Mest lesið
HANDBOLTI Stjarnan sigraði Fylki
25-20 í bráðskemmtilegum úrslita-
leik Eimskipsbikars kvenna í
Laugardalshöll í gær en Íslands-
meistarar Stjörnunnar skoruðu
fjögur síðustu mörk leiksins.
Það var góð stemning í Laugar-
dalshöll og rafmagnað andrúms-
loft og leikmenn liðanna þurftu
aðeins að ná áttum fyrstu mínút-
urnar. Stjarnan varð fyrir áfalli
strax á 3. mínútu þegar Arna
Gunnarsdóttir meiddist og þurfti
að fara út af en leikmenn liðanna
seldu sig dýrt og það var virkilega
hart tekist á, enda mikið í húfi.
Leikurinn var ekki mjög hraður
framan af og hvorugt liðið að
keyra hraðaupphlaup en Stjörnu-
liðið virtist þó vera komið með
ágætis tök á leiknum þegar líða
tók á fyrri hálfleik. Þegar tuttugu
mínútur voru liðnar af leiknum
var staðan 7-10 fyrir Stjörnuna og
þar var Alina Petrache í miklu
stuði og var þá komin með sjö
mörk. Munurinn hélst á liðunum á
síðustu tíu mínútunum, staðan var
9-12 í hálfleik og Stjörnunni gekk
illa að hrista baráttuglatt lið Fylkis
af sér.
Fylkisstúlkur komu tvíefldar til
síðari hálfleiks og náðu að snúa
leiknum sér í vil með frábærri
spilamennsku. Á rétt rúmum tíu
mínútum náði Fylkir að skora sex
mörk á móti einu marki Stjörn-
unnar og staðan því skyndilega
orðin 15-13 fyrir Fylki. Munaði
þar mest um frábæra tilburði
Sunnu Maríu Einarsdóttir í sókn-
inni og hinnar gamalreyndu Jel-
enu Jovanovic sem varði eins og
berserkur í markinu. Þegar tæpar
tíu mínútur voru eftir af leiknum
var staðan jöfn 19-19 og spennan í
hámarki. Í stöðunni 20-21 þegar
þjár mínútur voru eftir skoraði
Stjarnan svo fjögur síðustu mörk
leiksins og lokatölur því 20-25.
Hetja dagsins hjá Stjörnunni
var klárlega Alina Petrache og
hún var himinlifandi í leikslok.
„Ég er mjög ánægð með sigur-
inn og við gáfumst aldrei upp. Ég
gat varla sofið kvöldið fyrir leik-
inn þar sem ég hlakkaði svo til að
spila og þó svo að ég hafi verið
alveg búin á því og mjög þreytt
hélt ég áfram og það er frábær til-
finning að vinna svona leik,“ sagði
Alina kát í leikslok.
Guðríður Guðjónsdóttir, þjálf-
ari Fylkis, var afar stolt af sínu
liði í leikslok þrátt fyrir tapið.
„Ég er náttúrlega mjög hreykin
af stelpunum mínum og þær sýndu
svo sannarlega úr hverju þær eru
gerðar,“ sagði Guðríður í leikslok
og markvörðurinn Jelena Jovan-
ovic tók í sama streng.
„Það er sannarlega heiður fyrir
mig og hina tvo eldri leikmenn
liðsins að fá að spila með þessum
efnilegu stelpum og framtíðin er
björt hjá Fylki,“ sagði Jelena.
omar@frettabladid.is
Petrache hetja Stjörnunnar
Stjarnan sigraði Fylki 25-20 í úrslitaleik Eimskipsbikars kvenna í gær þar sem
stórskyttan Alina Petrache skoraði fjórtán mörk fyrir Stjörnuna. Leikurinn var
mun jafnari en lokatölurnar gefa til kynna og Fylkisliðið kom virkilega á óvart.
SIGURHRINGURINN Á efri myndinni eru það Stjörnustúlkurnar Rakel Dögg Braga-
dóttir og Elísabet Gunnarsdóttir sem fara fremstar í flokki með sigurlaunin. Á neðri
myndinni er það skyttan Alina Petrache sem skoraði grimmt í gær. FRÉTTABLAÐIÐ/DANÍEL
> Logi og Einar eldheitir í Þýskalandi
Landsliðsmaðurinn litríki Logi Geirsson fór á kostum
með Lemgo í þýsku úrvalsdeildinni í handbolta í
gær. Lemgo landaði þá 28-33 útisigri gegn Einari Erni
Jónssyni og félögum í Minden, staðan var 13-17, en
Logi gerði sér lítið fyrir og skoraði ellefu mörk og þar af
voru tvö mörk úr víti. Einar Örn átti
einnig frábæran leik fyrir Minden
og skoraði átta mörk. Lemgo er
í sjöunda sæti deildarinnar með
28 stig, sæti á eftir Íslendingaliðinu
Gummersbach sem er með 31 stig,
en Minden er sem stendur í næst-
neðsta sæti deildarinnar með 11 stig.
Kiel er á toppnum með 40 stig.
FÓTBOLTI Manchester United
og Chelsea unnu góða útisigra
og söxuðu á forskot Arsenal
sem náði aðeins jafntefli.
Það leit allt út fyrir að
Aston Villa næði óvænt-
um sigri á Emirates-
leikvanginum í gær.
Philippe Senderos,
varnarmaður Arsen-
al, varð fyrir því
óláni að skora sjálfs-
mark í fyrri hálfleik
og jöfnunarmark Arsenal kom
ekki fyrr en í uppbótartíma
þegar varamaðurinn Nick-
las Bendtner skoraði af
stuttu færi og bjargaði
einu stigi, sem þýðir að
Arsenal er enn í topp-
sæti deildarinnar.
Englandsmeistarar
Man. Utd gerðu góða ferð
á Craven Cottage og sigr-
uðu Fulham auðveldlega
0-3. Owen Hargreaves
kom United yfir með
marki úr aukaspyrnu
á 15. mínútu og Ji-
Sung Park bætti við öðru marki
fyrir United í lok fyrri hálfleiks.
Simon Davies innsigldi sigur
United með sjálfsmarki þegar
tæpar tuttugu mínútur voru til
leiksloka og þar við sat og United
er nú aðeins stigi á eftir Arsenal í
deildinni.
Chelsea hélt sér á floti í titil-
kapphlaupinu með því að rass-
skella nágranna sína í West Ham
0-4 á Upton Park-leikvanginum.
Segja má að leikurinn hafi verið
afgreiddur á fimm mínútna kafla
í fyrri hálfleik þegar gestirnir
skoruðu þrjú mörk. - óþ
Manchester United minnkaði forskot Arsenal í eitt stig í toppbaráttunni í gær:
Bendtner bjargaði Arsenal
BJARGVÆTTUR Nicklas Bendtner
jafnaði fyrir Arsenal í blálokin.
NORDIC PHOTOS/GETTY
Aðalsteinn Eyjólfsson, þjálfari Stjörnunnar, var afar ánægður með
sigur stúlknanna sinna í gær.
„Þetta var bara hörkuleikur sem hafði allt upp á að
bjóða, góða umgjörð, stemningu áhorfenda, spennu
og baráttu og sem betur fer enduðum við með gullið,“
sagði Aðalsteinn og kvað taktíska breytingu á
lokakafla leiksins hafa skipt sköpum.
„Við tókum leikhlé og fórum yfir málin
og ákváðum að breyta vörninni úr 5-1 niður
í 6-0 vörn. Við vorum búin að lenda í
vandræðum með hve Fylkisstúlkurnar
náðu að halda boltanum lengi og með
þessari varnartilfærslu fengum við aðeins
meiri hraða í leikinn á síðustu sjö til átta
mínútunum og það vann okkur í vil,“ sagði
Aðalsteinn og Rakel Dögg Bragadóttir, fyrirliði
Stjörnunnar, tók undir með honum.
„Þegar við breyttum vörninni náðum við
að þvinga þær til þess að taka skot úr erfiðari
stöðum. Við vissum að Florentina Stanciu myndi taka þau skot
en við kláruðum leikinn ekkert fyrr en á lokamínútunum,“
sagði Rakel Dögg en notaði tækifærið til þess að hrósa hinu
unga og efnilega liði Fylkis.
„Fylkisstúlkur stóðu sig virkilega vel og þær eiga
hrós skilið fyrir frammistöðu sína í leiknum. Leikur-
inn var nákvæmlega eins og bikarúrslitaleikir eiga
að vera með spennuna og baráttuna og ég er bara
mjög ánægð með að við náðum að klára leikinn,“
sagði Rakel, sem kvað Stjörnuliðið nú geta farið að
einbeita sér að toppbaráttunni í N1-deildinni.
„Við tökum núna bara einn leik fyrir í einu og
það er í raun allt saman eins og bikarúrslitaleikir
sem eftir eru í deildinni. Við þurfum að klára
hvern leik til að halda pressunni á Framstúlkur,
sem hafa staðið sig frábærlega í vetur. Þær
vita samt að við erum rétt á eftir þeim og þær
mega ekki misstíga sig,“ sagði Rakel Dögg að
lokum.
AÐALSTEINN EYJÓLFSSON OG RAKEL DÖGG BRAGADÓTTIR: URÐU BIKARMEISTARAR MEÐ STJÖRNUNNI Í GÆR
Nákvæmlega eins og úrslitaleikir eiga að vera